ರಾಜ್ ಕುಂದ್ರಾ ಶಿಲ್ಪಾ ಶೆಟ್ಟಿಗೆ ನೀಡಿದ ದುಬಾರಿ ಗಿಫ್ಟ್‌ಗಳೇನು ಗೊತ್ತಾ?
ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಹಾಗೂ ರಾಜ್ ಕುಂದ್ರಾ ಬಿ ಟೌನ್‌ನ ಲವಿಂಗ್‌ ಕಪಲ್‌ಗಳು. ಶಿಲ್ವಾ ರಾಜ್‌ರ ಎರಡನೆ ಪತ್ನಿಯಾಗಿ ಹಸೆಮಣೆ ಏರಿದಾಗ ಮೂಗು ಮುರಿದವರೆ ಹೆಚ್ಚು. ಆದರೆ ಇಂದು ಇವರ ನಡುವಿನ ಪ್ರೀತಿ ನೋಡಿ ವಾವ್‌ ಜೋಡಿ ಅಂದರೆ ಹೀಗೆ ಇರಬೇಕು ಅಂತ ಹೇಳದೆ ಇರೋಲ್ಲ. ಸೋಶಿಯಲ್ ಮೀಡಿಯಾದಲ್ಲಿ ಶಿಲ್ಪಾ, ಗಂಡ ರಾಜ್ ಕುಂದ್ರಾ ಜೊತೆಗಿನ ಪೋಟೋ ವೀಡಿಯೋಗಳನ್ನು ಶೇರ್‌ ಮಾಡಿಕೊಳ್ಳತ್ತಾ ಇರುತ್ತಾರೆ. ರಾಜ್ ತಮ್ಮ ಪ್ರೀತಿಯ ಪತ್ನಿ ಶಿಲ್ಪಾರಿಗೆ ನೀಡುವ ದುಬಾರಿ ಗಿಫ್ಟ್‌ಗಳಿಗೆ ಫೇಮಸ್‌ ಅಂದರೆ ತಪ್ಪಾಗಲಾರದು. ಇಲ್ಲಿದೆ ನೋಡಿ ನಮ್ಮ ಕರಾವಳಿ ಬೆಡಗಿ ಪಡೆದ ಕೆಲವು ಕಾಸ್ಟ್‌ಲಿ ಗಿಫ್ಟ್‌ಗಳ ವಿವರ.
ತಮ್ಮ 45ನೇ ಹುಟ್ಟುಹಬ್ಬವನ್ನು (ಜೂನ್ 8) ಆಚರಿಸಿಕೊಂಡ ಬಾಲಿವುಡ್‌ನ ಫಿಟ್‌ ನಟಿ ಶಿಲ್ವಾ ಶೆಟ್ಟಿಗೆ ಈ ವರ್ಷದ ಬರ್ಥ್‌ಡೇ ಸ್ಪೆಷಲ್‌ ಕಾರಣ ಮಗಳು ಸಮಿಷಾ.
ಶಿಲ್ಪಾ ಶೆಟ್ಟಿ ತನ್ನ 45ನೇ ಹುಟ್ಟುಹಬ್ಬವನ್ನು ಹಿಂದಿನ ದಿನವೇ ಆಚರಿಸಿದರು. ಮಗಳು ಸಮಿಷಾ ಜೊತೆ ಆಚರಿಸಿರುವ ನಟಿಯ ಫಸ್ಟ್‌ ಹುಟ್ಟಿದ ಹಬ್ಬವಾಗಿದೆ. ಈ ಸೆಲೆಬ್ರೆಷನ್‌ನ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಂಡಿದೆ.
ಶಿಲ್ಪಾ ಶೆಟ್ಟಿ ತಮ್ಮ ಜನ್ಮದಿನಾಚರಣೆಯ ಫೋಟೋಗಳನ್ನು ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದು ಪತಿ ರಾಜ್ ಕುಂದ್ರಾ ಮತ್ತು ಇಬ್ಬರು ಮಕ್ಕಳು ಇದ್ದಾರೆ ಜೊತೆಗೆ.
ಲಾಕ್‌ಡೌನ್‌ನಲ್ಲಿ, ಮನೆಯಲ್ಲಿ ಕುಟುಂಬದೊಂದಿಗೆ ಆಚರಿಸಿದ ಬರ್ತ್‌ಡೇ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಮಗ ವಿಯಾನ್ ಮಮ್ಮಿಯ ಹುಟ್ಟುಹಬ್ಬದ ಕೇಕ್ ಕಟ್‌ ಮಾಡುತ್ತಿದ್ದಾನೆ ಹಾಗೂ ಶಿಲ್ಪಾ ಹಂಚಿಕೊಂಡ ಎರಡನೇ ಫೋಟೋದಲ್ಲಿ, ತಂಗಿ ಶಮಿತಾ ಶೆಟ್ಟಿ ಸೇರಿದಂತೆ ತನ್ನ ಇಡೀ ಕುಟುಂಬದೊಂದಿಗೆ ಕಾಣಿಸಿಕೊಂಡಿದ್ದಾಳೆ ಶಿಲ್ಪಾ.
ಬಾಲಿವುಡ್‌ನ ಆಡೋರಬಲ್‌ ದಂಪತಿಗಳಲ್ಲಿ ಶಿಲ್ಪಾ ಮತ್ತು ರಾಜ್ ಕುಂದ್ರಾ ಒಬ್ಬರು. ಮದುವೆಯಾದಾಗಿನಿಂದಲೂ ತನ್ನ ಲೇಡಿಲವ್‌ಗೆ ದುಬಾರಿ ಉಡುಗೊರೆಗಳನ್ನು ನೀಡುತ್ತಲೇ ಇದ್ದಾರೆ ಉದ್ಯಮಿ ರಾಜ್ ಕುಂದ್ರಾ.
ರಾಜ್ ಹೆಂಡತಿಗೆ ನೀಡಿದ ಕೆಲವು ದುಬಾರಿ ಉಡುಗೊರೆಗಳ ಬಗ್ಗೆ ಕೇಳಿದರೆ ದಂಗಾಗುವುದು ಗ್ಯಾರಂಟಿ.
20 ಕ್ಯಾರೆಟ್ ಡೈಮಂಡ್ ರಿಂಗ್ ರಾಜ್ ನೀಡಿದ ಮೊದಲ ದುಬಾರಿ ಉಡುಗೊರೆ. ಶಿಲ್ಪಾಗೆ ಎಂಗೇಜ್ಮೆಂಟ್‌ಗೆ 3 ಕೋಟಿ ರೂ.ಗಳ ಮೌಲ್ಯದ 20 ಕ್ಯಾರೆಟ್ ಹೃದಯ ಆಕಾರದ ನೈಸರ್ಗಿಕ ಬಿಳಿ ವಜ್ರದ ಉಂಗುರ ತೋಡಿಸಿದ್ದ ರಾಜ್.
ರಾಜ್ ತನ್ನ ಮಡದಿಗೆ ಆ್ಯನಿವರ್ಸರಿಗೆ ನೀಡಿದ ಬುರ್ಜ್ ಖಲೀಫಾದಲ್ಲಿನ ಅಪಾರ್ಟ್ಮೆಂಟ್ ಬಾಲಿವುಡ್ ಇತಿಹಾಸದಲ್ಲಿನ ಅತ್ಯಂತ ದುಬಾರಿ ಉಡುಗೊರೆ. ವಿಶ್ವದ ಅತಿ ಎತ್ತರದ ಗೋಪುರ ದುಬೈನ ಬುರ್ಜ್ ಖಲೀಫಾದ, 19ನೇ ಮಹಡಿಯಲ್ಲಿರುವ ಅಪಾರ್ಟ್‌ಮೆಂಚನ್ನು 2016ರಲ್ಲಿ ಗಿಫ್ಟ್‌ ಆಗಿ ಪಡೆದಿದ್ದರು ಶಿಲ್ಪಾ ಶೆಟ್ಟಿ. ಆದರೆ ತಮ್ಮ ಕುಟುಂಬಕ್ಕೆ ತುಂಬಾ ಚಿಕ್ಕದಾಗಿದ್ದರಿಂದ ಆಸ್ತಿಯನ್ನು ಮಾರಿದರು.
ಯುಕೆಯ 7 ಬೆಡ್ ರೂಮ್ ವಿಲ್ಲಾ - ಯುನೈಟೆಡ್ ಕಿಂಗ್ಡಮ್‌ನ ವೇಬ್ರಿಡ್ಜ್‌ನಲ್ಲಿರುವ 'ರಾಜ್ ಮಹಲ್' ಎಂಬ ಭವ್ಯವಾದ 7 ಬೆಡ್ ರೂಮ್ ಬಂಗ್ಲೆ ರಾಜ್ ತನ್ನ ಹೆಂಡತಿಗಾಗಿ ಖರೀದಿಸಿದ ಮತ್ತೊಂದು ದುಬಾರಿ ಆಸ್ತಿ.
ಮುಂಬೈನಲ್ಲಿ ಸೀ ಫೇಸಿಂಗ್‌ ವಿಲ್ಲಾ ಹೊಂದುವುದು ಶಿಲ್ಪಾಳ ಕನಸಾಗಿತ್ತು. ಸಮುದ್ರದ ಕಡೆ ಮುಖ ಮಾಡಿರುವ ವಿಲ್ಲಾ ಕಿನಾರಾವನ್ನು ಖರೀದಿಸುವ ಮೂಲಕ ನಟಿಯ ಆಸೆಯನ್ನು ಪೂರೈಸಿದ್ದಾರೆ ಹಬ್ಬಿ. ಕುಟುಂಬವು ತಮ್ಮ ಹೆಚ್ಚಿನ ಸಮಯವನ್ನು ಕಳೆಯುವುದು ಈ ಬಂಗ್ಲೆಯಲ್ಲೇ.
BMW Z4 ಸೇರಿದಂತೆ ಅನೇಕ ಐಷಾರಾಮಿ ಕಾರುಗಳನ್ನು ಶಿಲ್ಪಾಗೆ ಉಡುಗೊರೆಯಾಗಿ ನೀಡಿದ್ದಾರೆ ಆದರೆ ಆಕೆಯ ನೀಲಿ ಲಂಬೋರ್ಘಿನಿ ಕಾರು ಇಂಟರ್‌ನೆಟ್‌ನಲ್ಲಿ ಸಖತ್‌ ಸದ್ದು ಮಾಡಿತ್ತು.
