ನಮ್ಮ ಚರ್ಮಕ್ಕೆ ಮಾತ್ರವಲ್ಲ, ನಾಯಿಯ ರೋಮಕ್ಕೂ ಮೊಸರು ಮದ್ದು!
ಮೊಸರು ಅಡುಗೆಮನೆಯಲ್ಲಿ ಪ್ರಮುಖವಾದ ಪದಾರ್ಥಗಳಲ್ಲಿ ಒಂದಾಗಿದೆ ಮತ್ತು ನಮ್ಮ ಊಟದ ಒಂದು ಪ್ರಮುಖ ಭಾಗ. ವಿಶೇಷವಾಗಿ ಬೇಸಿಗೆಯಲ್ಲಿ ಇದನ್ನು ತಂಪಾಗಲು ಬಳಸುತ್ತಾರೆ. ಈ ಮ್ಯಾಜಿಕ್ ಮದ್ದು ಅಸಂಖ್ಯಾತ ಗುಣಗಳನ್ನು ಹೊಂದಿದೆ. ಆದರೆ ನಮ್ಮ ದೇಹವನ್ನು ತಂಪಾಗಿರಿಸುವುದರ ಹೊರತಾಗಿ ಮೊಸರಿನಿಂದ ಏನೆಲ್ಲಾ ಪ್ರಯೋಜನಗಳಿವೆ ಎನ್ನುವ ಬಗ್ಗೆ ನಿಮಗೆ ತಿಳಿದಿದೆಯೇ? ಮೊಸರಿನ ಕೆಲವು ಆಶ್ಚರ್ಯಕರ ಬಳಕೆಗಳು ಇಲ್ಲಿವೆ, ಅವುಗಳ ಬಗ್ಗೆ ತಿಳಿಯಿರಿ...
Followಸುಕ್ಕು ಗಟ್ಟಿದ ಮುಖಕ್ಕೆ
ಮೊಸರನ್ನು ಆ್ಯಂಟಿ ಏಜಿಂಗ್ ಚಿಕಿತ್ಸೆಗೆ ಬಳಸಲಾಗುತ್ತದೆ. ಚರ್ಮದ ರಕ್ಷಣೆಗೆ ನಮ್ಮ ಅಜ್ಜಿ ನೀಡುವ ಸಲಹೆಗಳು ಯಾವಾಗಲೂ ಮೊಸರನ್ನು ಒಳಗೊಂಡಿರುತ್ತವೆ ಆದರೆ ಸುಕ್ಕು ಗಟ್ಟಿದ ಮುಖಕ್ಕೆ ಇದು ಉತ್ತಮ ಘಟಕಾಂಶವಾಗಿದೆ ಎಂದು ನಿಮಗೆ ತಿಳಿದಿದೆಯೇ? ಮೊಸರಿನಲ್ಲಿರುವ ಉತ್ತಮ ಬ್ಯಾಕ್ಟೀರಿಯಾವು ಚರ್ಮ ಯಂಗ್ ಆಗಿ ಕಾಣುವಂತೆ ಮಾಡಲು ಸಹಾಯ ಮಾಡುತ್ತದೆ . ಅಷ್ಟೇ ಅಲ್ಲ ಇದರಲ್ಲಿರುವ ಕ್ಯಾಲ್ಸಿಯಂ, ವಿಟಮಿನ್ ಡಿ ಮತ್ತು ಪ್ರೋಟೀನ್ ಮೈಬಣ್ಣವನ್ನು ಸುಧಾರಿಸುತ್ತದೆ.
ಇದನ್ನು ಮುಖದ ಮೇಲೆ ಬಳಸುವುದು ಹೇಗೆ ? : ¼ ಟೀಚಮಚ ಮುಲ್ತಾನಿ ಮಿಟ್ಟಿ, ¼ ಟೀಸ್ಪೂನ್ ಜೇನುತುಪ್ಪ, 1 ಟೀಸ್ಪೂನ್ ಮೊಸರು ಮಿಶ್ರಣ ಮಾಡಿ ಮುಖದ ಮೇಲೆ ಹಚ್ಚಿ ಮತ್ತು ಒಣಗಲು ಬಿಡಿ. ಇಪ್ಪತ್ತು ನಿಮಿಷಗಳ ಬಳಿಕ ತಣ್ಣೀರಿನಿಂದ ತೊಳೆಯಿರಿ.
ಪರಿಪೂರ್ಣ ಹೇರ್ ಕಂಡೀಷನರ್
ಮೊಸರಿನಲ್ಲಿರುವ ಬಿ5 ಮತ್ತು ಡಿ ಜೀವಸತ್ವಗಳು ಆರೋಗ್ಯಕರ ಮತ್ತು ಸೋಂಪಾದ ಕೂದಲನ್ನು ಹೊಂದಲು ಸಹಾಯ ಮಾಡುತ್ತವೆ. ನೀವು ಮಾಡಬೇಕಾಗಿರುವುದು ಅದನ್ನು ಕೂದಲಿನ ಬುಡಕ್ಕೆ ಉಜ್ಜುವುದು ಮತ್ತು ಮೂರು ನಿಮಿಷಗಳ ನಂತರ ತೊಳೆಯುವುದು. ಇದರಿಂದ ಕೂದಲು ಉದುರುವ ಸಮಸ್ಯೆ, ತಲೆಹೊಟ್ಟಿನ ಸಮಸ್ಯೆ ಸಂಪೂರ್ಣವಾಗಿ ಕಡಿಮೆಯಾಗುತ್ತದೆ.
ಒಂದು ಕಪ್ ಮೊಸರಿಗೆ ಸ್ವಲ್ಪ ನೀರು ಬೆರೆಸಿ, ಅಥವಾ ಹಾಗೆಯೆ ತೆಗೆದುಕೊಂಡು ಕೂದಲಿನ ಬುಡಕ್ಕೆ ಹಾಕಿ ಚೆನ್ನಾಗಿ ಮಸಾಜ್ ಮಾಡಿ. ಐದರಿಂದ ಹತ್ತು ನಿಮಿಷಗಳ ಬಳಿಕ ಇದನ್ನು ಉಗುರು ಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ. ಇದರಿಂದ ಕೂದಲಿನ ಸಮಸ್ಯೆ ನಿವಾರಣೆಯಾಗುತ್ತದೆ.
ಹಿತ್ತಾಳೆ ಪಾತ್ರೆಯ ಹೊಳಪು
ಮನೆಯಲ್ಲಿ ಹಿತ್ತಾಳೆಯ ವಸ್ತುಗಳನ್ನು ಸ್ವಚ್ಛಗೊಳಿಸಲು ಮೊಸರನ್ನು ಬಳಕೆ ಮಾಡಬಹುದು ಎಂಬುದರ ಬಗ್ಗೆ ನೀವು ಎಂದಾದರೂ ಯೋಚಿಸಬಹುದೇ? ಹೌದು, ಹಿತ್ತಾಳೆಯನ್ನು ಸ್ವಚ್ಛಗೊಳಿಸಲು ಇದು ಪರಿಪೂರ್ಣ ಬೆಸ್ಟ್ ವಸ್ತುವಾಗಿದೆ.
ಹೊಳಪು ಕಳೆದುಕೊಂಡ ಹಿತ್ತಾಳೆಯ ಮೇಲೆ ಮೊಸರನ್ನು ಉಜ್ಜಿಕೊಳ್ಳಿ ಮತ್ತು ಅದು ಒಣಗುತ್ತಿದ್ದಂತೆ, ಮೊಸರಿನಲ್ಲಿರುವ ಲ್ಯಾಕ್ಟಿಕ್ ಆಮ್ಲವು ಕಲೆಯನ್ನು ಕರಗಿಸುತ್ತದೆ. ಒಣಗಿದ ಮೊಸರನ್ನು ನೀರಿನಿಂದ ತೊಳೆಯಿರಿ ಮತ್ತು ಮೃದುವಾದ ಬಟ್ಟೆಯಿಂದ ಉಜ್ಜಿ. ಇದರಿಂದ ಪಾತ್ರೆಗಳು ಮೊದಲಿನ ಹೊಳಪನ್ನು ಪಡೆದುಕೊಳ್ಳುತ್ತದೆ.
ನಾಯಿಗೆ ಹೊಳೆಯುವ ರೋಮ
ಇದು ಮೊಸರಿನ ಒಂದು ಉತ್ತಮ ಬಳಕೆ ವಿಧಾನವಾಗಿದೆ. ಮೊಸರು ಮಸಾಜ್ ಮಾಡುವ ಮೂಲಕ ನಿಮ್ಮ ಪ್ರೀತಿಯ ಸಾಕುಪ್ರಾಣಿಗಳಿಗೆ ಹೊಳೆಯುವ ಫರ್ ಅಥವಾ ರೋಮವನ್ನು ನೀಡಬಹುದು.
ನಾಯಿ ಮೇಲೆ ಮೊಸರನ್ನು ಹಚ್ಚಿ. ಇದು ಐದು ನಿಮಿಷಗಳ ಕಾಲ ಇರಲಿ ಮತ್ತು ತೊಳೆಯಿರಿ ಮತ್ತು ಒಣಗಿಸಿ. ಮೊಸರು ನಿಮ್ಮ ಕೂದಲಿಗೆ ಅದ್ಭುತಗಳನ್ನು ಮಾಡುವಂತೆಯೇ, ಅದು ನಿಮ್ಮ ರೋಮದಿಂದ ಕೂಡಿದ ಪ್ರಾಣಿಗಳ ಮೇಲೂ ತನ್ನ ಮ್ಯಾಜಿಕ್ ಮಾಡುತ್ತದೆ.
