FIFA Team Of The Tournament: ಫಿಫಾ ವಿಶ್ವಕಪ್‌ ಇಲೆವೆನ್‌ ಪ್ರಕಟ: ಹ್ಯಾರಿ ಕೇನ್‌, ಯಮಾಲ್‌ ಔಟ್‌!

ಫಿಫಾ, ವಿಶ್ವಕಪ್ ಟೂರ್ನಿಯ ಅತ್ಯುತ್ತಮ ತಂಡವನ್ನು ಪ್ರಕಟಿಸಿದೆ. ಸ್ಪೇನ್ ಮತ್ತು ಫ್ರಾನ್ಸ್‌ನಿಂದ ತಲಾ ಮೂವರು ಆಟಗಾರರು ಹಾಗೂ ಅರ್ಜೆಂಟೀನಾದಿಂದ ಇಬ್ಬರು ಆಟಗಾರರು ಈ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಫಿಫಾ ವಿಶ್ವಕಪ್‌ ಟೀಂ ಆಫ್‌ ದಿ ಟೂರ್ನಮೆಂಟ್‌ನಲ್ಲಿ ಯಾರೆಲ್ಲಾ ಸ್ಥಾನ ಪಡೆದಿದ್ದಾರೆ ನೋಡೋಣ ಬನ್ನಿ.

Image Credit : Instagram

ಅಚ್ಚರಿಗಳೊಂದಿಗೆ ವಿಶ್ವಕಪ್ ಇಲೆವೆನ್

ವಿಶ್ವಕಪ್‌ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ 11 ಆಟಗಾರರನ್ನು ಸೇರಿಸಿ ಫಿಫಾ 'ಟೀಮ್ ಆಫ್ ದಿ ಟೂರ್ನಮೆಂಟ್' ಪ್ರಕಟಿಸಿದೆ. ಈ ತಂಡದಲ್ಲಿ ಹಲವು ಅಚ್ಚರಿಯ ಆಯ್ಕೆಗಳಿವೆ. ವಿಶ್ವ ಚಾಂಪಿಯನ್ ಸ್ಪೇನ್ ಮತ್ತು ಸೆಮಿಫೈನಲ್‌ನಲ್ಲಿ ಸೋತ ಫ್ರಾನ್ಸ್ ತಂಡಗಳಿಂದ ತಲಾ ಮೂವರು ಆಟಗಾರರು ಫಿಫಾ ವಿಶ್ವಕಪ್ ಇಲೆವೆನ್‌ನಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.

Image Credit : Getty

ಚಾಂಪಿಯನ್ನರ ತಂಡದಿಂದ 3 ಆಟಗಾರರು

ವಿಶ್ವ ಚಾಂಪಿಯನ್ ಸ್ಪೇನ್ ತಂಡದಿಂದ ಡಿಫೆಂಡರ್ ಮಾರ್ಕ್ ಕುಕುರೆಲ್ಲಾ, ನಾಯಕ ರೋಡ್ರಿ ಮತ್ತು ಡಿಫೆಂಡರ್ ಪೆಡ್ರೊ ಪೊರೊ ಅವರು ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

Image Credit : Getty

ಎಂಬಾಪೆಗೆ ಚಾನ್ಸ್‌

ಸೆಮಿಫೈನಲ್‌ನಲ್ಲಿ ಸ್ಪೇನ್ ವಿರುದ್ಧ ಸೋತ ಫ್ರಾನ್ಸ್ ತಂಡದಿಂದ ನಾಯಕ ಕಿಲಿಯನ್ ಎಂಬಾಪೆ, ಡಿಫೆಂಡರ್ ಡಯೋಟ್ ಉಪಮೆಕಾನೊ ಮತ್ತು 7 ಅಸಿಸ್ಟ್‌ಗಳೊಂದಿಗೆ ಮಿಂಚಿದ ಮೈಕಲ್ ಒಲಿಸೆ ತಂಡದಲ್ಲಿದ್ದಾರೆ.

ವಿಶ್ವಕಪ್ ರನ್ನರ್-ಅಪ್ ಆದ ಅರ್ಜೆಂಟೀನಾ ತಂಡದಿಂದ ಇಬ್ಬರು ಆಟಗಾರರು ಫಿಫಾ ವಿಶ್ವಕಪ್ ಇಲೆವೆನ್‌ನಲ್ಲಿ ಸ್ಥಾನ ಪಡೆದಿದ್ದಾರೆ. ನಾಯಕ ಲಿಯೋನೆಲ್ ಮೆಸ್ಸಿ ಮತ್ತು ಡಿಫೆಂಡರ್ ಲಿಸಾಂಡ್ರೊ ಮಾರ್ಟಿನೆಜ್ ಈ ತಂಡದಲ್ಲಿದ್ದಾರೆ.

Image Credit : Getty

ಅದ್ಭುತವಾಗಿ ಕೇಪ್ ವರ್ಡೆ ಆಟಗಾರ

ನಾಕೌಟ್‌ನಲ್ಲಿ ಅರ್ಜೆಂಟೀನಾ ವಿರುದ್ಧ ಸೋತರೂ, ಅದ್ಭುತ ಸೇವ್‌ಗಳಿಂದ ಗಮನಸೆಳೆದಿದ್ದ ಕೇಪ್ ವರ್ಡೆ ಗೋಲ್‌ಕೀಪರ್ ವೊಸಿನ್ಹಾ ತಂಡಕ್ಕೆ ಆಯ್ಕೆಯಾಗಿದ್ದು ದೊಡ್ಡ ಅಚ್ಚರಿ. ಸ್ಪೇನ್‌ನ ಗೋಲ್ಡನ್ ಗ್ಲೌ ವಿಜೇತ ಉನೈ ಸಿಮೋನ್ ಮತ್ತು ಫೈನಲ್‌ನಲ್ಲಿ 11 ಸೇವ್ ಮಾಡಿದ್ದ ಅರ್ಜೆಂಟೀನಾದ ಎಮಿ ಮಾರ್ಟಿನೆಜ್‌ರನ್ನು ಹಿಂದಿಕ್ಕಿ ವೊಸಿನ್ಹಾ ಆಯ್ಕೆಯಾಗಿದ್ದಾರೆ.

Image Credit : Getty

ಹ್ಯಾರಿ ಕೇನ್ ಔಟ್

ವಿಶ್ವಕಪ್‌ನಲ್ಲಿ 7 ಗೋಲು ಗಳಿಸಿ ಇಂಗ್ಲೆಂಡ್ ತಂಡವನ್ನು ಸೆಮಿಫೈನಲ್‌ಗೆ ಕೊಂಡೊಯ್ದ ನಾಯಕ ಹ್ಯಾರಿ ಕೇನ್‌ಗೆ ಫಿಫಾದ ವಿಶ್ವಕಪ್ ತಂಡದಲ್ಲಿ ಸ್ಥಾನ ಸಿಕ್ಕಿಲ್ಲ.

ಇನ್ನು ವಿಶ್ವಕಪ್‌ನಲ್ಲಿ ಏಳು ಗೋಲುಗಳೊಂದಿಗೆ ಮಿಂಚಿದ ಇಂಗ್ಲೆಂಡ್‌ನ ಜೂಡ್ ಬೆಲ್ಲಿಂಗ್‌ಹ್ಯಾಮ್, ವಿಶ್ವಕಪ್ ಇಲೆವೆನ್‌ನಲ್ಲಿ ಸ್ಥಾನ ಪಡೆದ ಏಕೈಕ ಇಂಗ್ಲಿಷ್ ಆಟಗಾರನಾಗಿದ್ದಾರೆ.

Image Credit : Getty

ಫಿಫಾ ವಿಶ್ವಕಪ್ 2026 - ಟೀಮ್ ಆಫ್ ದಿ ಟೂರ್ನಮೆಂಟ್

ಗೋಲ್‌ಕೀಪರ್: ವೊಸಿನ್ಹಾ (ಕೇಪ್ ವರ್ಡೆ), ಡಿಫೆಂಡರ್‌ಗಳು: ಮಾರ್ಕ್ ಕುಕುರೆಲ್ಲಾ (ಸ್ಪೇನ್), ಲಿಸಾಂಡ್ರೊ ಮಾರ್ಟಿನೆಜ್ (ಅರ್ಜೆಂಟೀನಾ), ಡಯೋಟ್ ಉಪಮೆಕಾನೊ (ಫ್ರಾನ್ಸ್), ಪೆಡ್ರೊ ಪೊರೊ (ಸ್ಪೇನ್). ಮಿಡ್‌ಫೀಲ್ಡರ್‌ಗಳು: ರೋಡ್ರಿ (ಸ್ಪೇನ್), ಜೂಡ್ ಬೆಲ್ಲಿಂಗ್‌ಹ್ಯಾಮ್ (ಇಂಗ್ಲೆಂಡ್), ಮೈಕಲ್ ಒಲಿಸೆ (ಫ್ರಾನ್ಸ್). ಫಾರ್ವರ್ಡ್‌ಗಳು: ಕೈಲಿಯನ್ ಎಂಬಾಪೆ (ಫ್ರಾನ್ಸ್), ಅರ್ಲಿಂಗ್ ಹಾಲೆಂಡ್ (ನಾರ್ವೆ), ಲಿಯೋನೆಲ್ ಮೆಸ್ಸಿ (ಅರ್ಜೆಂಟೀನಾ).