ಸೋನಮ್ ಕಪೂರ್ ಬೇಬಿ ಶವರ್‌ನಲ್ಲಿ ಸಂಗೀತಗಾರ ಲಿಯೋ ಕಲ್ಯಾಣ್ ಲುಕ್‌ ಟ್ರೋಲ್!
ಸೋನಂ ಕಪೂರ್ (Sonam kapoor) ತಮ್ಮ ಪ್ರೆಗ್ನೆಂಸಿಯ ಮೂರನೇ ತ್ರೈಮಾಸಿಕವನ್ನು ಆನಂದಿಸುತ್ತಿದ್ದಾರೆ. ಇತ್ತೀಚೆಗೆ ಅವರ ಬೇಬಿ ಶವರ್ ಲಂಡನ್‌ನಲ್ಲಿ ನಡೆಯಿತು, ಇದರಲ್ಲಿ ಬ್ರಿಟಿಷ್-ಪಾಕಿಸ್ತಾನಿ ಸಲಿಂಗಕಾಮಿ ಗಾಯಕ, ಗೀತರಚನೆಕಾರ, ಮಾಡೆಲ್ ಮತ್ತು ಸಂಗೀತ ಸಂಯೋಜಕ ಲಿಯೋ ಕಲ್ಯಾಣ್ (Leo Kalyan) ಸಹ ವಿಶೇಷ ಅತಿಥಿಯಾಗಿ ಹಾಜರಿದ್ದರು. ಅವರು ಸೋನಂ ಬೇಬಿ ಶವರ್ ಸಮಯದಲ್ಲಿ 'ಮಸಕಲಿ' ಹಾಡನ್ನು ಪಾರ್ಫಾಮ್‌ ಮಾಡಿದರು. ಆದರೆ ಸೋನಂ ಕಪೂರ್ ಜೊತೆಗಿನ ಅವರ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ನಂತರ ಜನರು ಅವರನ್ನು ಟ್ರೋಲ್ ಮಾಡಲು ಪ್ರಾರಂಭಿಸಿದರು.
)
Followಸೋನಂ ಕಪೂರ್ ಮತ್ತು ಲಿಯೋ ಕಲ್ಯಾಣ್ ಅವರ ಫೋಟೋಗೆ ಪ್ರತಿಕ್ರಿಯಿಸಿದ ಸಾಮಾಜಿಕ ಮಾಧ್ಯಮ ಬಳಕೆದಾರರು ಲಿಯೋ ಅವರನ್ನು ರಣವೀರ್ ಸಿಂಗ್‌ಗೆ ಹೋಲಿಸಿದ್ದಾರೆ ಮತ್ತು 'ರಣವೀರ್ ಸಿಂಗ್ ಇಲ್ಲಿ ಏನು ಮಾಡುತ್ತಿದ್ದಾರೆ?' ಎಂದು ಕಾಮೆಂಟ್ ಮಾಡಿದ್ದಾರೆ.
)
'ಇದು ಏನು ಗಿಮಿಕ್?' ಒಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ. 'ಇದು ಯಾವ ಪ್ರಾಣಿ?' ಎಂದು ಇನ್ನೊಬ್ಬ ಬಳಕೆದಾರರು ಬರೆದಿದ್ದಾರೆ. 'ನಿಮ್ಮೊಂದಿಗೆ ಯಾರು ಇದ್ದಾರೆ? ನನಗೆ ಭಯವಾಗಿದೆ?' ಎಂದು ಮತ್ತೊಬ್ಬ ಬಳಕೆದಾರರ ಕಾಮೆಂಟ್ ಮಾಡಿದ್ದಾರೆ.
ಹೀಗೆ ಸೋನಮ್ ಕಪೂರ್ ಬೇಬಿ ಶವರ್‌ನಲ್ಲಿನ ಬ್ರಿಟಿಷ್-ಪಾಕಿಸ್ತಾನಿ ಸಲಿಂಗಕಾಮಿ ಸಂಗೀತಗಾರ ಲಿಯೋ ಕಲ್ಯಾಣ್ ಲುಕ್‌ಗಾಗಿ ಜನ ತರತರ ಕಾಮೆಂಟ್ ಮಾಡಿ ಟ್ರೋಲ್ ಮಾಡುತ್ತಿದ್ದಾರೆ. ಸ್ವತಃ ಲಿಯೋ ಫೋಟೋವನ್ನು ಹಂಚಿಕೊಂಡಿದ್ದಾರೆ.
ಸೋನಂ ಕಪೂರ್ ಅವರ ಬೇಬಿ ಶವರ್‌ನ ಚಿತ್ರ ಮತ್ತು ವೀಡಿಯೊವನ್ನು ಲಿಯೋ ಅವರೇ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. 'ಬಾಲಿವುಡ್‌ನಲ್ಲಿ ಸ್ಪೈಸ್ ಗರ್ಲ್. ನಾನು ಸೋನಮ್ ಕಪೂರ್ ಅವರ ಬೇಬಿ ಶವರ್‌ನಲ್ಲಿ ಪ್ರದರ್ಶನ ನೀಡಿದ್ದೇನೆ. ಜೀವನ ಎಂದರೇನು?' ಎಂದು ಶೀರ್ಷಿಕೆಯಲ್ಲಿ ಅವರು ಬರೆದಿದ್ದಾರೆ.
sonam
ಪತಿ ಆನಂದ್ ಅಹುಜಾ ಮತ್ತು ಸ್ನೇಹಿತರನ್ನು ಹೊರತುಪಡಿಸಿ, ಸೋನಮ್ ಅವರ ಬೇಬಿ ಶವರ್‌ನಲ್ಲಿ ಅವರ ಸಹೋದರಿ ರಿಯಾ ಮತ್ತು ಸೋದರ ಸಂಬಂಧಿ ಕರಣ್ ಭುಲಾನಿ ಕೂಡ ಉಪಸ್ಥಿತರಿದ್ದರು ಎಂದು ವರದಿಗಳು ಹೇಳಿವೆ.
37ರ ಹರೆಯದ ಸೋನಂ ಮಾರ್ಚ್‌ನಲ್ಲಿ ತಾನು ಗರ್ಭಿಣಿಯಾಗಿರುವುದಾಗಿ ಘೋಷಿಸಿದ್ದರು. ಬೇಬಿ ಬಂಪ್‌ನೊಂದಿಗೆ ತಮ್ಮ ಫೋಟೋವನ್ನು ಹಂಚಿಕೊಳ್ಳುವಾಗ, ಅವರು ತಮ್ಮ ಭವಿಷ್ಯದ ಮಗುವನ್ನು ಸ್ವಾಗತಿಸಲು ಎದುರು ನೋಡುತ್ತಿದ್ದಾರೆ ಎಂದು ಬರೆದಿದ್ದಾರೆ.
ಆ ಸಮಯದಲ್ಲಿ ಅವರು ನಾಲ್ಕು ತಿಂಗಳ ಗರ್ಭಿಣಿ ಅಗಿದ್ದರು ಮತ್ತು ಅವರು ಆಗಸ್ಟ್‌ನಲ್ಲಿ ಮಗುವಿಗೆ ಜನ್ಮ ನೀಡಬಹುದು ಎಂದು ಕೆಲವು ವರದಿಗಳಲ್ಲಿ ಹೇಳಲಾಗಿದೆ. ಆದರೆ ಈ ಬಗ್ಗೆ ಸೋನಂ ಅವರಾಗಲಿ ಅಥವಾ ಅವರ ಕುಟುಂಬ ಸದಸ್ಯರಿಂದಾಗಲಿ ಯಾವುದೇ ಅಧಿಕೃತ ಪ್ರಕಟಣೆ ಹೊರಬಿದ್ದಿಲ್ಲ.
