ಮೊನಾಲಿಸಾಳ ಮೇಕ್ ಓವರ್ಗೆ ಫಿದಾ, ಬಾಲಿವುಡ್ ಬೆಡಗಿಯರ ಮೀರಿಸಿದ ಕುಂಭಮೇಳ ಬಾಲೆ!
ಕುಂಭಮೇಳದಲ್ಲಿ ಹೂಮಾಲೆ ಮಾರುತ್ತಿದ್ದ ಮೊನಾಲಿಸಾ ಭೋಂಸ್ಲೆ ಈಗ ಮೇಕ್ ಓವರ್ ವೀಡಿಯೋಗಳಿಂದಾಗಿ ಮತ್ತೆ ಸುದ್ದಿಯಲ್ಲಿದ್ದಾರೆ. ವಧುವಿನ ಲುಕ್ ಮತ್ತು ಗ್ಲಾಮರ್ ಲುಕ್ಗಳಲ್ಲಿ ಮಿಂಚುತ್ತಿರುವ ಅವರ ಫೋಟೋಗಳು ವೈರಲ್ ಆಗಿವೆ. ಮಧ್ಯಪ್ರದೇಶದ ಈ ಸಾಮಾನ್ಯ ಹುಡುಗಿ ಈಗ ಫ್ಯಾಷನ್ ಫೋಟೋಶೂಟ್ಗಳಲ್ಲಿ ಬ್ಯುಸಿಯಾಗಿದ್ದಾರೆ.
ಪ್ರಯಾಗ್ರಾಜ್ನಲ್ಲಿ ನಡೆದ ಕುಂಭಮೇಳದ ಸಮಯದಲ್ಲಿ ಹೂಮಾಲೆ, ರುದ್ರಾಕ್ಷಿ, ಮಣಿಗಳನ್ನು ಮಾರುತ್ತಿದ್ದ 16 ವರ್ಷದ ಯುವತಿ ಮೊನಾಲಿಸಾ ಭೋಂಸ್ಲೆ, ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಮತ್ತೆ ವೈರಲ್ ಆಗಿದ್ದಾರೆ. ಮೊದಲಬಾರಿಗೆ ಅವಳ ಬೂದು ಬಣ್ಣದ ಕಣ್ಣುಗಳು ಮತ್ತು ಆಕರ್ಷಕ ನಗು ಇಂಟರ್ನೆಟ್ನಲ್ಲಿ ಎಲ್ಲರ ಗಮನ ಸೆಳೆಯಿತು. ಈಗ, ಇತ್ತೀಚೆಗೆ ಹಂಚಿಕೊಂಡಿರುವ ಮೇಕ್ಓವರ್ ವೀಡಿಯೋಗಳಿಂದ ಅವಳು ಮತ್ತೊಮ್ಮೆ ಎಲ್ಲರ ಚರ್ಚೆಯ ಕೇಂದ್ರವಾಗಿದ್ದಾರೆ.
ಮೇಕ್ಓವರ್ ನಂತರ ಹೊಸ ಮೊನಾಲಿಸಾ
ಮೇಕಪ್ ಆರ್ಟಿಸ್ಟ್ ಮೊಹ್ಸಿನಾ ಅನ್ಸಾರಿ ಅವರು ಮೊನಾಲಿಸಾ ಭೋಂಸ್ಲೆಯ ವಿವಿಧ ಮೇಕ್ಓವರ್ ವೀಡಿಯೋಗಳನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ವೀಡಿಯೋಗಳಲ್ಲಿ ಮೊನಾಲಿಸಾ ಬಹಳ ಸುಂದರವಾಗಿ ಡಿಫರೆಂಟ್ ಆಗಿ ಕಾಣುತ್ತಿದ್ದಾರೆ. ಒಂದು ವೀಡಿಯೋದಲ್ಲಿ ಅವಳು ಪೂರ್ತಿ ವಧುವಿನ ರೀತಿ ಶೃಂಗಾರದಲ್ಲಿ ಕಾಣಿಸಿದ್ದಾರೆ.
ಕೆಂಪು ಬಣ್ಣದ ಲೆಹೆಂಗಾ, ಭಾರವಾದ ಆಭರಣಗಳು, ಹಸಿರು ಪಚ್ಚೆಗಳು ಮತ್ತು ನಯವಾದ ಕೂದಲು ಅವರನ್ನು ಮಾರುಕಟ್ಟೆಯಲ್ಲಿದ್ದ ಮಣಿ ಮಾರುವ ಹುಡುಗಿಯಿಂದ ಸ್ಟೈಲಿಷ್ ಮಾದರಿಯಾಗಿ ಪರಿವರ್ತಿಸಿದೆ. ಅವಳ ಮೇಕಪ್ನಲ್ಲಿ ಹೊಳೆಯುವ ಐಶ್ಯಾಡೋ, ರೆಕ್ಕೆಯಂತೆ ಎಳೆದ ಐಲೈನರ್, ತುಂಬಿದ ರೆಪ್ಪೆಗೂದಲುಗಳು, ಚೆಂದದ ಹುಬ್ಬುಗಳು ಮತ್ತು ಲೈಟ್ ಬಣ್ಣದ ಲಿಪ್ಸ್ಟಿಕ್ ಬಳಕೆ ಮಾಡಲಾಗಿತ್ತು. ಈ ಶೃಂಗಾರದಿಂದ ಅವಳ ಮುಖ ಹೆಚ್ಚು ಪ್ರಭಾವಶಾಲಿಯಾಗಿ ಕಾಣಿಸುತ್ತಿದೆ.
ಮತ್ತೊಂದು ಗ್ಲಾಮರ್ ಲುಕ್
ಮತ್ತೊಂದು ವಿಡಿಯೋದಲ್ಲಿ ಮೊನಾಲಿಸಾ ಹೊಳೆಯುವ ಕಪ್ಪು ಗೌನ್ನಲ್ಲಿ ಕಾಣಿಸಿದ್ದಾಳೆ. ಈ ಮೇಕಪ್ ಮತ್ತು ಮತ್ತು ಪ್ಯಾಷನ್ ಲುಕ್ ನಲ್ಲಿ ಬಾಲಿವುಡ್ ನಟಿಯಂತೆ ಕಾಣುತ್ತಾಳೆ. ಮೃದುವಾದ ಸುರುಳಿ ಕೂದಲು, ಮೃದು ಮೈಕಪ್ ಮತ್ತು ಲೈಟ್ ಲಿಪ್ಸ್ಟಿಕ್ ಅವಳ ಲುಕ್ಗೆ ವಿಶೇಷ ಮೆರುಗು ನೀಡಿದೆ. ಕಣ್ಣುಗಳಿಗೆ ಕೊಹ್ಲ್ (kajol) ಬಳಸಿದ್ದರಿಂದ ಮಿಂಚಿನಂತೆ ಕಾಣುತ್ತಿದೆ. ಈ ಮೇಕ್ಓವರ್ ಅವಳ ನೈಸರ್ಗಿಕ ಸುಂದರತೆಯನ್ನು ಇನ್ನಷ್ಟು ಹತ್ತಿರದಿಂದ ಪರಿಚಯಿಸುತ್ತದೆ.
ಸಾಮಾನ್ಯ ಹುಡುಗಿಯಿಂದ ತಾರೆಯಾದ ಮೊನಾಲಿಸಾ
ಮೊನಾಲಿಸಾ ಮೂತಃ ಮಧ್ಯಪ್ರದೇಶದ ಇಂದೋರ್ನ ಯುವತಿ. ತಾನೊಬ್ಬ ಮಾಲೆ-ಮಣಿ ಮಾರಾಟಗಾರ್ತಿಯಾಗಿ ತಮ್ಮ ಕುಟುಂಬಕ್ಕೆ ಸಹಾಯ ಮಾಡುತ್ತಿದ್ದಳು. ಆದರೆ ಕುಂಭಮೇಳದಲ್ಲಿ ಭಕ್ತರಿಗೆ ಹೂಮಾಲೆ ಮಾರುವಾಗ ಸೆರೆಹಿಡಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿ, ಅವಳಿಗೆ ಖ್ಯಾತಿ ತಂದು ಕೊಟ್ಟಿತು. ಜನರು ಅವಳ ನಗುವನ್ನು, ಕಣ್ಣನ್ನು ಹಾಗೂ ಕಲ್ಮಶವಾದ ವ್ಯಕ್ತಿತ್ವವನ್ನು ಮೆಚ್ಚಿದರು. ಇದರಿಂದ ಅವಳು ರಾತ್ರೋರಾತ್ರಿ ತಾರೆಯಾದಳು.
ಇತ್ತೀಚಿನ ಯಶಸ್ಸು ಮತ್ತು ಭವಿಷ್ಯ
ಇತ್ತೀಚಿನ ಮೇಕ್ಓವರ್ ವೀಡಿಯೋಗಳು ಮೊನಾಲಿಸಾಳ ಮೇಲೆ ಇನ್ನಷ್ಟು ಗಮನ ಸೆಳೆದಿವೆ. ಈವರೆಗೆ ಪ್ರಾಪಂಚಿಕವಾಗಿ ಪರಿಚಿತವಾಗದ ಈ ಹುಡುಗಿ, ತನ್ನ ನಗು ಮತ್ತು ನಿಜವಾದ ಶ್ರದ್ಧೆಯ ಮೂಲಕ ಜನರ ಮನ ಗೆದ್ದಿದ್ದಾಳೆ. ಈಗ ಅವಳನ್ನು ಹಲವಾರು ಫ್ಯಾಷನ್ ಫೋಟೋಶೂಟ್ಗಳಿಗೆ ಆಹ್ವಾನಿಸಲಾಗಿದೆ. ಮೊನಾಲಿಸಾ ಭೋಂಸ್ಲೆ ಎಂಬ ಸಾಮಾನ್ಯ ಹುಡುಗಿ ಇಂದು ಎಂತಹ ಸ್ಪೂರ್ತಿದಾಯಕ ವ್ಯಕ್ತಿಯಾಗಿದ್ದಾರೆ ಎಂಬುದಕ್ಕೆ ಈ ಕಥೆಯೇ ಸಾಕ್ಷಿ.