ಚಲಿಸುತ್ತಿರುವ ಕಾರಿನ ಟೈಯರ್ ಸ್ಫೋಟಕ್ಕಿದೆ ಕಾರಣ, ಪ್ರಯಾಣದ ವೇಳೆ ಈ ತಪ್ಪು ಮಾಡದಿರಿ!

ಬೈಕ್, ಕಾರು ಅಥವಾ ಯಾವುದೇ ವಾಹನದಲ್ಲಿ ಪ್ರಯಾಣ ಮಾಡುವಾಗ ಟೈಯರ್ ಸ್ಫೋಟಗೊಳ್ಳದಂತೆ ತಡೆಯಲು ಕೆಲ ಸರಳ ಸಲಹೆ ಪಾಲಿಸಿದರೆ ಉತ್ತಮ. ಸುರಕ್ಷತೆಗೆ ಪ್ರಮುಖ ಆದ್ಯತೆ ನೀಡಲೇಬೇಕು. 

ವಾಹನ ಚಲಾಯಿಸುವಾಗ ಜಾಗರೂಕರಾಗಿರಬೇಕು. ಕಾರ್ ಆಗಿರಲಿ, ಬೈಕ್ ಆಗಿರಲಿ ಎಚ್ಚರಿಕೆ ಮುಖ್ಯ. ವಾಹನ ತಯಾರಿಸುವ ಕಂಪನಿಗಳು ಬಳಕೆದಾರರಿಗೆ ಸೂಚನೆಗಳನ್ನ ಕೊಡುತ್ತಾರೆ.  ಆದ್ರೆ ಬುಕ್‌ಲೆಟ್‌ನಲ್ಲಿ ಇರೋ ಆ ಸೂಚನೆಗಳನ್ನ ಶೇ.99 ಜನ ಓದೋದಿಲ್ಲ. ಕಂಪನಿ ಪ್ರತಿನಿಧಿಗಳು ಹೇಳಿದ್ದನ್ನ ಕೇಳಿ ವಾಹನ ಉಪಯೋಗಿಸ್ತೀವಿ. ಆದ್ರೆ ಅವರು ಎಲ್ಲಾ ವಿಷಯ ಹೇಳಲ್ಲ. ಕೆಲವು ಮುಖ್ಯ ವಿಷಯಗಳನ್ನ ಹೇಳೋದಿಲ್ಲ. 

ಅಂಥಾ ಒಂದು ಮುಖ್ಯ ವಿಷಯದ ಬಗ್ಗೆ ಈಗ ನೀವು ತಿಳ್ಕೊಳ್ಳೋಣ. ನಾವು ಸಾಮಾನ್ಯವಾಗಿ ಬೈಕ್ ಅಥವಾ ಕಾರ್‌ನಲ್ಲಿ ಎಷ್ಟು ವೇಗದಲ್ಲಿ ಹೋಗ್ತೀವಿ? 70-80 km/h ವೇಗದಲ್ಲಿ ಹೋಗ್ತೀವಿ. ರಸ್ತೆ ಖಾಲಿ ಇದ್ರೆ 100, 120 km/h ವೇಗ ದಾಟುತ್ತೆ. ಇದೇ ಅಪಘಾತಕ್ಕೆ ಕಾರಣ. ಯಾವ ವಾಹನದಲ್ಲಿ ಎಷ್ಟು ವೇಗದಲ್ಲಿ ಹೋಗ್ಬೇಕು ಅಂತ ಗೊತ್ತಿರಲ್ಲ. ಹಾಗಾಗಿ ಅಪಘಾತ ಆಗುತ್ತೆ. ಟೈರ್ ಸಿಡಿಯೋದು ವಾಹನದ ವೇಗದ ಮೇಲೆ ಅವಲಂಬಿತವಾಗಿರುತ್ತೆ  ಅನ್ನೋದು ಬಹಳಷ್ಟು ಜನಕ್ಕೆ ಗೊತ್ತಿರಲ್ಲ. ತಜ್ಞರ ಪ್ರಕಾರ, ಕಾರು ಅಥವಾ ಬೈಕ್‌ಗಳಲ್ಲಿ ಟೈರ್‌ನಲ್ಲಿ ಗಾಳಿ ಹೆಚ್ಚಿದ್ರೂ, ಕಡಿಮೆ ಇದ್ರೂ ಟೈರ್ ಸಿಡಿಯಬಹುದು. 

ಟೈರ್ ಸಿಡಿಯೋದಕ್ಕೆ ಕೆಲವು ಮುಖ್ಯ ಕಾರಣಗಳಿವೆ. ಟೈರ್‌ನಲ್ಲಿ ಗಾಳಿ ಒತ್ತಡ ಮುಖ್ಯ. ಯಾವ ಟೈರ್‌ಗೆ ಎಷ್ಟು ಗಾಳಿ ಬೇಕು ಅಂತ ವಾಹನ ಖರೀದಿಸಿದಾಗ ಕಂಪನಿ ಕೊಡೋ ಮ್ಯಾನುಯಲ್‌ನಲ್ಲಿ ಇರುತ್ತೆ. ಕಾರು, ಬೈಕ್‌ನಲ್ಲಿ ಗಾಳಿ ಕಡಿಮೆ ಆದ್ರೆ ಮೆಕ್ಯಾನಿಕ್ ಶಾಪ್‌ಗೆ ಹೋಗಿ ಗಾಳಿ ಹಾಕಿಸ್ತೀವಿ. ಮೆಕ್ಯಾನಿಕ್ ವಾಹನ ನೋಡಿ ಗಾಳಿ ಹಾಕ್ತಾರೆ. ಹೆಚ್ಚಿನ ಕಾರುಗಳ ಟೈರ್‌ಗೆ 30-35 PSI ಗಾಳಿ ಒತ್ತಡ ಇರುತ್ತೆ. ಕೆಲವು ಕಾರುಗಳಿಗೆ 35-40 PSI ಗಾಳಿ ಒತ್ತಡ ಇರುತ್ತೆ. ಟೈರ್‌ನಲ್ಲಿ ಎಷ್ಟು ಗಾಳಿ ಇರಬೇಕು ಅನ್ನೋದು ಕಾರು ಅಥವಾ ಬೈಕ್ ಮಾಡೆಲ್, ಟೈರ್ ಗಾತ್ರದ ಮೇಲೆ ಅವಲಂಬಿತವಾಗಿರುತ್ತೆ. 

ಟೈರ್‌ನಲ್ಲಿ ಗಾಳಿ ಒತ್ತಡ ಸರಿಯಾಗಿರೋಕೆ ಪ್ರತಿ ಎರಡು ವಾರಕ್ಕೊಮ್ಮೆ ಟೈರ್ ಗಾಳಿ ಚೆಕ್ ಮಾಡಿಸಿ. ಲಾಂಗ್ ಡ್ರೈವ್ ಹೋಗೋ ಮುಂಚೆ ಟೈರ್ ಗಾಳಿ ಒತ್ತಡ ಚೆಕ್ ಮಾಡ್ಕೊಳ್ಳಿ. ಇದಕ್ಕೆ ನೀವು ಗಾಳಿ ಒತ್ತಡ ಮಾಪಕ ಕೊಂಡುಕೊಳ್ಳಬಹುದು. ಮಾರುಕಟ್ಟೆಯಲ್ಲಿ ವಿವಿಧ ರೀತಿಯ ಪೋರ್ಟಬಲ್ ಗಾಳಿ ಒತ್ತಡ ಮಾಪಕಗಳು ಸಿಗುತ್ತವೆ. ಇವುಗಳನ್ನ ಕಾರಿನಲ್ಲಿ ಇಟ್ಕೊಂಡ್ರೆ ಅತ್ಯವಶ್ಯಕ ಸಮಯದಲ್ಲಿ ಉಪಯೋಗಕ್ಕೆ ಬರುತ್ತೆ. 

ಟೈರ್ ಸಿಡಿಯೋದಕ್ಕೆ ಇನ್ನೊಂದು ಮುಖ್ಯ ಕಾರಣ ವಾಹನದ ವೇಗ. ಕಾರ್ ಆಗಿರಲಿ, ಬೈಕ್ ಆಗಿರಲಿ, ಕಂಪನಿ ಏನೇ ಇರಲಿ, ನೀವು ಹೋಗೋ ವೇಗದಿಂದ ಟೈರ್‌ಗೆ ಒತ್ತಡ ಬೀಳುತ್ತೆ. ಈ ಒತ್ತಡ ಹೆಚ್ಚಾದ್ರೆ ಟೈರ್ ಸಿಡಿಯುತ್ತೆ. ಯಾವ ಟೈರ್ ಎಷ್ಟು ಒತ್ತಡ ತಡೆದುಕೊಳ್ಳುತ್ತೆ ಅಂತ ತಿಳ್ಕೊಳ್ಳೋಕೆ ಕಂಪನಿಗಳು ಒಂದು ಕೋಡ್ ಕೊಡ್ತಾರೆ. ಉದಾಹರಣೆಗೆ 134/76 G 14 75 L ಹೀಗೆ ಸೀರಿಯಲ್ ನಂಬರ್ ಇರುತ್ತೆ. ಕಂಪನಿಗಳು ಟೈರ್ ಮೇಲೆ ಇದನ್ನ ಪ್ರಿಂಟ್ ಮಾಡಿರ್ತಾರೆ. ಆ ಕೋಡ್ ಕೊನೆಯಲ್ಲಿರೋ ಇಂಗ್ಲಿಷ್ ಅಕ್ಷರ ಟೈರ್‌ನಲ್ಲಿ ಎಷ್ಟು ಗಾಳಿ ಇರಬೇಕು ಅಂತ ತೋರಿಸುತ್ತೆ. 

L ಅಂದ್ರೆ ಗರಿಷ್ಠ ವೇಗ 120 km/h. M ಅಂದ್ರೆ 130, N ಅಂದ್ರೆ 140, P ಅಂದ್ರೆ 150, Q ಅಂದ್ರೆ 160, R ಅಂದ್ರೆ 170, S ಅಂದ್ರೆ 180, T ಅಂದ್ರೆ 190, U ಅಂದ್ರೆ 200, H ಅಂದ್ರೆ 210, V ಅಂದ್ರೆ 240, W ಅಂದ್ರೆ 270, Y ಅಂದ್ರೆ 300 km/h ವೇಗದಲ್ಲಿ ಹೋಗಬಹುದು. ಈ ವೇಗ ಮೀರಿದ್ರೆ ಟೈರ್ ಸಿಡಿಯಬಹುದು. ಹಾಗಾಗಿ ಟೈರ್ ನೋಡಿ ಗಾಳಿ ಹಾಕಿಸಿ, ಅಪಘಾತ ತಪ್ಪಿಸಿ.