ಮಗನೇ ನಿನ್ನನ್ನು ನೋಡಿ ಹೆಮ್ಮೆಪಡುತ್ತೇನೆ: ನಾಗ ಚೈತನ್ಯ ತಂಡೇಲ್ ಸಕ್ಸಸ್‌ಗೆ ನಾಗಾರ್ಜುನ ಭಾವುಕ

ನಾಗಚೈತನ್ಯ ಮತ್ತು ಸಾಯಿ ಪಲ್ಲವಿ ಜೋಡಿ ನಟಿಸಿರುವ 'ತಂಡೇಲ್' ಚಿತ್ರ ಯಶಸ್ವಿಯಾಗಿ ಪ್ರದರ್ಶನಗೊಳ್ಳುತ್ತಿದೆ. ಈ ಹಿನ್ನೆಲೆಯಲ್ಲಿ ನಾಗಾರ್ಜುನ ಟ್ವೀಟ್ ಮಾಡಿ ಭಾವುಕರಾಗಿದ್ದಾರೆ.

ನಾಗಚೈತನ್ಯ ಬಹಳ ದಿನಗಳ ನಂತರ ಹಿಟ್ ಕೊಟ್ಟಿದ್ದಾರೆ. 'ಬಂಗಾರ್ರಾಜು' ನಂತರ ಈಗ 'ತಂಡೇಲ್' ಚಿತ್ರದ ಮೂಲಕ ಗೆಲುವು ಸಾಧಿಸಿದ್ದಾರೆ. ಸತತ ಮೂರು, ನಾಲ್ಕು ಸೋಲುಗಳ ನಂತರ ಅವರಿಗೆ ಈ ಗೆಲುವು ದೊರೆತಿದೆ. 'ಲವ್ ಸ್ಟೋರಿ' ನಂತರ ಸಾಯಿ ಪಲ್ಲವಿಯವರ ಜೊತೆ ನಟಿಸಿರುವ 'ತಂಡೇಲ್' ಚಿತ್ರ ಬ್ಲಾಕ್ ಬಸ್ಟರ್ ಆಗುವತ್ತ ಸಾಗುತ್ತಿದೆ. ಈ ಚಿತ್ರ ಭಾರೀ ಕಲೆಕ್ಷನ್ ಮಾಡಲಿದೆ. ಈಗಾಗಲೇ ಎರಡು ದಿನಗಳಲ್ಲಿ 41 ಕೋಟಿ ಗಳಿಸಿದೆ. ಮೂರನೇ ದಿನಕ್ಕೆ 60 ಕೋಟಿ ದಾಟಿದೆ ಎಂಬ ಮಾಹಿತಿ ಇದೆ. 

'ತಂಡೇಲ್' ಚಿತ್ರದ ಯಶಸ್ಸಿನ ಬಗ್ಗೆ ನಾಗಚೈತನ್ಯ ಅವರ ತಂದೆ, ಸ್ಟಾರ್ ನಟ ನಾಗಾರ್ಜುನ ಪ್ರತಿಕ್ರಿಯಿಸಿದ್ದಾರೆ. ಅವರು ಭಾವುಕರಾಗಿದ್ದಾರೆ. ಸಾಮಾಜಿಕ ಜಾಲತಾಣಗಳ ಮೂಲಕ ಚೈತು ಬಗ್ಗೆ ಹೆಮ್ಮೆ ವ್ಯಕ್ತಪಡಿಸಿ ಭಾವುಕ ಪೋಸ್ಟ್ ಹಾಕಿದ್ದಾರೆ. ಟ್ವೀಟ್‌ನಲ್ಲಿ ನಾಗಾರ್ಜುನ, 'ನನ್ನ ಪ್ರೀತಿಯ ಮಗ ನಾಗಚೈತನ್ಯ, ನಿನ್ನನ್ನು ನೋಡಿ ಹೆಮ್ಮೆಪಡುತ್ತೇನೆ' ಎಂದು ಬರೆದಿದ್ದಾರೆ. 'ನೀನು ಮಿತಿಗಳನ್ನು ಮೀರಿದ್ದೀಯ, ಸವಾಲುಗಳನ್ನು ಎದುರಿಸುವುದು, ಕಲೆಗೆ ನಿನ್ನ ಹೃದಯವನ್ನು ಅರ್ಪಿಸುವುದನ್ನು ನಾನು ನೋಡಿದ್ದೇನೆ. 'ತಂಡೇಲ್' ಕೇವಲ ಒಂದು ಸಿನಿಮಾ ಅಲ್ಲ, ನಿನ್ನ ಅವಿರತ ಆಸಕ್ತಿಗೆ, ದೊಡ್ಡ ಕನಸುಗಳನ್ನು ಕಾಣುವ ಧೈರ್ಯಕ್ಕೆ, ನಿನ್ನ ಶ್ರಮಕ್ಕೆ ಸಾಕ್ಷಿ' ಎಂದು ನಾಗ್ ಹೇಳಿದ್ದಾರೆ.

ಈ ಸಂದರ್ಭದಲ್ಲಿ ಅಕ್ಕಿನೇನಿ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ. ನೀವು ನಮ್ಮ ಕುಟುಂಬದಂತೆ ನಮಗೆ ಬೆಂಬಲವಾಗಿ ನಿಂತಿದ್ದೀರಿ. 'ತಂಡೇಲ್' ಯಶಸ್ಸು ನಮ್ಮದಲ್ಲ, ನಿಮ್ಮದು. ನಿಮ್ಮ ಅಪಾರ ಪ್ರೀತಿ, ಬೆಂಬಲಕ್ಕೆ ಧನ್ಯವಾದಗಳು ಎಂದಿದ್ದಾರೆ ನಾಗಾರ್ಜುನ. ಅಲ್ಲದೆ, ಚಿತ್ರತಂಡವನ್ನು ಅವರು ಶ್ಲಾಘಿಸಿದ್ದಾರೆ. ಅಲ್ಲು ಅರವಿಂದ್, ಬನ್ನಿ ವಾಸ್‌ಗೆ ಧನ್ಯವಾದ ಹೇಳಿದ ನಾಗಾರ್ಜುನ, ಸಾಯಿ ಪಲ್ಲವಿ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ನೀವು ಯಾವಾಗಲೂ ಅಚ್ಚರಿ ಮೂಡಿಸುತ್ತೀರಿ ಎಂದು ಹೇಳಿದ್ದಾರೆ. ಸಂಗೀತ ನಿರ್ದೇಶಕ ದೇವಿಶ್ರೀ ಪ್ರಸಾದ್‌ರನ್ನು ಪ್ರತಿಭಾವಂತ ಎಂದು ಬಣ್ಣಿಸಿ, ಅದ್ಭುತವಾಗಿ ಮಾಡಿದ್ದಾರೆ ಎಂದಿದ್ದಾರೆ. 'ತಂಡೇಲ್' ಅನ್ನು ಮರೆಯಲಾಗದ ಚಿತ್ರವನ್ನಾಗಿ ಮಾಡಿದ್ದಕ್ಕಾಗಿ ನಿರ್ದೇಶಕ ಚಂದು ಮೊಂಡೇಟಿಯವರನ್ನು ಶ್ಲಾಘಿಸಿದ್ದಾರೆ ನಾಗಾರ್ಜುನ. 

ಸದ್ಯ ನಾಗಾರ್ಜುನ ಟ್ವೀಟ್ ವೈರಲ್ ಆಗುತ್ತಿದೆ. ಚೈತು ಬಗ್ಗೆ ನಾಗ್ ಎಷ್ಟು ಸಂತೋಷಪಡುತ್ತಿದ್ದಾರೆ ಎಂಬುದು ಈ ಟ್ವೀಟ್‌ನಿಂದ ತಿಳಿಯುತ್ತದೆ. ಇದು ಅಭಿಮಾನಿಗಳ ಮನ ಗೆದ್ದಿದೆ. ವೈರಲ್ ಆಗುತ್ತಿದೆ. ಇದಕ್ಕೆ ಚೈತು ಕೂಡ ಪ್ರತಿಕ್ರಿಯಿಸಿ ನಾಗ್‌ಗೆ ಧನ್ಯವಾದ ಹೇಳಿದ್ದಾರೆ. 'ಧನ್ಯವಾದಗಳು ಅಪ್ಪ, ನಿಮ್ಮ ಮೆಚ್ಚುಗೆಯೇ ನಮಗೆ ನಿಜವಾದ ಗೆಲುವು' ಎಂದು ಹೇಳಿದ್ದಾರೆ. ಚೈತನ್ಯ ಈಗ 'ತಂಡೇಲ್' ಯಶಸ್ಸಿನಲ್ಲಿದ್ದಾರೆ. ನಿರ್ದೇಶಕ ಚಂದು ಮೊಂಡೇಟಿ, ನಿರ್ಮಾಪಕರ ಜೊತೆ ಅವರು ಚಿತ್ರಮಂದಿರಗಳಿಗೆ ಭೇಟಿ ನೀಡುತ್ತಿದ್ದಾರೆ.