ದಾಡಿ ಬಂದ ಮೇಲೆ ಡ್ಯಾಡಿಯಂತಾದ ಅಭಿಷೇಕ್ ಅಂಬರೀಶ್!
ಸ್ಯಾಂಡಲ್‌ವುಡ್ ಜೂನಿಯರ್ ರೆಬೆಲ್‌ ಸ್ಟಾರ್ ಅಭಿಷೇಕ್ ಅಂಬರೀಶ್ ಅಂದ್ರೆ ಸಾಕು ಹೆಣ್ಮಕ್ಕಳು ಟೆಡ್ಡಿಬೇರ್, ಚಾಕೋಲೇಟ್‌ ಬಾಯ್ ಎಂದೆಲ್ಲಾ ಕರೆಯುತ್ತಾರೆ. ಆರಡಿ ಕಟೌಟ್ ಗೆ ಫಿದಾ ಆಗದವರೇ ಇಲ್ಲ. ‘ಅಮರ್’ ಚಿತ್ರದ ಮೂಲಕ ಸ್ಯಾಂಡಲ್‌ವುಗ್‌ಗೆ ಪಾದಾರ್ಪಣೆ ಮಾಡಿದ ಅಭಿಷೇಕ್ ಬಗೆಗಿನ ಇಂಟರೆಸ್ಟಿಂಗ್ ವಿಚಾರಗಳು ಇಲ್ಲಿವೆ. ಅಭಿಷೇಕ್ ಹೀಗೂ ಇರ್ತಾರೆ ಅಂದ್ರೆ ಆಶ್ಚರ್ಯವಾಗುತ್ತೆ!
ಅಭಿಷೇಕ್‌ಗೆ ಸಿನಿಮಾ ಮಾಡುವುದು ಚಿಕ್ಕ ವಯಸ್ಸಿನ ಕನಸಾಗಿತ್ತು. ಆದರೆ ತಾಯಿ ಸುಮಲತಾ ಎಜುಕೇಷನ್ ಫಸ್ಟ್ ಎಂದಿದ್ದಕ್ಕೆ ವಿದ್ಯಾಬ್ಯಾಸ ಪೂರ್ತಿಗೊಂಡ ನಂತರ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು.
ಸಿನಿಮಾಗೆ ಕಾಲಿಡುವ ಮುನ್ನ ಅಭಿಷೇಕ್‌ಗೆ ಸುಮಲತಾ ಟೆಸ್ಟ್ ಶೂಟ್‌ ಹಾಗೂ ಆಡಿಷನ್‌ ಮಾಡಿಸಿದ್ರಂತೆ.
ಅಂಬರೀಶ್ ಕನಸಿನ ಸಿನಿಮಾ 'ಅಮರ್' ಚಿತ್ರದ ಮೂಲಕ ಅಭಿಷೇಕ್ ಸ್ಯಾಂಡಲ್‌ವುಡ್‌ಗೆ ಕಾಲಿಟ್ಟರು.
ಮೊದಲನೇ ಸೀನ್‌ಗೆ ಅಭಿಷೇಕ್ 52 ಟೇಕ್‌ ತೆಗೆದುಕೊಂಡಿದ್ದರಂತೆ.
ಲಂಡನ್‌ ಯುನಿವರ್ಸಿಟಿಯಲ್ಲಿ ಪೊಲಿಟಿಕಲ್ ಸೈನ್ಸ್ ನಲ್ಲಿ ಪದವಿ ಪಡೆದಿದ್ದಾರೆ.
ವಿದೇಶದಲ್ಲಿ ಓದುತ್ತಿದ್ದಾಗ ಅಭಿಷೇಕ್ ಬೆಳಗ್ಗೆ ಎದ್ದು ತರಕಾರಿ ಶಾಪಿಂಗ್ ಗೆ ಹೋಗುತ್ತಿದ್ದರಂತೆ!
ತಂದೆಯ ಫೋನ್‌ ಕಾಲ್ ಬರುತ್ತಿದ್ದಂತೆ ಅಭಿಷೇಕ್ ಪಾತ್ರ ತೊಳೆಯುವಂತೆ ನಾಟಕ ಮಾಡುತ್ತಿದ್ದರಂತೆ. ಇದರಿಂದ ಅವರಿಗೆ ಪಾಕೆಟ್‌ ಮನಿ ಜಾಸ್ತಿ ಬರುತ್ತಿತ್ತಂತೆ!
ಕೋಪದಿಂದ-ಪ್ರೀತಿಯಿಂದ ಬೈಯಬೇಕೆಂದರೆ ಮಂಡ್ಯ ಸ್ಟೈಲ್‌ನಲ್ಲಿ ಬೈಯುತ್ತಾರಂತೆ.
ಪೇರೆಂಟ್ ಟೀಚರ್ಸ್‌ ಮೀಟಿಂಗ್‌ ಟೈಂನಲ್ಲಿ ಅಂಬರೀಶ್ ಯಾವತ್ತೂ ಶಾಲೆಗೆ ಹೋಗಿಲ್ಲ.
6 ನೇ ಕ್ಲಾಸ್‌ ವರೆಗೆ ತಾಯಿಗೆ ಹೆಚ್ಚು ಹೆದರುತ್ತಿದ್ದರು.
ಥೈಲ್ಯಾಂಡ್‌ನಲ್ಲಿ 4-6 ತಿಂಗಳುಗಳ ಕಾಲ ಬಾಕ್ಸಿಂಗ್ ಕಲಿತಿದ್ದಾರೆ.
