ಆಲಿಯಾ or ತೃಪ್ತಿ ಡಿಮ್ರಿ? ರಣಬೀರ್ ಕಪೂರ್‌ ಜೊತೆ ಯಾರು ಬೆಸ್ಟ್ ? ತೃಪ್ತಿ ಕೊಟ್ಟ ಉತ್ತರ ವೈರಲ್

ಆನಿಮಲ್‌ ಚಿತ್ರದಲ್ಲಿ ರಣಬೀರ್‌ ಕಪೂರ್‌ ಜೊತೆಗಿನ  ಬೋಲ್ಡ್‌ ಅಭಿನಯದ ನಂತರ ನಟಿ ತೃಪ್ತಿ ಡಿಮ್ರಿ ಸಖತ್‌ ಫೇಮಸ್‌ ಆಗಿದ್ದಾರೆ. ಈಗ ಅವರ ಹಳೆ ವೀಡಿಯೊವೊಂದು ವೈರಲ್‌ ಆಗಿದೆ. ಇದರಲ್ಲಿ ತೃಪ್ತಿ ರಣಬೀರ್‌ ಜೊತೆ ಆಲಿಯಾ ಮತ್ತು ಅವರ ನಡುವೆ ಯಾರು ಚೆನ್ನಾಗಿ ಕಾಣುತ್ತಾರೆ ಎಂಬ ಪ್ರಶ್ನೆಗೆ ಉತ್ತರಿಸಿದ್ದಾರೆ. ತೃಪ್ತಿ ಅವರು ನೀಡಿದ ಉತ್ತರದಿಂದ  ನೆಟಿಜನ್‌ಗಳ ಮನಗೆದ್ದಿದ್ದಾರೆ.

ರಣಬೀರ್ ಕಪೂರ್ ತನ್ನ ಅಭಿನಯ  ಮತ್ತು ನೃತ್ಯ ಕೌಶಲ್ಯಗಳಿಗೆ ಹೆಸರುವಾಸಿಯಾದ ಬಾಲಿವುಡ್‌ನ ಟಾಪ್‌ ನಟ. ತನ್ನದೇ ಆದ ದೊಡ್ಡ ಅಭಿಮಾನಿ ಬಳಗ ಹೊಂದಿದ್ದಾರೆ.

ರಣಬೀರ್‌ ಅವರ ಇತ್ತೀಚಿನ ಹಿಟ್‌ ಸಿನಿಮಾ  ಅನಿಮಲ್'ನಲ್ಲಿ ತೃಪ್ತಿ  ಡಿಮ್ರಿ ಜೊತೆಯ  ಆನ್-ಸ್ಕ್ರೀನ್ ಕೆಮಿಸ್ಟ್ರಿ ಸಖತ್‌ ಫೇಮಸ್‌ ಆಗಿದೆ.  ರಣಬೀರ್ ಕಪೂರ್ ಜೊತೆಗಿನ ತೃಪ್ತಿ ಬಾಂಡಿಂಗ್ ಅಭಿಮಾನಿಗಳಲ್ಲಿ ಆಸಕ್ತಿಯ ವಿಷಯವಾಯಿತು, ಇದು ಊಹಾಪೋಹಗಳಿಗೆ  ಕಾರಣವಾಗಿದೆ.

ಇದರ ಮಧ್ಯೆ, ಹಳೆಯ ವೀಡಿಯೊವೊಂದು ವೈರಲ್‌ ಆಗಿದೆ, ಅದರಲ್ಲಿ  ತೃಪ್ತಿ, ಆಲಿಯಾ ಭಟ್ ಮತ್ತು ಇತರರಲ್ಲಿ ರಣಬೀರ್ ಕಪೂರ್‌ಗೆ ಸೂಕ್ತವಾದ ಆನ್-ಸ್ಕ್ರೀನ್ ಜೋಡಿಯನ್ನು ಆಯ್ಕೆ ಮಾಡಲು ಕೇಳಲಾಗಿದೆ.

ಆಲಿಯಾರನ್ನು  ತೃಪ್ತಿ ಆಯ್ಕೆ ಮಾಡಿದ್ದಾರೆ. ಆದರೆ ಸಂದರ್ಶಕರು ಬದಲಿಗೆ ರಣವೀರ್ ಸಿಂಗ್ ಜೊತೆ ಆಲಿಯಾ ಜೋಡಿಯಾಗುವಂತೆ ಸೂಚಿಸಿದರು. ಇದರ ಹೊರತಾಗಿಯೂ, ತೃಪ್ತಿ  ತನ್ನ ಆಯ್ಕೆಯನ್ನು ಬದಲಿಸಲಿಲ್ಲ, ಆಲಿಯಾ ರಣಬೀರ್‌ನೊಂದಿಗೆ ಉತ್ತಮವಾಗಿ ಕಾಣುತ್ತಾರೆ ಎಂದೇ ದೃಢವಾಗಿ ಹೇಳಿದ್ದಾರೆ.

ಕೆಲವರು ನೆಟಿಜನ್ಸ್‌ ತೃಪ್ತಿಯ ಪ್ರತಿಕ್ರಿಯೆಯನ್ನು ಶ್ಲಾಘಿಸಿದ್ದಾರೆ ಮತ್ತು ಇತರರು ಅವಳನ್ನು ಪ್ರಚೋದಿಸುವ ಸಂದರ್ಶಕರ ಪ್ರಯತ್ನವನ್ನು ಟೀಕಿಸಿದರು. ಇದು ರಣಬೀರ್‌ ಮೇಲೆ ತೃಪ್ತಿಯ ಕ್ರಶ್‌ ಬಗ್ಗೆ ಊಹಾಪೋಹಗಳು ಆನ್‌ಲೈನ್‌ನಲ್ಲಿ ಮತ್ತಷ್ಟು ಚರ್ಚೆಗಳನ್ನು ಹುಟ್ಟುಹಾಕಿವೆ.

ಸ್ಕ್ರೀನಿಂಗ್ ಈವೆಂಟ್‌ನಲ್ಲಿ ರಣಬೀರ್‌ ಮೇಲೆ ತೃಪ್ತಿಯ ಕಣ್ಣು ಸ್ಥಿರವಾಗಿರುವಂತೆ ತೋರುತ್ತಿರುವ ವೀಡಿಯೊ ರೂಮರ್‌ಗಳಿಗೆ ಇನ್ನಷ್ಟು ತುಪ್ಪ ಸುರಿಯಿತು. ಆದರೆ  ಇದು ಕೇವಲ ಭಯವಷ್ಟೇ ಹೊರತು, ವ್ಯಾಮೋಹವಲ್ಲ ಎಂದು ತೃಪ್ತಿ  ಡಿಮ್ರಿ ಸ್ಪಷ್ಟಪಡಿಸಿದ್ದಾರೆ.

ತೃಪ್ತಿ  ಡಿಮ್ರಿ ಅವರು ಪರಿಸ್ಥಿತಿಯನ್ನು ಸೂಕ್ತವಾಗಿ ನಿರ್ವಹಿಸುವುದು ಅನೇಕರಿಂದ ಮೆಚ್ಚುಗೆಯನ್ನು ಗಳಿಸಿತು. ವಿವಾದಗಳ ಹೊರತಾಗಿಯೂ, ನಟಿಯ ಸಮಂಜಸವಾದ ವರ್ತನೆ ಮತ್ತು ವೃತ್ತಿಪರ ವಿಧಾನವು ಅಭಿಮಾನಿಗಳು ಮತ್ತು ವಿಮರ್ಶಕರ ನಡುವೆ ಗೌರವವನ್ನು ಗಳಿಸಿದೆ.