ಈವರೆಗೆ ಹಂಚಿಕೊಳ್ಳದ ಫೋಟೋಗಳನ್ನು ರಿವೀಲ್‌ ಮಾಡಿದ ರಶ್ಮಿಕಾ ಮಂದಣ್ಣ: ಅಂತದ್ದೇನಿದೆ?
ಡಿಸೆಂಬರ್‌ 5ಕ್ಕೆ ಬಹುನಿರೀಕ್ಷಿತ ‘ಪುಷ್ಪ 2’ ಚಿತ್ರ ಬಿಡುಗಡೆ. ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ನಟನೆಯ ಚಿತ್ರ. ಸತತ ಪ್ರಚಾರದಲ್ಲಿ ತೊಡಗಿಸಿಕೊಂಡಿರುವ ರಶ್ಮಿಕಾ. ಈ ವೇಳೆ ‘ಪುಷ್ಪ-1’ ಚಿತ್ರದ ನೆನಪು ಮೆಲುಕು ಹಾಕಿದ ನಟಿ.
)
Follow‘ಪುಷ್ಪ 2’ ರಿಲೀಸ್‌ ಪ್ರಚಾರದಲ್ಲಿ ತೊಡಗಿಸಿಕೊಂಡಿರುವ ರಶ್ಮಿಕಾ ಮಂದಣ್ಣ ‘ಪುಷ್ಪ 1’ ಸಿನಿಮಾದ ಈವರೆಗೆ ಹಂಚಿಕೊಳ್ಳದ ಫೋಟೋಗಳನ್ನು ರಿವೀಲ್‌ ಮಾಡಿದ್ದಾರೆ.
)
ವರ್ಷಗಳ ಕೆಳಗೆ ನಡೆದ ‘ಪುಷ್ಪ’ ಚಿತ್ರದ ಮೊದಲ ಭಾಗದ ಶೂಟಿಂಗ್, ಮೇಕಪ್, ಸೆಟ್, ಹಾಡಿನ ಚಿತ್ರೀಕರಣದ ವಿಡಿಯೋ, ಸಹ ಕಲಾವಿದರು, ನೃತ್ಯಗಾರರ ಫೋಟೋ, ಜೊತೆಗೆ ತಮ್ಮ ಉಡುಪು, ಆ ಚಿತ್ರದ ಪ್ರಮೋಷನ್ ವೇಳೆ ನಟ ಅಲ್ಲು ಅರ್ಜುನ್ ಜೊತೆಗಿದ್ದ ಫೋಟೋಗಳನ್ನು ರಶ್ಮಿಕಾ ಹಂಚಿಕೊಂಡಿದ್ದಾರೆ. ಇವು ಸೋಷಿಯಲ್‌ ಮೀಡಿಯಾದಲ್ಲಿ ಟ್ರೆಂಡಿಂಗ್‌ನಲ್ಲಿವೆ.
ಮೊದಲ ದಿನವೇ ದಾಖಲೆ ₹270 ಕೋಟಿ ಗಳಿಕೆ ಸಾಧ್ಯತೆ: ನಟ ಅಲ್ಲು ಅರ್ಜುನ್ ಹಾಗೂ ನಟಿ ರಶ್ಮಿಕಾ ಮಂದಣ್ಣ ಅಭಿನಯದ ಬಹು ನಿರೀಕ್ಷಿತ ಚಿತ್ರ ‘ಪುಷ್ಪ-2: ದ ರೂಲ್‌’ ಬಿಡುಗಡೆಯಾದ ಮೊದಲ ದಿನವೇ ವಿಶ್ವಾದ್ಯಂತ 270 ಕೋಟಿ ರು. ಕಲೆಕ್ಷನ್‌ ಮಾಡುವ ಸಾಧ್ಯತೆಯಿದೆ.
ಒಂದು ವೇಳೆ ಈ ರೀತಿ ಆದರೆ ಚಿತ್ರ ಹೊಸ ದಾಖಲೆ ಸೃಷ್ಟಿಸಲಿದೆ. ಮೊದಲ ದಿನ ಭಾರತದಲ್ಲಿ 200 ಕೋಟಿ ರು. ಹಾಗೂ ವಿದೇಶಗಳಲ್ಲಿ 70 ಕೋಟಿ ರು. ಒಟ್ಟು 270 ಕೋಟಿ ರು. ಬಾಚಿಕೊಳ್ಳುವ ಸಾದ್ಯತೆಯಿದೆ ಎಂದು ಅಂದಾಜಿಸಲಾಗಿದೆ.
2021ರಲ್ಲಿ ಬಿಡುಗಡೆಯಾದ ‘ಪುಷ್ಪ ದ ರೈಸ್‌’ ಚಿತ್ರದ ಮುಂದುವರೆದ ಭಾಗ ಇದಾಗಿದ್ದು, ಡಿ.5 ರಂದು ಬಿಡುಗಡೆಯಾಗಲಿದೆ. ಸುಕುಮಾರ್‌ ಅವರು ಈ ಚಿತ್ರ ನಿರ್ದೇಶಿಸಿದ್ದಾರೆ.
