EMI ಕಟ್ಟದೆ, ಬ್ಯಾಂಕಿಂದ ಶಾರುಖ್ ಖಾನ್ ಕಾರು ಜಪ್ತಿ ; ನಟಿಯಿಂದ ಬಯಲಾದ ಶಾಕಿಂಗ್‌ ನ್ಯೂಸ್!
ಸೂಪರ್‌ ಸ್ಟಾರ್‌ ಶಾರುಖ್ ಖಾನ್ ಇಂದು ಹಲವು ಕಾರುಗಳ ಮಾಲೀಕ. ಆದರೆ ಹಿಂದೆ ಶಾರುಖ್ ಅವರು ಇಎಂಐ ಪಾವತಿಸಲು ಸಾಧ್ಯವಾಗದಿದ್ದಾಗ, ಬ್ಯಾಂಕ್ ಅವರ ಕಾರನ್ನು ಜಪ್ತಿ ಮಾಡಿರುವ ವಿಷಯ ಹೊರಬಂದಿದೆ. ಈ ವಿಷಯವನ್ನು ಅವರ ಸ್ನೇಹಿತೆ ನಟಿ ಜೂಹಿ ಚಾವ್ಲಾ ಬಹಿರಂಗಪಡಿಸಿದ್ದಾರೆ.
)
ಶಾರುಖ್ ಖಾನ್ ಇಂದು ಅನೇಕ ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ ಆದರೆ ಹಿಂದೆ ಎಸ್‌ಆರ್‌ಕೆ ಅವರು ಇಎಂಐನಲ್ಲಿ ಕಾರನ್ನು ತೆಗೆದುಕೊಂಡಿದ್ದರು ಮತ್ತು ಅದನ್ನು ಮರುಪಾವತಿಸಲು ಸಾಧ್ಯವಾಗದಿದ್ದಾಗ ಬ್ಯಾಂಕ್ ಅವರ ಕಾರನ್ನು ತೆಗೆದುಕೊಂಡು ಹೋಗಿತ್ತು.
)
ಶಾರುಖ್ ಖಾನ್ ಹೀರೋ ಆಗಲು ದೆಹಲಿಯಿಂದ ಮುಂಬೈಗೆ ಬಂದಿದ್ದಾಗ ಅವರ ಆರ್ಥಿಕ ಸ್ಥಿತಿ ಚೆನ್ನಾಗಿರಲಿಲ್ಲ. ಇಎಂಐ ಬಾಕಿ ಇರುವಾಗ ಬ್ಯಾಂಕ್ ತನ್ನ ಕಾರನ್ನು ಹೇಗೆ ಜಪ್ತಿ ಮಾಡಿತ್ತು ಎಂದು ಜೂಹಿ ಸಂಭಾಷಣೆಯಲ್ಲಿ ಹೇಳಿದ್ದಾರೆ.
ಶಾರುಖ್ ಅವರ ಆತ್ಮೀಯ ಸ್ನೇಹಿತೆ ಮತ್ತು ಹಲವು ಚಿತ್ರಗಳಲ್ಲಿ ಅವರ ನಾಯಕಿಯಾಗಿ ಕೆಲಸ ಮಾಡಿದ ಜೂಹಿ ಚಾವ್ಲಾ ಅವರು ಸಂದರ್ಶನವೊಂದರಲ್ಲಿ ಇದನ್ನು ಬಹಿರಂಗಪಡಿಸಿದ್ದಾರೆ.
ಇತ್ತೀಚೆಗಿನ ಕಾರ್ಯಕ್ರಮವೊಂದರಲ್ಲಿ ಶಾರುಖ್ ಖಾನ್ ಈ ಸ್ಥಿತಿಗೆ ಬರಲು ಅವರ ಹೋರಾಟದ ಬಗ್ಗೆ ಜೂಹಿ ಚಾವ್ಲಾ ಮಾತನಾಡಿದ್ದಾರೆ ಮತ್ತು ಅವರ ಈ ವಿಡಿಯೋ ಹೆಚ್ಚು ವೈರಲ್ ಆಗುತ್ತಿದೆ.
'ನನಗೆ ನೆನಪಿರುವಂತೆ ಶಾರುಖ್‌ಗೆ ಆಗಿನ್ನೂ ಮುಂಬೈನಲ್ಲಿ ಮನೆ ಇರಲಿಲ್ಲ. ಅವರು ದೆಹಲಿಯಿಂದ ಬಂದಿದ್ದರು. ಅಡುಗೆ ಮಾಡಲೂ ಯಾರೂ ಇರಲಿಲ್ಲ. ಎಲ್ಲಿ ವಾಸಮಾಡುತ್ತಿದ್ದರೋ ಗೊತ್ತಿಲ್ಲ. ಅವರು ಯೂನಿಟ್‌ನ ಆಹಾರವನ್ನೇ ತಿನ್ನುತ್ತಿದ್ದರು, ಯೂನಿಟ್‌ನಲ್ಲಿ ಚಹಾ ಕುಡಿಯುವುದಲ್ಲದೇ ಎಲ್ಲರ ಜೊತೆಯೂ ಸಲುಗೆಯಿಂದ ಬೆರೆಯುತ್ತಿದ್ದರು,' ಎಂದು ಟ್ವಿಟ್ಟರ್‌ನಲ್ಲಿ ವೈರಲ್ ಆಗುತ್ತಿರುವ ವೀಡಿಯೊದಲ್ಲಿ ಜೂಹಿ ಚಾವ್ಲಾ ಹೇಳಿದ್ದಾರೆ.
'ಅವರ ಬಳಿ ಕಪ್ಪು ಜಿಪ್ಸಿ ಇತ್ತು. ಎರಡು ಅಥವಾ ಮೂರು ಶಿಫ್ಟಿನಲ್ಲಿ ಕೆಲ್ಸ ಮಾಡುತ್ತಿದ್ದರು. ನಮ್ಮೊಂದಿಗೆ 'ರಾಜು ಬನ್ ಗಯಾ ಜೆಂಟಲ್‌ಮ್ಯಾನ್' ಮತ್ತು 'ದಿಲ್ ಆಸನಾ' ಮತ್ತು ದಿವ್ಯಾ ಭಾರತಿ ಜೊತೆ ಮತ್ತೊಂದು ಚಿತ್ರದಲ್ಲಿ ಬ್ಯುಸಿಯಾಗಿದ್ದರು. ದಿನದ 24 ಗಂಟೆಯೂ ದುಡಿಯುತ್ತಿದ್ದ ಅವರು ನಿಜವಾಗಿಯೂ ಶ್ರಮಜೀವಿ. ಕಾರಣಾಂತರಗಳಿಂದ ತಮ್ಮ ಕಾರಿನ ಇಎಂಐ ಪಾವತಿಸಲು ಆಗದೇ, ಬ್ಯಾಂಕ್ ಸೀಟ್ ಮಾಡಿತ್ತು. ಆ ದಿನ ಬೇಜಾರು ಮಾಡ್ಕೊಂಡು ಸೆಟ್‌ಗೆ ಬಂದಿದ್ದು ಚೆನ್ನಾಗಿ ನೆನಪಿದೆ, ಎಂದಿದ್ದಾರೆ ಪ್ರೇಮಲೋಕದ ಬೆಡಗಿ.
ಅದಕ್ಯಾಕೆ ಯೋಚಿಸುತ್ತೀರಿ. ಭವಿಷ್ಯದಲ್ಲಿ ಒಂದಲ್ಲ ಹಲವು ಕಾರುಗಳಿಗೆ ನೀವು ಮಾಲೀಕಾರಗುತ್ತೀರಿ. ಕಾರನ್ನು ಬ್ಯಾಂಕ್ ಸೀಜ್ ಮಾಡಿದ್ದಕ್ಕೆ ಬೇಜಾರು ಆಗ್ಬೇಡಿ ಅಂತ ಸಮಾಧಾನ ಮಾಡಿದ್ದು ಇವತ್ತಿಗೂ ನೆನಪಿದೆ, ಎನ್ನುತ್ತಾರೆ ಜೂಹಿ.
'ರಾಜು ಬನ್ ಗಯಾ ಜಂಟಲ್‌ಮನ್’ ಚಿತ್ರೀಕರಣದ ವೇಳೆ ನಾನು ಖರೀದಿಸಿದ್ದ ನನ್ನ ಮೊದಲ ಜೀಪ್ ಹಣವನ್ನು ಪಾವತಿಸದ ಕಾರಣ ಬ್ಯಾಂಕ್ ತೆಗೆದುಕೊಂಡು ಹೋಗಿತ್ತು ಮತ್ತು ನಂತರ ಉಳಿದ ಶೂಟಿಂಗ್‌ಗಾಗಿ ಜೂಹಿ ತನ್ನ ಕಾರನ್ನು ನನಗೆ ನೀಡಿದ್ದರು' ಎಂದು ಜೂಮ್ ಸಂಭಾಷಣೆಯಲ್ಲಿ ನಡೆದ ಹಳೇ ಘಟನೆಯನ್ನು ಸ್ವತಃ ಶಾರುಖ್ ಖಾನ್ ನೆನಪಿಸಿಕೊಂಡಿದ್ದರು.
ವರ್ಷಗಳ ನಂತರ, ನಾನು ತ್ರಿಮೂರ್ತಿ' ಚಿತ್ರೀಕರಣದಲ್ಲಿದ್ದಾಗ, ಒಂದು ಕಾರು ಓಡಿಸುತ್ತಿದ್ದೆ. ಕಾರು ಪರಿಚಿತವಾಗಿದೆ ಎಂದು ನಾನು ಇದ್ದಕ್ಕಿದ್ದಂತೆ ಅನಿಸಿತು. ನನ್ನಿಂದ ತೆಗೆದುಕೊಂಡ ಕಾರನ್ನು ಲಾಟ್‌ನಲ್ಲಿ ಮಾರಲಾಗಿತ್ತು. ಆ ಕಾರಿನಲ್ಲಿ ಜಾಕಿ ಶ್ರಾಫ್ ಜೊತೆ ಓಡಾಡುತ್ತಿದ್ದೆ ಎಂದು ಶಾರುಖ್ ಖಾನ್ ಬ್ಯಾಂಕ್ ಸೀಜ್ ಮಾಡಿದ್ದ ಕಾರನ್ನು ಮತ್ತೆ ಡ್ರೈವ್ ಮಾಡಿಬೇಕಾಗಿ ಬಂದ ಪ್ರಸಂಗವನ್ನು ನೆನಪಿಸಿಕೊಂಡಿದ್ದಾರೆ.
