ಐದು ಮದುವೆಯಾದ್ರೂ ಯಾವ ಪತ್ನಿಯೂ ಜತೆಯಾಗಿ ಜೀವಿಸಲಿಲ್ಲ, ಕೊನೆಗಾಲದಲ್ಲಿ ಸ್ಟಾರ್‌ ನಟನ ನಿಗೂಢ ಸಾವು!

 ನಾವು ಮಾತನಾಡುತ್ತಿರುವುದು ಬೇರೆ ಯಾರೂ ಅಲ್ಲ, ಅನೇಕ ಚಿತ್ರಗಳಲ್ಲಿ ನೆಗೆಟಿವ್ ಪಾತ್ರಗಳನ್ನು ನಿರ್ವಹಿಸಿ ಪ್ರಸಿದ್ಧ ನಟರಾಗಿದ್ದ ಮಹೇಶ್ ಆನಂದ್ ಅವರ ಬಗ್ಗೆ. ಮಹೇಶ್ ಆನಂದ್ 80-90ರ ದಶಕದಲ್ಲಿ ಸಾಕಷ್ಟು ಖ್ಯಾತಿ ಗಳಿಸಿದ್ದರು.

ಆದರೆ, ಮಹೇಶ್ ಆನಂದ್ ಅವರ ಸ್ಥಿತಿ, ಜೀವನದ ಕೊನೆಯ ದಿನಗಳಲ್ಲಿ ಅವರ ಸಾವಿನ ಬಗ್ಗೆ ಯಾರಿಗೂ ತಿಳಿದಿರಲಿಲ್ಲ. ಚಿತ್ರರಂಗದಲ್ಲಿ ಒಳ್ಳೆಯ ಹೆಸರು ಗಳಿಸಿದ್ದರೂ 18 ವರ್ಷ ಬಡತನದಲ್ಲೇ ಜೀವನ ಸಾಗಿಸುತ್ತಿದ್ದರು.

ಮಹೇಶ್ ಆನಂದ್ ಕೂಡ ತನ್ನ ಒಂಟಿತನದಿಂದ ತುಂಬಾ ನೊಂದಿದ್ದರು. ಒಮ್ಮೆ ಫೇಸ್ ಬುಕ್ ಪೋಸ್ಟ್ ನಲ್ಲಿ ತಮ್ಮ ನೋವನ್ನು ವ್ಯಕ್ತಪಡಿಸಿದ್ದರು. ಮಾರ್ಚ್ 13, 2017 ರಂದು, ಮಹೇಶ್ ಅವರು ತಮ್ಮ ಫೇಸ್‌ಬುಕ್ ಪೋಸ್ಟ್‌ನಲ್ಲಿ, "ನನ್ನ ಸ್ನೇಹಿತರು ಮತ್ತು ಎಲ್ಲರೂ ನನ್ನನ್ನು ಮದ್ಯವ್ಯಸನಿ ಎಂದು ಕರೆಯುತ್ತಾರೆ, ನನಗೆ ಕುಟುಂಬವಿಲ್ಲ. ನನ್ನ ಮಲತಾಯಿ ನನಗೆ 6 ಕೋಟಿ ರೂ. ವಂಚಿಸಿದ್ದಾರೆ. ನಾನು 300 ಕ್ಕೂ ಹೆಚ್ಚು ಚಿತ್ರಗಳನ್ನು ಮಾಡಿದ್ದೇನೆ, ಆದರೆ ನಾನು ಮಾಡಿಲ್ಲ. ಕುಡಿಯುವ ನೀರನ್ನು ಖರೀದಿಸಲು ಸಹ ನನ್ನ ಬಳಿ ಹಣವಿಲ್ಲ, ಈ ಜಗತ್ತಿನಲ್ಲಿ ನನಗೆ ಒಬ್ಬ ಸ್ನೇಹಿತನೂ ಇಲ್ಲ, ಇದು ತುಂಬಾ ದುಃಖಕರವಾಗಿದೆ ಎಂದಿದ್ದರು.

ಮಹೇಶ್ ಆನಂದ್ ತಮ್ಮ ವೃತ್ತಿಜೀವನದಲ್ಲಿ ಹಿಂದಿ, ತಮಿಳು, ತೆಲುಗು ಮತ್ತು ಮಲಯಾಳಂ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಅವರ ಚೊಚ್ಚಲ ಚಿತ್ರ 1984 ರಲ್ಲಿ 'ಕರಿಷ್ಮಾ' ಆಗಿದ್ದು, 2019 ರ ಹಾಸ್ಯ-ನಾಟಕ 'ರಂಗೀಲಾ ರಾಜ'ದಲ್ಲಿ ಅವರ ಕೊನೆಯ ತೆರೆಯ ಮೇಲೆ ಕಾಣಿಸಿಕೊಂಡರು.
 

ಫೆಬ್ರವರಿ 2019 ರಲ್ಲಿ, ಅವರ ಮನೆಯ ಕಾಲಿಂಗ್‌ ಬೆಲ್ ಅನ್ನು ಹಲವು ಬಾರಿ ಮನೆಕೆಲಸದಾಕೆ ಬಾರಿಸಿದರೂ ಅವರಿಂದ ಯಾವುದೇ ಪ್ರತಿಕ್ರಿಯೆಯನ್ನು ಬರಲಿಲ್ಲ. ಮಹೇಶ್ ಆನಂದ್ ಮೃತಪಟ್ಟಿದ್ದರು, ಸೋಫಾ ಮೇಲೆ ಮದ್ಯದ ಬಾಟಲಿ ಮತ್ತು ಪಕ್ಕದ ಟೇಬಲ್ ಮೇಲೆ ಆಹಾರದ ತಟ್ಟೆಗಳು ಇತ್ತು. ಈ ಸಾವು ಆತ್ಮಹತ್ಯೆಯೋ ಅಥವಾ ಸಹಜ ಸಾವೋ ಎಂಬುದು ಗೊತ್ತಿಲ್ಲ. ಸಾವಾಗಿ ದಿನಗಳ ನಂತರ ವಿಚಾರ ಬೆಳಕಿಗೆ ಬಂದಿತ್ತು.
 

ಮಹೇಶ್ ಆನಂದ್ ಅವರ ಜೀವನದಲ್ಲಿ 5 ಮದುವೆಯಾಗಿದ್ದರು. ಇಬ್ಬರು ಮಕ್ಕಳಿದ್ದರು. ಆನಂದ್ 1987 ರಲ್ಲಿ ಮಿಸ್ ಇಂಡಿಯಾ ಇಂಟರ್ನ್ಯಾಷನಲ್ ಎರಿಕಾ ಮರಿಯಾ ಡಿಸೋಜಾ ಅವರನ್ನು ಎರಡನೇ ವಿವಾಹವಾದರು. ತ್ರಿಶೂಲ್ ಆನಂದ್ ಎಂಬ ಗಂಡು ಮಗು ಹುಟ್ಟಿತು. ತ್ರಿಶೂಲ್ ಹೆಸರನ್ನು ಈಗ ಆಂಥೋನಿ ವೋಹ್ರಾ ಎಂದು ಬದಲಾಯಿಸಲಾಗಿದೆ.  

ಮಹೇಶ್ ಆನಂದ್ ಮೊದಲು ನಟಿ ರೀನಾ ರಾಯ್ ಅವರ ಸಹೋದರಿ ಬರ್ಖಾ ರಾಯ್ ಅವರನ್ನು ವಿವಾಹವಾದರು ಈ ಮದುವೆಯು ತುಂಬಾ ಉಳಿಯಲಿಲ್ಲ.  ಮಹೇಶ್ ಆನಂದ್ 1992 ರಲ್ಲಿ ನಟ ಮಧು ಮಲ್ಹೋತ್ರಾ ಅವರನ್ನು ಮೂರನೇ ವಿವಾಹವಾದರು, ಆದರೆ ಈ ಮದುವೆ ಕೂಡ ತುಂಬಾ ದಿನ ಉಳಿಯಲಿಲ್ಲ. 

ನಾಲ್ಕನೇ ಬಾರಿಗೆ, ಮಹೇಶ್ ಆನಂದ್ 2000 ರಲ್ಲಿ ಟಿವಿ ನಟಿ ಉಷಾ ಬಚಾನಿಯೊಂದಿಗೆ ಮದುವೆಯಾದರು. ಆದರೆ ಎರಡೇ ವರ್ಷಕ್ಕೆ ಉಷಾ  ಬೇರೆಯಾದರು. 2015 ರಲ್ಲಿ, ಮಹೇಶ್ ಆನಂದ್ ರಷ್ಯಾದ ಮೂಲದ ಮಹಿಳೆಯೊಂದಿಗೆ ಫೇಸ್‌ಬುಕ್‌ನಲ್ಲಿ ಚಿತ್ರವನ್ನು ಹಂಚಿಕೊಂಡಿದ್ದರು. ಮಹಿಳೆ ತನ್ನ ಹೆಂಡತಿ ಎಂದು ಸೂಚಿಸುವಂತೆ ಬರೆದುಕೊಂಡಿದ್ದರು. ಮಹೇಶ್ ಆನಂದ್ ಅವರು ತಮ್ಮ ಮಗನಿಗಾಗಿ ಹಂಬಲಿಸುತ್ತಿದ್ದ ಬಗ್ಗೆ ಹೇಳಿಕೊಂಡಿದ್ದರು. ಆದರೆ ಅದಾಗಲೇ ಎಲ್ಲರಿಂದ ದೂರವಾಗಿದ್ದರು.