ಶಿಲ್ಪಾ ಶೆಟ್ಟಿ ಮಗಳ ಬರ್ತ್‌ಡೇಯಲ್ಲಿ ಶಮಿತಾ ಶೆಟ್ಟಿ ಜೊತೆ ರಾಕೇಶ್ ಬಾಪಟ್!
ಫೆಬ್ರವರಿ 15, 2020 ರಂದು ಮುಂಬೈನಲ್ಲಿ ಜನಿಸಿದ ಶಿಲ್ಪಾ ಶೆಟ್ಟಿ (Shilpa Shetty) ಮಗಳು ಸಮೀಶಾ ಶೆಟ್ಟಿ ಕುಂದ್ರಾಗೆ (Samisha Kundra) ಎರಡು ವರ್ಷ ತುಂಬಿದೆ. ಶಿಲ್ಪಾ ತನ್ನ ಮಗಳ ಹುಟ್ಟುಹಬ್ಬದಂದು ಇನ್‌ಸ್ಟಾಗ್ರಾಮ್‌ನಲ್ಲಿ ಮುದ್ದಾದ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ, ಇದರಲ್ಲಿ ಸಮೀಷಾ ಪಾಪಾ ರಾಜ್ ಕುಂದ್ರಾ ಅವರೊಂದಿಗೆ ಮೋಜು ಮಾಡುತ್ತಿರುವುದು ಕಂಡುಬಂದಿದೆ. ಶಿಲ್ಪಾ ಕೂಡ ತಮ್ಮ ಮಗಳ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿದರು. ಅಲಿಬಾಗ್‌ನಲ್ಲಿ ನಡೆದ ಈ ಆಚರಣೆಯಲ್ಲಿ ಕುಟುಂಬ (Family) ಮತ್ತು ವಿಶೇಷ ಸ್ನೇಹಿತರು (Friends) ಭಾಗಿಯಾಗಿದ್ದರು. ಶಿಲ್ಪಾ ಶೆಟ್ಟಿ ಅವರ ಮಗಳ ಹುಟ್ಟುಹಬ್ಬದ ಆಚರಣೆಯ ಕೆಲವು ಫೋಟೋಗಳು ಇಲ್ಲಿವೆ.
ಶಮಿತಾ ಶೆಟ್ಟಿ ಅವರ ಸೋ ಕಾಲ್ಡ್ ಬಾಯ್ ಫ್ರೆಂಡ್ ರಾಕೇಶ್ ಬಾಪಟ್ ಕೂಡ ಶಿಲ್ಪಾ ಶೆಟ್ಟಿ ಅವರ ಮಗಳ ಹುಟ್ಟುಹಬ್ಬದ ಆಚರಣೆಯಲ್ಲಿ ಭಾಗವಹಿಸಿದ್ದರು. ಸಮೀಷಾಗೆ ತಮ್ಮ ಕೈಯಿಂದಲೇ ಕೇಕ್ ತಿನ್ನಿಸಿದರು. ಈ ನಡುವೆ ರಾಕೇಶ್-ಶಮಿತಾ ಮದುವೆಯಾಗುತ್ತಾರೆ ಎಂಬ ಸುದ್ದಿ ಬಂದಿತ್ತು. ಇದು ನಡೆದರೆ, ರಾಕೇಶ್ ಸಂಬಂಧದಲ್ಲಿ ಸಮಿಷಾ ಅವರ ಚಿಕ್ಕಪ್ಪ ಆಗುತ್ತಾರೆ.
ಸಮೀಷಾ ತನ್ನ ತಂದೆ ರಾಜ್ ಕುಂದ್ರಾ (Raj Kundra) ಅವರ ಜೆರಾಕ್ಸ್‌ ಕಾಪಿಯಂತೆ ಇದ್ದಾಳೆ. ಈಗ ಅವಳು ಪ್ರಿಸ್ಕೂಲಿಗೆ ಹೋಗಲಾರಂಭಿಸಿದ್ದಾಳೆ. ಶಿಲ್ಪಾ ಆಗಾಗ್ಗೆ ತನ್ನ ಮಗಳನ್ನು ಶಾಲೆಗೆ ಬಿಡುವುದು ಮತ್ತು ಕರೆದುಕೊಂಡು ಹೋಗುವುದು
ಕಂಡುಬರುತ್ತದೆ.
ಶಿಲ್ಪಾ ಶೆಟ್ಟಿ ಮಗಳು ಬಾಡಿಗೆ ತಾಯ್ತನದ ಮೂಲಕ ಮಗಳನ್ನು ಪಡೆದಿದ್ದಾರೆ. ತಾನು ಮತ್ತು ತನ್ನ ಪತಿ ಕಳೆದ ಹಲವು ವರ್ಷಗಳಿಂದ ಎರಡನೇ ಮಗುವಿಗಾಗಿ ಪ್ರಯತ್ನಿಸುತ್ತಿದ್ದೆವು, ಆದರೆ ಪ್ರತಿ ಬಾರಿಯೂ ಅವರು ವಿಫಲರಾಗುತ್ತಿದ್ದೆವು ಎಂದು ಶಿಲ್ಪಾ ಸಂದರ್ಶನವೊಂದರಲ್ಲಿ ಹೇಳಿದ್ದರು. ಅದಕ್ಕೆ ಕರಾವಳಿಯ ಬೆಡಗಿ ಅನಾರೋಗ್ಯವೇ ಕಾರಣವೆಂದಿದ್ದರು.
ಬರ್ತ್‌ಡೇ ಪಾರ್ಟಿಯಲ್ಲಿ (Birthday Party) ಚಿಕ್ಕಮ್ಮ ಶಮಿತಾ ಶೆಟ್ಟಿ (Shameetha Shetty) ಸಮೀಷಾಳ ಜೊತೆ ಪೋಸ್ ನೀಡಿದ್ದಾರೆ. ಹಾಗೇ ಶಮಿತಾರ ಬಾಯ್‌ಫ್ರೆಂಡ್‌ (BoyFriend) ಸಹ ಬರ್ತ್‌ಡೇ ಗರ್ಲ್‌ ಸಮೀಷಾಳ ಜೊತೆ ಪೋಸ್ ನೀಡುತ್ತಿರುವುದು ಕಂಡುಬಂದಿದೆ.
ಹೊರಬಿದ್ದ ಫೋಟೋವೊಂದರಲ್ಲಿ, ರಾಕೇಶ್ ಬಾಪಟ್ ಸಮೀಷಾ ಅವರ ಕೈಯನ್ನು ಹಿಡಿದಿರುವುದನ್ನು ಕಾಣಬಹುದು ಮತ್ತು ಸಮೀಶಾ ರಾಕೇಶ್ ಬಾಪಟಟ್‌ನನ್ನು ಬಹಳ ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾಳೆ. ಜೊತೆಗೆ ಶಿಲ್ಪಾ ಮತ್ತು ಶಮಿತಾ ಶೆಟ್ಟಿ ಕೂಡ ಇದ್ದಾರೆ.
ಹುಟ್ಟುಹಬ್ಬದ ಸಂಭ್ರಮದಲ್ಲಿ ಶಿಲ್ಪಾ ಶೆಟ್ಟಿ ಅವರ ಅತ್ತೆ, ಮಾವ, ಪತಿ ರಾಜ್ ಕುಂದ್ರಾ ಮತ್ತು ಕೆಲವು ಕುಟುಂಬ ಸ್ನೇಹಿತರು ಸಹ ಹಾಜರಿದ್ದರು. ಎಲ್ಲರೂ ಒಟ್ಟಿಗೆ ತುಂಬಾ ಎಂಜಾಯ್‌ ಮಾಡಿದ್ದಾರೆ.
ಹುಟ್ಟುಹಬ್ಬದ ಸಂದರ್ಭದಲ್ಲಿ ಸಮೀಶಾ ತನ್ನ ಅಣ್ಣ ವಿಯಾನ್ ಕುಂದ್ರಾ ಜೊತೆ ಆಟವಾಡುತ್ತಿದ್ದಳು. ಸಹೋದರ ಸಹೋದರಿಯರ ಈ ಮುದ್ದಾದ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ (Social Media) ಸಖತ್ ವೈರಲ್ (Viral) ಆಗುತ್ತಿದೆ .
ಪ್ರೇಮಿಗಳ ದಿನದ (Valentine's Day) ಮುನ್ನವೇ ಶಿಲ್ಪಾ ಶೆಟ್ಟಿ ಕುಟುಂಬ ಸಮೇತ ಅಲಿಬಾಗ್‌ಗೆ ತೆರಳಿದ್ದರು. ಅಲ್ಲಿ ಶಿಲ್ಪಾ ಫ್ಯಾಮಿಲಿ ಜೊತೆ ಮಗಳ ಹುಟ್ಟುಹಬ್ಬವನ್ನೂ ಆಚರಿಸಿದರು. ಈ ಸಮಯದ ಫೋಟೋಗಳು ಇಂಟರ್‌ನೆಟ್‌ನಲ್ಲಿ ಹರಿದಾಡುತ್ತಿವೆ.
