ಫಿಲ್ಮಂ ಸೆಟ್ನಲ್ಲಿ ಕೂದಲು ಹಿಡಿದು ಕಿತ್ತಾಡಿದ ಕರಿಷ್ಮಾ, ರವೀನಾ!
ಬಾಲಿವುಡ್ನ ಕರಿಷ್ಮಾ ಕಪೂರ್ ಮತ್ತು ರವೀನಾ ಟಂಡನ್ಗೆ ಸಂಬಂಧಿಸಿದ ಘಟನೆ ವೈರಲ್ ಆಗುತ್ತಿದೆ. ಇಬ್ಬರ ನಡುವಿನ ಜಗಳದ ಕುರಿತಾಗಿದೆ. ಈ ವಿಷಯವನ್ನು ಕರಣ್ ಜೋಹರ್ ಚಾಟ್ ಶೋನಲ್ಲಿ ಫರ್ಹಾ ಖಾನ್ ಬಹಿರಂಗ ಪಡಿಸಿದ್ದರು. ಇಲ್ಲಿದೆ ವಿವರ
ಬಾಲಿವುಡ್ನ ಸ್ಟಾರ್ಗಳ ನಡುವಿನ ಜಗಳ ಆಗಾಗ ಸುದ್ದಿಯಾಗುತ್ತಿರುತ್ತದೆ. ಅದು ಸಲ್ಮಾನ್-ಶಾರುಖ್ ನಡುವಿನ ಜಗಳವಾಗಲಿ ಅಥವಾ ಕರೀನಾ ಕಪೂರ್ ಮತ್ತು ಪ್ರಿಯಾಂಕಾ ಚೋಪ್ರಾ ನಡುವಿನ ನಡುವಿನ ಕೋಲ್ಡ್ ವಾರ್ ಆಗಿರಲಿ ಸಾಕಷ್ಟು ಸದ್ದು ಮಾಡಿವೆ.
![article_image2](https://static-ai.asianetnews.com/images/01eqtk7q4n5tmygca3n54t9n4w/karishma-kapoor-5-jpg_300x169xt.jpg)
ಅನೇಕ ತಾರೆಯರು ಒಟ್ಟಿಗೆ ಕೆಲಸ ಮಾಡಿದ ಸಿನಿಮಾಗಳು ಯಶಸ್ವಿಯಾಗಿವೆ. ಆದರೆ ಅವರ ನಡುವಿನ ಸಂಬಂಧ ಮಾತ್ರ ಅಷ್ಟೇನೂ ಚೆನ್ನಾಗಿಲ್ಲ. ಈ ನಟಿಯರಲ್ಲಿ ಕರಿಷ್ಮಾ ಮತ್ತು ರವೀನಾ ಒಬ್ಬರು.
ಇವರ ನಡುವಿನ ಬೆಕ್ಕಿನ ಜಗಳ ತುಂಬಾ ಚರ್ಚೆಯಾಗಿತ್ತು. ಅವರ ನಡುವಿನ ಸಂಬಂಧ ಎಷ್ಟು ಕೆಟ್ಟದಾಗಿತ್ತು ಎಂದು ಚಲನಚಿತ್ರ ನಿರ್ದೇಶಕ ಫರಾಹ್ ಖಾನ್ ಬಹಿರಂಗಪಡಿಸಿದ್ದಾರೆ.
ಚಾಟ್ ಶೋವೊಂದರಲ್ಲಿ ಆತಿಶ್: ಫೀಲ್ ದಿ ಫೈರ್ ಸಿನಿಮಾದ ದಿನಗಳನ್ನು ಫರ್ಹಾ ಖಾನ್ ವಿವರಿಸಿದ್ದರು.
ಕರಿಷ್ಮಾ ಮತ್ತು ರವೀನಾ ಅವರೊಂದಿಗೆ ಚಿತ್ರಕ್ಕಾಗಿ ಒಂದು ಹಾಡನ್ನು ಮಾಡುತ್ತಿದ್ದರು. ಈ ಮಧ್ಯೆ, ಇಬ್ಬರ ನಡುವೆ ಜಗಳ ಪ್ರಾರಂಭವಾಯಿತು ಮತ್ತು ಇಬ್ಬರೂ ಪರಸ್ಪರ ತಮ್ಮ ವಿಗ್ಗಳಿಂದ ಹೊಡೆದುಕೊಳ್ಳಲು ಪ್ರಾರಂಭಿಸಿದರು' ಎಂದು ಫರ್ಹಾ ಖಾನ್ ಹೇಳಿದ್ದಾರೆ.
ಇಬ್ಬರ ನಡುವೆ ಕೆಲವು ಸಂಭಾಷಣೆ ನಡೆಯಿತು ಮತ್ತು ವಿಷಯವು ಹಲ್ಲೆಗೆ ತಲುಪಿತು. ಇಬ್ಬರೂ ಪರಸ್ಪರರ ಕೂದಲನ್ನು ಹಿಡಿದಿದ್ದರು. ಇದು ಸ್ವಲ್ಪ ಬಾಲಿಶವಾಗಿತ್ತು' ಎಂದಿದ್ದಾರೆ ಫರ್ಹಾ ಖಾನ್.
ಆಂದಾಜ್ ಅಪ್ನಾ ಅಪ್ನಾ ಚಿತ್ರದಲ್ಲಿ ರವೀನಾ ಮತ್ತು ಕರಿಷ್ಮಾ ಒಟ್ಟಿಗೆ ಕೆಲಸ ಮಾಡಿದ್ದರು.
ಆದರೆ ಈ ಸಮಯದಲ್ಲಿ ಇಬ್ಬರು ಪರಸ್ಪರ ಮಾತನಾಡಲಿಲ್ಲ. ಚಿತ್ರ ಪ್ರಚಾರದ ಸಮಯದಲ್ಲಿಯೂ ಇಬ್ಬರೂ ಒಟ್ಟಿಗೆ ಫೋಟೋಗೆ ಕೂಡ ಜೊತೆಯಾಗಲಿಲ್ಲ ಎಂದು ಹೇಳಲಾಗುತ್ತದೆ.
ಇಬ್ಬರ ನಡುವಿನ ಜಗಳಕ್ಕೆ ಕಾರಣ ಅಜಯ್ ದೇವಗನ್ ಎಂದು ತಿಳಿದು ಬಂದಿದೆ. ಮಾಧ್ಯಮ ವರದಿಗಳ ಪ್ರಕಾರ, ಈ ಇಬ್ಬರೂ ನಟಿಯರು ಆಂದಾಜ್ ಅಪ್ನಾ ಅಪ್ನಾ ಶೂಟಿಂಗ್ನಲ್ಲಿದ್ದಾಗ ಅಜಯ್ ದೇವಗನ್ ಅವರನ್ನು ಪ್ರೀತಿಸುತ್ತಿದ್ದರು. ಅಜಯ್ ರವೀನಾಗಾಗಿ ಕರೀಷ್ಮಾಳನ್ನು ಬಿಟ್ಟರೆಂದೂ ಹೇಳಲಾಗುತ್ತದೆ. ಈ ಕಾರಣದಿಂದಾಗಿ ಇಬ್ಬರ ನಡುವೆ ಜಗಳ ಪ್ರಾರಂಭವಾಯಿತು.
ಈ ದ್ವೇಷದ ಕಾರಣ ಶಾರುಖ್ ಖಾನ್ ಅವರ ಹೋಳಿ ಪಾರ್ಟಿಯಲ್ಲಿ ಫೋಟೋಗಳಿಗೆ ಪೋಸ್ ನೀಡಲು ನಿರಾಕರಿಸಿದರು' ಇದರ ಬಗ್ಗೆ ರವೀನಾಳನ್ನು ನಂತರ ಕೇಳಿದಾಗ, 'ನಾನು ಕರಿಷ್ಮಾ ಜೊತೆ ಪೋಸ್ ನೀಡಿದರೆ, ಅದು ನನ್ನನ್ನು ಸೂಪರ್ಸ್ಟಾರ್ ಮಾಡುವುದಿಲ್ಲ. ಅವಳು ನನ್ನ ಜೀವನದಲ್ಲಿ ಹಾಗಿಲ್ಲ' ಎಂದಿದ್ದಾರೆ.
'ನಾನು ಪ್ರೊಫೆಷನಲ್. ನನಗೆ ಏನು ಅನಿಸುವುದಿಲ್ಲ. ಅಗತ್ಯವಿದ್ದಾಗ ನಾನು ಪೊರಕೆ ಜೊತೆ ಸಹ ಪೋಸ್ ನೀಡುತ್ತೇನೆ. ನಾನು ಮತ್ತು ಕರಿಷ್ಮಾ ಉತ್ತಮ ಸ್ನೇಹಿತರಲ್ಲ. ಅಜಯ್ ಅವರೊಂದಿಗೆ ಸಹ ಅಷ್ಟೇ. ನಾನು ಅಜಯ್ ಮತ್ತು ಕರಿಷ್ಮಾ ಅವರೊಂದಿಗೆ ವೃತ್ತಿಪರವಾಗಿ ಕೆಲಸ ಮಾಡಲು ಸಿದ್ಧನಿದ್ದೇನೆ. ಕೆಲಸಕ್ಕೆ ಸಂಬಂಧಿಸಿದಂತೆ, ನನಗೆ ಅಂತಹ ಇಗೋ ಪ್ರಾಬ್ಲಂಗಳಿಲ್ಲ' ಎಂದು ರವೀನಾ ಹೇಳಿದ್ದರು ಎಂದು ಪಿಂಕ್ವಿಲ್ಲಾ ವರದಿ ಮಾಡಿತ್ತು.
ಮತ್ತೊಂದೆಡೆ, ರವೀನಾ ಅವರೊಂದಿಗಿನ ಸಂಬಂಧದ ಬಗ್ಗೆ ಕರಿಷ್ಮಾರನ್ನು ಕೇಳಿದಾಗ, 'ಆಂದಾಜ್ ಅಪ್ನಾ ಅಪ್ನಾದಲ್ಲಿ ಉತ್ತಮ ಸ್ನೇಹಿತರಾಗಿ ತೋರಿಸಿದರೂ, ನಿಜ ಜೀವನದಲ್ಲಿ ಅದು ಅಷ್ಟೇನೂ ಅಲ್ಲ' ಎಂದು ಹೇಳಿದರು.