'ಸುಹಾಗ್ ರಾತ್ ಸ್ಪೆಷಲ್ ಪಾನ್' ಬೆಲೆ ₹1100; ಇದು ಅಂತಿಂಥ ಪಾನ್ ಅಲ್ಲ!

ಬನಾರಸ್ ನ ಪಾನ್ ಅಂಗಡಿಗಳಲ್ಲಿ ನೇತಾಜಿ ಪಾನ್ ಭಂಡಾರ್ (Netaji Pan Bhandar) ಅತ್ಯಂತ ಜನಪ್ರಿಯ ಪಾನ್ ಬ್ರಾಂಡ್ ಆಗಿದೆ. ಇದರ ಮಾಲೀಕ ವಿಕಾಸ್ ಚೌರಾಸಿಯಾ ಹೇಳುವಂತೆ, ಇವರ ಅಂಗಡಿಯಲ್ಲಿ ಅನೇಕ ರೀತಿಯ ಪಾನ್ ಗಳಿವೆ, ಆದರೆ ಮದುವೆಯ ಸೀಸನ್ ನಲ್ಲಿ ವಿಶೇಷ ಸುಹಾಗ್ರತ್ ಜೋಡಿ ಪಾನ್ ಗೆ ಸಾಕಷ್ಟು ಬೇಡಿಕೆ ಇದೆಯಂತೆ. 

ಬನಾರಸ್ (Banaras) ಹೆಸರು ಬಂದ ತಕ್ಷಣ ಬನಾರಸಿ ಪಾನ್ ನೆನಪಾಗುತ್ತದೆ. ಇಲ್ಲಿನ ಪಾನ್ ಬಗ್ಗೆ ಚರ್ಚೆ ರಾಜಮನೆತನದಿಂದ ಬಾಲಿವುಡ್ ವರೆಗೆ ಇದೆ. ಅಮಿತಾಭ್ ಬಚ್ಚನ್, ಶಾರುಖ್ ಖಾನ್, ಅನುಷ್ಕಾ ಶರ್ಮಾ ಸೇರಿದಂತೆ ಅನೇಕ ಬಾಲಿವುಡ್ ತಾರೆಯರು ಈ ಪಾನ್ ಸವಿದಿದ್ದಾರೆ. 

ಬನಾರಸ್ನ 133 ವರ್ಷ ಹಳೆಯ ಪಾನ್ ಅಂಗಡಿಯಾಗಿರುವ ಇಲ್ಲಿ ಮದುವೆಯ ಸೀಸನ್ ನಲ್ಲಿ (wedding season) ಬನಾರಸಿ ಪಾನ್ನೊಂದಿಗೆ ವಿಶೇಷ 'ಸುಹಾಗ್ರತ್ ಕಪಲ್ ಪಾನ್' ಸಹ ತಯಾರಿಸುತ್ತಾರಂತೆ. ಮದುವೆಯ ಸೀಸನ್ ನಲ್ಲಿ ಈ ಪಾನ್ ಗೆ ವಿಶೇಷ ಬೇಡಿಕೆ ಇದೆ. ಏನಿದು ಸುಹಾಗ್ ರಾತ್ ಪಾನ್? ಇದರ ವಿಶೇಷತೆ ಏನು ತಿಳಿಯೋಣ. 

ನೇತಾಜಿ ಪಾನ್ ಭಂಡಾರ್ (Netaji Pan Bhandar) ಮಾಲೀಕ ವಿಕಾಸ್ ಚೌರಾಸಿಯಾ ಹೇಳುವಂತೆ ಇವರ ಅಂಗಡಿಯಲ್ಲಿ ಸಾಕಷ್ಟು ವೈವಿಧ್ಯಮಯ ಪಾನ್ ಇದೆಯಂತೆ. ಆದರೆ ಮದುವೆಯ ಸೀಸನ್ ಗಳಲ್ಲಿ, ವಿಶೇಷ ಸುಹಾಗ್ರತ್ ಕಪಲ್ ಪಾನ್ ಗೆ ಸಾಕಷ್ಟು ಬೇಡಿಕೆ ಇದೆ. ಹೊಸದಾಗಿ ಮದುವೆಯಾದ ದಂಪತಿಗಳಿಗೆ. ಈ ಪಾನ್ ಅನ್ನು ವಿಶೇಷ ಕ್ರಮದಲ್ಲಿ ತಯಾರಿಸಲಾಗುತ್ತದೆಯಂತೆ. ಈ ಪಾನ್ ನ ಬೆಲೆ 1100 ರೂ., ಇದರಲ್ಲಿ ಗಂಡ ಮತ್ತು ಹೆಂಡತಿಗೆ ಎರಡು ಪಾನ್ ಗಳನ್ನು ತಯಾರಿಸಲಾಗುತ್ತದೆ.

40 ರೀತಿಯ ಮಸಾಲೆಗಳೊಂದಿಗೆ ತಯಾರಿಸಲಾಗುತ್ತದೆ: ಈ ಪಾನ್ ನ ಗುಣಮಟ್ಟದ ಬಗ್ಗೆ ಮಾತನಾಡುವುದಾದರೆ, ಇದನ್ನು ಕಟ್ಟಾ, ನಿಂಬೆ ಮತ್ತು 40 ಕ್ಕೂ ಹೆಚ್ಚು ರೀತಿಯ ಸಿಹಿ ಮಸಾಲೆಗಳೊಂದಿಗೆ ಮಗಹಿ ವೀಳ್ಯದೆಲೆಗೆ ಸೇರಿಸಲಾಗುತ್ತದೆ. ವಿವಿಧ ಬಣ್ಣದ ಚೆರ್ರಿಗಳು, ಗುಲ್ಕಂಡ್, ಕೇಸರಿಯ ಜೊತೆಗೆ, ಈ ಮಸಾಲೆಗಳಿಗೆ ಅನೇಕ ವಿಶೇಷ ವಸ್ತುಗಳನ್ನು ಸೇರಿಸಲಾಗುತ್ತದೆ. ಇದಲ್ಲದೆ, ಬೆಳ್ಳಿ ಮತ್ತು ಚಿನ್ನದ ಬಣ್ಣದ ಪದರವನ್ನು ಸಹ ಅದರ ಮೇಲೆ ಹಚ್ಚಲಾಗುತ್ತೆ. ಅದಕ್ಕಾಗಿತೇ ಇದರ ಬೆಲೆಯೂ ಜಾಸ್ತಿ, ಬೇಡಿಕೆಯೂ ಜಾಸ್ತಿ.

ಪಾನ್ ನಲ್ಲಿ ತುಂಬಾ ವೈವಿಧ್ಯತೆ ಇದೆ: ವಿಶೇಷ ಸುಹಾಗ್ರತ್ ಕಪಲ್ ಪಾನ್ ಹೊರತಾಗಿ, ಈ ಅಂಗಡಿಯು ಗಿರೌಲಿ ಕೇಸರಿ, ಪೈನ್ ಸೇಬು, ಶ್ರೀಗಂಧ, ಸ್ವೀಟ್ ಕ್ರೀಮ್, ಕಸ್ತೂರಿ ಸೇರಿದಂತೆ ಅನೇಕ ರೀತಿಯ ಪಾನ್ ಅನ್ನು ನೀಡುತ್ತದೆ. ಇವೆಲ್ಲವೂ ಭಾರಿ ಬೇಡಿಕೆಯ ಪಾನ್ ಗಳಾಗಿವೆಯಂತೆ.. 

133 ವರ್ಷಗಳಷ್ಟು ಹಳೆಯದಾದ ಈ ಅಂಗಡಿಯನ್ನು ವಿಕಾಸ್ ಚೌರಾಸಿಯಾ ಅವರ ಅಜ್ಜ 1890 ರಲ್ಲಿ ಪ್ರಾರಂಭಿಸಿದರು. ಇಂದು, ಅವರ ನಾಲ್ಕನೇ ತಲೆಮಾರಿನವರು ಈ ಅಂಗಡಿಯನ್ನು ನಡೆಸುತ್ತಿದ್ದಾರೆ. ಜನರು ಅವರ ಅಜ್ಜನನ್ನು ನೇತಾಜಿ ಎಂದು ಕರೆಯುತ್ತಿದ್ದರು, ಆದ್ದರಿಂದ ಅಂಗಡಿಯ ಹೆಸರನ್ನು 'ನೇತಾಜಿ ಪಾನ್ ಭಂಡಾರ್' ಎಂದು ಇಡಲಾಯಿತು ಎನ್ನುವ ಕಥೆ ಇದೆ.