ರಣವೀರ್ ಹೊಸ ಮನೆ ಕಿಚನ್ ಡಿಸೈನ್ ಮಾಡಿರುವುದು ಸ್ವತಃ ದೀಪಿಕಾ ಪಡುಕೋಣೆಯಂತೆ!
ರಣವೀರ್ ಸಿಂಗ್ (Ranveer Singh) ಮತ್ತು ದೀಪಿಕಾ ಪಡುಕೋಣೆ (Deepika Padukone) ಅತ್ಯಂತ ಪ್ರೀತಿಯ ಜೋಡಿಗಳಲ್ಲಿ ಒಬ್ಬರು. ರೋಹಿತ್ ಶೆಟ್ಟಿ (Rohit Shetty) ಅವರ 'ಸರ್ಕಸ್' ಸಿನಿಮಾದಲ್ಲಿ ಈ ಜೋಡಿ ಪವರ್-ಪ್ಯಾಕ್ಡ್ ಡ್ಯಾನ್ಸ್ ನಂಬರ್ 'ಕರೆಂಟ್ ಲಗಾ ರೇ' ಗಾಗಿ ಒಟ್ಟಿಗೇ ಹೆಜ್ಜೆ ಹಾಕಿದ್ದಾರೆ. ಈ ಹಾಡಿನ ಬಿಡುಗಡೆ ಸಮಾರಂಭದಲ್ಲಿ, ರಣವೀರ್ ಅವರು ಹೊಸ ಮನೆಯನ್ನು ಖರೀದಿಸಿದ್ದು, ಅವರ ಪತ್ನಿ ದೀಪಿಕಾ ಅವರೇ ಅಡುಗೆಮನೆಯನ್ನು ವಿನ್ಯಾಸಗೊಳಿಸುತ್ತಿದ್ದಾರೆ ಎಂಬ ವಿಷಯವನ್ನು ರಿವೀಲ್ ಮಾಡಿದ್ದಾರೆ.
ಬಹು ನಿರೀಕ್ಷಿತ ಆಕ್ಷನ್ ಕಾಮಿಕ್ 'ಸರ್ಕಸ್' ಸಿನಿಮಾದ ಮೊದಲ ಹಾಡು, 'ಕರೆಂಟ್ ಲಗಾ ರೇ' ದೀಪಿಕಾ ಪಡುಕೋಣೆ ಅಭಿಮಾನಿಗಳಿಗೆ ಆಶ್ಚರ್ಯವನ್ನುಂಟು ಮಾಡಿದೆ. ರೋಮಾಂಚಕ ಹಾಡಿನಲ್ಲಿ ದೀಪಿಕಾ ಒಂಬತ್ತು ವರ್ಷಗಳ ನಂತರ ಅವರ ಚೆನೈ ಎಕ್ಸ್ಪ್ರೆಸ್ನ 'ಮೀನಮ್ಮ' ಅವತಾರದಲ್ಲಿ ಪತಿ ರಣವೀರ್ನೊಂದಿಗೆ ಕಾಣಿಸಿಕೊಂಡಿದ್ದಾರೆ.
ದೀಪಿಕಾ ಪಡುಕೋಣೆ ಪತಿ ರಣವೀರ್ ಸಿಂಗ್ ಮತ್ತು ನಿರ್ದೇಶಕ ರೋಹಿತ್ ಶೆಟ್ಟಿ ಜೊತೆ 'ಕರೆಂಟ್ ಲಗಾ ರೇ' ಹಾಡಿನ ಬಿಡುಗಡೆ ಸಮಾರಂಭದಲ್ಲಿ ಕಾಣಿಸಿಕೊಂಡಿದ್ದರು. ಈ ಸಮಾರಂಭದ ಫೋಟೋಗಳು ಸಖತ್ ವೈರಲ್ ಆಗಿವೆ.
ಹಾಡಿನ ಬಿಡುಗಡೆ ಸಮಾರಂಭದಲ್ಲಿ, ರಣವೀರ್ ಅವರು ಹೊಸ ಮನೆಯನ್ನು ಖರೀದಿಸಿರುವುದಾಗಿ ರಿವೀಲ್ ಮಾಡಿದ್ದು ಮಾತ್ರವಲ್ಲ. ಆ ಮನೆಗೇ ತಮ್ಮ ಮಡದಿ ಡಿಪ್ಪಿಯೇ ಕಿಚನ್ ಡಿಸೈನರ್ ಎಂಬ ಕುತೂಹಲಕಾರಿ ವಿಷಯವನ್ನು ರಿವೀಲ್ ಮಾಡಿದ್ದಾರೆ. ಆದರೆ, ದೀಪಿಕಾ ಅಡುಮೆ ಮಾಡುತ್ತಾರೋ, ಇಲ್ಲವೋ ಎಂಬುದನ್ನು ಮಾತ್ರ ಸ್ಪಷ್ಟಪಡಿಸಿಲ್ಲ.
ಅಡುಗೆ ಮನೆ ಹೇಗೆ ನಡೆಯುತ್ತಿದೆ ಎಂಬುದನ್ನು ಸ್ವತಃ ದೀಪಿಕಾ ನೋಡಿಕೊಳ್ಳುತ್ತಿದ್ದಾರೆ, ಎಂದಿದ್ದಾರೆ ರಣವೀರ್. ಆದರೂ ಅಡುಗೆ ವಿಷಯಕ್ಕೆ ಸಂಬಂಧಿಸಿದಂತೆ ಡಿಪ್ಪಿ ಪತಿ ಸಣ್ಣ ವಿಷಯವೊಂದನ್ನು ರಿವೀಲ್ ಮಾಡಿದ್ದು, ಪ್ರತಿ ಭಾನುವಾರ ದೀಪಿಕಾಗೆ ಮೊಟ್ಟೆಯಿಂದ ಏನಾದರೂ ಖಾದ್ಯ ಮಾಡಿ ಉಣಿಸುತ್ತಾರಂತೆ.
ಈವೆಂಟ್ನಲ್ಲಿ, ರಣವೀರ್ಗೆ, ದೀಪಿಕಾಗೆ ಪ್ರಯಾಣದ ಬಗ್ಗೆ ಇರುವ ಅಭಿಪ್ರಾಯವೇನೆಂದು ಕೇಳಲಾಯಿತು. ಅಲ್ಲದೇ ಮನೋರಂಜನೆಯ ರಾಣಿ ಎಂದೇಕೆ ಕರೆಯುತ್ತಾರೆಂಬುದನ್ನೂ ಪ್ರಶ್ನಿಸಲಾಯಿತು. 'ಹೌದು, ಅವಳು ಎಂಟರ್ಟೈನ್ಮೆಂಟ್ ಕ್ವೀನ್ (Entertainment Queen). 15 ವರ್ಷಗಳ ಅದ್ಭುತ ವೃತ್ತಿಜೀವನದಲ್ಲಿ (Career) ಅಪಾರ ಪ್ರಮಾಣದ ಬಹುಮುಖತೆ ಪ್ರತಿಭೆಯನ್ನು (Mult Talents) ಪ್ರದರ್ಶಿಸಿದ್ದಾಳೆ. ಅಂತಹ ವಿಶೇಷ ಚಲನಚಿತ್ರಗಳು, ವಿಶೇಷ ಪಾತ್ರಗಳು, ವಿಶೇಷ ಪ್ರದರ್ಶನಗಳನ್ನು ನೀಡಿದ್ದಾಳೆ' ಎಂದು ರಣವೀರ್ ಹೇಳಿದ್ದರು
'ಮನರಂಜನೆಯ ರಾಣಿ ಹೌದು. ಅಷ್ಟೇ ಅಲ್ಲ ಖಂಡಿತವಾಗಿಯೂ, ನಾನು ಹೇಳಿದಂತೆ, ನನ್ನ ಜೀವನದ ರಾಣಿಯೂ ಹೌದು. ಅವಳು ತುಂಬಾ ಪ್ರೀತಿಯ ಮತ್ತು ಹಾಸ್ಯಮಯ ವ್ಯಕ್ತಿತ್ವದವಳು. ಅದರಲ್ಲಿಯೂ ಅವಳ ಸ್ವಭಾವ ತಮಗೆ ಹೇಳಿ ಮಾಡಿಸಿದಂತಿದೆ. ಅದಕ್ಕೆ ಅವಳು ಕೇವಲ ಮನರಂಜನೆಯ ರಾಣಿಯಲ್ಲ, ಆದರೆ ನನ್ನ ರಾಣಿ, ನನ್ನ ಜೀವನದ ರಾಣಿ, ನನ್ನ ಹೃದಯದ ರಾಣಿ ಮತ್ತು ಪ್ರತಿಯೊಬ್ಬರ ಹೃದಯದಲ್ಲಿ ವಿಶೇಷ ಸ್ಥಾನವನ್ನು ಅಲಂಕರಿಸಿದವರು,' ಎಂದು ರಣವೀರ್ ಪತ್ನಿಯನ್ನು ಪ್ರೀತಿಪೂರ್ವಕವಾಗಿ ಮನಸಾರೇ ಹೊಗಳಿದ್ದಾರೆ.
ಸರ್ಕಸ್, ರೋಹಿತ್ ಶೆಟ್ಟಿ ನಿರ್ದೇಶನದ ಚಿತ್ರವು ಡಿಸೆಂಬರ್ 23 ರಂದು ಬಿಡುಗಡೆಯಾಗಲಿದೆ. ರಣವೀರ್ ಮತ್ತು ದೀಪಿಕಾ ಅವರ ಅತಿಥಿ ಪಾತ್ರದ ಜೊತೆಗೆ, ಚಿತ್ರದಲ್ಲಿ ಪೂಜಾ ಹೆಗ್ಡೆ, ಜಾಕ್ವೆಲಿನ್ ಫರ್ನಾಂಡೀಸ್, ಜಾನಿ ಲಿವರ್, ಸಂಜಯ್ ಮಿಶ್ರಾ ಮತ್ತು ವರುಣ್ ಶರ್ಮಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.