ಮದುವೆಯಾಗಲು ತಯಾರಿದ Hema Malini Jeetendra ಜೋಡಿ ತಪ್ಪಿಸಿದ Dharmendra

ಬಾಲಿವುಡ್‌ ಹಿರಿಯ ನಟ ಜಿತೇಂದ್ರ (Jeetendra)  ಅವರಿಗೆ 80 ವರ್ಷ .  7 ಏಪ್ರಿಲ್ 1942 ರಂದು ಅಮೃತಸರದ ವ್ಯಾಪಾರ ಕುಟುಂಬದಲ್ಲಿ ಜನಿಸಿದ ಜಿತೇಂದ್ರ ಅವರ ನಿಜವಾದ ಹೆಸರು ರವಿ ಕಪೂರ್.ಜಿತೇಂದ್ರ ಚಿತ್ರರಂಗದಲ್ಲಿ ಚಿರಪರಿಚಿತ ಹೆಸರಾಗಿದ್ದರೂ, ಅವರು ಈ ಸ್ಥಾನವನ್ನು ತಲುಪಲು ಸಾಕಷ್ಟು ಕಷ್ಟಪಡಬೇಕಾಯಿತು. ಆದರೆ, ಸಿನಿಮಾದಲ್ಲಿ ಕೆಲಸ ಮಾಡಲು ಶುರಮಾಡಿದ  ನಂತರ ಹಿಂತಿರುಗಿ ನೋಡಲೇ ಇಲ್ಲ. ಅವರು ಸ್ವಂತವಾಗಿ ಉದ್ಯಮದಲ್ಲಿ ಹೆಸರು ಗಳಿಸಿದರು. ಚಲನಚಿತ್ರಗಳಲ್ಲಿ ಕೆಲಸ ಮಾಡುವಾಗ, ಅವರ ಲವ್‌ ಆಫೇರ್‌ಗಳ ಕಥೆಗಳು ಕಡಿಮೆ ಇರಲಿಲ್ಲ.  ಅವರು ಹೇಮಾ ಮಾಲಿನಿಯನ್ನು (Hema Malini)  ತುಂಬಾ ಪ್ರೀತಿಸುತ್ತಿದ್ದರು. ಅವರಿಬ್ಬರ ಮದುವೆಯೂ ನಿಶ್ಚಯವಾಗಿತ್ತು, ಆದರೆ ಧರ್ಮೇಂದ್ರರ (Dharmendra) ಒಂದು ಕೆಲಸದಿಂದ ಎಲ್ಲಾ ನಿರೀಕ್ಷೆಗಳು ಸುಳ್ಳಾಯಿತು. ಏನದು? ಜಿತೇಂದ್ರ ಅವರು ಹೇಮಾಮಾಲಿನಿಯನ್ನು ಏಕೆ ಮದುವೆಯಾಗಲಿಲ್ಲ.

ಜಿತೇಂದ್ರ ಅವರು ನವರಂಗ್ ಚಿತ್ರದಲ್ಲಿ ಸಣ್ಣ ಪಾತ್ರದೊಂದಿಗೆ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು  ಇದರ ನಂತರ, ಅವರು ಗೀತ್ ಗಯಾ ಪತ್ತರೊ ನೇ ಚಿತ್ರದಲ್ಲಿ ಪ್ರಮುಖ ಪಾತ್ರವನ್ನು ನಿರ್ವಹಿಸಿದರು. ಈ ಚಿತ್ರದ ನಂತರ, ಅವರು ಉದ್ಯಮದಲ್ಲಿ ತಮ್ಮ ನೆಲೆಯೂರಲು ಪ್ರಾರಂಭಿಸಿದರು.

ಜಿತೇಂದ್ರ ಅವರು ಬಾಲಿವುಡ್‌ನಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ ಮತ್ತು ಒಂದಕ್ಕಿಂತ ಹೆಚ್ಚು ಹಿಟ್ ಚಿತ್ರಗಳನ್ನು ಕೊಟ್ಟಿದ್ದಾರೆ. ಇಷ್ಟೇ ಅಲ್ಲ, ಅವರು ತಮ್ಮ ಕಾಲದ ಪ್ರತಿ ಟಾಪ್‌ ನಟಿಯರೊಂದಿಗೆ ಪರದೆಯನ್ನು ಹಂಚಿಕೊಂಡರು. ರೇಖಾ ಜೊತೆಗಿನ ಅವರ ಜೋಡಿ ಸಖತ್‌ ಹಿಟ್‌ ಆಗಿತ್ತು. ನಂತರ ಶ್ರೀದೇವಿ ಜೊತೆಗಿನ ಅವರ ಜೋಡಿ ಕೂಡ ಎಲ್ಲರಿಗೂ ಇಷ್ಟವಾಯಿತು.

ಹೇಮಾ ಮಾಲಿನಿ ಅವರೊಂದಿಗೆ  ದುಲ್ಹಾನ್ ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡುವಾಗ, ಅವರು ತಮ್ಮ ಹೃದಯವನ್ನು ಹೇಮಾ ಮಾಲಿನಿಗೆ ಕೊಟ್ಟು ಮದುವೆಯಾಗಲು ನಿರ್ಧರಿಸಿದ್ದರು. ಆದರೆ, ಜಿತೇಂದ್ರ ಅವರು ಹೇಮಾ ಮಾಲಿನಿ ಅವರಿಗೆ ಮನಸೋಲುವ ಮೋದಲೇ   ಅವರು   ತಮ್ಮ ಬಾಲ್ಯದ ಗೆಳತಿ ಶೋಭಾ ಕಪೂರ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು.

ಮತ್ತೊಂದೆಡೆ, ಧರ್ಮೇಂದ್ರ ಈಗಾಗಲೇ ಹೇಮಾ ಮಾಲಿನಿ ಮೇಲೆ ಫಿದಾ ಆಗಿದ್ದರು. ಒಂದು ಸಮಯದಲ್ಲಿ  ಜಿತೇಂದ್ರ ಮತ್ತು ಹೇಮಾ ಮಾಲಿನಿಯ ಸಂಬಂಧ ಸರಿಯಾಗುವ ಲಕ್ಷಣಗಳು ಕಂಡು ಬಂದಿದ್ದವು. ಆದರೆ ಹೇಗೋ ಧರ್ಮೇಂದ್ರನಿಗೆ ಈ ವಿಷಯ ತಿಳಿಯಿತು. 

ಆಗ ಧರ್ಮೇಂದ್ರ ಅವರು  ಜಿತೇಂದ್ರರ ಭಾವಿ ಪತ್ನಿಯ ಜೊತೆ  ಕುಡಿದ ಅಮಲಿನಲ್ಲಿ ಹೇಮಾರ ಮನೆಗೆ ತಲುಪಿದನು. ಹೀಗಾಗಿ ಹೇಮಾರನ್ನು ಮದುವೆಯಾಗುವ ಜಿತೇಂದ್ರನ ಕನಸು ಭಗ್ನವಾಯಿತು. ಹೇಮಾ ಮಾಲಿನಿ ಜೊತೆಗಿನ ಸಂಬಂಧ ಮುರಿದು ಬಿದ್ದ ನಂತರ ಜಿತೇಂದ್ರ ತುಂಬಾ ಬೇಸರಗೊಂಡಿದ್ದರು. 

 1974ರಲ್ಲಿ ಶೋಭಾ ಅವರನ್ನು ವಿವಾಹವಾದರು. ದಂಪತಿಗೆ ಏಕ್ತಾ ಕಪೂರ್ ಮತ್ತು ತುಷಾರ್ ಕಪೂರ್ ಎಂಬ ಇಬ್ಬರು ಮಕ್ಕಳಿದ್ದಾರೆ. ಏಕ್ತಾ ಅವರನ್ನು ಟಿವಿ ಪ್ರಪಂಚದ ರಾಣಿ ಎಂದು ಪರಿಗಣಿಸಲಾಗಿದೆ. ತುಷಾರ್ ಕೆಲವು ಚಿತ್ರಗಳಲ್ಲಿ ನಟಿಸಿದರು, ಆದರೆ ತಂದೆಯಂತೆ ಯಶಸ್ಸನ್ನು ಸಾಧಿಸಲು ಸಾಧ್ಯವಾಗಲಿಲ್ಲ.

ಜಿತೇಂದ್ರ ಅವರು ತಮ್ಮ ವೃತ್ತಿಜೀವನದಲ್ಲಿ 200 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಈಗ  ಸಿನಿಮಾದಿಂದ ದೂರವಾಗಿ ಮೊಮ್ಮಕ್ಕಳೊಂದಿಗೆ ಕಾಲ ಕಳೆಯುತ್ತಿದ್ದಾರೆ. 

ಜಿತೇಂದ್ರ ಅವರು ತಮ್ಮ ವೃತ್ತಿ ಜೀವನದಲ್ಲಿ ಜುದಾಯಿ, ಮೇರೆ ಹುಜೂರ್, ಹಂಜೋಲಿ, ಕಾರವಾನ್, ಫರ್ಜ್, ಧರಮ್‌ವೀರ್, ತೋಫಾ, ರಂಗ್‌, ಮಾ, ಖುಷ್ಬೂ, ಶೇಷನಾಗ್, ಹತಿಮ್ತಾಯಿ, ಸೌತಾನ್ ಕಿ ಭೇಟಿ, ಸಿಂಧೂರ್, ಖುದ್ಗರ್ಜ್, ಔಲಾದ್,  ಹಿಮ್ಮತ್‌ವಾಲಾ, ಸರ್ಫರೋಶ್‌ನಂತಹ ಅನೇಕ ಸೂಪರ್‌ಹಿಟ್ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ