ಮೊದಲ ಬಾರಿಗೆ ಮಗಳ ಫೋಟೋ- ಹೆಸರು ರಿವೀಲ್ ಮಾಡಿದ 'ಯುವರತ್ನ' ನಟಿ ಸಯೇಶಾ

ತಮಿಳಿನ ಖ್ಯಾತ ನಟ ಆರ್ಯ ಮತ್ತು ಸಯೇಶಾ ದಂಪತಿ ಮೊದಲ ಮಗುವನ್ನು ಸ್ವಾಗತಿಸಿ ವರ್ಷದ ಮೇಲಾಗಿದೆ. ಸಯೇಶಾ ಕಳೆದ ವರ್ಷ 2021 ಜುಲೈನಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ಆದರೆ ಇಬ್ಬರೂ ಎಲ್ಲಿಯೂ ಮಗಳ ಫೋಟೋವನ್ನು ರಿವೀಲ್ ಮಾಡಿರಲಿಲ್ಲ. ಆದರೀಗ ಮೊದಲ ಬಾರಿಗೆ ಮಗಳ ಫೋಟೋ ಹಂಚಿಕೊಂಡಿದ್ದಾರೆ. 
 

ವಿಶೇಷ ದಿನದಂದು ಸಯೇಶಾ ಮತ್ತು ಆರ್ಯ ದಂಪತಿ ಮಗಳನ್ನು ಅಭಿಮಾನಿಗಳಿಗೆ ಪರಿಚಯಿಸಿಚಿದ್ದಾರೆ. ಹೌದು ನಟ ಆರ್ಯ ಹುಟ್ಟುಹಬ್ಬದ ದಿನ ಮಗಳ ಫೋಟೋವನ್ನು ಹಂಚಿಕೊಂಡಿದ್ದಾರೆ ಸಯೇಶಾ. ಮುದ್ದಾಗಿರುವ ಮಗಳ ಫೋಟೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. 

ಮುದ್ದಾಗಿರುವ ಸಯೇಶಾ ಮತ್ತು ಆರ್ಯ ಮಗಳಿಗೆ 'ಅರಿಯಾನಾ' ಎಂದು ನಾಮಕರಣ ಮಾಡಿದ್ದಾರೆ. ಒಂದೂವರೇ ವರ್ಷದ ಅರಿಯಾನಾ ಆರ್ಯ ಮತ್ತು ಸಯೇಶಾ ತೋಳಲ್ಲಿ ಇರುವ ಫೋಟೋಗೆ ಅಭಿಮಾನಿಗಳಿಂದ ಸಿಕ್ಕಾಪಟ್ಟೆ ಮೆಚ್ಚುಗೆ ವ್ಯಕ್ತವಾಗಿದೆ. ಅಂದಹಾಗೆ ಸಯೇಶಾ ಎಲ್ಲಿಯೂ ಗರ್ಭಿಣಿಯಾದ ಬಗ್ಗೆ ಮತ್ತು ಮಗುವಿಗೆ ಜನ್ಮ ನೀಡಿದ ಬಗ್ಗೆ ಬಹಿರಂಗ ಪಡಿಸಿಲ್ಲ. 

ಸಯೇಶಾಗೆ ಹೆಣ್ಣು ಮಗುವಾಗಿದೆ ಎಂದು ತಮಿಳು ನಟ ವಿಶಾಲ್ ಸಾಮಾಜಿಕ ಜಾಲತಾಣದಲ್ಲಿ ವಿಶ್ ಮಾಡುವ ಮೂಲಕ ಅಚ್ಚರಿ ಮೂಡಿಸಿದ್ದರು. ಬಳಿಕ ಎಲ್ಲಿಯೂ ಮಗಳ ಫೋಟೋವನ್ನು ರಿವೀಲ್ ಮಾಡಿರಲಿಲ್ಲ. ಇದೀಗ ಮೊದಲ ಬಾರಿಗೆ ಅರಿಯಾನಾ ಅಭಿಮಾನಿಗಳ ಮುಂದೆ ಬಂದಿದ್ದಾಳೆ. 

ನಟ ಆರ್ಯ ಇತ್ತೀಚಿಗಷ್ಟೆ 42ನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಂಡರು. ಆರ್ಯಗೆ ಅಭಿಮಾನಿಗಳು ಮತ್ತು ಸಿನಿ ಗಣ್ಯರು ಶುಭಾಶಯ ತಿಳಿಸಿದ್ದರು. ಆರ್ಯ ತನ್ನ ಹುಟ್ಟುಹಬ್ಬಕ್ಕೆ ಮಗಳನ್ನು ಪರಿಚಯಿಸುವ ಮೂಲಕ ಅಭಿಮಾನಿಗಳಿಗೆ ಬೆಸ್ಟ್ ಗಿಫ್ಟ್ ನೀಡಿದ್ದರು. 

ಮಗಳ ಫೋಟೋ ಶೇರ್ ಮಾಡಿ ಪತಿಗೆ ಹುಟ್ಟುಹಬ್ಬದ ವಿಶ್ ಮಾಡಿದ್ದರು. 'ಜನ್ಮದಿನದ ಶುಭಾಶಯಗಳು ಮೈ ಲವ್. ಅತ್ಯುತ್ತಮ ಪತಿ, ತಂದೆ ಮತ್ತು ವ್ಯಕ್ತಿ. ನನ್ನ ಜೀವನದಲ್ಲಿ ನಿಮ್ಮನ್ನು ಪಡೆಯಲು ತುಂಬಾ ಪುಣ್ಯ ಮಾಡಿದ್ದೆ. ನಾನು ನಿಮ್ಮನ್ನು ಎಂದೆಂದಿಗೂ ಪ್ರೀತಿಸುತ್ತೇನೆ' ಎಂದು ವಿಶ್ ಮಾಡಿದ್ದರು. ಜೊತೆಗೆ  'ನಮ್ಮ ಮಗಳು ಅರಿಯಾನಾಳನ್ನು ಭೇಟಿ ಮಾಡಿ' ಎಂದು ಬರೆದುಕೊಂಡಿದ್ದರು. 

ನಟಿ ಸಯೇಶಾ ಸದ್ಯ ಮಗಳ ಆರೈಕೆಯಲ್ಲಿ ಬ್ಯುಸಿಯಾಗಿದ್ದಾರೆ. ಮಗಳಿಗೆ ಜನ್ಮ ನೀಡಿದ ಬಳಿಕಇನ್ನೂ ಸಿನಿಮಾ ಕೆಲಸ ಪ್ರಾರಂಭಿಸಿಲ್ಲ. ಸಯೇಶಾ ಕೊನೆಯದಾಗಿ ಪವರ ಸ್ಟಾರ್ ಪುನೀತ್ ರಾಜ್ ಕುಮಾರ್ ಜೊತೆ  ಯುವರತ್ನ ಸಿನಿಮಾದಲ್ಲಿ ನಟಿಸಿದ್ದರು. ಇದು ಸಯೇಶಾ ನಟನೆಯ ಮೊದಲ ಕನ್ನಡ ಸಿನಿಮಾವಾಗಿದೆ. ಸಯೇಶಾ ಮುಂದಿನ ಸಿನಿಮಾ ಯಾವುದು ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ.