ಪುಷ್ಪ 2: ಬಾಕ್ಸ್ ಆಫೀಸ್‌ ಕೊಳ್ಳೆ ಹೊಡೆದ ಸಿನಿಮಾ! ಎರಡು ದಿನದಲ್ಲಿಆದ ಕಲೆಕ್ಷನ್ ಹೊಸ ದಾಖಲೆ

ಬಾಹುಬಲಿ, ಆರ್‌ಆರ್‌ಆರ್, ಕೆಜಿಎಫ್ ಚಿತ್ರಗಳ ಮೊದಲ ದಿನದ ಕಲೆಕ್ಷನ್‌ಗಿಂತ ಹೆಚ್ಚು ಗಳಿಸಿ ಪುಷ್ಪ 2 ಸಿನಿಮಾ ಎಲ್ಲರನ್ನೂ ಅಚ್ಚರಿಗೊಳಿಸಿದೆ.
 

ಸುಕುಮಾರ್ ನಿರ್ದೇಶನದ, ಅಲ್ಲು ಅರ್ಜುನ್ ನಟನೆಯ 'ಪುಷ್ಪ: ದಿ ರೈಸ್' ಚಿತ್ರದ ಮುಂದುವರಿದ ಭಾಗ 'ಪುಷ್ಪ: ದಿ ರೂಲ್'. ಮೊದಲ ಭಾಗ ಮುಗಿದ ಜಾಗದಿಂದಲೇ ಎರಡನೇ ಭಾಗ ಶುರುವಾಗೋದು ಈ ಚಿತ್ರದ ಪ್ಲಸ್ ಪಾಯಿಂಟ್.
 

ಮೊದಲಾರ್ಧ ಚೆನ್ನಾಗಿದೆ, ಆದರೆ ಎರಡನೇ ಅರ್ಧ ಸ್ವಲ್ಪ ನಿಧಾನವಾಗಿದೆ ಅಂತಾರೆ ಪ್ರೇಕ್ಷಕರು. 3 ಗಂಟೆಗೂ ಹೆಚ್ಚು ಈ ಸಿನಿಮಾ ಮಾಡಬೇಕಿರಲಿಲ್ಲ ಅನ್ನೋದು ಅನೇಕರ ಅಭಿಪ್ರಾಯ. ಕೆಲವು ನೆಗೆಟಿವ್ ಕಾಮೆಂಟ್ಸ್ ಬಂದ್ರೂ, ಆಕ್ಷನ್, ನಟನೆ, ಹಾಡುಗಳಿಂದ ಅಲ್ಲು ಅರ್ಜುನ್ ಚಿತ್ರವನ್ನು ಹಿಟ್ ಮಾಡಿದ್ದಾರೆ.
 

ಅಲ್ಲು ಅರ್ಜುನ್ ಅಭಿಮಾನಿಗಳಿಗೆ ಈ ಚಿತ್ರ ಒಂದು ಮಾಸ್ ಮಸಾಲಾ ಚಿತ್ರ. ಮೊದಲ ದಿನವೇ 294 ಕೋಟಿ ರೂ. ಗಳಿಸಿದೆ ಎಂದು ಪುಷ್ಪ 2 ಚಿತ್ರತಂಡ ಅಧಿಕೃತವಾಗಿ ಘೋಷಿಸಿದೆ. ಯಾವುದೇ ರಜಾ ದಿನಗಳಲ್ಲಿ ಅಥವಾ ಹಬ್ಬದ ಸಮಯದಲ್ಲಿ ಬಿಡುಗಡೆಯಾಗದೆ ಪುಷ್ಪ 2 ಗೆ ಈ ರೀತಿಯ ಪ್ರತಿಕ್ರಿಯೆ ಸಿಕ್ಕಿರುವುದು ಅಚ್ಚರಿ ಮೂಡಿಸಿದೆ.

ಪುಷ್ಪ 2 ಎರಡನೇ ದಿನದ ಕಲೆಕ್ಷನ್ ಬಗ್ಗೆ ಮಾಹಿತಿ ಈಗ ರಿಲೀಸ್ ಆಗಿದೆ. ಎರಡನೇ ದಿನ 100 ಕೋಟಿ ರೂ. ಗಿಂತ ಹೆಚ್ಚು ಗಳಿಕೆ ಮಾಡಿರಬಹುದು ಎನ್ನಲಾಗಿದೆ. ಹೀಗಾಗಿ ಎರಡೇ ದಿನಗಳಲ್ಲಿ ಸುಮಾರು 400 ಕೋಟಿ ರೂ. ಗಳಿಸಿದೆ ಎಂದು ಅಂದಾಜಿಸಲಾಗಿದೆ. ಹಿಂದಿಯಲ್ಲಿ 52 ಕೋಟಿ ರೂ., ತೆಲುಗಿನಲ್ಲಿ 30 ಕೋಟಿ ರೂ., ತಮಿಳುನಾಡಿನಲ್ಲಿ 11 ಕೋಟಿ ರೂ., ಕೇರಳದಲ್ಲಿ 6 ಕೋಟಿ ರೂ. ಮತ್ತು ಕರ್ನಾಟಕದಲ್ಲಿ 20 ಕೋಟಿ ರೂ. ಗಳಿಸಿದೆ ಎನ್ನಲಾಗಿದೆ.
 

ಇಂದು ಮತ್ತು ನಾಳೆ ರಜಾ ದಿನಗಳಾದ್ದರಿಂದ ಪುಷ್ಪ 2 ಕಲೆಕ್ಷನ್ ಇನ್ನೂ ಹೆಚ್ಚಾಗಬಹುದು ಎಂದು ಚಿತ್ರಮಂದಿರ ಮಾಲೀಕರು ಹೇಳಿದ್ದಾರೆ. ಎರಡೇ ದಿನಗಳಲ್ಲಿ ಭರ್ಜರಿ ಗೆಲುವು ಸಾಧಿಸಿರುವ ಪುಷ್ಪ 2 ಚಿತ್ರದಲ್ಲಿ ಅಲ್ಲು ಅರ್ಜುನ್ ಜೊತೆ ರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ. ಫಹಾದ್ ಫಾಸಿಲ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಅನಸೂಯ ಭಾರದ್ವಾಜ್, ಸುನಿಲ್, ಜಗಪತಿ ಬಾಬು ಮುಂತಾದವರು ನಟಿಸಿದ್ದಾರೆ.