ಆಕ್ಷನ್ ಸಿನಿಮಾ ಬಿಟ್ಟು ರೋಮ್ಯಾಂಟಿಕ್ ಚಿತ್ರಕ್ಕೆ ಕೈ ಹಾಕಿದ ನಿರ್ದೇಶಕ ಲೋಕೇಶ್ ಕನಗರಾಜ್: ಹೀರೋ ಮಾತ್ರ ಇವರೇ?

ಕೂಲಿ ಸಿನಿಮಾ ನಿರ್ದೇಶಕ ಲೋಕೇಶ್ ಕನಗರಾಜ್, ತಮ್ಮ ಖೈದಿ 2 ಸಿನಿಮಾ ನಂತರ, ಒಂದು ರೋಮ್ಯಾಂಟಿಕ್ ಕಥಾಹಂದರದ ಸಿನಿಮಾವನ್ನು ನಿರ್ದೇಶಿಸಲಿದ್ದಾರಂತೆ.

ಕಾಲಿವುಡ್‌ನಲ್ಲಿ ನಂಬರ್ 1 ನಿರ್ದೇಶಕರೆಂದೇ ಖ್ಯಾತರಾಗಿರುವ ಲೋಕೇಶ್ ಕನಗರಾಜ್, `ಮಾನಗರಂ`, `ಮಾಸ್ಟರ್`, `ಖೈದಿ`, `ವಿಕ್ರಮ್`, `ಲಿಯೋ` ಹೀಗೆ ಐದು ಸೂಪರ್ ಹಿಟ್ ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ. ಈಗ ಸೂಪರ್‌ಸ್ಟಾರ್ ರಜನಿಕಾಂತ್ ಜೊತೆ `ಕೂಲಿ` ಸಿನಿಮಾ ಮಾಡ್ತಿದ್ದಾರೆ. ಸನ್ ಪಿಕ್ಚರ್ಸ್ ನಿರ್ಮಾಣದಲ್ಲಿ, ಅನಿರುದ್ ಸಂಗೀತ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಈ ಚಿತ್ರ ಈ ವರ್ಷ ದೀಪಾವಳಿಗೆ ಬಿಡುಗಡೆಯಾಗಲಿದೆ.

`ಕೂಲಿ` ನಂತರ, ಕಾರ್ತಿ ನಟಿಸಲಿರುವ `ಖೈದಿ 2` ಚಿತ್ರಕ್ಕೆ ಲೋಕೇಶ್ ನಿರ್ದೇಶನ ಮಾಡಲಿದ್ದಾರೆ. ಡ್ರೀಮ್ ವಾರಿಯರ್ ಪಿಕ್ಚರ್ಸ್ ನಿರ್ಮಾಣದಲ್ಲಿ, ಮಲಯಾಳಂ ನಟಿ ರಜಿಷಾ ವಿಜಯನ್ ನಾಯಕಿಯಾಗಿ ನಟಿಸಲಿರುವ ಈ ಚಿತ್ರದ ಚಿತ್ರೀಕರಣ ಈ ವರ್ಷಾಂತ್ಯದಲ್ಲಿ ಆರಂಭವಾಗಲಿದೆ.

`ಖೈದಿ 2` ನಂತರ ಲೋಕೇಶ್ ಯಾವ ಸಿನಿಮಾ ಮಾಡ್ತಾರೆ ಅನ್ನೋದು ಸಸ್ಪೆನ್ಸ್ ಆಗಿದೆ. `ವಿಕ್ರಮ್ 2`, `ರೋಲೆಕ್ಸ್`,` ಇರುಂಬುಕೈ ಮಯಾವಿ` ಚಿತ್ರಗಳಿದ್ದರೂ, ಅವನ್ನೆಲ್ಲ ಬದಿಗಿಟ್ಟು ಬಾಲಿವುಡ್‌ನಲ್ಲಿ ಆಮೀರ್ ಖಾನ್ ಜೊತೆ ಸಿನಿಮಾ ಮಾಡಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.

ಆದರೆ, `ಖೈದಿ 2` ನಂತರ ಧನುಷ್ ಜೊತೆ ಒಂದು ರೋಮ್ಯಾಂಟಿಕ್ ಸಿನಿಮಾ ಮಾಡಲಿದ್ದಾರಂತೆ. ಆಕ್ಷನ್ ಸಿನಿಮಾ ನಿರ್ದೇಶಕರೆಂದೇ ಖ್ಯಾತರಾಗಿರುವ ಲೋಕೇಶ್, ಧನುಷ್‌ಗೆ ಒಂದು ಪ್ರೇಮಕಥೆ ಹೇಳಿ ಓಕೆ ಪಡೆದಿದ್ದಾರಂತೆ. ಇಬ್ಬರೂ ಬ್ಯುಸಿ ಇರುವುದರಿಂದ, ತಮ್ಮ ಕೆಲಸಗಳು ಮುಗಿದ ನಂತರ ಈ ಸಿನಿಮಾ ಶುರುಮಾಡಲಿದ್ದಾರೆ. ಇದರಲ್ಲಿ ಎಷ್ಟು ನಿಜ ಅನ್ನೋದು ತಿಳಿಯಬೇಕಿದೆ. ಆಕ್ಷನ್ ಸಿನಿಮಾಗಳಿಂದ ಧೂಳೆಬ್ಬಿಸುತ್ತಿರುವ ಲೋಕೇಶ್‌ರಿಂದ ರೋಮ್ಯಾಂಟಿಕ್ ಲವ್ ಸ್ಟೋರಿ ಅಂದ್ರೆ ಹೊಸತನವಿದೆ.