ಮಾವಿನ ಹಣ್ಣು ತಿಂತಿದ್ದಂಗೆ ಹೊಟ್ಟೆ ನೋವು ಬರುತ್ತಾ? ಸರಿಯಾದ ವಿಧಾನ ಗೊತ್ತಿದ್ರೆ ನೀವೇ ರಾಜ
Health Tips : ಬಾಯಲ್ಲಿ ನೀರೂರಿಸುವ ಮಾವಿನ ಹಣ್ಣಿನಿಂದ ಹೊಟ್ಟೆ ಹಾಳಾಗೋ ಭಯವಾ? ತಿನ್ನೋ ವಿಧಾನ ಗೊತ್ತಿದ್ರೆ ನೀವೇ ರಾಜಹಣ್ಣಿನ ರಾಜ ಮಾವು. ಒಂದು ಹಣ್ಣಿಗೆಲ್ಲ ಬಾಯಿ ಕೇಳೋದಿಲ್ಲ. ಒಂದಾದ್ಮೇಲೆ ಒಂದು ಹಣ್ಣು ತಿಂದ್ರೆ ಹೊಟ್ಟೆ ಹಾಳಾಗುತ್ತೆ. ಅದಕ್ಕೆ ಪರಿಹಾರ ಏನು ಗೊತ್ತಾ?
ರುಚಿಕರ ಮಾವಿನ ಹಣ್ಣು
ಮಾವಿನ ಹಣ್ಣಿನ ಹೆಸರು ಹೇಳ್ತಿದ್ದಂತೆ ಬಾಯಲ್ಲಿ ನೀರು ಬರುತ್ತೆ. ಮಾವಿನ ಸೀಸನ್ ಯಾವಾಗ ಬರುತ್ತೆ ಅಂತ ಕಾಯ್ತಿರುವ ಜನರಿಗೆ ಬೇಸಿಗೆ ಹಬ್ಬದ ಖುಷಿ ನೀಡುತ್ತೆ. ಪ್ರತಿ ದಿನ ಮಾವಿನ ಹಣ್ಣನ್ನು ಮನಸೋಇಚ್ಛೆ ಸೇವನೆ ಮಾಡ್ತಾರೆ. ಕೆಲವರಿಗೆ ಹಣ್ಣು ತಿನ್ನುವ ಆಸೆ ಬೆಟ್ಟದಷ್ಟಿದ್ರೂ ತಿನ್ನೋದು ಕಷ್ಟ. ಒಂದೆರಡು ಮಾವಿನ ಹಣ್ಣು ತಿನ್ನುತ್ತಿದ್ದಂತೆ ಹೊಟ್ಟೆ ನೋವು ಶುರುವಾಗುತ್ತೆ. ಹಣ್ಣು ತಿಂದ್ರೂ ಆರೋಗ್ಯ ಹದಗೆಡಬಾರದು ಎನ್ನುವವರು ಕೆಲ ಟಿಪ್ಸ್ ಫಾಲೋ ಮಾಡ್ಬೇಕು.
ಹೊಟ್ಟೆ ನೋವು
ಮಾವಿನಹಣ್ಣು ತಿಂದ್ಮೇಲೆ ಹೊಟ್ಟೆ ನೋವು ಬರ್ತಿದ್ದರೆ ಅದು ಮಾವಿನಹಣ್ಣಿನ ತಪ್ಪಲ್ಲ. ಬದಲಾಗಿ ನಿಮ್ಮ ಆಹಾರ ಪದ್ಧತಿ ತಪ್ಪು. ಸಾಮಾನ್ಯವಾಗಿ ಮಾವಿನಹಣ್ಣಿ ಉಷ್ಣತೆ ಗುಣ ಹೊಂದಿರುತ್ತದೆ. ಫೈಬರ್ ಮತ್ತು ನೈಸರ್ಗಿಕ ಸಕ್ಕರೆ ಅಧಿಕವಾಗಿವೆ. ಒಂದೇ ಬಾರಿಗೆ ಹೆಚ್ಚು ಮಾವಿನಹಣ್ಣನ್ನು ತಿನ್ನುವುದರಿಂದ ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಒತ್ತಡ ಉಂಟಾಗುತ್ತದೆ. ಇದಲ್ಲದೆ, ಕ್ಯಾಲ್ಸಿಯಂ ಕಾರ್ಬೈಡ್ನಂತಹ ರಾಸಾಯನಿಕಗಳನ್ನು ಮಾವಿನಹಣ್ಣನ್ನು ಹಣ್ಣಾಗಿಸಲು ಬಳಸಲಾಗುತ್ತದೆ. ಇದು ಹೊಟ್ಟೆಯ ಸೋಂಕು ಮತ್ತು ಸೆಳೆತಕ್ಕೆ ಕಾರಣವಾಗಬಹುದು.
ನೀರಿನಲ್ಲಿ ನೆನೆಹಾಕಿ
ಮಾವಿನಹಣ್ಣು ತಿನ್ಬೇಕು ಅನ್ನಿಸಿದ ತಕ್ಷಣ ತಿನ್ಬೇಡಿ. ಅದನ್ನು ತಿನ್ನುವ ಮೊದಲು ಕನಿಷ್ಠ 1 ರಿಂದ 2 ಗಂಟೆಗಳ ಕಾಲ ತಣ್ಣನೆಯ ನೀರಿನಲ್ಲಿ ನೆನೆಸಿ. ಇದು ಮಾವಿನಲ್ಲಿರುವ ಹೆಚ್ಚುವರಿ ಉಷ್ಣವನ್ನು ಕಡಿಮೆ ಮಾಡುತ್ತೆ. ಅಲ್ದೆ ಸಿಪ್ಪೆಯಲ್ಲಿರುವ ಹೆಚ್ಚುವರಿ ರಾಸಾಯನಿಕವನ್ನು ತೆಗೆಯುತ್ತೆ.
ಮಿತವಾಗಿ ಸೇವನೆ ಮಾಡಿ
ಮಾವಿನ ಹಣ್ಣು ರುಚಿಯಾಗಿದೆ ಎನ್ನುವ ಕಾರಣಕ್ಕೆ ಅದನ್ನು ಬೇಗಾಬಿಟ್ಟಿ ತಿನ್ನಬೇಡಿ. ದಿನಕ್ಕೆ ನಾಲ್ಕೈದು ಮಾವಿನ ಹಣ್ಣು ತಿನ್ನೋದು ಆರೋಗ್ಯಕ್ಕೆ ಉತ್ತಮವಲ್ಲ. ಇದು ಹೊಟ್ಟೆ ನೋವಿಗೆ ಕಾರಣವಾಗುತ್ತೆ. ದಿನಕ್ಕೆ ಒಂದು ಅಥವಾ ಎರಡು ಮಾವಿನ ಹಣ್ಣನ್ನು ಮಾತ್ರ ನೀವು ತಿನ್ನಬೇಕು.
ತಿನ್ನುವ ಸಮಯ
ಮಾವಿನ ಹಣ್ಣನ್ನು ನೀವು ಸರಿಯಾದ ಸಮಯದಲ್ಲಿ ತಿನ್ನಬೇಕು. ಬೆಳಿಗ್ಗೆ ಬ್ರೇಕ್ ಫಾಸ್ಟ್ ಅಥವಾ ಮಧ್ಯಾಹ್ನ ಇಲ್ಲ ರಾತ್ರಿ ಊಟದ ನಡುವೆ ಮಾವಿನಹಣ್ಣನ್ನು ಸೇವಿಸಿ. ಮಲಗುವ ಮುನ್ನ ಮಾವಿನಹಣ್ಣನ್ನು ತಿನ್ನುವುದು ಉತ್ತಮವಲ್ಲ. ಇದು ಜೀರ್ಣಕ್ರಿಯೆಯನ್ನು ದುರ್ಬಲಗೊಳಿಸುತ್ತದೆ. ತೂಕ ಹೆಚ್ಚಾಗಲು ಕಾರಣವಾಗುತ್ತದೆ.
ಹಾಲು ಮೊಸರಿನ ಜೊತೆ ಮಾವು ಬೇಡ
ಆಯುರ್ವೇದದ ಪ್ರಕಾರ, ಹುಳಿ ಮಾವಿನಹಣ್ಣನ್ನು ಹಾಲಿನೊಂದಿಗೆ ಬೆರೆಸಬಾರದು. ಸಂಪೂರ್ಣವಾಗಿ ಮಾಗಿದ ಮತ್ತು ಸಿಹಿಯಾದ ಮಾವಿನಹಣ್ಣನ್ನು ಶೇಕ್ ಆಗಿ ಸೇವಿಸಬಹುದು. ಇದು ದೇಹವನ್ನು ತಂಪಾಗಿಸುತ್ತದೆ. ಹುಳಿ ಮೊಸರಿನ ಜೊತೆಯೂ ನೀವು ಮಾವಿನ ಹಣ್ಣನ್ನು ತಿನ್ನಬೇಡಿ. ಇದು ಆಮ್ಲೀಯತೆಯನ್ನು ಹೆಚ್ಚಿಸುತ್ತದೆ.
ಹೊಟ್ಟೆ ಉಬ್ಬರಕ್ಕೆ ಹೀಗೆ ಮಾಡಿ
ಮಾವಿನಹಣ್ಣನ್ನು ತಿನ್ನುವುದರಿಂದ ನಿಮ್ಮ ಹೊಟ್ಟೆ ಉಬ್ಬಿಕೊಂಡರೆ, ನೇರಳೆ ಹಣ್ಣನ್ನು ನೀವು ತಿನ್ನಬೇಕು. ನೇರಳೆ ಹಣ್ಣು, ಮಾವಿನ ಹಣ್ಣಿನಿಂದಾಗುವ ಹೊಟ್ಟೆ ಸಮಸ್ಯೆಗೆ ಪರಿಹಾರ ನೀಡುತ್ತದೆ. ಅದೇ ನೇರಳೆ ಹಣ್ಣನ್ನು ನೀವು ಹೆಚ್ಚಾಗಿ ತಿಂದಿದ್ದು ಜೀರ್ಣ ಆಗ್ತಿಲ್ಲ ಎಂದಾದ್ರೆ ಆಗ ಮಾವಿನ ಹಣ್ಣು ತಿನ್ನಬೇಕು.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
