ಪಾಕ್ ಕ್ರಿಕೆಟರ್‌ ಶೋಯೆಬ್ ಮಲಿಕ್ ಜೊತೆ ಸಂಬಂಧ: ಮೌನ ಮುರಿದ ನಟಿ ಆಯೇಶಾ ಒಮರ್
ಪಾಕಿಸ್ತಾನಿ ಕ್ರಿಕೆಟಿಗ ಶೋಯೆಬ್ ಮಲಿಕ್ (Shoaib Malik) ಮತ್ತು ಭಾರತದ ಟೆನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ(sania Mirza) ಅವರ ವಿಚ್ಛೇದನದ ವರದಿಗಳು ಕಳೆದ ವರ್ಷದಿಂದ ಹರಿದಾಡುತ್ತಿವೆ. ಶೋಯೆಬ್ ಅಥವಾ ಸಾನಿಯಾ ತಮ್ಮ ಬ್ರೇಕಪ್ ಅನ್ನು ಸಾರ್ವಜನಿಕವಾಗಿ ತಿಳಿಸದಿದ್ದರೂ, ಪಾಕಿಸ್ತಾನಿ ನಟಿ ಆಯೇಶಾ ಒಮರ್ (Ayesha Omar) ಅವರೊಂದಿಗಿನ ಶೋಯೆಬ್ ಅವರ ಸಂಬಂಧದ ಬಗ್ಗೆ ವದಂತಿಗಳು ಕೂಡ ಸುದ್ದಿ ಮಾಡುತ್ತಿವೆ. ಈ ನಡುವೆ ಆಯೇಶಾ ಒಮರ್ ಚಾಟ್ ಶೋವೊಂದರಲ್ಲಿ ಶೋಯಬ್‌ ಜೊತೆ ಸಂಬಂಧದ ಬಗ್ಗೆ ಮಾತನಾಡಿದ್ದಾರೆ.
Followಕೊನೆಗೂ ಭಾರತೀಯ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಅವರ ಪತಿ ಮತ್ತು ಮಾಜಿ ಪಾಕಿಸ್ತಾನಿ ಕ್ರಿಕೆಟರ್‌ ಶೋಯೆಬ್ ಮಲಿಕ್ ಜೊತೆ ಸಂಬಂಧದ ಬಗ್ಗೆ ಆಯೇಶಾ ಒಮರ್ ಮೌನ ಮುರಿದ್ದಾರೆ.
ಈಗ, ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಶೋಯೆಬ್ ಅಖ್ತರ್ ಅವರ ಚಾಟ್ ಶೋನ ಹೊಸ ಎಪಿಸೋಡ್‌ನಲ್ಲಿ ಶೋಯೆಬ್ ಮಲಿಕ್ ಜೊತೆ ಸಂಪರ್ಕ ಹೊಂದಿರುವ ಬಗ್ಗೆ ಆಯೇಶಾ ಒಮರ್ ಮಾತನಾಡಿದ್ದಾರೆ.
'ಸಾನಿಯಾ ಮಿರ್ಜಾ ಮತ್ತು ಶೋಯೆಬ್ ಮಲಿಕ್ ಅವರ ವಿಚ್ಛೇದನದ ವದಂತಿಗೆ ನನ್ನನ್ನು ದೂಷಿಸಲಾಗುತ್ತಿದೆ ಮತ್ತು ನಾನು ಎಂದಿಗೂ ವಿವಾಹಿತ ಅಥವಾ ಕಮಿಟೆಡ್‌ ಪುರುಷನತ್ತ ಆಕರ್ಷಿತನಾಗುವುದಿಲ್ಲ' ಎಂದು ಆಯೇಶಾ ಒಮರ್ ಸ್ಪಷ್ಟಪಡಿಸಿದ್ದಾರೆ.
ಶೋಯೆಬ್ ಜೊತೆಗಿನ ತನ್ನ ಫೋಟೋಶೂಟ್ ರಿವಿಲಿಂಗ್‌ ಎಂದು ಭಾರತದಲ್ಲಿ ವಿವಾದವಾಯಿತು. ಆದರೆ ಪಾಕಿಸ್ತಾನದಲ್ಲಿ ಅಲ್ಲ ಎಂದೂ ಆಯೇಶಾ ಒಮರ್ ಅವರು ಹೇಳಿದ್ದಾರೆ.
2021 ರ ಫೋಟೋಶೂಟ್‌ನಲ್ಲಿ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡಾಗಿನಿಂದ ಆಯೇಶಾ ಒಮರ್ ಮತ್ತು ಶೋಯೆಬ್ ಮಲಿಕ್ ಅವರ ಹೆಸರನ್ನು ಲಿಂಕ್ ಮಾಡಲಾಗಿದೆ.
ಕಳೆದ ವರ್ಷ ಆಯೇಶಾ ಒಮರ್ ಮತ್ತು ಶೋಯೆಬ್ ಮಲಿಕ್ ಅವರ ಫೋಟೋಶೂಟ್‌ನ ಚಿತ್ರಗಳು ಸಾಮಾಜಿಕ ಮಾಧ್ಯಮದಲ್ಲಿ ಸಖತ್‌ ವೈರಲ್ ಆಗಿದ್ದವು.
ಆಯೇಷಾಳನ್ನು ಶೋಯೆಬ್ ವರಿಸಲಿದ್ದಾರೆ ಎಂಬ ವದಂತಿಗಳೂ ಹಬ್ಬಿದ್ದವು ಮತ್ತು ಸಾನಿಯಾ ಮಿರ್ಜಾ ಮತ್ತು ಶೋಯೆಬ್ ಮಲಿಕ್ ಅವರ ವಿಚ್ಛೇದನದ ಸುದ್ದಿಗಳು ಹರಿದಾಡಲು ಪ್ರಾರಂಭಿಸಿದವು
ಶೋಯೆಬ್ ಮತ್ತು ಸಾನಿಯಾ 2010 ರಲ್ಲಿ ವಿವಾಹವಾದರು ಮತ್ತು ಅಂದಿನಿಂದ ದುಬೈನಲ್ಲಿ ನೆಲೆಸಿದ್ದಾರೆ. ವರದಿಗಳ ಪ್ರಕಾರ, ಸಾನಿಯಾ ಮತ್ತು ಶೋಯೆಬ್ ತಮ್ಮ ಸಂಬಂಧವನ್ನು ಕೊನೆಗೊಳಿಸಿದ್ದಾರೆ ಮತ್ತು ಅವರ ಮಗ ಇಜಾನ್‌ ಸಹ-ಪೋಷಕರಾಗಿದ್ದಾರೆ.
