2025ರ ಅತ್ಯಂತ ಜನಪ್ರಿಯ ಸಿನಿಮಾ ಪಟ್ಟಿ ಪ್ರಕಟಿಸಿದ ಐಎಂಡಿಬಿ, ನಂ.1 ಸ್ಥಾನದಲ್ಲಿ ಯಾವ ಮೂವಿ?

ಐಎಂಡಿಬಿ 2025ರ ಈವರೆಗಿನ ಅತ್ಯಂತ ಜನಪ್ರಿ ಹಾಗೂ 2025ರ ಬಹು ನಿರೀಕ್ಷಿತ ಸಿನಿಮಾ ಪಟ್ಟಿ ಬಿಡುಗಡೆ ಮಾಡಿದೆ. ವೀಕ್ಷರು ಕೊಟ್ಟ ರೇಟಿಂಗ್ಸ್, ವೀಕ್ಷಣೆ ಸೇರಿದಂತೆ ಹಲವು ಮಾನದಂಡಗಳ ಆಧಾರದಲ್ಲಿ ಯಾವ ಸಿನಿಮಾ ಅತ್ಯಂತ ಪಾಪ್ಯುಲರ್, ಯಾವ ಸಿನಿಮಾಗಿ ಜನ ಕಾಯುತ್ತಿದ್ದಾರೆ.

Image Credit : instagram

ಐಎಂಡಿಬಿ ಇದೀಗ ಸಿನಿಮಾ ಕುರಿತು ಹೊಸ ಪಟ್ಟಿ ಬಿಡುಗಡೆ ಮಾಡಿದೆ. 2025ರ ಸಾಲಿನಲ್ಲಿ ಬಿಡುಗಡೆಯಾಗಿ ಬಾರಿ ಮೆಚ್ಚುಗೆ, ವೀಕ್ಷರ ಪ್ರೀತಿಗೆ ಪಾತ್ರವಾದ ಸಿನಿಮಾಗಳ ಪಟ್ಟಿ ಬಿಡುಗಡೆ ಮಾಡಿದೆ. ಇಷ್ಟೇ ಅಲ್ಲ ಬಿಡುಗಡೆಯಾಗಲಿರುವ ಬಹುನಿರೀಕ್ಷಿತ ಸಿನಿಮಾ ಯಾವುದು ಅನ್ನೋ ಪಟ್ಟಿಯನ್ನು ನೀಡಿದೆ. ವೀಕ್ಷರು ನೀಡಿದ ರೇಟಿಂಗ್ಸ್ ಆಧಾರದಲ್ಲಿ ಈ ಪಟ್ಟಿ ಬಿಡುಗಡೆ ಮಾಡಲಾಗಿದೆ. 2025ರಲ್ಲಿ ಇದುವರೆಗೆ ಬಿಡುಗಡೆಯಾದ ಸಿನಿಮಾ ಪೈಕಿ ಅತ್ಯಂತ ಜನಪ್ರಿಯ ಸಿನಿಮಾ ಪಟ್ಟವನ್ನು ರಶ್ಮಿಕಾ ಮಂದಣ್ಣ ಹಾಗೂ ವಿಕ್ಕಿ ಕೌಶಾಲ್ ಅಭಿನಯದ ಛಾವಾ ಸಿನಿಮಾ ಪಡೆದುಕೊಂಡಿದೆ.

Image Credit : IMBD

2025ರ ಈವರೆಗಿನ ಅತ್ಯಂತ ಜನಪ್ರಿಯ ಸಿನಿಮಾಗಳು

ಛಾವಾ

ಡ್ರ್ಯಾಗನ್

ದೇವಾ

ರೇಡ್ 2

ರೆಟ್ರೋ

ದಿ ಡಿಪ್ಲೊಮ್ಯಾಟ್

L2: ಎಂಪುರಾನ್

ಸಿತಾರೆ ಜಮೀನ್ ಪರ್

ಕೇಸರಿ ಚಾಪ್ಟರ್ 2: ದಿ ಅನ್‌ಟೋಲ್ಡ್ ಸ್ಟೋರಿ ಆಫ್ ಜಲಿಯನ್‌ವಾಲಾ ಬಾಘ್

ವಿದಾಮುಯಾರ್ಚಿ

Image Credit : Social Media

2025 ರಲ್ಲಿ ಈವರೆಗೆ ಭಾರತದ ಜನಪ್ರಿಯ ಸಿನಿಮಾಗಳ ಪಟ್ಟಿಯಲ್ಲಿ ಛಾವಾ ಸ್ಥಾನ ಪಡೆದಿದ್ದು ನಮಗೆ ಸಂತೋಷ ತಂದಿದೆ ಎಂದು ಛಾವಾ ನಿರ್ದೇಶಕ ಲಕ್ಷ್ಮಣ್ ಉಟೇಕರ್ ಹೇಳಿದ್ದಾರೆ. ಇದು ಅಭಿಮಾನಗಳ ನೇರ ಅಭಿಪ್ರಾಯವಾಗಿದೆ ಎಂಬುದು ಮತ್ತಷ್ಟು ವಿಶೇಷ. ಅಪಾರ ಪ್ರೀತಿ ಮತ್ತು ಧನಾತ್ಮಕವಾಗಿ ಈ ಸಿನಿಮಾವನ್ನು ಅವರು ಸ್ವೀಕರಿಸಿರುವುದು ಅತ್ಯಂತ ಖುಷಿಯ ಸಂಗತಿಯಾಗಿದೆ. ಈ ಸಿನಿಮಾದಲ್ಲಿ ವಿಕ್ಕಿ ಕೌಶಲ್, ರಶ್ಮಿಕಾ ಮಂದಣ್ಣ ಮತ್ತು ಅಕ್ಷಯ್ ಖನ್ನಾ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇಡೀ ವಿಶ್ವದ ವೀಕ್ಷಕರಿಗೆ ಹತ್ತಿರುವಾಗುವ ಕಥೆಗಳನ್ನು ಹೇಳುವುದನ್ನು ಮುಂದುವರಿಸಲು ಇಡೀ ಪಾತ್ರವರ್ಗ ಮತ್ತು ತಂಡಕ್ಕೆ ಸ್ಪೂರ್ತಿ ನೀಡುತ್ತದೆ" ಎಂದು ನಿರ್ದೇಶಕರು ಹೇಳಿದ್ದಾರೆ.

Image Credit : IMDB

ಅತ್ಯಂತ ನಿರೀಕ್ಷಿತ ಭಾರತೀಯ ಸಿನಿಮಾಗಳು(ಜುಲೈ- ಡಿಸೆಂಬರ್ 2025)

ಕೂಲಿ

ವಾರ್ 2

ದಿ ರಾಜಾ ಸಾಬ್

ಆಂಖೋ ಕಿ ಗುಸ್ತಾಖಿಯಾಂ

ಸೈಯಾರಾ

ಬಾಘಿ 4

ಸನ್ ಆಫ್ ಸರ್ದಾರ್ 2

ಹೃದಯಪೂರ್ವಮ್

ಮಹಾವತಾರ ನರಸಿಂಹ

ಆಲ್ಫಾ

ಈ ವರ್ಷ ಬಿಡುಗಡೆಯಾಗುತ್ತದೆ ಎಂದು ನಿರೀಕ್ಷಿಸಲಾಗಿರುವ ಭಾರತೀಯ ಸಿನಿಮಾಗಳ ಪೈಕಿ 2025 ಜನವರಿ 1 ರಿಂದ 2025 ಜುಲೈ 1 ರ ವರೆಗೆ ಈ ಸಿನಿಮಾಗಳ ಹೆಸರುಗಳು ನಿರಂತರವಾಗಿ ಐಎಂಡಿಬಿ ಗ್ರಾಹಕರಲ್ಲಿ ಅತ್ಯಂತ ಜನಪ್ರಿಯವಾಗಿದ್ದವು.

Image Credit : instagram

ಮೋಹನ್‌ಲಾಲ್, ಅಜಯ್‌ ದೇವಗನ್ ಮತ್ತು ಪೂಜಾ ಹೆಗ್ಡೆ ಅವರು ನಟಿಸಿರುವ ಪ್ರಾಜೆಕ್ಟ್‌ಗಳು ಎರಡೂ ಪಟ್ಟಿಗಳಲ್ಲಿ ಕಾಣಿಸಿಕೊಂಡಿರುವುದನ್ನು ಗಮನಿಸಬಹುದು. ಮೋಹನ್‌ಲಾಲ್ ಅವರು ಎಲ್‌2: ಎಂಪುರಾನ್‌ನಲ್ಲಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು ಮತ್ತು ಹೃದಯಪೂರ್ವಮ್‌ನಲ್ಲೂ ಅವರು ಕಾಣಿಸಿಕೊಳ್ಳಲಿದ್ದಾರೆ. ಪೂಜಾ ಹೆಗ್ಡೆ ಅವರು ದೇವಾ ಮತ್ತು ರೆಟ್ರೋದಲ್ಲಿ ಕಾಣಿಸಿಕೊಂಡಿದ್ದು, ಕೂಲಿಯಲ್ಲೂ ಕಾಣಿಸಿಕೊಳ್ಳಲಿದ್ದಾರೆ. ಅಲ್ಲದೆ ಅಜಯ್‌ ದೇವಗನ್ ರೇಡ್ 2 ದಲ್ಲಿ ಕಾಣಿಸಿಕೊಂಡಿದ್ದು, ಸನ್ ಆಫ್ ಸರ್ದಾರ್ 2 ದಲ್ಲೂ ಕಾಣಿಸಿಕೊಳ್ಳಲಿದ್ದಾರೆ. ಜುಲೈ ತಿಂಗಳಲ್ಲಿ ಅತ್ಯಂತ ನಿರೀಕ್ಷಿತ ಹೊಸ ನಟ ಅಹಾನ್ ಪಾಂಡೆ ಅವರ ಸೈಯಾರಾ ಹಾಗೂ ಶನನ್ಯಾ ಕಪೂರ್ ಅವರ ಆಂಖೋ ಕಿ ಗುಸ್ತಾಖಿಯಾಂ ಕೂಡ ಪಟ್ಟಿಯಲ್ಲಿದೆ.

Image Credit : Asianet News

2025 ರಲ್ಲಿ ಈವರೆಗೆ ಅತ್ಯಂತ ಜನಪ್ರಿಯ ಭಾರತೀಯ ಸಿನಿಮಾಗಳ ಪೈಕಿ ಆರು ಹಿಂದಿ ಸಿನಿಮಾಗಳಾಗಿದ್ದು, ಮೂರು ತಮಿಳು ಮತ್ತು ಒಂದು ಮಲಯಾಳಂ ಸಿನಿಮಾ ಇದೆ. ಅತ್ಯಂತ ನಿರೀಕ್ಷಿತ ಭಾರತೀಯ ಸಿನಿಮಾಗಳ ಪಟ್ಟಿಯಲ್ಲಿ ಆರು ಹಿಂದಿ ಸಿನಿಮಾಗಳು ಮತ್ತು ತಮಿಳು, ತೆಲುಗು ಮತ್ತು ಮಲಯಾಳಂ ಉದ್ಯಮದ ತಲಾ ಒಂದೊಂದು ಸಿನಿಮಾಗಳು ಇರಲಿವೆ. ಇನ್ನು, ಮಹಾವತಾರ ನರಸಿಂಹ ಸಿನಿಮಾ ಐದು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.