ಇಂಜಮಾಮ್ ಉಲ್ ಹಕ್ - ಸೌರವ್ ಗಂಗೂಲಿ: ಇತ್ತಿಚೀಗೆ ಹೃದಯಾಘಾತಕ್ಕೊಳಗಾದ ಕ್ರಿಕೆಟರ್ಸ್!

ಯಶಪಾಲ್ ಶರ್ಮಾ:
1983 ರ ವಿಶ್ವಕಪ್‌ನಲ್ಲಿ ಐತಿಹಾಸಿಕ ವಿಜಯದ ಭಾಗವಾಗಿದ್ದ ಮಾಜಿ ಆಟಗಾರ ಯಶಪಾಲ್ ಶರ್ಮಾ (Yashpal sharma) ಅವರು ಈ ವರ್ಷ ಜುಲೈ 13 ರಂದು ಹಠಾತ್ ಹೃದಯಾಘಾತದಿಂದ ನಿಧನರಾದರು. ಯಶಪಾಲ್ ಶರ್ಮಾ ಅವರ ವಯಸ್ಸು 66 ವರ್ಷಗಳು.

ಸೌರವ್ ಗಂಗೂಲಿ:
ಈ ವರ್ಷ ಜನವರಿ 2 ರಂದು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ (Sourav Ganguly) ಕೂಡ ಹೃದಯಾಘಾತಕ್ಕೊಳಗಾದರು. ಅವರು ಜಿಮ್‌ನಲ್ಲಿ ವರ್ಕೌಟ್‌ (Workout) ಮಾಡುವಾಗ ತಲೆತಿರುಗಿ ಅಸ್ವಸ್ಥತೆಗೆ ಒಳಗಾದರು, ನಂತರ ಅವರನ್ನು ಕೋಲ್ಕತ್ತಾದ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿ ಅವರು ಆಂಜಿಯೋಪ್ಲ್ಯಾಸ್ಟಿ ಕೂಡ ಮಾಡಿದ್ದಾರೆ. ಅವರು ಈಗ ಫಿಟ್ (Fit) ಆಗಿದ್ದಾರೆ.

ಇಂಜಮಾಮ್-ಉಲ್-ಹಕ್:
27 ಸೆಪ್ಟೆಂಬರ್ 2021 ರಂದು, ಪಾಕಿಸ್ತಾನದ ಮಾಜಿ ನಾಯಕ ಇಂಜಮಾಮ್ ಉಲ್ ಹಕ್ ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದರು ಮತ್ತು ಹೃದಯಾಘಾತದಿಂದಾಗಿ ಲಾಹೋರ್‌ನ ಖಾಸಗಿ ಆಸ್ಪತ್ರೆಯಲ್ಲಿ ಆಂಜಿಯೋಪ್ಲಾಸ್ಟಿಗೆ ಒಳಗಾಗಬೇಕಾಯಿತು. ಸದ್ಯಕ್ಕೆ ಅವರು ಅಪಾಯದಿಂದ ಪಾರಾಗಿದ್ದಾರೆ.

ಕಪಿಲ್ ದೇವ್:
ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ಕಪಿಲ್ ದೇವ್  (Kapil Dev)  ಅವರಿಗೆ ಕಳೆದ ವರ್ಷ ಅಕ್ಟೋಬರ್ 22 ರಂದು ಹೃದಯಾಘಾತವಾಗಿತ್ತು. ಅದರ ನಂತರ ಅವರನ್ನು ದೆಹಲಿಯ ಓಖ್ಲಾದಲ್ಲಿರುವ ಫೋರ್ಟಿಸ್ ಎಸ್ಕಾರ್ಟ್ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿ ಅವರಿಗೆ ತುರ್ತು ಆಂಜಿಯೋಪ್ಲ್ಯಾಸ್ಟಿ  ಮಾಡಲಾಯಿತು ಮತ್ತು ಈ ಸಮಯದಲ್ಲಿ ಅವರ ಸಾವಿನ ಸುಳ್ಳು ವದಂತಿಗಳು ಕೂಡ ಹುಟ್ಟಿಕೊಂಡವು, ಪ್ರಸ್ತುತ ಅವರು ಸಂಪೂರ್ಣವಾಗಿ ಆರೋಗ್ಯವಾಗಿದ್ದಾರೆ.

ಬಾಬು ವಿಠ್ಠಲ್ ನಲವಾಡೆ:
ಈ ವರ್ಷ ಫೆಬ್ರವರಿಯಲ್ಲಿ, ಮಹಾರಾಷ್ಟ್ರದ ಪುಣೆ ಜಿಲ್ಲೆಯ ಜುನ್ನಾರ್ ತಹಸಿಲ್‌ನಲ್ಲಿ ಕ್ರಿಕೆಟ್ (Cricket) ಪಂದ್ಯ ಆಡುತ್ತಿದ್ದಾಗ ಒಬ್ಬ ಆಟಗಾರ ಹೃದಯಾಘಾತದಿಂದ ಸಾವನ್ನಪ್ಪಿದರು. ಆಟಗಾರನ ಹೆಸರು ಬಾಬು ವಿಠ್ಠಲ್ ನಲವಾಡೆ. ಇದರ ವೀಡಿಯೋ ಕೂಡ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ಇದರಲ್ಲಿ  ಇದ್ದಕ್ಕಿದ್ದಂತೆ ನೆಲದ ಮೇಲೆ ಬಿದ್ದಿರುವುದು ಕಾಣಬಹುದಾಗಿದೆ. ಅಂಪೈರ್ ಆಟಗಾರನನ್ನು ಸಮೀಪಿಸಿ ಆಸ್ಪತ್ರೆಗೆ ಕರೆದೊಯ್ದರು, ಆದರೆ ಅಷ್ಟರಲ್ಲಾಗಲೇ ಅವರು ಮೃತಪಟ್ಟಿದ್ದರು.