ರಜನಿಕಾಂತ್ ಸೆಂಟಿಮೆಂಟ್ ದಿನದಂದು ಕೂಲಿ ಸಿನಿಮಾ ರಿಲೀಸ್: ಸೂಪರ್ ಸ್ಟಾರ್-ರಿಯಲ್ ಸ್ಟಾರ್ ಸಮಾಗಮಾ ಯಾವಾಗ?

ರಜನಿಕಾಂತ್ ಅಭಿನಯದ 'ಕೂಲಿ' ಚಿತ್ರವನ್ನು ತಮ್ಮ ಸೆಂಟಿಮೆಂಟ್ ಪ್ರಕಾರ, ಹಿಟ್ ಕೊಟ್ಟ ದಿನದಂದೇ ಬಿಡುಗಡೆ ಮಾಡಲು ರಜನಿಕಾಂತ್ ಪ್ಲ್ಯಾನ್ ಮಾಡುತ್ತಿದ್ದಾರೆ.

ಸೂಪರ್ ಸ್ಟಾರ್ ರಜನಿಕಾಂತ್ ನಟಿಸಿದ 'ವೇಟೈಯನ್' ಕಳೆದ ವರ್ಷ ಬಿಡುಗಡೆಯಾಯಿತು. ಜೈ ಭೀಮ್ ನಿರ್ದೇಶಕ ಟಿ.ಜೆ.ಜ್ಞಾನವೇಲ್ ಇದಕ್ಕೆ ನಿರ್ದೇಶನ ಮಾಡಿದ್ದರು. ಈ ಚಿತ್ರ ನಿರೀಕ್ಷೆಗಳನ್ನು ತಲುಪಲಿಲ್ಲ. ಸರಾಸರಿಯಾಗಿ ಪ್ರದರ್ಶನ ಕಂಡಿತು. ರಜನಿಯವರನ್ನು ಈ ರೀತಿಯ ಪಾತ್ರದಲ್ಲಿ ಪ್ರೇಕ್ಷಕರು ನೋಡಲು ಸಾಧ್ಯವಾಗಲಿಲ್ಲ. ಅವರ ಮಾಸ್, ಆಕ್ಷನ್ ಮಿಸ್ ಆಯಿತು.

ಈಗ ಮತ್ತೆ ತಮ್ಮ ಮಾಸ್, ಆಕ್ಷನ್, ಎಲಿವೇಷನ್‌ಗಳಿರುವ ಸಿನಿಮಾ ಮಾಡುತ್ತಿದ್ದಾರೆ. ಲೋಕೇಶ್ ಕನಕರಾಜ್ ನಿರ್ದೇಶನದ 'ಕೂಲಿ'ಯಲ್ಲಿ ನಟಿಸುತ್ತಿದ್ದಾರೆ. ನಾಗಾರ್ಜುನ, ಉಪೇಂದ್ರ, ಸೌಬಿನ್ ಷಾಹಿರ್ ಮುಂತಾದವರು ನಟಿಸುತ್ತಿದ್ದಾರೆ. ಇದರಲ್ಲಿ ಆಮೀರ್ ಖಾನ್ ಕೂಡ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಮಾಹಿತಿ ಇದೆ.

ಸನ್ ಪಿಕ್ಚರ್ಸ್ ನಿರ್ಮಾಣದ ಈ ಚಿತ್ರಕ್ಕೆ ಅನಿರುದ್ ಸಂಗೀತ ನೀಡುತ್ತಿದ್ದಾರೆ. ಗ್ರೀಶ್ ಗಂಗಾಧರನ್ ಛಾಯಾಗ್ರಹಣ, ಫಿಲೋಮಿನ್ ರಾಜ್ ಸಂಕಲನದ ಜವಾಬ್ದಾರಿ ಹೊತ್ತಿದ್ದಾರೆ. ಈ ಚಿತ್ರದಲ್ಲಿ ಶೃತಿ ಹಾಸನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.

ರಜನಿ ಸೆಂಟಿಮೆಂಟ್ ಪ್ರಕಾರ, 'ಜೈಲರ್' ಬಿಡುಗಡೆಯಾದ ಆಗಸ್ಟ್ 10 ರಂದೇ 'ಕೂಲಿ'ಯನ್ನು ಬಿಡುಗಡೆ ಮಾಡಲು ಸನ್ ಪಿಕ್ಚರ್ಸ್ ನಿರ್ಧರಿಸಿದೆ. 'ಜೈಲರ್' ವಿಶ್ವಾದ್ಯಂತ 650 ಕೋಟಿಗೂ ಹೆಚ್ಚು ಗಳಿಕೆ ಮಾಡಿದೆ. ಈಗ `ಕೂಲಿ`ಯಿಂದ ಸಾವಿರ ಕೋಟಿ ಗುರಿಯನ್ನು ಹೊಂದಿದೆ ಎನ್ನಲಾಗಿದೆ.

'ಕೂಲಿ' ನಂತರ, ರಜನಿಕಾಂತ್ ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶನದ 'ಜೈಲರ್ 2' ನಲ್ಲಿ ನಟಿಸಲಿದ್ದಾರೆ. ಈ ಚಿತ್ರದ ಕೆಲಸಗಳು ಈಗಾಗಲೇ ಆರಂಭವಾಗಿವೆ. ಇದರಲ್ಲಿ ಮೋಹನ್‌ಲಾಲ್, ಶಿವರಾಜ್ ಕುಮಾರ್ ಮತ್ತೊಮ್ಮೆ ಕಾಣಿಸಿಕೊಳ್ಳಲಿದ್ದಾರೆ. ಅಲ್ಲದೆ, ತೆಲುಗಿನಿಂದ ಬಾಲಕೃಷ್ಣ ಕೂಡ ಕಾಣಿಸಿಕೊಳ್ಳಲಿದ್ದಾರೆ ಎಂಬ ವದಂತಿ ಇದೆ. ಇದು ಎಷ್ಟರ ಮಟ್ಟಿಗೆ ನಿಜ ಎಂಬುದು ತಿಳಿಯಬೇಕಿದೆ.