ತಮ್ಮ ಎಕ್ಸ್ ಬಾಯ್ಫ್ರೆಂಡ್ ಸುಶಾಂತ್ ಸಿಂಗ್ ಮೇಲೆ ಸಿನಿಮಾ ಮಾಡ್ತಾರಾ ಕೃತಿ ಸನೂನ್?
ಕಡಿಮೆ ಸಮಯದಲ್ಲಿ ಚಿತ್ರರಂಗದ ಜನಪ್ರಿಯವಾಗಿರುವ ನಟಿಯರಲ್ಲಿ ಬಾಲಿವುಡ್ ನಟಿ ಕೃತಿ ಸನೋನ್ (Kriti Sanon) ಒಬ್ಬರು. ಈಗ ಕೃತಿ ತಮ್ಮ ವೃತ್ತಿ ಜೀವನದಲ್ಲಿ ಮುಂದಿನ ಹೆಜ್ಜೆ ಇಡಲು ಸಜ್ಜಾಗಿದ್ದಾರೆ. ವಾಸ್ತವವಾಗಿ ಕೃತಿ ಇತ್ತೀಚೆಗೆ ತನ್ನ ನಿರ್ಮಾಣ ಸಂಸ್ಥೆ 'ಬ್ಲೂ ಬಟರ್ಫ್ಲೈ ಫಿಲ್ಮ್ಸ್' ( Blue Butterfly Films) ಪ್ರಾರಂಭಿಸುವುದಾಗಿ ಘೋಷಿಸಿದ್ದಾರೆ. ವಿಶೇಷವೆಂದರೆ ಕೃತಿ ಅವರ ಪ್ರೊಡಕ್ಷನ್ ಹೌಸ್ ಹೆಸರು ಕೇಳಿದ ನಂತರ ಅವರ ಆಪ್ತ ಸ್ನೇಹಿತ ಮತ್ತು ಸಹ ನಟ, ದಿವಂಗತ ನಟ ಸುಶಾಂತ್ ಸಿಂಗ್ ರಜಪೂತ್ (Sushant Singh Rajput) ಅವರೊಂದಿಗೆ ನೇರ ಸಂಪರ್ಕವಿದೆ ಎಂದು ಜನರು ಹೇಳುತ್ತಾರೆ.
ಕೃತಿ ಸನೋನ್ ಇತ್ತೀಚೆಗೆ ತನ್ನ ಹೊಸ ನಿರ್ಮಾಣ ಸಂಸ್ಥೆ 'ಬ್ಲೂ ಬಟರ್ಫ್ಲೈ ಫಿಲ್ಮ್ಸ್' ಅನ್ನು ಪ್ರಾರಂಭಿಸಿದ್ದಾರೆ. ನಟಿಯ ಈ ಪ್ರೊಡಕ್ಷನ್ ಹೌಸ್ ಸುಶಾಂತ್ ಸಿಂಗ್ ರಜಪೂತ್ ಅವರೊಂದಿಗೆ ನೇರ ಸಂಪರ್ಕ ಹೊಂದಿದೆ ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ
ತನ್ನ ಪ್ರೊಡಕ್ಷನ್ ಹೌಸ್ನ ಟೀಸರ್ ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡು ನಟಿ ಕೃತಿ ಸನೋನ್,ಈ ಬಗ್ಗೆ ಭಾವನತ್ಮಕ ಪೋಸ್ಟ್ ಹಂಚಿ ಕೊಂಡಿದ್ದಾರೆ.
'ಈಗ ಗೇರ್ ಬದಲಾಯಿಸುವ ಸಮಯ ಬಂದಿದೆ. ನಾನು 9 ವರ್ಷಗಳಿಂದ ಈ ಮ್ಯಾಜಿಕ್ ಉದ್ಯಮದಲ್ಲಿ ನನ್ನ ಕನಸನ್ನು ಜೀವಿಸುತ್ತಿದ್ದೇನೆ. ಸಣ್ಣ ಪುಟ್ಟ ಹೆಜ್ಜೆಗಳನ್ನಿಟ್ಟಿದ್ದೇನೆ, ಕಲಿತು, ಅಭಿವೃದ್ಧಿ ಹೊಂದಿದ್ದೇನೆ ಮತ್ತು ವಿಷಯಗಳನ್ನು ಕಲಿತು ಇಂದು ನಟಿಯಾಗಿದ್ದೇನೆ. ನಾನು ಚಿತ್ರ ನಿರ್ಮಾಣದ ಪ್ರತಿಯೊಂದು ಅಂಶವನ್ನು ಪ್ರೀತಿಸುತ್ತೇನೆ. ಈಗ ಹೆಚ್ಚಿನದನ್ನು ಮಾಡಲು, ಉತ್ತಮವಾಗಿರಲು ಮತ್ತು ಇನ್ನಷ್ಟು ಕಲಿಯಲು, ನನ್ನ ಮತ್ತು ನಿಮ್ಮ ಹೃದಯ ಸ್ಪರ್ಶಿಸುವ ಹೆಚ್ಚಿನ ಕಥೆಗಳನ್ನು ಹೇಳುವ ಸಮಯ. ನಿಮ್ಮ ಅತ್ಯಂತ ಸುಂದರದ ಆವೃತ್ತಿಯನ್ನು ನಿರಂತರವಾಗಿ ಅಭಿವೃದ್ಧಿಪಡಿಸುವ ಮತ್ತು ಕಂಡುಹಿಡಿಯುವ ಅವಶ್ಯಕತೆಯಿದೆ. ಅಂತಿಮವಾಗಿ ಬ್ಲೂ ಬಟರ್ಫ್ಲೈ ಫಿಲ್ಮ್ ಪ್ರಾರಂಭಿಸಲು ತುಂಬಾ ಉತ್ಸುಕನಾಗಿದ್ದೇನೆ. ನಾಳೆ ನಾನು ಕೆಲವು ವಿಶೇಷ ಘೋಷಣೆ ಮಾಡುತ್ತಿದ್ದೇನೆ' ಎಂದು ನಟಿ ಹೇಳಿದ್ದಾರೆ.
ಈಗ ಕೃತಿಯ ಈ ಪೋಸ್ಟ್ ನೋಡಿದ ನಂತರ, ಸಾಮಾಜಿಕ ಮಾಧ್ಯಮ ಬಳಕೆದಾರರು ವಿಭಿನ್ನ ರೀತಿಯಲ್ಲಿ ಪ್ರತಿಕ್ರಿಯಿಸುತ್ತಿದ್ದಾರೆ. ಸುಶಾಂತ್ ತಮ್ಮ ಪೋಸ್ಟ್ನಲ್ಲಿ ನೀಲಿ ಬಣ್ಣದ ಚಿಟ್ಟೆ ಎಮೋಜಿಯನ್ನು ಹೆಚ್ಚಾಗಿ ಬಳಸುತ್ತಿದ್ದರು. ಇದರಿಂದಾಗಿ ಕೃತಿ ಈ ನಿರ್ಮಾಣ ಸಂಸ್ಥೆಗೆ ಸುಶಾಂತ್ ಹೆಸರಿಟ್ಟಿದ್ದಾರೆ ಎನ್ನುತ್ತಿದ್ದಾರೆ.
'ನೀವು ನೀಲಿ ಬಣ್ಣದ ಚಿಟ್ಟೆ ಎಮೋಜಿಯನ್ನು ಹೆಚ್ಚಾಗಿ ಬಳಸುತ್ತಿರುವುದನ್ನು ನಾನು ನೋಡಿದ್ದೇನೆ, ಅದರಲ್ಲಿ ಏನಾದರೂ ವಿಶೇಷ ಅರ್ಥವಿದೆಯೇ ಅಥವಾ ನಿಮಗೆ ಚಿಟ್ಟೆಗಳು ಇಷ್ಟವೇ? ಎಂದು ಒಮ್ಮೆ ಅಭಿಮಾನಿಯೊಬ್ಬರು ಸುಶಾಂತ್ ಅವರನ್ನು ಕೇಳಿದರು.
ಈ ಬಗ್ಗೆ ಸುಶಾಂತ್ ಅವರು ಈ ಎಮೋಜಿ ಅಡೆತಡೆಯಿಲ್ಲದೆ ಚಲಿಸುವ ಸಂಕೇತ, ಎನ್ನುತ್ತಿದ್ದರು. ಹೀಗಾಗಿ ಕೃತಿ ತನ್ನ ನಿರ್ಮಾಣ ಸಂಸ್ಥೆಗೆ ಬ್ಲೂ ಬಟರ್ಫ್ಲೈ ಎಂದು ಹೆಸರಿಟ್ಟಿದ್ದಾರೆ ಎನ್ನುತ್ತಾರೆ ಜನ.
ಕೀರ್ತಿ ಸನೋನ್ ಮತ್ತು ಸುಶಾಂತ್ ಸಿಂಗ್ ರಜಪೂತ್ ನಡುವಿನ ಸಂಬಂಧದಿಂದಾಗಿ ಸಾಕಷ್ಟು ಚರ್ಚೆಗಳು ನಡೆದಿವೆ. ಈ ಬಗ್ಗೆ ಇಬ್ಬರೂ ಬಹಿರಂಗವಾಗಿ ಮಾತನಾಡದಿದ್ದರೂ ಇವರ ಸಂಬಂಧದ ರೂಮರ್ ಸಾಕಷ್ಟು ಸದ್ದು ಮಾಡಿತ್ತು.
ಇದರ ನಂತರ ಸುಶಾಂತ್ 14 ಜೂನ್ 2020 ರಂದು 34 ನೇ ವಯಸ್ಸಿನಲ್ಲಿ ನಿಧನರಾದರು. ಸುಶಾಂತ್ ಶವ ಅವರ ಮನೆಯಲ್ಲಿ ಪತ್ತೆಯಾಗಿದ್ದು ಸುಶಾಂತ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೋ ಅಥವಾ ಕೊಲೆ ಮಾಡಿದ್ದಾರೋ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.