ಚಾಣಕ್ಯನ ಪ್ರಕಾರ ಮಧ್ಯಾಹ್ನ ಮಲಗಿದ್ರೆ ಏನಾಗುತ್ತೆ ಗೊತ್ತಾ?
ಸಾಮಾನ್ಯವಾಗಿ ತುಂಬಾ ಜನರಿಗೆ ಮಧ್ಯಾಹ್ನ ಮಲಗೋ ಅಭ್ಯಾಸ ಇರುತ್ತೆ. ಊಟ ಮಾಡಿದ ತಕ್ಷಣ ಸ್ವಲ್ಪ ಹೊತ್ತು ಹಾಗೆ ನಿದ್ರೆ ಮಾಡಿದ್ರೆ ಎಷ್ಟೋ ಚೆನ್ನಾಗಿರುತ್ತೆ ಹೇಳೋಕೆ ಆಗಲ್ಲ. ಆದರೆ ಮಧ್ಯಾಹ್ನ ಮಲಗೋದು ಒಳ್ಳೆಯದೇ? ಆಚಾರ್ಯ ಚಾಣಕ್ಯನ ಪ್ರಕಾರ ಹಗಲು ಹೊತ್ತು ಮಲಗಿದ್ರೆ ಏನಾಗುತ್ತೆ ಅಂತ ನಿಮಗೆ ಗೊತ್ತಾ?
ಭಾರತದ ದೊಡ್ಡ ಪಂಡಿತರಲ್ಲಿ ಚಾಣಕ್ಯ ಒಬ್ಬರು. ಮನುಷ್ಯನ ಜೀವನದಲ್ಲಿನ ಪ್ರತಿ ವಿಷಯದ ಬಗ್ಗೆ ಚಾಣಕ್ಯ ತನ್ನ ನೀತಿ ಸೂತ್ರಗಳಲ್ಲಿ ಹೇಳಿದ್ದಾನೆ. ಅವರು ಹೇಳಿದ ವಿಷಯಗಳು ತುಂಬಾ ಸ್ಪಷ್ಟವಾಗಿ ಇರುತ್ತವೆ. ಅದಕ್ಕೆ ಇವಾಗಲೂ ತುಂಬಾ ಜನ ಫಾಲೋ ಮಾಡ್ತಾರೆ. ಮುಖ್ಯವಾಗಿ ಚಾಣಕ್ಯ ಮನುಷ್ಯರ ಆರೋಗ್ಯದ ಬಗ್ಗೆ ತುಂಬಾ ವಿಷಯಗಳನ್ನು ಹೇಳಿದ್ದಾನೆ. ಚಾಣಕ್ಯನ ಪ್ರಕಾರ ಮಧ್ಯಾಹ್ನ ಮಲಗಿದ್ರೆ ಏನು ಆಗುತ್ತೆ ಅಂತ ಇಲ್ಲಿ ತಿಳ್ಕೊಳ್ಳೋಣ.
ಹಗಲು ಹೊತ್ತು ನಿದ್ರೆ
ಹಗಲು ಹೊತ್ತು ಮಲಗೋದ್ರಿಂದ ಬರೋ ಸಮಸ್ಯೆಗಳ ಬಗ್ಗೆ ಚಾಣಕ್ಯ ತನ್ನ ನೀತಿ ಸೂತ್ರಗಳಲ್ಲಿ ಹೇಳಿದ್ದಾನೆ. ನಮ್ಮಲ್ಲಿ ತುಂಬಾ ಜನ ಮಧ್ಯಾಹ್ನ ಊಟ ಆದ್ಮೇಲೆ ಕಡ್ಡಾಯವಾಗಿ ಮಲಗುತ್ತಾರೆ. ಆದರೆ ಚಾಣಕ್ಯ ನೀತಿ ಪ್ರಕಾರ ಇದು ಒಳ್ಳೆ ಅಭ್ಯಾಸ ಅಲ್ಲ. ಯಾಕೆ ಅಂತ ಇಲ್ಲಿ ನೋಡೋಣ.
ಮಧ್ಯಾಹ್ನ ಮಲಗಿದ್ರೆ ಏನಾಗುತ್ತೆ?
ಚಾಣಕ್ಯ ನೀತಿ ಪ್ರಕಾರ ಮಧ್ಯಾಹ್ನ ಮಲಗೋರು ಬೇರೆಯವರಿಗಿಂತ ಕಡಿಮೆ ಕೆಲಸ ಮಾಡ್ತಾರೆ. ಇದರಿಂದ ಅವರ ಕೆಲಸ ಹೋಗುತ್ತೆ. ಇವರು ಟೈಮ್ ವೇಸ್ಟ್ ಮಾಡೋದು ಬಿಟ್ಟರೆ ಜೀವನದಲ್ಲಿ ಏನು ಮಾಡೋಕೆ ಆಗಲ್ಲ. ಕೆಲವೊಮ್ಮೆ ದುಡ್ಡು ಕೂಡ ಕಳೆದುಕೊಳ್ಳಬೇಕಾಗುತ್ತೆ.
ಯಾರು ಮಲಗಬಹುದು?
ಚಾಣಕ್ಯ ನೀತಿ ಪ್ರಕಾರ ಅನಾರೋಗ್ಯದಿಂದ ಇರೋರು, ಗರ್ಭಿಣಿಯರು, ಚಿಕ್ಕ ಮಕ್ಕಳು ಮಾತ್ರ ಮಧ್ಯಾಹ್ನ ಮಲಗಬೇಕು. ಇಂಥವರಿಗೆ ಮಾತ್ರ ಹಗಲು ಹೊತ್ತು ಮಲಗೋ ಹಕ್ಕು ಇದೆ ಅಂತಾನೆ ಚಾಣಕ್ಯ. ಆರೋಗ್ಯವಾಗಿದ್ರೆ ನಿಮ್ಮ ಜೀವನದ ಪ್ರತಿ ಕ್ಷಣವನ್ನು ಉಪಯೋಗಿಸಿಕೊಳ್ಳಬೇಕು ಅಂತ ಹೇಳ್ತಾನೆ ಚಾಣಕ್ಯ. ಮಧ್ಯಾಹ್ನ ಮಲಗಿದ್ರೆ ಟೈಮ್ ವೇಸ್ಟ್ ಬಿಟ್ಟರೆ ಪ್ರಯೋಜನ ಇಲ್ಲ ಅಂತಾನೆ.
ಕಾಯಿಲೆಗಳು ಬರೋ ಚಾನ್ಸ್
ಚಾಣಕ್ಯನ ಪ್ರಕಾರ ಮಧ್ಯಾಹ್ನ ಮಲಗೋದ್ರಿಂದ ಅನಾರೋಗ್ಯ ಸಮಸ್ಯೆಗಳು ಬರೋ ಚಾನ್ಸ್ ಇದೆ. ಗ್ಯಾಸ್, ಅಸಿಡಿಟಿ, ಅಜೀರ್ಣದ ತರ ಹೊಟ್ಟೆಗೆ ಸಂಬಂಧಪಟ್ಟ ಸಮಸ್ಯೆಗಳು ಬರುತ್ತವೆ. ರಾತ್ರಿ ಕೂಡ ನಿದ್ರೆ ಸರಿಗ್ ಬರಲ್ಲ. ಮಧ್ಯಾಹ್ನ 10 ರಿಂದ 15 ನಿಮಿಷ ಪವರ್ ನ್ಯಾಪ್ ತಗೊಂಡ್ರೆ ಏನು ಆಗಲ್ಲ. ಆದರೆ 2 ರಿಂದ 3 ಗಂಟೆ ಮಲಗಿದ್ರೆ ಆರೋಗ್ಯ ಹಾಳಾಗುತ್ತೆ ಅಂತ ಡಾಕ್ಟರ್ಗಳು ಹೇಳ್ತಾರೆ.
ಮಧ್ಯಾಹ್ನ ಮಲಗಿದ್ರೆ?
ಮಧ್ಯಾಹ್ನ ಮಲಗಿದ್ರೆ ಆಯಸ್ಸು ಕಮ್ಮಿ ಆಗುತ್ತೆ ಅಂತ ಚಾಣಕ್ಯ ನಂಬುತ್ತಾನೆ. ದೇವರು ಮನುಷ್ಯನ ಪ್ರತಿ ಉಸಿರನ್ನು ಲೆಕ್ಕ ಹಾಕ್ತಾರಂತೆ. ಮಲಗುವಾಗ ಮನುಷ್ಯ ಬೇಗ ಬೇಗ ಉಸಿರು ತಗೊಳ್ತಾನೆ ಅದಕ್ಕೆ ಮಧ್ಯಾಹ್ನ ಮಲಗೋರ ಆಯಸ್ಸು ಕಮ್ಮಿ ಆಗುತ್ತೆ ಅಂತ ಚಾಣಕ್ಯನ ನೀತಿ ಸೂತ್ರಗಳು ಹೇಳ್ತಿವೆ.
ಸೋಮಾರಿತನ ಬರುತ್ತಾ?
ಚಾಣಕ್ಯನ ಪ್ರಕಾರ ಮಧ್ಯಾಹ್ನ ಮಲಗೋದ್ರಿಂದ ದೇಹದಲ್ಲಿ ಶಕ್ತಿ ಲೆವೆಲ್ ಕಮ್ಮಿ ಆಗುತ್ತೆ. ಸೋಮಾರಿತನ ಬರುತ್ತೆ. ಇಂಥವರು ಮಧ್ಯಾಹ್ನದ ಮೇಲೆ ಯಾವ ಕೆಲಸ ಮಾಡೋಕೆ ಇಷ್ಟ ಪಡಲ್ಲ. ಈ ರೀತಿ ಅವರ ಕೆರಿಯರ್ ಅನ್ನು ಹಾಳು ಮಾಡುತ್ತೆ ಅಂತ ಚಾಣಕ್ಯ ನೀತಿ ಹೇಳುತ್ತೆ.