ವಿಶ್ವದ ಎಲ್ಲ ಕ್ರಿಕೆಟ್ ಮಂಡಳಿಗಳ ಹಣ ಬಿಸಿಸಿಐ ಅರ್ಧ ಮೊತ್ತಕ್ಕೂ ಸಮವಾಗಲ್ಲ, ಇಲ್ಲಿವೆ ಟಾಪ್ 10 ಶ್ರೀಮಂತ ಬೋರ್ಡ್ಗಳು
ಜಗತ್ತಿನಲ್ಲಿ ಅತ್ಯಂತ ಶ್ರೀಮಂತ ಕ್ರಿಕೆಟ್ ಮಂಡಳಿ ಯಾವುದು ಎಂದರೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಎಂದು ಎಲ್ಲರ ಹೆಸರು ಹೇಳುತ್ತಾರೆ. ಆದರೆ, ಬಿಸಿಸಿಐ ಎಷ್ಟು ಶ್ರೀಮಂತವಾಗಿದೆ ಎಂದರೆ ಜಗತ್ತಿನ ಎಲ್ಲ ಕ್ರಿಕೆಟ್ ಮಂಡಳಿಗಳ ಹಣವನ್ನು ಕೂಡಿಸಿದರೂ, ಭಾರತ ಕ್ರಿಕೆಟ್ ಮಂಡಳಿಯ ಅರ್ಧ ಮೊತ್ತಕ್ಕೂ ಸಮನಾಗುವುದಿಲ್ಲ. ಹಾಗಾದರೆ, ವಿಶ್ವದ ಟಾಪ್ -10 ಶ್ರೀಮಂತ ಕ್ರಿಕೆಟ್ ಮಂಡಳಿಗಳು ಯಾವುವು ಇಲ್ಲಿದೆ ನೋಡಿ ಮಾಹಿತಿ...
ನ್ಯೂಜಿಲೆಂಡ್ (ಎನ್ಝಡ್ಸಿ): ಜಗತ್ತಿನ ಬಲಿಷ್ಠ ಕ್ರಿಕೆಟ್ ತಂಡಗಳಲ್ಲಿ ಒಂದಾಗಿರುವ ನ್ಯೂಜಿಲೆಂಡ್ ಕ್ರಿಕೆಟ್ ಬೋರ್ಡ್ (New Zealand Cricket - NZC) 9 ಮಿಲಿಯನ್ ಡಾಲರ್ ನಿವ್ವಳ ಮೌಲ್ಯವನ್ನು ಹೊಂದಿದೆ. ಅಂದರೆ, ಭಾರತೀಯ ಹಣದಲ್ಲಿ 74 ಕೋಟಿ ರೂ. ಮೌಲ್ಯವಾಗುತ್ತದೆ. ಈ ಮೂಲಕ ಟಾಪ್-10 ಕ್ರಿಕೆಟ್ ಬೋರ್ಡ್ನಲ್ಲಿ 10ನೇ ಸ್ಥಾನವನ್ನು ಹೊಂದಿದೆ.
![article_image2](https://static-gi.asianetnews.com/images/01j092gry19fn6njvhetbg3ckn/west-indies-cricket-board--1-.jpg?impolicy=All_policy&im=Resize=(1200) )
ವೆಸ್ಟ್ ಇಂಡೀಸ್ (ಡಬ್ಲ್ಯೂಐಸಿಬಿ): ವಿಶ್ವದ ಬಲಿಷ್ಠ ಕ್ರಿಕೆಟ್ ತಂಡವೇ ಎಂದು ಹೇಳಬಹುದಾದ ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿಯು 15 ಮಿಲಿಯನ್ ಡಾಲರ್ ಮೌಲ್ಯ ಹೊಂದಿದೆ. ಇದು ಬಲಿಷ್ಠ ತಂಡಗಳಲ್ಲಿ ಒಂದಾಗಿದ್ದರೂ ಹಣಕಾಸಿನ ಅಡಚಣೆಗಳಿಂದಾಗಿ ಪ್ರದರ್ಶನದಲ್ಲಿ ತೀವ್ರ ಕುಸಿತವನ್ನು ಕಂಡಿದೆ. ಭಾರತೀಯ ರೂಪಾಯಿಯಲ್ಲಿ ಕೇವಲ 125 ಕೋಟಿ ರೂ. ಹಣವನ್ನು ಹೊಂದಿದೆ.
ಶ್ರೀಲಂಕಾ (ಎಸ್ಎಲ್ಸಿ): ಇತ್ತೀಚೆಗೆ ದೇಶದಲ್ಲಿ ಮಹಾ ಆರ್ಥಿಕ ಕುಸಿತದಿಂದಾಗಿ ಕಂಗೆಟ್ಟಿದ್ದ ಶ್ರೀಲಂಕಾ ಕ್ರಿಕೆಟ್ ಮಂಡಳಿಯು ಕೂಡ ಆದಾಯ ಮತ್ತು ಪ್ರಾಯೋಜಕತ್ವದಲ್ಲಿ ಕುಸಿತ ಕಂಡಿದೆ. ಶ್ರೀಲಂಕಾ ಕ್ರಿಕೆಟ್ ತಂಡವು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಉತ್ತಮ ತಂಡವಾಗಿದ್ದರೂ ಆದಾಯ ನಷ್ಟ ಹೊಂದಿತ್ತು. ಆದರೂ ಶ್ರೀಲಂಕಾ ಕ್ರಿಕೆಟ್ ಬೋರ್ಡ್ 20 ಮಿಲಿಯನ್ ಡಾಲರ್ (166 ಕೋಟಿ ರೂ.) ನಿವ್ವಳ ಮೌಲ್ಯವನ್ನು ಹೊಂದಿದೆ.
ಜಿಂಬಾಬ್ವೆ (ಝಡ್ಸಿಬಿ): ಕ್ರಿಕೆಟ್ ಜಗತ್ತಿನಲ್ಲಿ ಅಷ್ಟೇನೂ ಪ್ರಬಲವಾಗಿರದ ತಂಡವಾದ ಜಿಂಬಾಬ್ವೆ ಕ್ರಿಕೆಟ್ ಮಂಡಳಿಯು ವಿಶ್ವದ 7ನೇ ಶ್ರೀಮಂತ ಕ್ರಿಕೆಟ್ ಮಂಡಳಿಯಾಗಿದೆ. ಒಟ್ಟು 38 ಮಿಲಿಯನ್ ಡಾಲರ್ (317 ಕೋಟಿ ರೂ.) ನಿವ್ವಳ ಮೌಲ್ಯದೊಂದಿಗೆ ಕ್ರೀಡೆಯಲ್ಲಿ ಹೆಚ್ಚಿನ ಹೂಡಿಕೆಯನ್ನು ಆಕರ್ಷಿಸಲು ಮುಂದಾಗಿದೆ.
ದಕ್ಷಿಣ ಆಫ್ರಿಕಾ (ಸಿಎಸ್ಎ) : ಜಗತ್ತಿನ ಕ್ರಿಕೆಟ್ ತಂಡಗಳಲ್ಲಿ ಬಲಿಷ್ಠ ತಂಡವಾಗಿದ್ದರೂ ವಿಶ್ವಕಪ್ ಸೇರಿ ಯಾವುದೇ ಜಾಗತಿಕ ಮಟ್ಟದ ಟ್ರೋಫಿ ಗೆಲ್ಲುವಲ್ಲಿ ವಿಫಲ ಆಗುತ್ತಿರುವ ಚೋಕರ್ಸ್ ಹಣೆಪಟ್ಟಿ ಹೊಂದಿರುವ ಕ್ರಿಕೆಟ್ ದಕ್ಷಿಣ ಆಫ್ರಿಕಾ 47 ಮಿಲಿಯನ್ ಡಾಲರ್ (396 ಕೋಟಿ ರೂ.) ನಿವ್ವಳ ಮೌಲ್ಯವನ್ನು ಹೊಂದಿದೆ. ಈ ಮೂಲಕ ವಿಶ್ವದ 6 ನೇ ಶ್ರೀಮಂತ ಕ್ರಿಕೆಟ್ ಮಂಡಳಿಯಾಗಿದೆ. ಇದು ಲಿಸ್ಟ್-ಎ ಕ್ರಿಕೆಟ್ ತಂಡವಾಗಿದೆ. ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಮಂಡಳಿಯು 2023 ರಲ್ಲಿ SA-T20 ಅನ್ನು ಪರಿಚಯಿಸಿದೆ.
ಬಾಂಗ್ಲಾದೇಶ (ಬಿಸಿಬಿ): ಭಾರತದ ನೆರೆಹೊರೆ ದೇಶವಾಗಿರುವ ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿಯು ಜಗತ್ತಿನ 5ನೇ ಶ್ರೀಮಂತ ಕ್ರಿಕೆಟ್ ಮಂಡಳಿಯಾಗಿದೆ. ಇತ್ತೀಚಿನ ದಿನಗಳಲ್ಲಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗಮಾನರ್ಹ ಪ್ರದರ್ಶನ ತೋರುವ ಮೂಲಕ ಬಾಂಗ್ಲಾದೇಶವು ಕ್ರಿಕೆಟ್ನ ಜನಪ್ರಿಯತೆ ಗಳಿಸುತ್ತಿದೆ. ಈ ಮೂಲಕ ಕ್ರಿಕೆಟ್ ಮಂಡಳಿಯ ಆದಾಯವೂ ಹೆಚ್ಚಳವಾಗತೊಡಗಿದೆ. ಬಿಸಿಬಿ 51 ಮಿಲಿಯನ್ ಡಾಲರ್ (425 ಕೋಟಿ ರೂ.) ನಿವ್ವಳ ಮೌಲ್ಯವನ್ನು ಹೊಂದಿದೆ.
ಪಾಕಿಸ್ತಾನ (ಪಿಸಿಬಿ): ಭಾರತದ ನೆರೆ ರಾಷ್ಟ್ರ ಆಗಿದ್ದರೂ, ಭಾರತದ ಶತ್ರು ರಾಷ್ಟ್ರವಾಗಿರುವ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ನಾಲ್ಕನೇ ಶ್ರೀಮಂತ ಕ್ರಿಕೆಟ್ ಮಂಡಳಿಯಾಗಿದೆ. ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಕೂಡ ಜಾಗತಿಕ ಮಟ್ಟದಲ್ಲಿ ಅತಿಹೆಚ್ಚು ಕ್ರಿಕೆಟ್ ಅಭಿಮಾನಿಗಳನ್ನು ಹೊಂದಿದೆ. ಪಿಸಿಬಿ 55 ಮಿಲಿಯನ್ ಡಾಲರ್ (458 ಕೋಟಿ ರೂ.) ನಿವ್ವಳ ಮೌಲ್ಯ ಹೊಂದಿದೆ.
ಇಂಗ್ಲೆಂಡ್ (ಇಸಿಬಿ): ವಿಶ್ವದಲ್ಲಿ ಕ್ರಿಕೆಟ್ ಜನಕವಾಗಿರುವ ಇಂಗ್ಲೆಂಡ್ ದೇಶವಾಗಿದೆ. ಇಲ್ಲಿನ ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿಯು ವಿಶ್ವದ 3ನೇ ಶ್ರೀಮಂತ ಕ್ರಿಕೆಟ್ ಮಂಡಳಿಯಾಗಿದೆ. ಇಂಗ್ಲೆಂಡ್ ಕ್ರಿಕೆಟ್ ತಂಡವು ಟೆಸ್ಟ್, ಏಕದಿನ ಹಾಗೂ ಟಿ-20 ಕ್ರಿಕೆಟ್ ಮಾದರಿಯಲ್ಲಿಯೂ ದೊಡ್ಡ ಅಭಿಮಾನಿಗಳನ್ನು ಹೊಂದಿದೆ. ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ 59 ಮಿಲಿಯನ್ ಡಾಲರ್ (492 ಕೋಟಿ ರೂ.) ನಿವ್ವಳ ಮೌಲ್ಯವನ್ನು ಹೊಂದಿದೆ.
ಕ್ರಿಕೆಟ್ ಆಸ್ಟ್ರೇಲಿಯಾ (ಸಿಎ): ಅಂತಾರಾಷ್ಟ್ರೀಯ ಕ್ರಿಕೆಟ್ ಜಗತ್ತಿನಲ್ಲಿ ಅತಿಹೆಚ್ಚಿ ವಿಶ್ವಕಪ್ಗಳನ್ನು ಗೆದ್ದುಕೊಂಡಿರುವ ತಂಡ ಆಸ್ಟ್ರೇಲಿಯಾ ತಂಡವಾಗಿದೆ. ಕ್ರಿಕೆಟ್ ಆಸ್ಟ್ರೇಲಿಯಾ ಬೋರ್ಡ್ ವಿಶ್ವದ ಎರಡನೇ ಶ್ರೀಮಂತ ಕ್ರಿಕೆಟ್ ಮಂಡಳಿಯಾಗಿದ್ದು, 79 ಮಿಲಿಯನ್ ಡಾಲರ್ (658 ಕೋಟಿ ರೂ.) ನಿವ್ವಳ ಮೌಲ್ಯ ಹೊಂದಿದೆ.
ಭಾರತದ (ಬಿಸಿಸಿಐ): ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ವಿಶ್ವದ ಶ್ರೀಮಂತ ಕ್ರಿಕೆಟ್ ಮಂಡಳಿಯಾಗಿದೆ. ಜಗತ್ತಿನ ಎಲ್ಲ ಕ್ರಿಕೆಟ್ ಮಂಡಳಿಗಳ ಮೌಲ್ಯವನ್ನು ಒಗ್ಗೂಡಿಸಿದರೂ ಬಿಸಿಸಿಐನ ಅರ್ಧ ಮೌಲ್ಯಕ್ಕೂ ಸಮನಾಗುವುದಿಲ್ಲ. ಬಿಸಿಸಿಐ ಬರೋಬ್ಬರಿ 2.25 ಬಿಲಿಯನ್ ಡಾಲರ್ (18,760 ಕೋಟಿ ರೂ.) ನಿವ್ವಳ ಮೌಲ್ಯವನ್ನು ಹೊಂದಿದೆ. ಇದಕ್ಕೆ ಪ್ರಮುಖ ಕಾರಣ 130 ಕೋಟಿಗಿಂತ ಹೆಚ್ಚು ಜನರನ್ನು ಹೊಂದಿರುವ ಭಾರತದಲ್ಲಿ ಬಹುತೇಕರು ಕ್ರಿಕೆಟ್ ಅಭಿಮಾನಿಗಳಾಗಿದ್ದು, ಕ್ರಿಕೆಟ್ ಪಂದ್ಯಗಳಿಗೆ ಭಾರಿ ಬೆಂಬಲ ನೀಡುತ್ತಿದ್ದಾರೆ. ವಿಶ್ವದ ಎಲ್ಲ ತಂಡಗಳಿಗಿಂತ ಟೀಮ್ ಇಂಡಿಯಾ ಅತಿ ಹೆಚ್ಚು ಅಭಿಮಾನಿಗಳನ್ನು ಹೊಂದಿದೆ. ಇನ್ನು ಬಿಸಿಸಿಐ ನಡೆಸುವ ದೇಶೀಯ ಲೀಗ್, ಐಪಿಎಲ್ (ಇಂಡಿಯನ್ ಪ್ರೀಮಿಯರ್ ಲೀಗ್)ಗೆ ಬಿಸಿಸಿಐಗೆ ಹೆಚ್ಚು ಆದಾಯ ತಂದುಕೊಡುತ್ತಿದೆ.