ಗರ್ಭಿಣಿಯರಿಗೆ ಚಂದ್ರ ಗ್ರಹಣ ನಿಜವಾಗ್ಲೂ ಒಳ್ಳೆದಲ್ವಾ, ವಿಜ್ಞಾನ ಏನು ಹೇಳುತ್ತೆ?
2023 ರ ಮೊದಲ ಚಂದ್ರಗ್ರಹಣವು ಮೇ 5 ರಂದು ಸಂಭವಿಸಲಿದೆ. ಚಂದ್ರ ಗ್ರಹಣವು ಒಂದು ಆಕರ್ಷಕ ಖಗೋಳ ಘಟನೆ. ನಮ್ಮ ಸೌರವ್ಯೂಹದ ಕಾರ್ಯಚಟುವಟಿಕೆಗಳು ಮತ್ತು ಆಕಾಶಕಾಯಗಳ ಚಲನೆಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಇದು ಉತ್ತಮ ಅವಕಾಶ. 2023 ರ ಮೊದಲ ಚಂದ್ರ ಗ್ರಹಣವು ಪೆನಂಬ್ರಲ್ ಗ್ರಹಣವಾಗಿದ್ದು, ಇದು ಮೇ 5 ರಂದು ಸಂಭವಿಸಲಿದೆ. ಇದು ಬುದ್ಧ ಪೂರ್ಣಿಮೆಯಂದು ಬರುತ್ತೆ, ಇದನ್ನು ಶುಭ ದಿನವೆಂದು ಪರಿಗಣಿಸಲಾಗುತ್ತೆ.
ಗರ್ಭಾವಸ್ಥೆಯಲ್ಲಿ (pregnancy) ಗ್ರಹಣ ಅವಧಿ ಬಗ್ಗೆ ಅನೇಕ ರೀತಿಯ ವಿಷಯಗಳಿವೆ, ಅದರ ಬಗ್ಗೆ ಮಹಿಳೆಯರು ಆಗಾಗ್ಗೆ ಗೊಂದಲಕ್ಕೊಳಗಾಗುತ್ತಾರೆ. ನೀವು ಸಹ ಗರ್ಭಿಣಿಯಾಗಿದ್ದರೆ, ಚಂದ್ರ ಗ್ರಹಣದಲ್ಲಿ ನೀವು ಏನು ಮಾಡಬೇಕು ಮತ್ತು ಏನು ಮಾಡಬಾರದು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಬಹುದು.
ಗ್ರಹಣ ಸಮಯದಲ್ಲಿ ಏನು ಮಾಡಬಾರದು
ಮಿಥ್ಯೆ : ಗ್ರಹಣ (eclipse) ಸಮಯದಲ್ಲಿ ಚೂಪಾದ ವಸ್ತುಗಳನ್ನು ಬಳಸಬಾರದು ಎಂದು ಹೇಳಲಾಗುತ್ತೆ. ಗ್ರಹಣದ ಅವಧಿಯಲ್ಲಿ ಚಾಕು, ಕತ್ತರಿ ಅಥವಾ ಸೂಜಿಗಳಂತಹ ಚೂಪಾದ ವಸ್ತುಗಳನ್ನು ಬಳಸದಿರೋದು ಒಳ್ಳೆಯದು.
ವಾಸ್ತವ: ಗ್ರಹಣ ಸಮಯದಲ್ಲಿ ಗರ್ಭಿಣಿಯರು ಚೂಪಾದ ವಸ್ತುಗಳನ್ನು ಬಳಸಬಾರದು, ಏಕೆಂದರೆ ಇದು ಮಗುವಿಗೆ ಅಪಾಯವನ್ನುಂಟುಮಾಡಬಹುದು ಅಥವಾ ಮಗುವಿನಲ್ಲಿ ಯಾವುದೇ ಜನನ ದೋಷಗಳಿಗೆ ಕಾರಣವಾಗಬಹುದು ಎಂದು ಸಾಬೀತುಪಡಿಸಲು ಇನ್ನೂ ಯಾವುದೇ ಸ್ಟಡಿ ನಡೆದಿಲ್ಲ. ಪುರಾವೆಗಳೇ ಇಲ್ಲದ್ದಾಗ, ಚೂಪಾದ ವಸ್ತುಗಳ ಬಳಕೆಯು ಗ್ರಹಣದಲ್ಲಿ ಹಾನಿಯನ್ನುಂಟು ಮಾಡುತ್ತೆ ಎಂದು ಹೇಳಲಾಗೋದಿಲ್ಲ.
ಮೊದಲ 3 ತಿಂಗಳಲ್ಲಿ ಗರ್ಭಿಣಿ ಮಹಿಳೆಯರು ಏನು ಮಾಡಬೇಕು ಮತ್ತು ಏನು ಮಾಡಬಾರದು
ಗ್ರಹಣ ಅವಧಿಯಲ್ಲಿ ಏನು ಮಾಡಬಾರದು?
ಮಿಥ್ಯೆ : ಗ್ರಹಣ ಸಮಯದಲ್ಲಿ ಲೋಹವನ್ನು ಧರಿಸಬೇಕು ಎಂದು ನಂಬಲಾಗಿದೆ. ಇದರ ಹಿಂದಿನ ಸತ್ಯ ಏನು ಎಂದು ತಿಳಿದುಕೊಳ್ಳೋಣ.
ಸತ್ಯ: ಸೇಫ್ಟಿ ಪಿನ್ (saftey pin) ಧರಿಸೋದು ಅಥವಾ ದಿಂಬಿನ ಅಥವಾ ಬೆನ್ನಿನ ಕೆಳಗೆ ಚಾಕುವನ್ನು ಇರಿಸೋದು ಮಗುವನ್ನು ಕ್ಲಫ್ಟ್ ಪ್ಯಾಲೆಟ್ ನಿಂದ ರಕ್ಷಿಸುತ್ತೆ ಎಂದು ಕೆಲವರು ನಂಬುತ್ತಾರೆ. ಆದರೆ, ಇದರ ಹಿಂದಿನ ಕಾರಣ ಇನ್ನೂ ತಿಳಿದುಬಂದಿಲ್ಲ. ಆದ್ದರಿಂದ, ಗರ್ಭಾವಸ್ಥೆಯಲ್ಲಿ ಗ್ರಹಣದಿಂದಾಗಿ, ಕ್ಲಫ್ಟ್ ಪ್ಯಾಲೆಟ್ ಉಂಟಾಗಬಹುದು ಎಂದು ಹೇಳುವುದು ಕಷ್ಟ.
ಚಂದ್ರ ಗ್ರಹಣ ಸಮಯದಲ್ಲಿ ಏನು ಮಾಡಬಾರದು?
ಮಿಥ್ಯೆ : ಗ್ರಹಣ ಸಮಯದಲ್ಲಿ ಸಾಧ್ಯವಾದಷ್ಟು ವಿಶ್ರಾಂತಿ ಪಡೆಯಿರಿ ಮತ್ತು ನೇರವಾಗಿ ಹಾಸಿಗೆಯ ಮೇಲೆ ಮಲಗಿ.
ಸತ್ಯ: ಗ್ರಹಣ ಸಮಯದಲ್ಲಿ ಇದನ್ನು ಅನುಸರಿಸಬಹುದು ಏಕೆಂದರೆ ಕೆಲವು ಗಂಟೆಗಳ ಕಾಲ ವಿಶ್ರಾಂತಿ ಪಡೆಯೋದರಿಂದ ಯಾವುದೇ ಹಾನಿಯಾಗೋದಿಲ್ಲ. ಗ್ರಹಣವು 3 ರಿಂದ 4 ಗಂಟೆಗಳ ಕಾಲ ಇರುತ್ತೆ. ಹೆಚ್ಚಿನ ಗರ್ಭಿಣಿಯರು ದಿನಕ್ಕೆ 4 ರಿಂದ 5 ಗಂಟೆಗಳ ಕಾಲ ವಿಶ್ರಾಂತಿ ಪಡೆಯಬೇಕು.
ಚಂದ್ರ ಗ್ರಹಣ ಸಮಯದಲ್ಲಿ ಏನು ಮಾಡಬೇಕು ಮತ್ತು ಏನು ಮಾಡಬಾರದು?
ಮಿಥ್ಯೆ : ಗ್ರಹಣದ ಸಮಯದಲ್ಲಿ ಎಲ್ಲಾ ಕಿಟಕಿಗಳನ್ನು ನ್ಯೂಸ್ ಪೇಪರ್ ಅಥವಾ ದಪ್ಪ ಪರದೆಗಳಿಂದ ಮುಚ್ಚಿ.
ವಾಸ್ತವ: ಗ್ರಹಣ ಸಮಯದಲ್ಲಿ ವಾತಾವರಣದಲ್ಲಿ ಯುವಿ ಕಿರಣಗಳು ಹೆಚ್ಚಾಗುತ್ತವೆ ಎಂಬ ತಪ್ಪು ಕಲ್ಪನೆ ಇದಕ್ಕೆ ಕಾರಣ. ಸೂರ್ಯಗ್ರಹಣದ (solar eclipse) ಸಮಯದಲ್ಲಿ ಯುವಿ ಕಿರಣಗಳಿಗೆ ಒಡ್ಡಿಕೊಳ್ಳೋದರಿಂದ ಶಾಶ್ವತ ಕುರುಡುತನ ಸೇರಿದಂತೆ ತಾಯಿಯ ಕಣ್ಣುಗಳಿಗೆ ತೀವ್ರ ಹಾನಿಯಾಗಬಹುದು ಎಂದು ಹೇಳುತ್ತಾರೆ, ಅದು ತಪ್ಪು. ಯಾವುದೇ ವಿಶೇಷ ಕನ್ನಡಕಗಳಿಲ್ಲದೆ, ಬರಿಗಣ್ಣಿನಿಂದ ಚಂದ್ರ ಗ್ರಹಣವನ್ನು ವೀಕ್ಷಿಸೋದು ಸುರಕ್ಷಿತ, ಆದರೆ ಸೂರ್ಯಗ್ರಹಣವನ್ನು ನೋಡದಂತೆ ಕಟ್ಟುನಿಟ್ಟಾಗಿ ಸೂಚಿಸಲಾಗಿದೆ.
ಚಂದ್ರಗ್ರಹಣದ ಸಮಯದಲ್ಲಿ ಯಾವ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು?
ಮಿಥ್ಯೆ : ಗರ್ಭಧಾರಣೆಯ ಮೇಲೆ ಪರಿಣಾಮ ಬೀರುವ ಗ್ರಹಣಗಳ ಹೇಳಿಕೆಯನ್ನು ಬೆಂಬಲಿಸಲು ಜನರು ತಮ್ಮ ಮಕ್ಕಳಿಗೆ ಆದ ಹಾನಿಯನ್ನು ಗ್ರಹಣದ ಮೇಲೆ ಹಾಕುತ್ತಾರೆ.
ವಾಸ್ತವ: ಇದಕ್ಕೆ ಯಾವುದೇ ಪುರಾವೆಗಳಿಲ್ಲ. ಮಗುವಿನಲ್ಲಿ ವಿರೂಪತೆಗೆ ಕಾರಣವಾಗುವ ಜೀನ್ಸ್ ತಾಯಿ ಅಥವಾ ತಂದೆ ರವಾನಿಸಬಹುದು, ಇದನ್ನು ಆನುವಂಶಿಕ ಸಮಾಲೋಚನೆಯ ಮೂಲಕ ಮೌಲ್ಯಮಾಪನ ಮಾಡಬೇಕಾಗಿದೆ. ಆದರೆ ಕೆಲವು ಪೋಷಕರು ಗ್ರಹಣ ಸಮಯದಲ್ಲಿ ಏನಾದರೂ ತಪ್ಪು ಮಾಡೋದರಿಂದ ತಮ್ಮ ಮಗುವಿನಲ್ಲಿ ಅಸ್ವಸ್ಥತೆ ಉಂಟಾಗುತ್ತೆ ಎಂದು ಭಾವಿಸುತ್ತಾರೆ. ಆದರೆ, ವಿಜ್ಞಾನದಲ್ಲಿ ಅಂತಹ ಯಾವುದೇ ವಿಷಯ ಅಥವಾ ವಿದ್ಯಮಾನವನ್ನು ದೃಢಪಡಿಸಲಾಗಿಲ್ಲ.