ಪಕ್ಕಾ ದೇಶಿ ಶೈಲಿಯಲ್ಲಿ ಬಾಯಲ್ಲಿಟ್ರೆ ಕರಗೋ ರೀತಿಯಲ್ಲಿ ನೀರ್ ದೋಸೆ ಮಾಡೋ ವಿಧಾನ

ನೀರ್ ದೋಸೆ ಕರ್ನಾಟಕದ ಫೇಮಸ್ ತಿಂಡಿಗಳಲ್ಲಿ ಒಂದಾಗಿದೆ. ಡಯಟ್ ಫಾಲೋ ಮಾಡೋ ಬಾಲಿವುಡ್ ಬ್ಯುಟಿಗಳು ಮೆನುವಿನಲ್ಲಿಯೂ ನೀರ್ ದೋಸೆ ಸೇರ್ಪಡೆಯಾಗಿದೆ. ದೇಶಿ ಶೈಲಿಯಲ್ಲಿ ನೀರ್ ದೋಸೆ ಮಾಡುವ ವಿಧಾನ ಇಲ್ಲಿದೆ ನೋಡಿ

ನೀರ್ ದೋಸೆ ಕರ್ನಾಟಕದಲ್ಲಿ ತುಂಬಾ ಫೇಮಸ್. ಸಾಮಾನ್ಯ ದೋಸೆಗಳ ಹಾಗೆ ಇದಕ್ಕೆ ಹುದುಗುಬೇಕಾಗಿಲ್ಲ. 6 ರಿಂದ 8 ಗಂಟೆಗಳ ಮೊದಲು ಅಕ್ಕಿಯನ್ನು ನೆನೆಸಿಟ್ಟುಕೊಳ್ಳಬೇಕು. ಇದಕ್ಕೆ ಸ್ಪಲ್ಪ ತೆಂಗಿನ ತುರಿ, ಉಪ್ಪು ಸೇರಿಸಿ ರುಬ್ಬಿಕೊಳ್ಳಿ

ಸಾಮಾನ್ಯ ದೋಸೆಗಳಿಗಿಂತ ನೀರ್ ದೋಸೆಗೆ ನೀರು ಜಾಸ್ತಿ ಬೇಕು. ಹಿಟ್ಟು ತೆಳುವಾಗಿರಬೇಕು. ಬೇಕಾದಷ್ಟು ನೀರು ಹಾಕಿ. ಈಗ ಹಿಟ್ಟನ್ನು ಪಕ್ಕಕ್ಕಿಟ್ಟು, ತವಾ ಬಿಸಿ ಮಾಡಿ, ಎಣ್ಣೆ ಹಾಕಿ.

ಈರುಳ್ಳಿ ತುಂಡಿನಿಂದ ತವಾಕ್ಕೆ ಎಣ್ಣೆ ಹಚ್ಚಿದರೆ ದೋಸೆ ಚೆನ್ನಾಗಿ ಬರುತ್ತೆ. ಪ್ರತಿ ದೋಸೆಗೂ ಮೊದಲು ಈರುಳ್ಳಿ ತುಂಡಿನಿಂದ ತವಾಕ್ಕೆ ಒರೆಸಬೇಕು.

ನೀರು ಮೇಲೆ ಬಂದು, ಹಿಟ್ಟು ಕೆಳಗೆ ಉಳಿಯುತ್ತೆ. ಆದ್ದರಿಂದ, ಪ್ರತಿ ದೋಸೆಗೂ ಮೊದಲು ರವೆ ದೋಸೆ ಹಾಗೆ ಹಿಟ್ಟನ್ನು ಮೇಲೆ-ಕೆಳಗೆ ಕಲಸಿ. ಈಗ ಒಂದು ಲೋಟ ಹಿಟ್ಟನ್ನು ತೆಗೆದುಕೊಂಡು ತವಾದ ಅಂಚಿನಿಂದ ಹಾಕಿ.

ಮೊದಲ ದೋಸೆಯೇ ಸುತ್ತಾಗಿ ಬರಬೇಕು ಅಂತ ಯೋಚಿಸಬೇಡಿ. ಸ್ವಲ್ಪ ಸಮಯ ಬೇಕು. ಹಿಟ್ಟು ಹಾಕಿ ತೆಳುವಾಗಿ ಹರಡಿ, ಮುಚ್ಚಳ ಮುಚ್ಚಿ ಎರಡು ನಿಮಿಷ ಬೇಯಿಸಿ. ದೋಸೆ ರೆಡಿ ಆದಾಗ ತವಾದಿಂದ ಅಂಚುಗಳು ಸ್ವಲ್ಪ ಬಿಡುತ್ತವೆ.

ದೋಸೆಯನ್ನು ಮಡಚದೆ ತೆಗೆದು ಪ್ಲೇಟ್‌ನಲ್ಲಿಡಿ. ತಿರುವಿ ಹಾಕಬೇಡಿ. ಬಿಸಿ ಇರುವಾಗಲೇ ಮಡಚಿದರೆ ಅಂಟಿಕೊಳ್ಳುತ್ತದೆ. ಹಾಗೆಯೇ ಪ್ಲೇಟ್‌ನಲ್ಲಿಡಿ. ಕಾಯಿ ಚಟ್ನಿ ಈ ದೋಸೆಗೆ ತುಂಬಾ ಚೆನ್ನಾಗಿರುತ್ತೆ.