ದ್ವೇಷದಿಂದ ಶುರುವಾದ ಸೂಪರ್‌ಸ್ಟಾರ್‌ Mohanlal ಮತ್ತು Suchitra ಲವ್ ಸ್ಟೋರಿ!

ಸೌತ್ ಇಂಡಸ್ಟ್ರಿಯ ಹಿರಿಯ ನಟ ಮೋಹನ್ ಲಾಲ್ (Mohanlal) ಇಂದು ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. 400ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ಮೋಹನ್ ಲಾಲ್ ವಿಶ್ವನಾಥಂ ಅವರನ್ನು ದಕ್ಷಿಣದ ‘ಅಂಬಾನಿ’ ಎಂದೇ ಕರೆಯುತ್ತಾರೆ. ತಮ್ಮ 62 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿರುವ ನಟನಿಗೆ ಅನೇಕ ಗೌರವಗಳನ್ನು ನೀಡಿ ಗೌರವಿಸಲಾಗಿದೆ. ನಟನೆಯ ಜೊತೆಗೆ ಸಾಮಾಜಿಕ ಕಾರ್ಯದಲ್ಲೂ ಸಕ್ರಿಯರಾಗಿರುವ ಮೋಹನ್ ಲಾಲ್ ಅವರ ಕುಟುಂಬದಲ್ಲಿ ಪತ್ನಿ ಸುಚಿತ್ರಾ ಮತ್ತು ಇಬ್ಬರು ಮಕ್ಕಳಿದ್ದಾರೆ. ಮೋಹನ್ ಲಾಲ್ ಹುಟ್ಟುಹಬ್ಬದಂದು ಅವರ ಕುಟುಂಬದ ಅಪರೂಪದ ಫೋಟೋಗಳು ಇಲ್ಲಿವೆ.

21 ಮೇ 1960 ರಂದು ಕೇರಳದ ಎಲಂತೂರಿನಲ್ಲಿ ಜನಿಸಿದ ಮೋಹನ್‌ಲಾಲ್ ಅವರ ತಂದೆ ವಿಶ್ವನಾಥ ನಾಯರ್ ಅವರು ಪಬ್ಲಿಕ್ ಪ್ರಾಸಿಕ್ಯೂಟರ್ ಆಗಿದ್ದರು. ಅದೇ ಸಮಯದಲ್ಲಿ ಅವರ ತಾಯಿ ಶಾಂತಾ ಕುಮಾರಿ ಗೃಹಿಣಿಯಾಗಿದ್ದರು. ಮೋಹನ್ ಲಾಲ್ ತಾಯಿಗೆ ತುಂಬಾ ಆತ್ಮೀಯರಾಗಿದ್ದರು. ನಟನೆಯ ಹೊರತಾಗಿ, ಮೋಹನ್ ಲಾಲ್ ನಿರ್ಮಾಪಕ, ದೂರದರ್ಶನ ನಿರೂಪಕ, ಗಾಯಕ, ಚಲನಚಿತ್ರ ವಿತರಕ ಮತ್ತು ಉದ್ಯಮಿ. ಇದಲ್ಲದೇ ಸಮಾಜ ಸೇವಕರೂ ಹೌದು.

ಮಲಯಾಳಂ, ಕನ್ನಡ, ತಮಿಳು, ತೆಲುಗು ಮತ್ತು ಹಿಂದಿ ಚಿತ್ರಗಳಲ್ಲಿ ತಮ್ಮಸಾಮರ್ಥ್ಯ ಸಾಬೀತುಪಡಿಸಿರುವ ಮೋಹನ್ ಲಾಲ್ ಅವರ ಪತ್ನಿ ಸುಚಿತ್ರಾ ಅವರು ನಟ ಮತ್ತು ನಿರ್ಮಾಪಕ ಕೆ ಬಾಲಾಜಿ ಅವರ ಪುತ್ರಿ.

ಮೋಹನ್ ಲಾಲ್ ಮತ್ತು ಸುಚಿತ್ರಾ 1988 ರಲ್ಲಿ ವಿವಾಹವಾದರು. ನಟನ ಪತ್ನಿ ಸುಚಿತ್ರಾ  ಅವರು  ಲೈಮ್‌ಲೈಟ್‌ನಲ್ಲಿ ಇರಲು ಇಷ್ಟಪಡುವುದಿಲ್ಲ. ಸುಚಿತ್ರಾ ಮತ್ತು ಮೋಹನ್ ಲಾಲ್ ಪ್ರೇಮಕಥೆ ದ್ವೇಷದಿಂದ ಪ್ರಾರಂಭವಾಗಿ ಪ್ರೀತಿಯಲ್ಲಿ ಕೊನೆಗೊಂಡಿತು.

ಸುಚಿತ್ರಾ ಹೇಳುವಂತೆ, ಅವರು ಮೊದಲ ಬಾರಿಗೆ ಮೋಹನ್ ಲಾಲ್ ಅವರನ್ನು ‘ಮಂಜಿಲ್ ವಿರಿಂಜ ಪೂಕ್ಕಲ್’ ಚಿತ್ರದಲ್ಲಿ ನೋಡಿದ್ದಾರೆ. ಅವರ ವಿಲನ್ ಪಾತ್ರವನ್ನು ನೋಡಿ   ಅವರನ್ನು ದ್ವೇಷಿಸಲು ಪ್ರಾರಂಭಿಸಿದರು. ಆದರೆ ಎಂಟೆ ಮಮಟ್ಟುಕ್ಕುಟ್ಟಿಯಮ್ಮಕ್ಕು ಎಂಬ ಇನ್ನೊಂದು ಚಿತ್ರದಲ್ಲಿ ಮೋಹನ್‌ಲಾಲ್‌ರನ್ನು ನೋಡಿದಾಗ ಅವರು ಮನ ಸೋತರು

ಜಾತಕದ ದೋಷದಿಂದದ ಇಬ್ಬರಿಗೂ ಮದುವೆ ಆಗಲಿಲ್ಲ ಎನ್ನಲಾಗಿದೆ. ಅವರ ಸಂಬಂಧದ ಮಾತು ಎರಡು ವರ್ಷಗಳವರೆಗೆ ಮುಂದುವರಿಯಲಿಲ್ಲ. ಆದರೆ ಸುಚಿತ್ರಾ ಕಾಯುತ್ತಿರುವುದನ್ನು ನೋಡಿದ ಮೋಹನ್‌ಲಾಲ್ ಅವರನ್ನು ಭೇಟಿಯಾಗಲು ಪ್ರಾರಂಭಿಸಿದರು ಮತ್ತು ನಂತರ ಮದುವೆಯಾದರು.

Mohanlal

ಅವರಿಗೆ ವಿಸ್ಮಯ್ ಮತ್ತು ಪ್ರಣವ್ ಮೋಹನ್ ಲಾಲ್ ಎಂಬ ಇಬ್ಬರು ಮಕ್ಕಳಿದ್ದಾರೆ. ಇಬ್ಬರೂ ತಮ್ಮ ತಮ್ಮ ಕ್ಷೇತ್ರಗಳಲ್ಲಿ ಒಳ್ಳೆಯ ಕೆಲಸ ಮಾಡುತ್ತಿದ್ದಾರೆ.  ಪ್ರಣವ್ ಮೋಹನ್ ಲಾಲ್ ಕೂಡ ತಮ್ಮ ತಂದೆಯಂತೆ ಬಹು ಪ್ರತಿಭಾವಂತರು. ನಟರಲ್ಲದೆ, ಅವರು ಗಾಯಕ ಮತ್ತು ಬರಹಗಾರರೂ ಹೌದು.ಮೋಹನ್‌ಲಾಲ್ ಅವರ ಪುತ್ರಿ ವಿಸ್ಮಯ್ ಸಹಾಯಕ ಚಲನಚಿತ್ರ ನಿರ್ದೇಶಕಿ ಮತ್ತು ಲೇಖಕಿ. ಅವರ ಪುಸ್ತಕ ಗ್ರೇನ್ಸ್ ಆಫ್ ಸ್ಟಾರ್‌ಡಸ್ಟ್ ಎಲ್ಲೆಡೆ ಪ್ರಶಂಸೆಗೆ ಪಾತ್ರವಾಯಿತು.

ಮೋಹನ್ ಲಾಲ್ 2002 ರಲ್ಲಿ ಅವರಿಗೆ ಪದ್ಮಶ್ರೀ ಪ್ರಶಸ್ತಿಯನ್ನು ನೀಡಲಾಯಿತು ಮತ್ತು ನಂತರ 2019 ರಲ್ಲಿ ಅವರಿಗೆ ಪದ್ಮವಿಭೂಷಣ ಪ್ರಶಸ್ತಿಯನ್ನು ನೀಡಲಾಯಿತು. ಅಷ್ಟೇ ಅಲ್ಲ 5 ರಾಷ್ಟ್ರಪ್ರಶಸ್ತಿಯನ್ನೂ ಪಡೆದಿದ್ದಾರೆ. 2009 ರಲ್ಲಿ, ಮೋಹನ್ ಲಾಲ್ ಅವರಿಗೆ ಭಾರತೀಯ ಸೇನೆಯು ಲೆಫ್ಟಿನೆಂಟ್ ಕರ್ನಲ್ ಹುದ್ದೆಯನ್ನು ನೀಡಿತು.