ಬುರ್ಜ್ ಖಲೀಫಾದಲ್ಲಿ ಲಕ್ಸುರಿ ಮನೆ ಇದೆ, ಇವ್ರನ್ನ ಕರೀತಾರೆ ದಕ್ಷಿಣದ ಅಂಬಾನಿ! ಈ ಜನಪ್ರಿಯ ನಟ ಯಾರು?

ಇವರು ದಕ್ಷಿಣ ಭಾರತದ ಸೂಪರ್ ಸ್ಟಾರ್ ನಟ (Superstar Actor). ಸೂಪರ್ ಹಿಟ್ ಸಿನಿಮಾಗಳನ್ನು ನೀಡುವ ಮೂಲಕ ಹಲವು ದಶಕಗಳಿಂದ ಮಲಯಾಲಂ ಸಿನಿಮಾ ಇಂಡಸ್ಟ್ರಿಯಲ್ಲಿ ಆಳುತ್ತಿರುವ ನಟ. ಇವರನ್ನ ದಕ್ಷಿಣದ ಮುಖೇಶ್ ಅಂಬಾನಿ ಎಂದು ಕರೆಯಲಾಗುತ್ತದೆ. ಅಷ್ಟೇ ಅಲ್ಲ ಈ ನಟನ ಹೆಸರಲ್ಲಿ ವಿಶ್ವ ದಾಖಲೆಗಳೂ ಇವೆ. ಅವರು ಬೇರೆ ಯಾರೂ ಅಲ್ಲ ಸಿನಿ ಪ್ರಿಯರ ನೆಚ್ಚಿನ ಲಾಲೆಟ್ಟನ್, ಅಂದ್ರೆ ಮೋಹನ್ ಲಾಲ್. 
 

ಮೋಹನ್ ಲಾಲ್ (Mohan Lal) ನಾಲ್ಕು ದಶಕಗಳಿಂದ ಪ್ರೇಕ್ಷಕರನ್ನು ರಂಜಿಸುತ್ತಿದ್ದಾರೆ. ತನ್ನ 20 ನೇ ವಯಸ್ಸಿನಲ್ಲಿ ಮಂಜಿಲ್ ವಿರಿಂಜ ಪೂಕ್ಕಲ್ ಚಿತ್ರದ ಮೂಲಕ ಖಳನಾಯಕನಾಗಿ ಸಿನಿಮಾಗೆ ಪಾದಾರ್ಪಣೆ ಮಾಡಿದ ಮೋಹನ್ ಲಾಲ್, ಹಲವು ಸಮಯ ಖಳನಾಯಕ ಪಾತ್ರಗಳನ್ನು ಮಾಡುವುದನ್ನು ಮುಂದುವರೆಸಿದರು, ನಂತರ ಸೆಕೆಂಡ್ ಲೀಡ್ ಪಾತ್ರಗಳಲ್ಲಿ ಕಾಣಿಸಿಕೊಂಡರು ನಟ. 1980ರಲ್ಲಿ ಲೀಡ್ ರೋಲ್ ನಲ್ಲಿ ಕಾಣಿಸಿಕೊಂಡು ಬಳಿಕ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡುವ ಮೂಲಕ ಸ್ಟಾರ್ ನಟನಾಗಿ ಬೆಳೆದರು. 
 

ಮಲಯಾಳಂನಲ್ಲಿ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿರುವ 64 ವರ್ಷದ ನಟ ಮೋಹನ್ ಲಾಲ್, ಕನ್ನಡದಲ್ಲಿ ಮೈತ್ರಿ ಮತ್ತು ಲವ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಅಷ್ಟೇ ಅಲ್ಲ ಇವರು ಹಿಂದಿ, ತೆಲುಗು, ತಮಿಳು ಸಿನಿಮಾದಲ್ಲೂ ಗುರುತಿಸಿಕೊಂಡಿದ್ದಾರೆ. ಈಗ ಮಲಯಾಳಂ ಚಲನಚಿತ್ರೋದ್ಯಮದಲ್ಲಿ(Malayalam Film Industry) ಮತ್ತು ಭಾರತದಲ್ಲಿಯೂ ಅತ್ಯಂತ ಯಶಸ್ವಿ ಮತ್ತು ಹೈ ಪೇಯ್ಡ್ ನಟರಲ್ಲಿ ಒಬ್ಬರು. ಜೊತೆಗೆ ಈ ವಯಸ್ಸಿನಲ್ಲೂ ಬಹು ಬೇಡಿಕೆಯ ನಟ.  
 

ಮಾಧ್ಯಮ ವರದಿಗಳ ಪ್ರಕಾರ, ಮೋಹನ್ ಲಾಲ್ ಸುಮಾರು 243 ಕೋಟಿ ರೂ.ಗಳ ಆಸ್ತಿ ಹೊಂದಿದ್ದಾರೆ. ಅಷ್ಟೇ ಅಲ್ಲ ದುಬೈನ ಅತ್ಯಂತ ಎತ್ತರದ ಕಟ್ಟದವಾದ ಬುರ್ಜ್ ಖಲೀಫಾದಲ್ಲಿ (Burj Khalifa) ಐಷಾರಾಮಿ ಅಪಾರ್ಟ್‌ಮೆಂಟ್ ಹೊಂದಿರುವ ದಕ್ಷಿಣ ಭಾರತದ ಅಂಬಾನಿ ಎಂದು ಕರೆಯಲ್ಪಡುವ ನಟ ಮೋಹನ್ ಲಾಲ್. 
 

ಮೋಹನ್ ಲಾಲ್ ಬಳಿ ದುಬಾರಿ ಕಾರುಗಳ ಸಂಗ್ರಹವೂ ಇದೆ. ಇವರ ಬಳಿ 20 ಕೋಟಿ ರೂ . ಮೌಲ್ಯದ ಗಾಡಿ ಕೂಡ ಇದೆ. ಮೋಹನ್ ಲಾಲ್ ಕೇವಲ ಒಬ್ಬ ನಟ ಮಾತ್ರ ಅಲ್ಲ, ಉದ್ಯಮಿಯೂ ಹೌದು. ಅವರು ಅನೇಕ ರೆಸ್ಟೋರೆಂಟ್ಸ್ ಮತ್ತು ಮಸಾಲೆ ಪ್ಯಾಕಿಂಗ್ ಕಂಪನಿಗಳನ್ನು ಹೊಂದಿದ್ದಾರೆ. ಜೊತೆಗೆ ನಿರ್ಮಾಣ ಕಂಪನಿಯನ್ನೂ ಹೊಂದಿದ್ದಾರೆ. ಮಹಾರಾಜರಂತಹ ಲಕ್ಸುರಿ ಜೀವನ ನೋಡಿಯೇ, ಲಾಲ್ ಅವರನ್ನ ದಕ್ಷಿಣದ ಮುಖೇಶ್ ಅಂಬಾನಿ ಎಂದು ಕರೆಯಲಾಗುತ್ತದೆ. 
 

ಭಾರತೀಯ ಚಿತ್ರರಂಗಕ್ಕೆ (Indian Film) ನೀಡಿದ ಕೊಡುಗೆಗಾಗಿ ಮೋಹನ್ ಲಾಲ್ ಹಲವು ಗೌರವಗಳನ್ನು ಪಡೆದಿದ್ದಾರೆ. ಇವರ ಹೆಸರಲ್ಲಿ ಮೂರು ವರ್ಲ್ಡ್ ರೆಕಾರ್ಡ್ ಸಹ ಇದೆ. ಅವುಗಳು ಯಾವುವೆಂದರೆ 3ಡಿ ಚಲನಚಿತ್ರ ಪ್ರದರ್ಶನದಲ್ಲಿ ಅತಿ ಹೆಚ್ಚು ಹಾಜರಾತಿಯ ಭಾಗವಾಗಿರುವುದು, ಚಾರಿಟಿ ಕೆಲಸವನ್ನ ಮಡುವ ಮೂಲಕ  ಗಿನ್ನೀಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ಹೊಂದಿದ ವಿಶ್ವದ ಮೊದಲ ಅಭಿಮಾನಿಗಳ ಸಂಘ ಹೊಂದಿರುವುದು ಮತ್ತುಅತಿ ಉದ್ದದ ಸಾಕ್ಷ್ಯಚಿತ್ರಕ್ಕೆ ಧ್ವನಿ ನೀಡುವುದು ಸೇರಿ ಇವರ ಹೆಸರಲ್ಲಿ ಮೂರು ವಿಶ್ವ ದಾಖಲೆಗಳನ್ನು ಹೊಂದಿದ್ದಾರೆ. ಅಷ್ಟೇ ಅಲ್ಲ, ಒಂದೇ ವರ್ಷದಲ್ಲಿ 25 ಹಿಟ್ ಸಿನಿಮಾಗಳನ್ನು ನೀಡಿದ ದಾಖಲೆಯೂ ಅವರ ಹೆಸರಿನಲ್ಲಿದೆ. 

ಮಾಧ್ಯಮ ವರದಿಗಳ ಪ್ರಕಾರ, ಮೋಹನ್ ಲಾಲ್ ಅತಿ ಹೆಚ್ಚು ಸಂಭಾವನೆ ಪಡೆಯುವ ಮಲಯಾಳಂ ನಟ. ಸೂಪರ್ ಸ್ಟಾರ್ ಒಂದು ಚಿತ್ರಕ್ಕೆ 8 ಕೋಟಿಯಿಂದ 17 ಕೋಟಿ ರೂ.ಗಳವರೆಗೆ ಸಂಭಾವನೆ ಪಡೆಯುತ್ತಾರೆ. ಮೋಹನ್ ಲಾಲ್ 40 ವರ್ಷಗಳಿಂದ ಚಲನಚಿತ್ರೋದ್ಯಮದ ಭಾಗವಾಗಿದ್ದಾರೆ ಮತ್ತು 400 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ ಮತ್ತು ಅವರು 410 ಕೋಟಿ ರೂ.ಗಳ ನೆಟ್ ವರ್ತ್ ಹೊಂದಿದ್ದಾರೆ ಎಂದು ವರದಿಯಾಗಿದೆ.