ದಕ್ಷಿಣ ಸ್ಟಾರ್ ನಟನ ಪುತ್ರ ಧನೂಶ್ ಮದುವೆ ಬೆನ್ನಲ್ಲೇ ಔಟಿಂಗ್ ಫೋಟೋ ರಿವೀಲ್!

ತಮಿಳು ಸಿನಿಮಾದಲ್ಲಿ ರಜನಿಕಾಂತ್ ನಂತರ ವೇಷ್ಟಿ ಮಡಚಿಕೊಂಡು ಹೀರೋಗಳನ್ನೇ ತಿರುಗಿಸಿ ಬಿಸಾಡ್ತಿದ್ದ ನಟ ನೆಪೋಲಿಯನ್. ಗ್ರಾಮೀಣ ಚಿತ್ರಗಳಲ್ಲಿ ತಮ್ಮ ಅಭಿನಯದ ಮೂಲಕ ಅಭಿಮಾನಿಗಳ ಮನಗೆದ್ದ ನೆಪೋಲಿಯನ್, ತಮ್ಮ ಮಕ್ಕಳಿಗಾಗಿ ಸಿನಿಮಾ-ರಾಜಕೀಯ ಎರಡರಿಂದಲೂ ದೂರವಾಗಿ ಅಮೆರಿಕದಲ್ಲಿ ನೆಲೆಸಿದರು.

ನಟನೆಯನ್ನು ಮೀರಿ ಐಟಿ ಕ್ಷೇತ್ರದಲ್ಲಿ ಅಮೆರಿಕದಲ್ಲೇ ನೆಲೆಸಿರುವ ನೆಪೋಲಿಯನ್. ಆರಂಭದಲ್ಲಿ ಐಟಿ ಕಂಪನಿಯನ್ನು ನೆಪೋಲಿಯನ್ ನೋಡಿಕೊಳ್ಳುತ್ತಿದ್ದರು, ಇತ್ತೀಚೆಗೆ ನೆಪೋಲಿಯನ್ ಅವರ ಪುತ್ರರಾದ ದನುಷ್ ಮತ್ತು ಗುಣಾಲ್ ಅವರು ಆಡಳಿತ ನಡೆಸುತ್ತಿದ್ದಾರೆ.

ನವೆಂಬರ್ 7 ರಂದು, ನೆಪೋಲಿಯನ್ ಅವರ ಹಿರಿಯ ಮಗ ದನುಷ್ ಮತ್ತು ತಿರುನಲ್ವೇಲಿಯ ಅಕ್ಷಯಾ ಅವರ ವಿವಾಹವು ಜಪಾನ್‌ನಲ್ಲಿ ಅದ್ದೂರಿಯಾಗಿ ನೆರವೇರಿತು. ಧನೂಷ್ ವಿಶೇಷ ಚೇತನ, ಎದ್ದು ನಡೆಯಲು ಸಾಧ್ಯವಿಲ್ಲ. ವ್ಹೀಲ್‌ಚೇರ್‌ನಲ್ಲಿ ಕುಳಿತೇ ಧನೂಷ್, ಅಕ್ಷಯಾಗೆ ತಾಳಿ ಕಟ್ಟಿದ್ದರು.  ಧನೂಷ್ ನೆಪೋಲಿಯನ್ ಮದುವೆ ಭಾರಿ ಸದ್ದು ಮಾಡಿತ್ತು. ಅಂಬಾನಿ ರೀತಿಯಲ್ಲಿ ಅದ್ಧೂರಿತನಕ್ಕೆ ಈ ಮದುವೆ ಹೆಸರುವಾಸಿಯಾಗಿತ್ತು. ಅಮೆರಿಕದಲ್ಲಿ ನೆಲೆಸಿದ್ದರು ಧನೂಷ್ ಇಚ್ಚೆಯಂತೆ ಜಪಾನ್‌ನಲ್ಲಿ ಮದುವೆ ಮಾಡಲಾಗಿತ್ತು. 

ತಮಿಳು ಚಿತ್ರರಂಗದ ಹಲವಾರು ಗಣ್ಯರು ಮತ್ತು ನೆಪೋಲಿಯನ್ ಅವರ ಸಂಬಂಧಿಕರು ಈ ವಿವಾಹದಲ್ಲಿ ಭಾಗವಹಿಸಿದ್ದರು. ಜಪಾನ್‌ನಲ್ಲೇ ವಿವಿಧ ರೀತಿಯ ಭಾರತೀಯ ಭಕ್ಷ್ಯಗಳನ್ನು ತಯಾರಿಸಿ, ತಮಿಳು ಸಂಸ್ಕೃತಿಯಂತೆ ವಿವಾಹವನ್ನು ನೆರವೇರಿಸಲಾಯಿತು. 

ದನುಷ್ - ಅಕ್ಷಯಾ ಅವರ ಮದುವೆ ಫೋಟೋಗಳು ಮತ್ತು ವೆಡ್ಡಿಂಗ್ ಫೋಟೋ ಶೂಟ್ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ಮದುವೆಯ ನಂತರ ಮೊದಲ ಬಾರಿಗೆ ಔಟಿಂಗ್‌ಗೆ ಹೋಗಿರುವ ವಿಡಿಯೋ ಮತ್ತು ಫೋಟೋಗಳು ವೈರಲ್ ಆಗುತ್ತಿವೆ.

ಈಗ ಟೋಕಿಯೋದಲ್ಲಿರುವ ಈ ಜೋಡಿ, ಅಲ್ಲಿನ ರೆಸ್ಟೋರೆಂಟ್‌ಗೆ ಹೋಗಿದ್ದಾರೆ. ರೆಸ್ಟೋರೆಂಟ್‌ನಲ್ಲಿ ದನುಷ್ - ಅಕ್ಷಯಾ ಮಾತನಾಡುತ್ತಿರುವಾಗ ಅಕ್ಷಯಾ ನಾಚಿಕೆಯಿಂದ ಮುಖ ಕೆಂಪಾಗಿಸಿಕೊಂಡು ನಗುತ್ತಿದ್ದಾರೆ. ಈ ಜೋಡಿ ಯಾವಾಗಲೂ ಹೀಗೆ ಸಂತೋಷವಾಗಿರಲಿ ಎಂದು ಶುಭಾಶಯಗಳು ಹರಿದುಬರುತ್ತಿವೆ.