ಪವನ್ ಕಲ್ಯಾಣ್ ಮೊದಲನೇ ಹೆಂಡತಿಗೆ ಡೈವೋರ್ಸ್ ಕೊಟ್ಟಿದ್ದೇಕೆ? ಆಕೆ ಪಡೆದ ಜೀವನಾಂಶ ಎಷ್ಟು?

ತೆಲುಗು ಚಿತ್ರರಂಗದಲ್ಲಿ ಪವರ್ ಸ್ಟಾರ್ ಎಂದೇ ಖ್ಯಾತರಾಗಿರುವ ಪವನ್ ಕಲ್ಯಾಣ್ ಅವರು ಆಂಧ್ರಪ್ರದೇಶ ವಿಧಾನಸಭೆಗೆ ಪ್ರವೇಶಿಸುವ ತಮ್ಮ ಬಹುಕಾಲದ ಕನಸನ್ನು ಕೊನೆಗೂ ಈಡೇರಿಸಿಕೊಂಡಿದ್ದಾರೆ. 

ನಟ-ರಾಜಕಾರಣಿಯು ಈ ಹಿಂದೆ ಚುನಾವಣೆಗಳನ್ನು ಗೆಲ್ಲಲು ಎರಡು ವಿಫಲ ಪ್ರಯತ್ನಗಳನ್ನು ಕಂಡಿದ್ದಾರೆ. ಆದರೆ 2024 ರ ಚುನಾವಣೆಗ ಅಂತಿಮವಾಗಿ ಕಲ್ಯಾಣ್ ಮತ್ತು ಅವರ ಜನಸೇನಾ ಪಕ್ಷಕ್ಕೆ ಫಲಪ್ರದವಾಗಿದೆ.

ಈಗ, ಅವರು ಹೊಸ ಸರ್ಕಾರದಲ್ಲಿ ದೊಡ್ಡ ಪಾತ್ರಕ್ಕಾಗಿ ಸಿದ್ಧವಾಗುತ್ತಿರುವಾಗ, ಅವರ ಪತ್ನಿ, ರಷ್ಯಾದ ಮಾಜಿ ಮಾಡೆಲ್ ಅನ್ನಾ ಲೆಜ್ನೆವಾ ಮೇಲೆ ಎಲ್ಲರ ಗಮನ ಬಿದ್ದಿದೆ. ಆಕೆ ಚುನಾವಣಾ ಗೆಲುವಿನ ಬಳಿಕ ಪವನ್ ಜೊತೆಯಲ್ಲಿ ಕಾಣಿಸಿಕೊಂಡಿದ್ದಾರೆ.

ಲೆಜ್ನೆವಾ ಕಲ್ಯಾಣ್‌ನ ಮೂರನೇ ಹೆಂಡತಿ; ಅವರ ಹಿಂದಿನ ಎರಡು ಮದುವೆಗಳು ವಿಚ್ಛೇದನದಲ್ಲಿ ಕೊನೆಗೊಂಡವು ಮತ್ತು ಮೊದಲನೆಯದು ತುಂಬಾ ಕಹಿಯಾಗಿ ಅಂತ್ಯವಾಯ್ತು.

ಪವನ್ ಕಲ್ಯಾಣ್ ಅವರ ಮೊದಲ ಪತ್ನಿ ನಂದಿನಿ
1996ರಲ್ಲಿ ಪವನ್ ಕಲ್ಯಾಣ್ ಚಲನಚಿತ್ರಗಳಿಗೆ ಪ್ರವೇಶಿಸುವ ಮೊದಲು, ವಿಶಾಖಪಟ್ಟಣಂನ ಸತ್ಯಾನಂದ್ ಆಕ್ಟಿಂಗ್ ಇನ್ಸ್ಟಿಟ್ಯೂಟ್ನಲ್ಲಿ ಒಂದು ವರ್ಷ ಕಳೆದರು. ನಂದಿನಿಯನ್ನು ಭೇಟಿಯಾದದ್ದು ಇಲ್ಲಿಯೇ. 

ಅವರ ಚಿತ್ರರಂಗ ಪ್ರವೇಶದ ಒಂದು ವರ್ಷದ ನಂತರ, ಇಬ್ಬರೂ ಹೈದರಾಬಾದ್‌ನಲ್ಲಿ ಸಾಂಪ್ರದಾಯಿಕ ಸಮಾರಂಭದಲ್ಲಿ ವಿವಾಹವಾದರು. ಆದರೆ ನಂದಿನಿ ಮತ್ತು ಪವನ್ ಕಲ್ಯಾಣ್ ದಾಂಪತ್ಯ ಜೀವನ ಸುಖಮಯವಾಗಿರಲಿಲ್ಲ. 

ಮದುವೆಯಾದ ತಕ್ಷಣ ಪತ್ನಿ ತನ್ನನ್ನು ಮತ್ತು ಮನೆಯನ್ನು ತೊರೆದಿದ್ದಾಳೆ ಎಂದು ನಟ ಆರೋಪಿಸಿದರು, ಆದರೆ ನಂದಿನ ಈ ಆರೋಪವನ್ನು ನಿರಾಕರಿಸಿದರು. ಆದರೆ 2001ರ ಹೊತ್ತಿಗೆ, ಅವರು ಒಟ್ಟಿಗೆ ವಾಸಿಸುತ್ತಿರಲಿಲ್ಲ ಮತ್ತು ಕಲ್ಯಾಣ್ ವಾಸ್ತವವಾಗಿ ತನ್ನ ಸಹ-ನಟಿ ರೇಣು ದೇಸಾಯಿ ಜೊತೆ ಇರಲಾರಂಭಿಸಿದ್ದರು.

ಕಾನೂನು ಹೋರಾಟ
2007ರಲ್ಲಿ, ನಂದಿನಿ ಪವನ್ ಕಲ್ಯಾಣ್ ವಿರುದ್ಧ ದ್ವಿಪತ್ನಿತ್ವದ ಆರೋಪದ ಮೇಲೆ ಪ್ರಕರಣವನ್ನು ದಾಖಲಿಸಿದರು, ಅವರು ತನಗೆ ವಿಚ್ಛೇದನ ಕೊಡದೆ ರೇಣು ದೇಸಾಯಿಯನ್ನು ವಿವಾಹವಾದರು ಎಂದು ಪ್ರತಿಪಾದಿಸಿದರು. 

ಆದರೆ ನಟನ ತಂಡವು ಅವರು ಮತ್ತು ರೇಣು ಮದುವೆಯಾಗಿಲ್ಲ, ಬದಲಿಗೆ ಲಿವ್-ಇನ್ ಸಂಬಂಧದಲ್ಲಿದ್ದಾರೆ ಎಂದು ವಾದಿಸಿದರು. ಸಾಕ್ಷ್ಯಾಧಾರಗಳ ಕೊರತೆಯಿಂದಾಗಿ ನ್ಯಾಯಾಲಯವು ನಟನನ್ನು ಆರೋಪಗಳಿಂದ ಖುಲಾಸೆಗೊಳಿಸಿತು. ವಾರಗಳ ನಂತರ, ಪವನ್ ಕಲ್ಯಾಣ್ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದರು. ಆಗಸ್ಟ್ 2008ರಲ್ಲಿ, ವಿಚ್ಛೇದನವು ಇತ್ಯರ್ಥವಾಯಿತು ಮತ್ತು ನಟನು ನಂದಿನಿಗೆ ಒಂದು ಬಾರಿ ಪರಿಹಾರವಾಗಿ ರೂ 5 ಕೋಟಿ ಜೀವನಾಂಶವನ್ನು ಪಾವತಿಸಿದರು.

ನಂದಿನಿ ಈಗ ಎಲ್ಲಿದ್ದಾರೆ?
ನಂದಿನಿ ವಿಚ್ಛೇದನದ ನಂತರ ಅಮೇರಿಕಾಕ್ಕೆ ತೆರಳಿದರು, ಭಾರತವನ್ನು ಶಾಶ್ವತವಾಗಿ ತೊರೆದರು ಎಂದು ಹೇಳಲಾಗುತ್ತದೆ. ವರದಿಗಳ ಪ್ರಕಾರ, ಆಕೆ ಮರುಮದುವೆಯಾಗಿದ್ದಾರೋ ಇಲ್ಲವೋ ಎಂಬುದು ಸ್ಪಷ್ಟವಾಗಿಲ್ಲ. 

ಮತ್ತೊಂದೆಡೆ, ಪವನ್ ಕಲ್ಯಾಣ್, 2012 ರಲ್ಲಿ ರೇಣು ದೇಸಾಯಿ ಅವರನ್ನು ವಿವಾಹವಾದರು. ಆದರೆ ಆ ಮದುವೆಯು 2012 ರಲ್ಲಿ ವಿಚ್ಛೇದನದಲ್ಲಿ ಕೊನೆಗೊಂಡಿತು. ದಂಪತಿಗೆ ಮಗಳು - ಆದ್ಯ - 2010 ರಲ್ಲಿಯೇ ಜನಿಸಿದಳು. ನಟ ಅನ್ನಾ ಲೆಜ್ನೆವಾ ಅವರನ್ನು ಮುಂದಿನ ವರ್ಷ ವಿವಾಹವಾದರು. ಅವರಿಗೆ ಇಬ್ಬರು ಮಕ್ಕಳಿದ್ದಾರೆ.