Diwali 2021: ಬಾಯ್‌ಫ್ರೆಂಡ್ ಜೊತೆ ಹಬ್ಬ ಆಚರಿಸಿದ ಸಂಸದೆ ನುಸ್ರತ್, ಮಗುವಿನ ಜೊತೆ ಪೋಸ್

Diwali 2021: ಬಾಯ್‌ಫ್ರೆಂಡ್ ಜೊತೆ ಹಬ್ಬ ಆಚರಿಸಿದ ನುಸ್ರತ್ ಪುಟ್ಟ ಮಗುವಿನ ಜೊತೆ ಮೊದಲ ಸಂಸದೆಗೆ ಮೊದಲ ದೀಪಾವಳಿ

ಸೆಲೆಬ್ರಿಟಿಗಳ ದೀಪಾವಳಿ ಆಚರಣೆಗಳ ಮನಮೋಹಕ ಫೋಟೋಗಳ ನಡುವೆ ಈಗ ನಾವು ನುಸ್ರತ್ ಜಹಾನ್ ಅವರ ಬ್ಯೂಟಿಫುಲ್ ಫೋಟೋಗಳು ಕೂಡಾ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ನಟಿ ಮತ್ತು ಟಿಎಂಸಿ ಸಂಸದೆ ತಮ್ಮ ದೀಪಾವಳಿ ಆಚರಣೆಯ ಫೋಟೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಅವರು ತಮ್ಮ ಮಗ ಯಿಶಾನ್ ಮತ್ತು ಬಾಯ್‌ಫ್ರೆಂಡ್ ಯಶ್ ದಾಸ್‌ಗುಪ್ತಾ ಅವರೊಂದಿಗೆ ಫೋಟೋ ಹಂಚಿಕೊಂಡಿದ್ದಾರೆ.

ಯಿಶಾನ್ ಹುಟ್ಟಿದ ನಂತರ ಮೊದಲ ಬಾರಿಗೆ ನಟಿ ತನ್ನ ಮಗನ ನೋಟವನ್ನು ಹಂಚಿಕೊಂಡಿದ್ದಾರೆ. ಕುಟುಂಬವು ದೀಪಾವಳಿಯ ಆಚರಣೆಗಳಿಗಾಗಿ ನೇರಳೆ ಬಣ್ಣಗಳ ಮ್ಯಾಚಿಂಗ್ ಉಡುಗೆಯನ್ನು ಆರಿಸಿಕೊಂಡಿತ್ತು.

ಯಶ್ ಜೊತೆ ನೆಲದ ಮೇಲೆ ಕುಳಿತು ಪರ್ಫೆಕ್ಟ್ ಫ್ಯಾಮಿಲಿ ಶಾಟ್ ನೀಡಿದ್ದಾರೆ. ನುಸ್ರತ್ ಆಗಸ್ಟ್ 26, 2021 ರಂದು ಯಿಶಾನ್‌ಗೆ ಜನ್ಮ ನೀಡಿದ್ದಾರೆ. ಯಿಶಾನ್‌ನ ಜನನದ ನಂತರ ಯಶ್‌ನ ಹೆಸರನ್ನು ಜನನ ಪ್ರಮಾಣಪತ್ರದಲ್ಲಿ ತಂದೆ ಎಂದು ನುಸ್ರತ್  ಸೇರಿಸಿದ್ದಾರೆ.

ದೀಪಾವಳಿ ಆಚರಣೆಯ ಫೋಟೋಗಳನ್ನು ಹಂಚಿಕೊಂಡ ಅವರು, 'ದೀಪಾವಳಿ ಶುಭಾಶಯಗಳು' ಎಂದು ಕ್ಯಾಪ್ಶನ್ ನೀಡಿದ್ದಾರೆ. ನುಸ್ರತ್ ಜಹಾನ್ ಸ್ವಲ್ಪ ಸಮಯದ ಡೇಟಿಂಗ್ ನಂತರ ಜೂನ್ 19, 2019 ರಂದು ಟರ್ಕಿಯಲ್ಲಿ ಉದ್ಯಮಿ ನಿಖಿಲ್ ಜೈನ್ ಅವರನ್ನು ವಿವಾಹವಾದರು.

ಈ ವರ್ಷದ ಆರಂಭದಲ್ಲಿ, ನಿಖಿಲ್ ಅವರೊಂದಿಗಿನ ತನ್ನ ಮದುವೆಯು ಭಾರತೀಯ ಕಾನೂನಿನ ಅಡಿಯಲ್ಲಿ ಮಾನ್ಯವಾಗಿಲ್ಲ ಎಂದು ಹೇಳಿಕೆಯಲ್ಲಿ ಬಹಿರಂಗಪಡಿಸಿದ್ದರು. ನುಸ್ರತ್ ಅವರು ಏಳು ಅಂಶಗಳ ಹೇಳಿಕೆಯನ್ನು ಹಂಚಿಕೊಂಡಿದ್ದರು. ಅಲ್ಲಿ ಅವರು ತಮ್ಮ ಆಸ್ತಿಯಾದ ಕುಟುಂಬದ ಆಭರಣಗಳು ಮತ್ತು ಹಲವಾರು ಇತರ ಆಸ್ತಿಗಳನ್ನು ಕಾನೂನುಬಾಹಿರವಾಗಿ ಹಿಡಿದಿಟ್ಟುಕೊಳ್ಳಲಾಗಿದೆ ಎಂದು ಆರೋಪಿಸಿದ್ದರು.

ವಿವಿಧ ಖಾತೆಗಳಿಂದ ತನ್ನ ಹಣವನ್ನು ತನಗೆ ತಿಳಿಯದೆ ತಪ್ಪಾಗಿ ಬಳಸಲಾಗಿದೆ ಎಂದು ಅವರು ಆರೋಪಿಸಿದ್ದಾರೆ. ನುಸ್ರತ್ ಮತ್ತು ನಿಖಿಲ್ ನವೆಂಬರ್ 2020 ರಲ್ಲಿ ಬೇರ್ಪಟ್ಟರು.