ದೇವರಕೊಂಡ ಮತ್ತು ರಶ್ಮಿಕಾ ಸಂಬಂಧದ ಬಗ್ಗೆ ಕರಣ್‌ ಜೋಹರ್‌ ಏನು ಹೇಳಿದ್ದಾರೆ ನೋಡಿ

ಸೆಲೆಬ್ರಿಟಿಗಳ ಚಾಟ್ ಶೋಗಳಲ್ಲಿ ಒಂದಾದ 'ಕಾಫಿ ವಿತ್ ಕರಣ್' ಸೀಸನ್ 7  ಕೊನೆಗೊಂಡಿದೆ. ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ (Karan Johar) ಹೋಸ್ಟ್ ಮಾಡಿದ ಶೋನಲ್ಲಿ ಈ ವರ್ಷ ನಾಲ್ಕು ವಿಷಯಗಳು ಮುಖ್ಯವಾಗಿ ಇದ್ದವು, ಈ ಸೀಸನ್ ಆಲಿಯಾ ಭಟ್, ಸೆಕ್ಸ್ , ಸ್ವಜನಪಕ್ಷಪಾತ ಮತ್ತು ಸ್ಟಾರ್ಸ್ ಸಂಬಂಧದ ಬಗ್ಗೆ ಹೆಚ್ಚು ಚರ್ಚೆಯಾಯಿತು . 'ಕಾಫಿ ವಿತ್ ಕರಣ್ ಸೀಸನ್ 7' ಗುರುವಾರ ಕೊನೆಗೊಳ್ಳುತ್ತಿದ್ದಂತೆ, ಕರಣ್ ಜೋಹರ್ ಅವರು  ನಟ ವಿಜಯ್ ದೇವರಕೊಂಡ (Vijay Deverakonda) ಅವರ ಸಂಬಂಧದ ಸ್ಥಿತಿಯನ್ನು ಬಹಿರಂಗಪಡಿಸಿದರು,  ಬಹಳ ಸಮಯದಿಂದ ಸೌತ್‌ನ ಈ ಸೂಪರ್‌ ಸ್ಟಾರ್‌ ರಶ್ಮಿಕಾ ಮಂದಣ್ಣ (Rashmika Mandanna) ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವದಂತಿಗಳಿವೆ. 

'ಕಾಫಿ ವಿತ್ ಕರಣ್'  ಸೀಸನ್ ಫೈನಲ್‌ ಎಪಿಸೋಡ್‌ನಲ್ಲಿ  ಹಾಸ್ಯನಟ ತನ್ಮಯ್ ಭಟ್ ಮತ್ತು ಡ್ಯಾನಿಶ್ ಸೇಟ್ ಜೊತೆಗೆ ಕಂಟೆಂಟ್ ರಚನೆಕಾರರಾದ ಕುಶಾ ಕಪಿಲಾ ಮತ್ತು ನಿಹಾರಿಕಾ ಎನ್‌ಎಂ ಕಾಣಿಸಿಕೊಂಡರು. 

ನಾಲ್ವರು ಇಡೀ ಸೀಸನ್ ಅನ್ನು ಪರಿಶೀಲಿಸಿದರು ಮತ್ತು ಕರಣ್ ಜೋಹರ್ ಅವರನ್ನು ಪ್ರತಿ ಸಂಚಿಕೆಯಲ್ಲಿ ಆಲಿಯಾ ಭಟ್ ಅವರ ಹೆಸರು ಉಲ್ಲೇಖಿಸಿದಕ್ಕಾಗಿ ಕಾಲೆಳೆದರು. 

ಕರಣ್ ಜೋಹರ್ ಅವರು ವಿಜಯ್ ದೇವರಕೊಂಡ ಅವರನ್ನು ಮದುವೆಯಾಗುವ ಬಗ್ಗೆ ಯೋಚಿಸಲು ನಿಹಾರಿಕಾ ಎನ್‌ಎಂಗೆ ಸೂಚಿಸಿದಾಗ, ಕುಶಾ ಕಪಿಲಾ ಅವರು ವಿಜಯ್‌ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಅವರೊಂದಿಗಿನ ವದಂತಿಯ ಸಂಬಂಧದ ಬಗ್ಗೆ  ಕೇಳಿದರು. 

ವಿಜಯ್ ದೇವರಕೊಂಡ ಅವರ ಸಂಬಂಧದ ಸ್ಥಿತಿಯ ಬಗ್ಗೆ ಕರಣ್ ಜೋಹರ್ ಅವರನ್ನು ಕೇಳಿದಾಗ, 'ಅವರು ಲಭ್ಯವಿದ್ದಾರೋ ಇಲ್ಲವೋ ಎಂಬುದರ ಕುರಿತು ಪ್ರದರ್ಶನದಲ್ಲಿ ಕೆಲವು ಹಿಂಟ್‌ಗಳನ್ನು ನೀಡಲಾಗಿದೆ' ಎಂದು ಕುಶಾ ಕಪಿಲಾ ಹೇಳಿದರು. 

ಈ ಸಮಯದಲ್ಲಿ ವಿಜಯ್ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೋ ಇಲ್ಲವೋ ಎಂಬುದನ್ನು ಕರಣ್ ಬಹಿರಂಗಪಡಿಸಿದರು. 'ನನಗೆ ತಿಳಿದಿರುವ ಪ್ರಕಾರ ಅವನು ಸಿಂಗಲ್‌. ಅವರು ಅಧಿಕೃತವಾಗಿ ಏಕಾಂಗಿಯಾಗಿದ್ದಾರೆ' ಎಂದು ಕಪಿಲಾ ಅವರಿಗೆ ತಕ್ಷಣ ಕರಣ್ ಉತ್ತರಿಸಿದರು.

ಕಾಫಿ ವಿತ್ ಕರಣ್  ನ ಹಿಂದಿನ ಸಂಚಿಕೆಗಳಲ್ಲಿ, ವಿಶೇಷವಾಗಿ  ಜಾನ್ವಿ ಕಪೂರ್ ಮತ್ತು ಸಾರಾ ಅಲಿ ಖಾನ್ ಹಾಗೂ ವಿಜಯ್ ದೇವರಕೊಂಡ ಮತ್ತು ಅನನ್ಯಾ ಪಾಂಡೆ ಕಾಣಿಸಿಕೊಂಡ ಎರಡು ಸಂಚಿಕೆಗಳಲ್ಲಿ, ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಅವರ ಸುತ್ತ ಸಾಕಷ್ಟು ಮಾತುಕತೆ ನಡೆದಿತ್ತು.

ಮೂವರು ಮಹಿಳಾ ನಟಿಯರೂ ವಿಜಯ್ ರಶ್ಮಿಕಾ ಅವರ ಜೊತೆ ಸಂಬಧದಲ್ಲಿದ್ದಾರೆ ಎಂಬ ಸುಳಿವು ನೀಡಿದರು. ಆದರೆ, ಕರಣ್ ಜೋಹರ್ ಅವರ ಈ ಇತ್ತೀಚಿನ ಎಪಿಸೋಡ್‌ನಲ್ಲಿ  ಇಬ್ಬರು ದಕ್ಷಿಣದ ನಟರ ನಡುವೆ ಏನೂ ಇಲ್ಲ ಎಂದು ತೋರುತ್ತದೆ ಮತ್ತು ವಿಜಯ್ ಅವರು ದೇಶದ ಅತ್ಯಂತ ಅರ್ಹ ಬ್ಯಾಚುಲರ್‌ಗಳಲ್ಲಿ ಒಬ್ಬರು ಎಂದು ಬಹಿರಂಗಪಡಿಸಿದ್ದಾರೆ.