‘ಮಹಾಭಾರತ’ ಅಲ್ಲ, ತಮ್ಮ ಬಹುದೊಡ್ಡ ಡ್ರೀಮ್ ಪ್ರಾಜೆಕ್ಟ್ ಬಗ್ಗೆ ತಿಳಿಸಿದ ನಿರ್ದೇಶಕ ರಾಜಮೌಳಿ!

ನಿರ್ದೇಶಕ ರಾಜಮೌಳಿ (S S Rajamouli) ಅವರ ಕನಸು ಹೇಗಿರುತ್ತೆ ಅಂದ್ರೆ, ಅದನ್ನು ಯಾರಿಂದಲೂ ತಲುಪಲಾಗದ ಮಟ್ಟದಲ್ಲಿರುತ್ತದೆ. ಅವರಂತೆ ಸಿನಿಮಾಗಳ ಬಗ್ಗೆ ಪ್ಲ್ಯಾನ್ ಮಾಡೋದಕ್ಕೆ ಬೇರೆ ಯಾವ ನಿರ್ದೇಶಕನಿಂದಲೂ ಸಾಧ್ಯವಿಲ್ಲ.. ನಿರ್ದೇಶಕರಾಗಿ ಅವರಿಗೆ ತಮ್ಮದೇ ಆದ ಕನಸು ಇದೆ. 'ಮಹಾಭಾರತ' ನಿರ್ಮಿಸುವುದು ಅವರ ಬಹುದಿನಗಳ ಕನಸಾಗಿತ್ತು. ರಾಜಮೌಳಿ ಇದನ್ನು ಐದು ಭಾಗಗಳಲ್ಲಿ ಮಾಡೋ ಪ್ಲ್ಯಾನ್ ಹೊಂದಿದ್ದಾರೆ. ಇದರ ಬಗ್ಗೆ ಈಗಾಗಲೇ ತಿಳಿಸಿದ್ದಾರೆ.
 

ಈಗಾಗಲೆ 'ಈಗ', 'ಮಗಧೀರ', 'ಬಾಹುಬಲಿ' ಮತ್ತು 'ಆರ್ಆರ್ಆರ್' ನಂತಹ ಸೂಪರ್ ಹಿಟ್ ಚಿತ್ರಗಳನ್ನು ನೀಡಿರುವ ರಾಜಮೌಳಿ ಅವರು ತಮ್ಮ ಶಕ್ತಿಯನ್ನು ಒಟ್ಟುಗೂಡಿಸಿ ತಮ್ಮ ಡ್ರೀಮ್ ಪ್ರಾಜೆಕ್ಟ್ ಮತ್ತು ಮಹಾಭಾರತ ಎಂಬ ಚಲನಚಿತ್ರವನ್ನು ಮಾಡುವ ಪ್ರಕ್ರಿಯೆಯಲ್ಲಿದ್ದಾರೆ.  ಮಹೇಶ್ ಬಾಬು (Mahesh Babu)ಅವರ ಬಿಗ್ ಬಜೆಟ್ ಚಿತ್ರವೂ ರಾಜಮೌಳಿ ಕೈಯಲ್ಲಿದೆ. ತಮ್ಮ ಚಿತ್ರ ಕೇವಲ ತೆಲುಗು ಜನರಿಗೆ ಮಾತ್ರವಲ್ಲ, ಪ್ರಪಂಚದ ಮೂಲೆ ಮೂಲೆಯಲ್ಲಿರುವ ಜನರಿಗೆ ತಲುಪಿಸೋದೆ ರಾಜಮೌಳಿಯವರ ಯೋಜನೆ. ಮಹಾಭಾರತ ಸಿನಿಮಾ ವಿಶ್ವ ಸಿನಿಮಾರಂಗದಲ್ಲೇ ಮೆರೆಯಬೇಕು ಅನ್ನೋದು ಇವರ ಕನಸು.  'ಅವೆಂಜರ್ಸ್' ಮತ್ತು 'ಅವತಾರ್' ಮಾದರಿಯಲ್ಲಿ ಈ ಚಿತ್ರ ನಿರ್ಮಾಣ ಮಾಡುವ ಕನಸು ಹೊಂದಿದ್ದಾರೆ ರಾಜಮೌಳಿ.
 

ಆದರೆ, ರಾಜಮೌಳಿ ಈಗ ಮತ್ತೊಂದು ಟ್ವಿಸ್ಟ್ ನೀಡಿದ್ದಾರೆ. ಅದೇನೆಂದರೆ ಅವರ ಬಹುದೊಡ್ಡ ಡ್ರೀಮ್ ಪ್ರಾಜೆಕ್ಟ್ ಬಗ್ಗೆ ಗುಟ್ಟು ಬಿಟ್ಟುಕೊಟ್ಟಿದ್ದಾರೆ ರಾಜಮೌಳಿ. ಅವರು ತಮ್ಮ ವೃತ್ತಿಜೀವನದಲ್ಲಿ ಎಂದಾದರೂ ಅನಿಮೇಷನ್ (animation movie)ಚಲನಚಿತ್ರವನ್ನು ಮಾಡೋ ಕನಸು ಇದೆಯಂತೆ. ಇತ್ತೀಚೆಗೆ ಮಾಧ್ಯಮಗಳಿಗೆ 'ಬಾಹುಬಲಿ' ಅನಿಮೇಷನ್ ಮೂವಿ ಶೋ ಸಂದರ್ಭದಲ್ಲಿ ಆಯೋಜಿಸಲಾದ ಪತ್ರಿಕಾಗೋಷ್ಠಿಯಲ್ಲಿ ಇದನ್ನು ಬಹಿರಂಗಪಡಿಸಿದ್ದರು.
 

"ನನಗೆ ಅನಿಮೇಷನ್ ಚಿತ್ರ ಮಾಡುವ ಕನಸು ಇದೆ ಮತ್ತು ಅದರ ಬಗ್ಗೆ ಅರಿವು ಮೂಡಿಸಲು ನಾನು 'ಬಾಹುಬಲಿ' ಯಂತಹ ಚಿತ್ರ ಮಾಡಲು ಒಪ್ಪಿಕೊಂಡಿದ್ದೇನೆ. ಈ ಚಿತ್ರದ ಪ್ರಕ್ರಿಯೆಯಲ್ಲಿ ನಾನು ಸಾಕಷ್ಟು ಕಲಿತಿದ್ದೇನೆ. ಹಾಗಾಗಿ ಮುಂದೆ ದೊಡ್ಡ ಮಟ್ಟದ ಆನಿಮೇಷನ್ ಚಿತ್ರ ಮಾಡುವ ಕನಸು ಇದೆ ಎಂದು ಹೇಳಿದ್ದಾರೆ. 
 

ಎಲ್ಲರಂತೆ ತಾನೂ ಕೂಡ ಎಲ್ಲಾ ರೀತಿಯ ಸಿನಿಮಾಗಳನ್ನು ಮಾಡುವ ಮೂಲಕ ತನ್ನನ್ನು ತಾನು ಸಾಬೀತುಪಡಿಸಲು ಬಯಸುತ್ತೇನೆ ಎಂದು ರಾಜಮೌಳಿ ಹೇಳಿದರು. 'ಬಾಹುಬಲಿ' (Bahubali)ಅನಿಮೇಷನ್ ಮೂವಿ ಕಾರ್ಯಕ್ರಮದಲ್ಲಿ ಅವರು ಈ ಹೇಳಿಕೆ ನೀಡಿದ್ದಾರೆ. ನಾನು ಅನಿಮೇಷನ್ ಚಲನಚಿತ್ರಗಳನ್ನು ಮಾಡಲು ಬಯಸುತ್ತೇನೆ ಮತ್ತು ಅದಕ್ಕಾಗಿಯೇ ನಾನು ಇದೆಲ್ಲವನ್ನೂ ಮಾಡುತ್ತಿದ್ದೇನೆ. ಭವಿಷ್ಯದಲ್ಲಿ ಅಂತಹ ಚಿತ್ರ ಮಾಡುವ ಬಹುದೊಡ್ಡ ಕನಸು ಎಂದು ಅವರು ಹೇಳಿದರು. 

'ಬಾಹುಬಲಿಯ ಮತ್ತೊಂದು ಭಾಗವಾದ 'ಬಾಹುಬಲಿ 3' ಮಾಡಲು ನಾನು ಬಯಸಿದ್ದೆ ಎಂದಿರುವ ರಾಜಮೌಳಿ. 'ಆರ್ ಆರ್ ಆರ್' ಸಿನಿಮಾವನ್ನು ಅದೇ ರೀತಿ ಮಾಡಲು ಬಯಸಿದ್ದರಂತೆ. ಮಹೇಶ್ ಬಾಬು ಅವರ ಚಿತ್ರದಿಂದಾಗಿ ಈ ಸಿನಿಮಾವನ್ನು ಮುಂದೂಡಲಾಗಿದೆಯಂತೆ.  ಮತ್ತೊಂದೆಡೆ, 'ಆರ್ಆರ್ಆರ್' ನ ಮುಂದುವರಿದ ಭಾಗ ಕೂಡ ಇರಲಿದೆ. ಹಾಗಾಗಿ ಆನಿಮೇಷನ್ ಸಿನಿಮಾ ಯಾವಾಗ ಬರುತ್ತೆ ಅನ್ನೋದು ಗೊತ್ತಿಲ್ಲ ಎಂದಿದ್ದಾರೆ. 

ಎಸ್.ಎಸ್.ರಾಜಮೌಳಿ ಅವರು ಮಹೇಶ್ ಬಾಬು ಅಭಿನಯದ 'ಎಸ್ಎಸ್ಎಂಬಿ 29' (MSMB29) ಚಿತ್ರವನ್ನು ನಿರ್ದೇಶಿಸಲು ಸಜ್ಜಾಗಿದ್ದಾರೆ. ಇದು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರದರ್ಶನಗೊಳ್ಳಲಿದೆ. ಈ ಚಿತ್ರದ ಮೂಲಕ ಅಂತಾರಾಷ್ಟ್ರೀಯ ಪ್ರೇಕ್ಷಕರನ್ನು ಟಾರ್ಗೆಟ್ ಮಾಡಲಾಗುತ್ತಿದೆ. ಚಿತ್ರವನ್ನು ವೀಕ್ಷಿಸಲು ಹೊಸ ಪ್ರೇಕ್ಷಕರನ್ನು ಕರೆತರುವುದು ಅವರ ಉದ್ದೇಶ. ಈ ಚಲನಚಿತ್ರವು ಆಫ್ರಿಕನ್ ಕಾಡುಗಳ ಕಥೆಗಳನ್ನು ಹೊಂದಿದೆ. ಮಹೇಶ್ ಸಾಹಸಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ.