ಗೋವಾದಲ್ಲಿ ಪತ್ರಕರ್ತೆಗೆ ಕಿಸ್‌ ಕೊಟ್ಟ ನಟ ಸಲ್ಮಾನ್ ಖಾನ್, ವಿಡಿಯೋ ವೈರಲ್

ನವೆಂಬರ್ 21, 2023 ರ ಮಂಗಳವಾರ ಸಂಜೆ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಟೈಗರ್ 3 ನಟ  ಸಲ್ಮಾನ್ ಖಾನ್ ಕಾಣಿಸಿಕೊಂಡು ಗಮನ ಸೆಳೆದರು. ಈ ಸಮಾರಂಭದಲ್ಲಿ  ಸಲ್ಮಾನ್ ಅವರ ಸೋದರ ಸೊಸೆ ಅಲಿಜೆ ಅಗ್ನಿಹೋತ್ರಿ ಜೊತೆಗಿದ್ದರು. ಇತ್ತೀಚೆಗೆ ಫಾರೆಯಲ್ಲಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು ಮತ್ತು ಮಾಧ್ಯಮಗಳೊಂದಿಗೆ ಸಂವಹನ ನಡೆಸುತ್ತಿದ್ದರು. 

ಚಿತ್ರೋತ್ಸವದ ವಿಡಿಯೋವೊಂದು ಅಂತರ್ಜಾಲದಲ್ಲಿ ವೈರಲ್ ಆಗಿದ್ದು, ಎಲ್ಲರ ಗಮನ ಸೆಳೆದಿದೆ. ವೈರಲ್ ವೀಡಿಯೊದಲ್ಲಿ ಸಲ್ಮಾನ್ ಖಾನ್ ಅವರ ಹಾಸ್ಯಮಯ ನಡವಳಿಕೆ ಕಂಡಿದೆ. ಪಾಪರಾಜಿಗಳು ಈ ಕ್ಷಣವನ್ನು ಸೆರೆಹಿಡಿದು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. 

ಸಲ್ಮಾನ್ ಖಾನ್ ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ ರೆಡ್ ಕಾರ್ಪೆಟ್ ಕಡೆಗೆ ಹೋಗುತ್ತಿದ್ದಂತೆ, ಪರಿಚಿತ ಮುಖವನ್ನು ಗಮನಿಸಿ ರೋಮಾಂಚನಗೊಂಡರು.  ಅಲ್ಲಿ ಅವರು ಹಿರಿಯ ಪತ್ರಕರ್ತೆಯೊಬ್ಬರನ್ನು ತಬ್ಬಿಕೊಂಡು ಹಣೆಗೆ ಚುಂಬಿಸಿದರು.  ನಟ ಸಂತೋಷ, ಸಹೃದಯ ಅಲ್ಲಿ ಕಾಣಿಸಿತು.

ಕೈಸಿ ಹೈ? (ಹೇಗಿದ್ದೀರಿ) ಎಂದು ಹಿರಿಯ ಪತ್ರಕರ್ತೆಯನ್ನು ಕೇಳಿದರು, ಪತ್ರಕರ್ತೆ ವ್ಯಂಗ್ಯವಾಗಿ   'ಡ್ರಾಮಾ ಮತ್ ಕರ್' ಎಂದು ಹೇಳಿದರು. ಹಿರಿಯ ಪತ್ರಕರ್ತರೊಂದಿಗೆ ಸಲ್ಮಾನ್ ಖಾನ್ ಅವರ ಸ್ನೇಹವು ದೀರ್ಘಕಾಲದ ಸಂಬಂಧವನ್ನು ಪ್ರತಿಬಿಂಬಿಸುತ್ತದೆ. 
 

ಸಲ್ಮಾನ್ ಖಾನ್ ಅವರ ವೈರಲ್ ವೀಡಿಯೊಗೆ ನೆಟಿಜನ್‌ಗಳು ಉತ್ಸುಕರಾಗಿ ಪ್ರತಿಕ್ರಿಯಿಸಿದರು. ಸೂಪರ್‌ಸ್ಟಾರ್ ಅವರ ಒಳ್ಳೆಯ ಮನಸ್ಥಿತಿಯನ್ನು ನೋಡಿದ ನಂತರ   ಅಭಿಮಾನಿಗಳು ‘ಸಲ್ಮಾನ್ ಸುಂದರವಾಗಿ ಕಾಣುತ್ತಿದ್ದಾರೆ’ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬ ಅಭಿಮಾನಿ, ‘ಸಲ್ಮಾನ್ ಭಾಯ್ ನಿಜವಾಗಿಯೂ ತುಂಬಾ ಒಳ್ಳೆಯವರು’ ಎಂದು ಬರೆದಿದ್ದಾರೆ. 

ಟೈಗರ್ 3 ಬಗ್ಗೆ ಹೇಳುವುದಾದರೆ, YRF ನಿರ್ಮಾಣದಲ್ಲಿ ಮೂಡಿಬರುತ್ತಿರುವ ಚಿತ್ರದಲ್ಲಿ ಸಲ್ಮಾನ್ ಖಾನ್, ಕತ್ರಿನಾ ಕೈಫ್ ಮತ್ತು ಇಮ್ರಾನ್ ಹಶ್ಮಿ ನಟಿಸಿದ್ದಾರೆ. ಚಿತ್ರವನ್ನು ಮನೀಶ್ ಶರ್ಮಾ ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿ ಶಾರುಖ್ ಖಾನ್ ಮತ್ತು ಹೃತಿಕ್ ರೋಷನ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಆಕ್ಷನ್-ಥ್ರಿಲ್ಲರ್ ಎಲ್ಲಾ ಭಾಷೆಗಳಲ್ಲಿ ಭಾರತದಲ್ಲಿ ಮೊದಲ ದಿನದಲ್ಲಿ  44.50 ರೂ. ಗಳಿಸಿತು.   10ನೇ ದಿನ ಅಂದರೆ ನವೆಂಬರ್ 21, 2023 ರಂದು ಟೈಗರ್ 3 ಬಾಕ್ಸ್ ಆಫೀಸ್ ಕಲೆಕ್ಷನ್ 243.60 ಕೋಟಿ ರೂ. ಆಗಿದೆ.