ಸೂರ್ಯ ಅಭಿನಯದ 'ರೆಟ್ರೋ' ಸಿನಿಮಾ OTTಗೆ ಶಿಫ್ಟ್? ಬಿಡುಗಡೆ ದಿನಾಂಕ ಸೋರಿಕೆ!
ಕಾರ್ತಿಕ್ ಸುಬ್ಬರಾಜ್ ನಿರ್ದೇಶನದ, ಸೂರ್ಯ ನಟನೆಯ ರೆಟ್ರೋ ಚಿತ್ರದ ಓಟಿಟಿ ಬಿಡುಗಡೆ ದಿನಾಂಕ ಆನ್ಲೈನ್ನಲ್ಲಿ ಸೋರಿಕೆಯಾಗಿದೆ.
ಸೂರ್ಯ ಅವರ 44ನೇ ಚಿತ್ರ ರೆಟ್ರೋವನ್ನು ಕಾರ್ತಿಕ್ ಸುಬ್ಬರಾಜ್ ನಿರ್ದೇಶಿಸಿದ್ದಾರೆ. ಈ ಚಿತ್ರದಲ್ಲಿ ಸೂರ್ಯಗೆ ಜೋಡಿಯಾಗಿ ಪೂಜಾ ಹೆಗ್ಡೆ ನಟಿಸಿದ್ದಾರೆ. ನಾಸರ್, ಪ್ರಕಾಶ್ ರಾಜ್, ಜಯರಾಮ್, ಜೋಜು ಜಾರ್ಜ್ ಮುಂತಾದ ದೊಡ್ಡ ತಾರಾಗಣವೇ ಇರುವ ಈ ಚಿತ್ರವನ್ನು 2ಡಿ ಎಂಟರ್ಟೈನ್ಮೆಂಟ್ನಡಿ ಸೂರ್ಯ ಮತ್ತು ಜ್ಯೋತಿಕಾ ಜಂಟಿಯಾಗಿ ನಿರ್ಮಿಸಿದ್ದಾರೆ. ಸಂತೋಷ್ ನಾರಾಯಣನ್ ಸಂಗೀತ ನೀಡಿದ್ದಾರೆ. ಹಾಡುಗಳು ಬಿಡುಗಡೆಗೂ ಮುನ್ನವೇ ಹಿಟ್ ಆಗಿದ್ದವು.
ರೆಟ್ರೋಗೆ ಮುನ್ನ, ಸೂರ್ಯ ನಟನೆಯ ಕಂಗುವಾ ಕಳೆದ ವರ್ಷ ನವೆಂಬರ್ನಲ್ಲಿ ಬಿಡುಗಡೆಯಾಗಿತ್ತು. ಆ ಚಿತ್ರ ಸೋತಿದ್ದರಿಂದ, ರೆಟ್ರೋದಿಂದ ತಿರುಗಿ ಬೀಗಬೇಕೆಂಬ ಹಂಬಲ ಸೂರ್ಯಗೆ ಇತ್ತು. ಅವರ ನಿರೀಕ್ಷೆಯಂತೆ ರೆಟ್ರೋ ಚಿತ್ರ ಚೆನ್ನಾಗಿ ಓಡಿತು. ಆದರೆ ವಿಮರ್ಶಾತ್ಮಕವಾಗಿ ಹೆಚ್ಚು ಮೆಚ್ಚುಗೆ ಪಡೆಯಲಿಲ್ಲ.
ರೆಟ್ರೋ ಬಿಡುಗಡೆಯಾದ ಒಂದೇ ವಾರದಲ್ಲಿ ವಿಶ್ವಾದ್ಯಂತ 100 ಕೋಟಿ ಗಳಿಸಿತು. ಸೂರ್ಯ ಅವರ ವೃತ್ತಿಜೀವನದಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು. ಲಾಭದ 10 ಕೋಟಿ ರೂ.ಗಳನ್ನು ಅಗರಂ ಫೌಂಡೇಶನ್ಗೆ ನೀಡಿದರು.
ರೆಟ್ರೋ ಮೊದಲ ವಾರ ಚೆನ್ನಾಗಿ ಓಡಿದರೂ, ಎರಡನೇ ವಾರದಿಂದ ಕಡಿಮೆಯಾಯಿತು. ಪ್ರತಿಸ್ಪರ್ಧಿಯಾಗಿ ಬಂದ ಟೂರಿಸ್ಟ್ ಫ್ಯಾಮಿಲಿ ಚಿತ್ರ ಚೆನ್ನಾಗಿ ಓಡುತ್ತಿದೆ. ಹಾಗಾಗಿ ರೆಟ್ರೋ ಈಗ ಓಟಿಟಿಗೆ ಹೋಗುತ್ತಿದೆ. ನೆಟ್ಫ್ಲಿಕ್ಸ್ ಜೂನ್ 5 ರಂದು ಬಿಡುಗಡೆ ಮಾಡಲು ಯೋಜಿಸಿದೆ.