2024ರ ಅತಿ ಹೆಚ್ಚು ಬಜೆಟ್‌ನ ಸಿನ್ಮಾ ಇದು; ಕಲೆಕ್ಷನ್‌ ಆರ್‌ಆರ್‌ಆರ್‌, ಬಾಹುಬಲಿಯನ್ನೂ ಮೀರಿಸೋ ನಿರೀಕ್ಷೆ!

2023ರ ವರ್ಷ ಮುಗಿದು ಹೊಸ ವರ್ಷ ಆರಂಭವಾಗಿದೆ. ಸಿನಿ ಪ್ರಿಯರು ಮತ್ತಷ್ಟು ಬ್ಲಾಕ್‌ಬಸ್ಟರ್‌ ಸಿನಿಮಾಗಳ ನಿರೀಕ್ಷೆಯಲ್ಲಿದ್ದಾರೆ. 2023ರಲ್ಲಿ ಜವಾನ್‌, ಪಠಾಣ್‌, ಜೈಲರ್‌, ಡಂಕಿ, ಅನಿಮಲ್, ಸಲಾರ್‌ ಸೇರಿ ಹಲವು ಸಿನಿಮಾಗಳು ಥಿಯೇಟರ್‌ಗಳಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿವೆ. ಹಾಗೆಯೇ 2024ರಲ್ಲೂ ಹೈಯೆಸ್ಟ್ ಬಜೆಟ್‌ನ ಹಲವು ಸಿನಿಮಾಗಳು ಸಿದ್ಧಗೊಳ್ಳುತ್ತಿವೆ. 

ಈ ವರ್ಷ ಬಿಡುಗಡೆಯಾಗಲಿರುವ ಮೆಗಾ ಬಜೆಟ್ ಭಾರತೀಯ ಚಲನಚಿತ್ರಗಳು ಸಂಖೈ ಹೆಚ್ಚಿದೆ. 2024ರಲ್ಲಿ ತಯಾರಾಗುತ್ತಿರುವುದು, ಇದುವರೆಗೆ ತಯಾರಿಸಲಾಗಿರುವ ಸಿನಿಮಾಗಳಲ್ಲಿ ಅತ್ಯಂತ ದುಬಾರಿ ಭಾರತೀಯ ಚಲನಚಿತ್ರವೆಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಮಾತ್ರವಲ್ಲ, ಇದು ಇಲ್ಲಿಯವರೆಗಿನ ಎಲ್ಲಾ ಬಾಕ್ಸಾಫೀಸ್ ದಾಖಲೆಯನ್ನು ಉಡೀಸ್ ಮಾಡೋ ನಿರೀಕ್ಷೆಯೂ ಇದೆ. 

ನಾಗ್ ಅಶ್ವಿನ್ ಅವರ ಕಲ್ಕಿ 2898 AD, 2024ರ ಅತೀ ದುಬಾರಿ ಸಿನಿಮಾವಾಗಿದೆ. ಈ ಹಿಂದೆ ಇದನ್ನು 'ಪ್ರಾಜೆಕ್ಟ್ ಕೆ' ಎಂದು ಕರೆಯಲಾಗುತ್ತಿತ್ತು, ಇದು 2024ರಲ್ಲಿ ಬಿಡುಗಡೆಯಾಗಲಿರುವ ಅತ್ಯಂತ ದುಬಾರಿ ಭಾರತೀಯ ಚಲನಚಿತ್ರವಾಗಿದೆ. ಸಿನಿ ಬಿಸಿನೆಸ್ ಎಕ್ಸ್‌ಪರ್ಟ್‌ ಮನೋಬಾಲಾ ವಿಜಯಬಾಲನ್ ಪ್ರಕಾರ, ಚಲನಚಿತ್ರವು 600 ಕೋಟಿ ರೂಪಾಯಿಗಳ ಬಜೆಟ್ ಹೊಂದಿದೆ.

ಇದು ಇತ್ತೀಚಿನ ಹಿಟ್‌ಗಳಾದ ಸಲಾರ್ (270 ಕೋಟಿ ರೂ.), ಅನಿಮಲ್ (100 ಕೋಟಿ ರೂ.), ಮತ್ತು ಡಂಕಿ (140 ಕೋಟಿ ರೂ.)ಗಿಂತಲೂ ಹೆಚ್ಚಾಗಿದೆ.. ವಾಸ್ತವವಾಗಿ, ಕಲ್ಕಿ 2898 ADಯ ಪ್ರಮಾಣವು ಬ್ರಹ್ಮಾಸ್ತ್ರ (Rs 400 ಕೋಟಿ) ಮತ್ತು ಬಾಹುಬಲಿ (Rs 250 ಕೋಟಿ) ಗಿಂತ ದೊಡ್ಡದಾಗಿದೆ.

ಕೆಲವು ಮೂಲಗಳು ಹೇಳುವಂತೆ ಕಲ್ಕಿ 2898 AD ಇದುವರೆಗೆ ನಿರ್ಮಿಸಲಾದ ಅತ್ಯಂತ ದುಬಾರಿ ಭಾರತೀಯ ಚಲನಚಿತ್ರವಾಗಿದೆ, ಆದಿಪುರುಷ ಮತ್ತು RRR ಗಿಂತ ಮುಂಚೆಯೇ, ಇವೆರಡೂ 550 ಕೋಟಿ ರೂಪಾಯಿಗಳ ಬಜೆಟ್ ಅನ್ನು ಹೊಂದಿವೆ ಎಂದು ಹೇಳಲಾಗುತ್ತದೆ. ಆದರೆ, ಆದಿಪುರುಷ ಚಿತ್ರದ ಬಜೆಟ್ 700 ಕೋಟಿ ರೂ. ಮೀರಿದ ಅನ್ನೋ ಮಾತಿದೆ. ಹೀಗಾಗಿ ಕಲ್ಕಿ 2898 AD ಎರಡನೇ ಸ್ಥಾನದಲ್ಲಿರಬಹುದು. 

ಕಲ್ಕಿ 2898 ADನ್ನು ಪ್ಯಾನ್-ಇಂಡಿಯಾ ಚಲನಚಿತ್ರವೆಂದು ಬಿಂಬಿಸಲಾಗಿದೆ. ಇದರಲ್ಲಿ ಪ್ರಭಾಸ್, ದೀಪಿಕಾ ಪಡುಕೋಣೆ, ಕಮಲ್ ಹಾಸನ್ ಮತ್ತು ಅಮಿತಾಬ್ ಬಚ್ಚನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಲನಚಿತ್ರವು ಅತ್ಯಾಧುನಿಕ VFX ಮತ್ತು CGI ಎಫೆಕ್ಟ್‌ನ್ನು ಒಳಗೊಂಡಿರುತ್ತದೆ. ಹೀಗಾಗಿಯೇ ಇದು 2024ರ ಅತ್ಯಂತ ನಿರೀಕ್ಷಿತ ಚಿತ್ರವಾಗಿದೆ. 

ಸಿನಿ ಬಾಕ್ಸಾಫೀಸ್ ಎಕ್ಸ್‌ಪರ್ಟ್ಸ್‌, ಕಲ್ಕಿ 2898 AD ಹೊಸ ಬಾಕ್ಸ್ ಆಫೀಸ್ ದಾಖಲೆಗಳನ್ನು ಸ್ಥಾಪಿಸುತ್ತದೆ ಎಂದು ನಿರೀಕ್ಷಿಸುತ್ತಿದ್ದಾರೆ, ವಿಶೇಷವಾಗಿ ಪ್ರಭಾಸ್ ಸಲಾರ್‌ನೊಂದಿಗೆ ಫಾರ್ಮ್‌ಗೆ ಮರಳಿದ ನಂತರ ಈ ಚಿತ್ರದ ಬಗ್ಗೆ ನಿರೀಕ್ಷೆ ಹೆಚ್ಚಾಗಿದೆ. ಈ ಚಿತ್ರವು ತೆಲುಗು ಮಾರುಕಟ್ಟೆಯಲ್ಲಿ ಹೊಸ ಕಲೆಕ್ಷನ್ ದಾಖಲೆಗಳನ್ನು ನಿರ್ಮಿಸುವ ನಿರೀಕ್ಷೆಯಿದೆ.  

ಹಿಂದಿ ಮತ್ತು ತಮಿಳು ಮಾರುಕಟ್ಟೆಗಳಲ್ಲಿಯೂ ಉತ್ತಮ ಗಳಿಕೆ ಮಾಡಲಿದೆ ಎಂದೇ ಹೇಳಲಾಗ್ತಿದೆ. ಇದರರ್ಥ 2024ರಲ್ಲಿ ಈ ಚಿತ್ರ RRRನ 1300 ಕೋಟಿ ಗಳಿಕೆ ಮತ್ತು ಬಾಹುಬಲಿ-2ನ 1600 ಕೋಟಿ ಗಳಿಕೆಯನ್ನು ಮೀರಿಸುವ ಎಲ್ಲಾ ಸಾಧ್ಯತೆಯೂ ಇದೆ. 

ಟ್ರೇಡ್ ತಜ್ಞರು ಈ ಚಿತ್ರವು ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ಖಂಡಿತವಾಗಿಯೂ ದೊಡ್ಡ ಓಪನಿಂಗ್‌ಗಳಲ್ಲಿ ಒಂದನ್ನು ದಾಖಲಿಸುತ್ತದೆ ಎಂದು ಊಹಿಸುತ್ತಾರೆ ಆದರೆ, ಕಲ್ಕಿ 2898 AD ಸದ್ಯಕ್ಕೆ ಬಿಡುಗಡೆಯ ದಿನಾಂಕವನ್ನು ಹೊಂದಿಲ್ಲ ಆದರೆ ಟ್ರೇಲರ್ ಅನ್ನು ಮಾರ್ಚ್ 31ರಂದು ಬಿಡುಗಡೆ ಮಾಡಲಾಗುವುದು ಎಂದು ನಾಗ್ ಅಶ್ವಿನ್ ಬಹಿರಂಗಪಡಿಸಿದ್ದಾರೆ.