ಅಬ್ಬಬ್ಬಾ...! ನೀವು ವರ್ಕ್ ಫ್ರಂ ಹೋಂ ಮಾಡ್ತಿದ್ದೀರಾ? ಹಾಗಾದ್ರೆ ಈ ಸುದ್ದಿ ನಿಮಗಾಗಿ!
ಕೊರೋನಾದಿಂದಾಗಿ ಕಳೆದ ವರ್ಷ ಜನರು ಲಾಕ್‌ಡೌನ್ ಎದುರಿಸಬೇಕಾಯ್ತು. ಹಲವಾರು ತಿಂಗಳು ವಿಶ್ವದ ಅನೇಕ ರಾಷ್ಟ್ರಗಳು ಸಂಪೂರ್ಣವಾಗಿ ಬಂದ್ ಆದವು. ಜನರು ಮನೆಯಲ್ಲಿ ಕೈದಿಗಳಂತೆ ಬದುಕಿದರು. ಕೇವಲ ಅಗತ್ಯ ಕೆಲಸವಿದ್ದರಷ್ಟೇ ಮನೆಯಿಂದ ಹೊರ ಹೋಗಲು ಅನುಮತಿ ಇತ್ತು. ಆದರೆ ಕೆಲ ಸಮಯದ ಬಳಿಕ ಈ ಲಾಕ್‌ಡೌನ್ ತೆರವುಗೊಳಿಸಲಾಯ್ತು ಹಾಗೂ ಜನರು ಹೊರಗೆ ಹೋಗಲಾರಂಭಿಸಿದರು. 2021 ರ ಆರಂಭದಲ್ಲಿ ಲಸಿಕೆ ಬಂತು ಹಾಗೂ ಸದ್ಯ ಲಸಿಕೆ ಅಭಿಯಾನದಡಿ ಜನರು ಲಸಿಕೆ ಪಡೆಯುತ್ತಿದ್ದಾರೆ. ಹೀಗಿರುವಾಗಲೇ ಸದ್ಯ ಮತ್ತೊಮ್ಮೆ ಅದರಲ್ಲೂ ವಿಶೇಷವಾಗಿ ಭಾರತದಲ್ಲಿ ಮತ್ತೆ ಕೊರೋನಾ ಪ್ರಕರಣಗಳು ಹೆಚ್ಚಾಗಲಾರಂಭಿಸಿದರು. ಹೀಗಿರುವಾಗ ಮತ್ತೆ ಲಾಕ್‌ಡೌನ್ ಹೇರುವ ಮಾತುಗಳು ಜೋರಾಗಿವೆ. ಆದರೆ ಈ ಲಾಕ್‌ಡೌನ್ ಸಂದರ್ಭದಲ್ಲಿ ವಿಶ್ವಾದ್ಯಂತ ಜನರು ಎದುರಿಸಿದ ಮತ್ತೊಂದು ಪ್ರಮುಖ ಸಮಸ್ಯೆ ಎಂದರೆ ಸ್ಥೂಲಕಾಯ. ಮನೆಯಲ್ಲೇ ಇದ್ದ ಪರಿಣಾಮ ಜನರು ಬಲು ಬೇಗ ದಪ್ಪಗಾದರು. ಹೀಗಿರುವಾಗ ಅಮೆರಿಕದ ಸಂಸ್ಥೆಯೊಂದು ಈ ಬಗ್ಗೆ ಅಧ್ಯಯನ ನಡೆಸಿದ್ದು, ಪ್ರತಿ ಹತ್ತು ದಿನಕ್ಕೊಮ್ಮೆ ಜನರ ತೂಕ ಹೆಚ್ಚಾಗುತ್ತಿದೆ ಎಂಬ ವಿಚಾರ ಕಂಡುಕೊಂಡಿದೆ. ಮುಂದಿನ ದಿನಗಳಲ್ಲಿ ಇದರ ಪರಿಣಾಮ ಕಾಣಿಸಿಕೊಳ್ಳಲಿದೆ ಎಂದೂ ತಿಳಿಸಿದ್ದಾರೆ.
)
FollowJAMA (Journal of the American Medical Association) ನಡೆಸಿದ ಅಧ್ಯಯನದಲ್ಲಿ ಪ್ರತಿಯೊಬ್ಬ ವ್ಯಕ್ತಿ ಹತ್ತು ದಿನದಲ್ಲಿ ಒಂದು ಪೌಂಡ್‌ ಅಂದರೆ ಸುಮಾರು 45 ಗ್ರಾಂ ತೂಕ ಹೆಚ್ಚಾಗುತ್ತಿದ್ದಾರೆ. ಈ ಅಧ್ಯಯನವನ್ನು ಯೂನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾದ ಅಧ್ಯಯನಕಾರರು ನಡೆಸಿದ್ದಾರೆ.
)
ಅಮೆರಿಕದಲ್ಲಿ ಜಿಮ್ ಬಂದ್ ಆದ ಬಳಿಕ ಜನರಲ್ಲಿ ಸ್ಥೂಲಕಾಯದ ಸಮಸ್ಯೆ ಹೆಚ್ಚಾಗಿದೆ. ದೈಹಿಕ ವ್ಯಾಯಾಮ ಕಡಿಮೆಯಾದ ಪರಿಣಾಮ ಹೀಗಾಗಿದೆ. ವರ್ಕ್ ಫ್ರಂ ಹೋಂ ಆರಂಭವಾದಾಗಿನಿಂದ ಜನರು ತಾಸುಗಟ್ಟಲೇ ಕೆಸಲ ಮಾಡಲಾರಮಭಿಸಿದರು ಹಾಗೂ ಹೊರ ಹೋಗಲಾಗದೆ ಅವರ ತೂಕ ಹೆಚ್ಚಾಗಿದೆ.
ಅಮೆರಿಕಾದ ಆರೋಗ್ಯ ತಜ್ಞರ ಅನ್ವಯ ಸದ್ಯ ಮಾರುಕಟ್ಟೆಗೆ ಕೊರೋನಾ ಲಸಿಕೆ ಬಂದಿದೆ. ಹೀಗಿದ್ದರೂ ಅನೇಕ ಮಂದಿ ಇದರಿಂದ ದೂರ ಉಳಿದಿದ್ದಾರೆ. ಹೀಗಾಗಿ ಈಗಲೂ ಅಸಡ್ಡೆ ತೋರುವುದು ಸರಿಯಲ್ಲ. ತೂಕ ಇಳಿಸಿಕೊಳ್ಳಲು ಜನರು ಪಾರ್ಕ್‌ಗಳಲ್ಲಿ ವ್ಯಾಯಾಮ ಮಾಡಬೇಕಾಗುತ್ತದೆ. ಯಾಕೆಂದರೆ ಜಿಮ್ನಲ್ಲಿ ಕೊರೋನಾ ಹರಡುವ ಸಾಧ್ಯತೆ ಹೆಚ್ಚಿದೆ.
ಅಮೆರಿಕದ ಆರೋಗ್ಯ ತಜ್ಞರು ಜಿಮ್‌ಗೆ ತೆರಳುವವರಿಗೆ ಮೂರು ವಿಚಾರಗಳ ಬಗ್ಗೆ ಹೆಚ್ಚಿನ ಗಮನ ಹರಿಸಲು ಸೂಚಿಸಿದ್ದಾರೆ. ಮೊದಲನೆಯದ್ದು, ನಿಮ್ಮ ಮನಸ್ಸಿನ ಜೊತೆ ದೇಹಕ್ಕೂ ಕೆಲಸ ಕೊಡಿ. ಮಧ್ಯವಯಸ್ಕ ವ್ಯಕ್ತಿಯೊಬ್ಬನಿಗೆ ಪ್ರತಿವಾರ ಕನಿಷ್ಟವೆಂದರೂ 150 ನಿಮಿಷಗಳ ವ್ಯಾಯಾಮ ಬೇಕಾಗುತ್ತದೆ. ದೈಹಿಕ ವ್ಯಾಯಾಮದಿಂದ ದೇಹ ಫಿಟ್‌ ಆಗಿರುವುದರೊಂದಿಗೆ ಮನಸ್ಸಿಗೆ ಶಾಂತಿ ಸಿಗುತ್ತದೆ. ಮಾನಸಿಕ ಒತ್ತಡಕ್ಕೊಳಗಾದಾಗ ವ್ಯಾಯಾಆಮ ಮಾಡಿದರೆ ಮನಸ್ಸು ಶಾಂತವಾಗುತ್ತದೆ ಎಂಬುವುದೇ ಇದಕ್ಕೆ ಸೂಕ್ತ ಉದಾಹರಣೆ.
ಎರಡನೆಯದ್ದು: ಜಿಮ್ ಮಾರ್ಗಸೂಚಿ ಪಾಲಿಸಿ: ಒಂದುವೇಳೆ ನೀವು ಜಿಮ್‌ಗೆ ತೆರಳುತ್ತೀರೆಂದಾದರೆ ನೀವು ಜಿಮ್‌ನ ಸೇಫ್ಟಿ ಗೈಡ್‌ಲೈನ್ಸ್‌ ಪಾಲಿಸುವುದು ಅಗತ್ಯ. ಮಾಸ್ಕ್ ಕಡೆಗಣಿಸಬೇಡಿ. ಜೊತೆಗೆ ಜಿಮ್‌ನಲ್ಲಿರುವ ವಸ್ತುಗಳನ್ನು ಬಳಸುವ ಮುನ್ನ ಹಾಗೂ ಬಳಸಿದ ಬಳಿಕ ತಪ್ಪದೇ ಸ್ವಚ್ಛಗೊಳಿಸಿ. ಸಾಧ್ಯವಾದಷ್ಟು ಹೆಚ್ಚು ಸಾಮಾಜಿಕ ಅಂತರ ಕಾಪಾಡಿಕೊಳ್ಳಿ.
ಮೂರನೆಯದ್ದು: ಮಾಸ್ಕ್ ಅತೀ ಅಗತ್ಯ: ಅನೇಕ ಮಂದಿ ಜಿಮ್‌ಗೆ ತೆರಳಿದ ಬಳಿಕ ಮಾಸ್ಕ್ ತೆಗೆದಿರಿಸುತ್ತಾರೆ. ಆದರೆ ನೀವು ಯಾವುದೇ ದೈಹಿಕ ವ್ಯಾಆಯಾಮ ಮಾಡಿದರೂ ಮಾಸ್ಕ್ ತಪ್ಪದೇ ಬಳಸಿ. ಇದರಿಂದ ನೀವೂ ಸುರಕ್ಷಿತವಾಗಿಎಉತ್ತೀರಿ, ಹಾಗೂ ಇತರರೂ ಸುರಕ್ಷಿತವಾಗಿರುತ್ತಾರೆ.
