ಯಾವುದೇ ಸಿನಿಮಾ ಕಥೆಗಿಂತ ಕಡಿಮೆಯಿಲ್ಲ ಜಾಕಿ ಶ್ರಾಫ್ ಆಯೇಷಾ ಲವ್‌ ಸ್ಟೋರಿ
ಬಾಲಿವುಡ್ (Bollywood) ನ ಸೂಪರ್ ಸ್ಟಾರ್ ಗಳಲ್ಲಿ ಒಬ್ಬರಾದ ಜಾಕಿ ಶ್ರಾಫ್ (Jackie Shroff) ಅವರಿಗೆ 65 ವರ್ಷ. ಫೆಬ್ರವರಿ 1, 1957 ರಂದು ಮುಂಬೈನಲ್ಲಿ ಜನಿಸಿದ ಜಾಕಿ ಮುಂಬೈನ ಚಾಲ್‌ನಿಂದ ಬಾಲಿವುಡ್ ಸ್ಟಾರ್ ಆಗಿ ಮಿಂಚಿದ್ದಾರೆ. ಹೀರೋ (Hero) ಚಿತ್ರದಿಂದ ಜಾಕಿ ರಾತ್ರೋರಾತ್ರಿ ಸ್ಟಾರ್ ಆದರು. ಇದಾದ ನಂತರ ಅವರ ಮನೆಯ ಹೊರಗೆ ಚಿತ್ರ ನಿರ್ಮಾಪಕರ ಸಾಲು ನಿಂತರು.1989 ರ ರಾಮ್ ಲಖನ್ ಸಿನಿಮಾಗಿಂತ ಮೊದಲು ಅವರು ತಮ್ಮ ಗೆಳತಿ ಆಯೇಷಾ ಅವರನ್ನು ಮದುವೆಯಾಗಿದ್ದರು. ಅಂದಹಾಗೆ, ಇಬ್ಬರ ಪ್ರೇಮಕಥೆ (Love Story) ಸಖತ್‌ ಇಂಟರೆಸ್ಟಿಂಗ್‌ ಆಗಿದೆ. ಜಾಕಿ ಬೇರೊಬ್ಬರೊಂದಿಗೆ ಸಂಬಂಧ ಹೊಂದಿದ್ದರು. ಆದರೆ ಆಯೇಷಾರನ್ನು ನೋಡಿದ ಮೊದಲ ನೋಟದಲ್ಲೇ ತಮ್ಮ ಹೃದಯವನ್ನು ಕಳೆದುಕೊಂಡರು. ಜಾಕಿ-ಆಯೇಷಾ ಅವರ ಪ್ರೇಮಕಥೆ ವಿವರ ಇಲ್ಲಿದೆ.
)
Followಜಾಕಿ ಮತ್ತು ಆಯೇಷಾ ಅವರ ಲವ್‌ಸ್ಟೋರಿ ಯಾವುದೇ ಸಿನಿಮಾ ಕಥೆಗಿಂತ ಕಡಿಮೆಯಿಲ್ಲ ಇದ್ದಕ್ಕಿದ್ದಂತೆ ಭೇಟಿಯಾದ ಇಬ್ಬರು ನಂತರ ಕ್ರಮೇಣ ಹತ್ತಿರವಾದರು. ಜಾಕಿ ಒಂದು ದಿನ ರಸ್ತೆ ಬದಿಯಲ್ಲಿ ನಿಂತಿದ್ದಾಗ ಶಾಲೆಯ ಸಮವಸ್ತ್ರದಲ್ಲಿ 13 ವರ್ಷದ ಬಾಲಕಿ ನಿಂತಿರುವುದನ್ನು ಕಂಡರು. ಜಾಕಿ ಮೊದಲ ನೋಟದಲ್ಲೇ ಆ ಹುಡುಗಿಯನ್ನು ಪ್ರೀತಿಸತೊಡಗಿದರು. ಆ ಹುಡುಗಿ ಬೇರೆ ಯಾರೂ ಅಲ್ಲ ಆಯೇಷಾ.
)
ಆಯೇಷಾರನ್ನು ನೋಡಿದ ಜಾಕಿ ಅವರ ಬಳಿ ಹೋಗಿ ಅವರ ಹೆಸರು ಕೇಳಿ ರೆಕಾರ್ಡಿಂಗ್ ಅಂಗಡಿಗೆ ಹೋಗುತ್ತಿರುವುದಾಗಿ ಮತ್ತು ಅವಳು ಅವರೊಂದಿಗೆ ಬರಲು ಇಷ್ಟಪಡುತ್ತಾಳಾ ಎಂದು ಕೇಳಿದ್ದರು. ಆ ನಂತರ ಜಾಕಿ ಮ್ಯೂಸಿಕ್ ಆಲ್ಬಂ ಖರೀದಿಸಲು ಆಯೇಷಾ ಅವರ ಸಹಾಯವನ್ನು ತೆಗೆದುಕೊಂಡರು
ಈ ಭೇಟಿಯ ನಂತರ, ಇಬ್ಬರೂ ಪರಸ್ಪರ ಪ್ರಭಾವಿತರಾಗಿದ್ದರು, ಈ ಸಂಬಂಧವು ಶೀಘ್ರದಲ್ಲೇ ಪ್ರೀತಿಗೆ ತಿರುಗಿತು. ಆದರೆ ಇಬ್ಬರ ಪ್ರೇಮಕಥೆ ಸುಲಭವಾಗಿರಲಿಲ್ಲ. ಆ ಸಮಯದಲ್ಲಿ ಜಾಕಿ ಬೇರೆಯವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದರು. ನಟನ ಗರ್ಲ್‌ಫ್ರೆಂಡ್‌ ಅಮೇರಿಕಾಗೆ ಹೋಗಿದ್ದರು ಮತ್ತು ಅಲ್ಲಿಂದ ಮರಳಿದ ನಂತರ ಇಬ್ಬರೂ ಮದುವೆಯಾಗಲು ಡಿಸೈಡ್‌ ಮಾಡಿದ್ದರು.
ಆದರೆ ಜಾಕಿ ಶ್ರಾಫ್ ಆಯೇಷಾರನ್ನು ಪ್ರೀತಿಸತೊಡಗಿದರು ಮತ್ತು ಆಯೇಷಾ ಕೂಡ ಜಾಕಿಯನ್ನು ಇಷ್ಟಪಡತೊಡಗಿದರು. ಆದರೆ ಜಾಕಿಗೆ ಗರ್ಲ್‌ಫ್ರೆಂಡ್‌ ಇರುವ ವಿಷಯ ತಿಳಿದ ಆಯೇಷಾಗೆ ಏನು ಮಾಡಬೇಕೆಂದು ಅರ್ಥವಾಗಲಿಲ್ಲ.
ಆಗ ಆಯೇಷಾ ಜಾಕಿಯ ಗೆಳತಿಗೆ ಪತ್ರ ಬರೆದು ಎಲ್ಲವನ್ನೂ ಹೇಳಿದರು. ಆ ಸಮಯದಲ್ಲಿ ಜಾಕಿ ಚಾಲ್‌ನಲ್ಲಿ ವಾಸಿಸುತ್ತಿದ್ದರು ಮತ್ತು ಆಯೇಷಾ ರಾಯಲ್‌ ಫ್ಯಾಮಿಲಿಗೆ ಸೇರಿದವರು. ಆದರೂ ಆಯೇಷಾ ಜಾಕಿಯೊಂದಿಗೆ ಸಾಮಾನ್ಯ ವ್ಯಕ್ತಿಯಂತೆ ಸುತ್ತಾಡುತ್ತಿದ್ದರು.
ಇವರಿಬ್ಬರ ಸಂಬಂಧ ಮದುವೆವರೆಗೂ ಬಂದಿದ್ದು ಆಯೇಷಾಳ ತಾಯಿಗೆ ಇಷ್ಟವಾಗಲಿಲ್ಲ. ತನ್ನ ಮಗಳು ಚಾಲ್‌ನಲ್ಲಿ ವಾಸಿಸುವ ವ್ಯಕ್ತಿಯನ್ನು ಮದುವೆಯಾಗುವುದು ಅವರಿಗೆ ಇಷ್ಟವಿರಲಿಲ್ಲ. ಆದರೆ ಪ್ರೀತಿ ಗೆದ್ದಿತು. ಜೂನ್ 5, 1987 ರಂದು ಇಬ್ಬರೂ ವಿವಾಹವಾದರು.
ಆಯೇಷಾ ಜೀವನದಲ್ಲಿ ಬಂದ ನಂತರ ಜಾಕಿ ತುಂಬಾ ಬದಲಾದರು. ಜಾಕಿ ತನ್ನ ಸಲುವಾಗಿ ಅನೇಕ ಬದಲಾವಣೆಗಳಿಗೆ ಒಳಗಾಗಿದ್ದಾರೆ. ಆರಂಭದಲ್ಲಿ ಅವರ ಉಡುಗೆ ತೊಡುಗೆ ಮತ್ತು ಮಾತನಾಡುವ ರೀತಿ ಒರಟಾಗಿದ್ದರೂ ಕ್ರಮೇಣ ಸಂಪೂರ್ಣ ಬದಲಾಯಿತು ಎಂದು ಆಯೇಷಾ ಸಂದರ್ಶನವೊಂದರಲ್ಲಿ ಹೇಳಿದ್ದರು.
ಅದೇ ಸಮಯದಲ್ಲಿ 'ಆಯೇಷಾ ನನ್ನ ಜೀವನದಲ್ಲಿ ದೇವತೆಯಂತೆ ಬಂದಿದ್ದಾಳೆ. ಅವಳು ನನ್ನ ಜೀವ ಉಳಿಸಿದಳು. ನನ್ನನ್ನು ಸಭ್ಯ ಮತ್ತು ಯೋಗ್ಯ ವ್ಯಕ್ತಿಯಾಗಿ ಮಾಡಿದ್ದಾಳೆ' ಎಂದು ಜಾಕಿ ಹೇಳಿದ್ದರು. ಮದುವೆಯಾದ ಮೂರು ವರ್ಷಗಳ ನಂತರ ಟೈಗರ್ ಶ್ರಾಫ್ ಜನಿಸಿದರು.
ನಿರ್ದೇಶಕ ಸುಭಾಷ್ ಘಾಯ್ ಅವರು ಜಾಕಿ ಶ್ರಾಫ್‌ಗೆ ಚಿತ್ರಗಳಲ್ಲಿ ಅವಕಾಶ ನೀಡಿದರು. ಅವರ ಮೊದಲನೆ ಸಿನಿಮಾ ಹೀರೋ ಸೂಪರ್ ಹಿಟ್ ಎಂದು ಸಾಬೀತಾಯಿತು. ಹೀರೋನಲ್ಲಿ ಕೆಲಸ ಮಾಡುವ ಮೊದಲು, ಜಾಕಿ ಸಣ್ಣ ಪಾತ್ರಗಳನ್ನು ನಿರ್ವಹಿಸುತ್ತಿದ್ದರು.
ಹೀರೋ ನಂತರ ಜಾಕಿ, ರಾಮ್ ಲಖನ್, ಮಿಲ್ಕ್ ಕಾರ್ಜ್, ಖಲ್ನಾಯಕ್, ಐನಾ, ರಂಗೀಲಾ, ರಾಧೆ, ಬಾರ್ಡರ್, ತ್ರಿದೇವ್, ಬಂಧನ್, ಕರ್ಮ, ತೇರಿ ಮೆಹಬನಿಯಾನ್, ದೇವದಾಸ್, ತ್ರಿಮೂರ್ತಿ, ಭಾರತ್, ಯಾದೇನ್, ಹ್ಯಾಪಿ ನ್ಯೂ ಇಯರ್, ಸಾಹೋ ಮುಂತಾದ ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದಾರೆ
