WTC Final: ಟೀಂ ಇಂಡಿಯಾ ಟೆಸ್ಟ್ ವಿಶ್ವಕಪ್ ಸೋತಿದ್ದು ಹೇಗೆ? ಇಲ್ಲಿವೆ ನೋಡಿ 5 ಕಾರಣ
ಲಂಡನ್(ಜೂ.12): ದಶಕಗಳ ಬಳಿಕ ಐಸಿಸಿ ಟ್ರೋಫಿ ಗೆಲ್ಲುವ ಅವಕಾಶವನ್ನು ಟೀಂ ಇಂಡಿಯಾ ಕೈಚೆಲ್ಲಿದೆ. ಇಲ್ಲಿನ ದಿ ಓವಲ್ ಮೈದಾನದಲ್ಲಿ ನಡೆದ ಆಸ್ಟ್ರೇಲಿಯಾ ಎದುರಿನ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯದಲ್ಲಿ ಟೀಂ ಇಂಡಿಯಾ 209 ರನ್ ಅಂತರದ ಹೀನಾಯ ಸೋಲು ಅನುಭವಿಸಿದೆ. ಟೆಸ್ಟ್ ವಿಶ್ವಕಪ್ ಫೈನಲ್ ಸೋಲಿಗೆ ಇಲ್ಲಿವೆ ನೋಡಿ 5 ಕಾರಣ
1. ಮೊದಲ ಇನ್ನಿಂಗ್ಸಲ್ಲಿ ಆಸೀಸ್ 76ಕ್ಕೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿತ್ತು. ಆಸ್ಪ್ರೇಲಿಯಾವನ್ನು ಸಾಧಾರಣ ಮೊತ್ತಕ್ಕೆ ನಿಯಂತ್ರಿಸುವ ಅವಕಾಶವನ್ನು ಭಾರತ ಕೈಚೆಲ್ಲಿತು. ಸ್ಮಿತ್-ಹೆಡ್ 295 ರನ್ ಜೊತೆಯಾಟವಾಡಿ ಆಸೀಸ್ ಬೃಹತ್ ಮೊತ್ತಕ್ಕೆ ಕಾರಣರಾದರು
2. ಭಾರತದ ಅಗ್ರ ಬ್ಯಾಟರ್ಗಳು ಎರಡೂ ಇನ್ನಿಂಗ್ಸಲ್ಲಿ ವೈಫಲ್ಯ ಕಂಡರು. ಪಂದ್ಯದಲ್ಲಿ ಗಿಲ್ ಒಟ್ಟು 31, ಪೂಜಾರ ಒಟ್ಟು 41 ರನ್ ಗಳಿಸಲಷ್ಟೇ ಶಕ್ತರಾದರು. ರೋಹಿತ್, ಕೊಹ್ಲಿ, ರಹಾನೆಯಿಂದ ದೊಡ್ಡ ಇನ್ನಿಂಗ್್ಸ ಮೂಡಿಬರಲಿಲ್ಲ. ಬ್ಯಾಟಿಂಗ್ನಲ್ಲಿ ಭರತ್ ಆಟಕ್ಕುಂಟು ಲೆಕ್ಕಕ್ಕಿಲ್ಲವೆನಿಸಿದರು.
3. ಎರಡೂ ಇನ್ನಿಂಗ್ಸ್ಗಳಲ್ಲಿ ಆಸ್ಪ್ರೇಲಿಯಾದ ಕೆಳ ಕ್ರಮಾಂಕ ಭಾರತವನ್ನು ಕಾಡಿತು. ಮೊದಲ ಇನ್ನಿಂಗ್ಸಲ್ಲಿ ಕೊನೆಯ 4 ವಿಕೆಟ್ಗೆ ಆಸೀಸ್ 82 ರನ್ ಸೇರಿಸಿತು. ಅಲೆಕ್ಸ್ ಕೇರ್ರಿ 48 ರನ್ ಗಳಿಸಿದರು. 2ನೇ ಇನ್ನಿಂಗ್ಸಲ್ಲಿ 7ನೇ ವಿಕೆಟ್ಗೆ ಕೇರ್ರಿ ಹಾಗೂ ಸ್ಟಾರ್ಕ್ 93 ರನ್ ಸೇರಿಸಿದರು.
4. ಭಾರತ ವಿಶ್ವ ನಂ.1 ಬೌಲರ್ ಆರ್.ಅಶ್ವಿನ್ರನ್ನು ಹೊರಗಿಟ್ಟು ತಪ್ಪು ಮಾಡಿತೇ ಎನ್ನುವ ಪ್ರಶ್ನೆ ಎಲ್ಲರಲ್ಲೂ ಕಾಡುತ್ತಿದೆ. ನಿರೀಕ್ಷೆಯಂತೆ ಪಿಚ್ 4ನೇ ದಿನದಿಂದ ಸ್ಪಿನ್ನರ್ಸ್ಗೆ ನೆರವು ನೀಡಿತು. 2ನೇ ಇನ್ನಿಂಗ್ಸಲ್ಲಿ ನೇಥನ್ ಲಯನ್ 4 ವಿಕೆಟ್ ಕಿತ್ತರು. ಮೊದಲ ಇನ್ನಿಂಗ್ಸಲ್ಲಿ ಎರಡೇ ಓವರ್ ಬೌಲ್ ಮಾಡಿದರೂ ಜಡೇಜಾರನ್ನು ಔಟ್ ಮಾಡಿದ್ದರು.
5. ಐಪಿಎಲ್ ಮುಗಿಯುತ್ತಿದ್ದಂತೆ ಟೆಸ್ಟ್ ಫೈನಲ್ಗೆ ಭಾರತ ತೆರಳಿದ್ದು, ತಂಡದ ಸಿದ್ಧತೆಯ ಬಗ್ಗೆ ಪ್ರಶ್ನೆ ಮೂಡುವಂತೆ ಮಾಡಿತು. ಅತಿಯಾದ ಟಿ20 ಕ್ರಿಕೆಟ್ನಿಂದಾಗಿ ಟೆಸ್ಟ್ಗೆ ಬೇಕಿದ್ದ ಮನಸ್ಥಿತಿ ಹಾಗೂ ತಯಾರಿಯ ಕೊರತೆ ಪಂದ್ಯದುದ್ದಕ್ಕೂ ಭಾರತೀಯರಲ್ಲಿ ಎದ್ದು ಕಾಣುತ್ತಿತ್ತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.