Rajasthan : ವಿಕ್ಕಿ ಕತ್ರಿನಾ ಮಾತ್ರವಲ್ಲ ಈ ಬ್ಯುಸಿನೆಸ್‌ಮೆನ್‌ಗಳೂ ಇಲ್ಲೇ ಮದುವೆಯಾಗಿದ್ದು
ರಾಯಲ್ ವೆಡ್ಡಿಂಗ್‌ ಪ್ರಿಯರಿಗೆ ರಾಜಸ್ಥಾನ (Rajasthan) ಸ್ವರ್ಗಕ್ಕಿಂತ ಕಡಿಮೆಯಿಲ್ಲ. ಅದಕ್ಕಾಗಿಯೇ ಉದಯಪುರ(Udaipur), ಜೈಪುರ (jaipur) ಜೈಸಲ್ಮೇರ್ (Jaisalmer), ಜೋಧ್‌ಪುರ (Jodhpur) ಮತ್ತು ಪುಷ್ಕರ್ ವಿವಾಹಗಳಿಗೆ ಅತ್ಯುತ್ತಮ ಸ್ಥಳಗಳಾಗಿವೆ. ಗಾಡಿಗಳೊಂದಿಗೆ ಆನೆಗಳು, ಕುದುರೆಗಳು ಮತ್ತು ಒಂಟೆಗಳು, ರಾಜ ಮೆರವಣಿಗೆಯು ಎಲ್ಲರನ್ನೂ ಆಕರ್ಷಿಸುತ್ತದೆ. ಕತ್ರಿನಾ (Katirna kaif) ಮತ್ತು ವಿಕ್ಕಿ ಕೌಶಲ್ (Vicky Kaushal) ಸವಾಯಿ ಮಾಧೋಪುರದ 14 ನೇ ಶತಮಾನದ ಬರ್ವಾರಾ ಕೋಟೆಯಲ್ಲಿ ವಿವಾಹವಾಗಲಿದ್ದಾರೆ. ಇದಕ್ಕೂ ಮೊದಲು, ಅನೇಕ ದೊಡ್ಡ ಸೆಲೆಬ್ರಿಟಿಗಳು ರಾಜಸ್ಥಾನವನ್ನು ಮದುವೆಯ ತಾಣವಾಗಿ ಆಯ್ಕೆ ಮಾಡಿಕೊಂಡಿದ್ದಾರೆ. ಇದರಲ್ಲಿ ಬಾಲಿವುಡ್ ತಾರೆಯರಷ್ಟೇ ಅಲ್ಲ, ಹಲವು ದೊಡ್ಡ ಉದ್ಯಮಿಗಳೂ ಇದ್ದಾರೆ. ರಾಜಸ್ಥಾನದಲ್ಲಿ ಸಪ್ತಪದಿ ತುಳಿದ ಬ್ಯುಸಿನೆಸ್‌ಮೆನ್‌ಗಳ ಬಗ್ಗೆ ಇಲ್ಲಿದೆ ಮಾಹಿತಿ
ಬಾರ್ಡರ್, LOC ಕಾರ್ಗಿಲ್ ಮತ್ತು ಉಮ್ರಾನ್ ಜಾನ್ ಚಿತ್ರಗಳ ನಿರ್ಮಾಪಕ-ನಿರ್ದೇಶಕರಾದ ಜೆಪಿ ದತ್ತಾ ಮತ್ತು ಬಿಂದಿಯಾ ಗೋಸ್ವಾಮಿ ಅವರು ತಮ್ಮ ಪುತ್ರಿ ನಿಧಿ ದತ್ತಾ ಅವರ ಮದುವೆಯನ್ನು ಪಿಂಕ್ ಸಿಟಿಯಲ್ಲಿ ರಾಯಲ್ ಶೈಲಿಯಲ್ಲಿ ಮಾಡಿದ್ದರು. 7 ಮಾರ್ಚ್ 2021 ರಂದು ನಡೆದ ಈ ಮದುವೆಯಲ್ಲಿ ಪ್ರಸಿದ್ಧ ಬಾಲಿವುಡ್ ನಟರು, ಸಂಗೀತ ನಿರ್ದೇಶಕರು, ಗಾಯಕರು ಮತ್ತು ಸೆಲೆಬ್ರಿಟಿಗಳು ಒಟ್ಟುಗೂಡಿದರು. ಸುನೀಲ್ ಶೆಟ್ಟಿ, ಅನು ಮಲಿಕ್, ರಣಧೀರ್ ಕಪೂರ್, ಕುಲಭೂಷಣ್ ಖರ್ಬಂದ, ಸತ್ಯಜಿತ್ ಪುರಿ, ಮನೀಶ್ ಮಲ್ಹೋತ್ರಾ, ಅಮೃತಾ ಸಿಂಗ್, ರೂಪ್ ಕುಮಾರ್ ರಾಥೋಡ್, ಸಿಮ್ರಾನ್ ಚೌಧರಿ, ದಾರಾ ಸಿಂಗ್ ಖುರಾನಾ ಸೇರಿದಂತೆ ಅನೇಕ ಗಣ್ಯರು ಹೋಟೆಲ್ ರಾಂಬಾಗ್ ಪ್ಯಾಲೇಸ್‌ನಲ್ಲಿ ನಡೆದ ವಿವಾಹದಲ್ಲಿ ಭಾಗವಹಿಸಿದ್ದರು.
ದಕ್ಷಿಣ ಭಾರತದ ಖ್ಯಾತ ಚಲನಚಿತ್ರ ನಟಿ ನಿಹಾರಿಕಾ ಕೊನಿಡೇಲಾ ಅವರು ಡಿಸೆಂಬರ್ 9, 2020 ರಂದು ವಿವಾಹವಾದರು. ನಿಹಾರಿಕಾ ಅವರು ಉದ್ಯಮಿ ಚೈತನ್ಯ ಜೆವಿ ಅವರೊಂದಿಗೆ ಏಳು ಸುತ್ತುಗಳನ್ನು ತೆಗೆದುಕೊಂಡರು. ಡೆಸ್ಟಿನೇಶನ್ ವೆಡ್ಡಿಂಗ್‌ಗಾಗಿ ಅವರು ರಾಜಸ್ಥಾನದ ಉದಯಪುರದಲ್ಲಿರುವ ಉದಯ್ ವಿಲಾಸ್ ಅರಮನೆಯನ್ನು ಆಯ್ಕೆ ಮಾಡಿಕೊಂಡರು. ಅಲ್ಲಿಗೆ ದಕ್ಷಿಣ ಭಾರತದ ಚಿತ್ರರಂಗದ ಅನೇಕ ಪ್ರಸಿದ್ಧ ಮುಖಗಳು ಆಗಮಿಸಿದರು. ಇದರಲ್ಲಿ ಪವನ್ ಕಲ್ಯಾಣ್, ಅಲ್ಲು ಅರ್ಜುನ್, ರಾಮ್ ಚರಣ್ ಮುಂತಾದ ಹೆಸರುಗಳಿವೆ.
ರಿಲಯನ್ಸ್ ಇಂಡಸ್ಟ್ರೀಸ್ ಮಾಲೀಕ ಮತ್ತು ಭಾರತದ ಶ್ರೀಮಂತ ಉದ್ಯಮಿ ಮುಖೇಶ್ ಅಂಬಾನಿ ಅವರ ಪುತ್ರಿ ಇಶಾ ಅಂಬಾನಿ ಅವರ ವಿವಾಹವು ಉದಯಪುರದಲ್ಲಿ ನಡೆಯಿತು. 12 ಡಿಸೆಂಬರ್ 2018 ರಂದು, ಇಶಾ ಅಂಬಾನಿ ಪಿರಾಮಲ್ ಇಂಡಸ್ಟ್ರೀಸ್ ಮಾಲೀಕ ಆನಂದ್ ಪಿರಾಮಲ್ ಅವರನ್ನು ವಿವಾಹವಾದರು. ಈ ಮದುವೆಯಲ್ಲಿ ಬಾಲಿವುಡ್ ಸೆಲೆಬ್ರಿಟಿಗಳೆಲ್ಲ ಭಾಗವಹಿಸಿದ್ದರು. ಇದಲ್ಲದೇ ದೇಶ ಹಾಗೂ ವಿಶ್ವದ ಹಲವು ಗಣ್ಯರು ಈ ಮದುವೆಯಲ್ಲಿ ಪಾಲ್ಗೊಂಡಿದ್ದರು. ಅಮೆರಿಕದ ಹಿಲರಿ ಕ್ಲಿಂಟನ್ ಈ ಪಾರ್ಟಿಯ ವಿಶೇಷ ಅತಿಥಿಯಾಗಿದ್ದರು.
ಹಿಂದುಜಾ ಗ್ರೂಪ್‌ನ ಅಧ್ಯಕ್ಷ ಗೋಪಿಚಂದ್ ಹಿಂದುಜಾ ಅವರ ಪುತ್ರ ಸಂಜಯ್ ಹಿಂದುಜಾ ಅವರು ಡಿಸೈನರ್ ಅನು ಮಹತಾನಿ ಅವರನ್ನು 13 ಫೆಬ್ರವರಿ 2015 ರಂದು ಉದಯಪುರದ ಉದಯ್ ವಿಲಾಸ್ ಅರಮನೆಯಲ್ಲಿ ವಿವಾಹವಾದರು. ಈ ಮದುವೆಯಲ್ಲಿ ಅರ್ಜುನ್ ಕಪೂರ್-ರಣ್ವೀರ್ ಸಿಂಗ್ ರಿಂದ ಪಾಪ್ ಗಾಯಕಿ ಜೆನ್ನಿಫರ್ ಲೋಪೆಜ್ ವರೆಗೆ ಹಲವರು ಪರ್ಫಾಮ್‌ ಮಾಡಿದ್ದರು. ಈ ಬಿಗ್ ಫ್ಯಾಟ್ ವೆಡ್ಡಿಂಗ್‌ನಲ್ಲಿ ಪಾಲ್ಗೊಳ್ಳಲುಉದಯಪುರದಲ್ಲಿ 3 ದಿನಗಳ ಕಾಲ ಬಾಲಿವುಡ್‌ನ ಸ್ಟಾರ್‌ಗಳ ದಂಡೇ ಇತ್ತು.
ಅಮೇರಿಕನ್ ಹೋಟೆಲ್ ಉದ್ಯಮಿ ಮತ್ತು ನಟ ವಿಕ್ರಮ್ ಚಟ್ವಾಲ್ ಅವರು ಮಾಡೆಲ್ ಪ್ರಿಯಾ ಸಚ್‌ದೇವ ಅವರನ್ನು 18 ಫೆಬ್ರವರಿ 2006 ರಂದು ಉದಯಪುರದಲ್ಲಿ ವಿವಾಹವಾದರು. ಈ ಮದುವೆಯಲ್ಲಿ 26 ದೇಶಗಳಿಂದ ಸುಮಾರು 600 ಅತಿಥಿಗಳು ಭಾರತಕ್ಕೆ ಬಂದಿದ್ದರು. ಅನೇಕ ದೊಡ್ಡ ಸೆಲೆಬ್ರೆಟಿಗಳು ಇದರಲ್ಲಿ ಭಾಗಿಯಾಗಿದ್ದರು.
ನಟಿ ಎಲಿಜಬೆತ್ ಹರ್ಲಿ ಭಾರತೀಯ ಉದ್ಯಮಿ ಅರುಣ್ ನಾಯರ್ ಅವರನ್ನು ವಿವಾಹವಾದರು. ಜೋಧಪುರದ ಪ್ರಸಿದ್ಧ ಉಮೇದ್ ಭವನದಲ್ಲಿ ಇಬ್ಬರೂ ವಿವಾಹವಾಗಿದ್ದರು. ಯುಕೆಯಲ್ಲಿ ವಿವಾಹವಾದ ನಂತರ, ಅವರು 2007 ರಲ್ಲಿ ಜೋಧ್‌ಪುರದಲ್ಲಿ ಭಾರತೀಯ ಸಂಪ್ರದಾಯಗಳ ಪ್ರಕಾರ ವಿವಾಹವಾದರು.
