3 ವರ್ಷದ ನಂತರ ಬೊಂಬಾಟ್ ಸ್ಟೆಪ್ಸ್ ಹಾಕಿದ ವೀರಮಲ್ಲು: ಪವನ್​ರನ್ನು ಹೀಗ್​ ನೋಡಿ ಖುಷಿ ಆಯ್ತು ಎಂದ ಫ್ಯಾನ್ಸ್!

ಪವನ್ ಕಲ್ಯಾಣ್ ಅಭಿನಯದ 'ಹರಿಹರ ವೀರಮಲ್ಲು' ಚಿತ್ರದ ಎರಡನೇ ಹಾಡು ರಿಲೀಸ್ ಆಗಿದೆ. ಇದರಲ್ಲಿ ಪವನ್​ರನ್ನು ನೋಡಿ ಫ್ಯಾನ್ಸ್ ಖುಷ್ ಆಗಿದ್ದಾರೆ. ಯಾಕಂದ್ರೆ?

ಪವನ್ ಕಲ್ಯಾಣ್ ಸಿನಿಮಾ ಬರುತ್ತದೆ ಅಂದರೆ ಅಭಿಮಾನಿಗಳಲ್ಲಿ ಹಬ್ಬದ ವಾತಾವರಣ. ಅಪ್ ಡೇಟ್ ಗಳಿಗೆ ಕಾಯುತ್ತಿರುತ್ತಾರೆ. ಅವರ ಡೈಲಾಗ್ ಗಳಿಗೆ ಖುಷಿ ಪಡುತ್ತಾರೆ. ಡಾನ್ಸ್ ಸ್ಟೆಪ್ ಗಳಿಗೆ ಫಿದಾ ಆಗುತ್ತಾರೆ. ಹೀಗೆ ಪವನ್ ಸಿನಿಮಾದಿಂದ ಯಾವುದೇ ಅಪ್ ಡೇಟ್ ಬಂದರೂ, ಅಭಿಮಾನಿಗಳಿಗೆ ಹಬ್ಬದ ವಾತಾವರಣ. ಆದರೆ ಇತ್ತೀಚೆಗೆ ಅವರು ರಾಜಕೀಯದಲ್ಲಿ, ಉಪ ಮುಖ್ಯಮಂತ್ರಿಯಾಗಿ ಕಾರ್ಯನಿರ್ವಹಿಸುತ್ತಿರುವ ಕಾರಣದಿಂದ ಸಿನಿಮಾಗಳು ಬರಲಿಲ್ಲ. ಅವರ ಸಿನಿಮಾ ಬಂದು ಎರಡು ವರ್ಷಗಳಾಯಿತು. ಅವರ ಸ್ಟೆಪ್ಸ್ ನೋಡಿ ಮೂರು ವರ್ಷಗಳಾಯಿತು. 

ಎಷ್ಟು ದಿನಗಳ ನಂತರ ಈಗ ಅದ್ಭುತ ಸ್ಟೆಪ್ಸ್ ಇಂದ ಅಭಿಮಾನಿಗಳಲ್ಲಿ ಜೋಶ್ ತುಂಬಿದ್ದಾರೆ ಪವನ್. ಇತ್ತೀಚೆಗೆ ಅವರು ಹೀರೋ ಆಗಿ ನಟಿಸುತ್ತಿರುವ `ಹರಿಹರ ವೀರಮಲ್ಲು` ಮೂವಿಯಿಂದ ಎರಡನೇ ಹಾಡು ಬಂದಿದೆ. `ಕೊಲ್ಲಗಟ್ಟಿನಾದಿರಾ` ಅಂತಾ ಹಾಡು ಸೋಮವಾರ ಮಧ್ಯಾಹ್ನ ಬಿಡುಗಡೆ ಮಾಡಿದ್ದಾರೆ. ಈ ಸಿನಿಮಾದಲ್ಲಿ ಪವನ್ ವೀರಮಲ್ಲುನಾಗಿ ಕಾಣಿಸಿಕೊಳ್ಳುತ್ತಾರೆ ಎಂಬುದು ತಿಳಿದಿರುವ ವಿಷಯ. ಆ ಗೆಟಪ್ ನಲ್ಲಿ ಅವರು ಈ ಹಾಡಿಗೆ ಡಾನ್ಸ್ ಮಾಡಿದ್ದಾರೆ. ಹೀರೋಯಿನ್ ಜೊತೆ ಡಾನ್ಸ್ ಸ್ಟೆಪ್ಸ್ ಹಾಕುವುದು ವಿಶೇಷ. ಈ ಲಿರಿಕ್ ಸಾಂಗ್ ನಲ್ಲಿ ಮಧ್ಯ ಮಧ್ಯದಲ್ಲಿ ಡಾನ್ಸ್ ಮೂಮೆಂಟ್ಸ್ ತೋರಿಸಿ ಅಭಿಮಾನಿಗಳಿಗೆ ಖುಷಿ ಕೊಟ್ಟಿದೆ ಟೀಮ್. ಪ್ರಸ್ತುತ ಈ ಹಾಡು ವೈರಲ್ ಆಗುತ್ತಿದೆ.

ಆಸ್ಕರ್ ವಿನ್ನರ್ ಎಂಎಂ ಕೀರವಾಣಿ ಈ ಹಾಡಿಗೆ ಸಂಗೀತ ನೀಡಿದ್ದಾರೆ, ಚಂದ್ರಬೋಸ್ ಈ ಹಾಡನ್ನು ಬರೆದಿದ್ದಾರೆ. ಮಂಗ್ಲಿ, ರಾಹುಲ್ ಸಿಪ್ಲಿಗುಂಜ್, ರಮ್ಯಾ ಬೆಹರಾ, ಯಾಮಿನಿ ಘಂಟಸಾಲ, ಐರಾ ಉಡುಪಿ, ಮೋಹನ ಭೋಗರಾಜು, ವೈಷ್ಣವಿ ಕಣ್ಣನ್, ಸುದೀಪ್ ಕುಮಾರ್, ಅರುಣ ಮೇರಿ ಹಾಡಿಗೆ ಇನ್ನಷ್ಟು ಮಾಧುರ್ಯ ತಂದಿದ್ದಾರೆ. ಕೀರವಾಣಿ ಅದ್ಭುತವಾದ ಸಂಗೀತಕ್ಕೆ ತೆಲುಗಿನಲ್ಲಿ ಚಂದ್ರಬೋಸ್, ತಮಿಳಿನಲ್ಲಿ ಪಾ. ವಿಜಯ್, ಮಲಯಾಳಂನಲ್ಲಿ ಮಂಕುಂಬು ಗೋಪಾಲಕೃಷ್ಣನ್, ಕನ್ನಡದಲ್ಲಿ ವರದರಾಜ್, ಹಿಂದಿಯಲ್ಲಿ ಅಬ್ಬಾಸ್ ಟೈರೆವಾಲಾ ಸಾಹಿತ್ಯ ನೀಡಿದ್ದಾರೆ.

ಈ ಹಾಡು ಸಿನಿಮಾ ಮೇಲಿನ ನಿರೀಕ್ಷೆಗಳನ್ನು ಇನ್ನೊಂದು ಹಂತಕ್ಕೆ ಕೊಂಡೊಯ್ದಿದೆ. ಹಾಡು ಶುರುವಾದಾಗಿನಿಂದ ಮುಗಿಯುವವರೆಗೂ ಕೇಳುಗರಿಗೆ ಹಿಡಿತ ಸಾಧಿಸುವಂತೆ ಸಾಗಿದೆ. ಪವನ್ ಕಲ್ಯಾಣ್ ಸ್ಕ್ರೀನ್ ಪ್ರೆಸೆನ್ಸ್ ಲಿರಿಕಲ್ ವಿಡಿಯೋದಲ್ಲಿ ವಿಶೇಷ ಆಕರ್ಷಣೆಯಾಗಿದೆ. ಪವನ್ ಕಲ್ಯಾಣ್ ಜೊತೆ ನಿಧಿ ಅಗರ್ವಾಲ್ ಡ್ಯಾನ್ಸ್ ಮಾಡಿದ್ದಾರೆ. ತೆರೆಯ ಮೇಲೆ ಈ ಜೋಡಿ ನೋಡಲು ಚೆನ್ನಾಗಿದೆ. ಹಾಗೆಯೇ ಈ ಹಾಡಿನಲ್ಲಿ ಅನಸೂಯ ಭಾರದ್ವಾಜ್, ಪೂಜಿತ ಪೊನ್ನಾಡ ಮಿಂಚಿ ತಮ್ಮ ಡ್ಯಾನ್ಸ್ ಇಂದ ಇನ್ನಷ್ಟು ಆಕರ್ಷಣೆ ತಂದಿದ್ದಾರೆ. ಇಬ್ಬರೂ ಒಂದೇ ಡ್ರೆಸ್ ನಲ್ಲಿ ಸ್ಟೆಪ್ಸ್ ಹಾಕುವುದು ಹೈಲೈಟ್ ಆಗಿದೆ. ಹಾಡಿಗೆ ಚೆಂದ ತಂದಿದೆ. ಸಾಂಗ್ ಭಾರಿ ಸೆಟ್, ವಿಷುವಲ್ಸ್ ಇದರಲ್ಲಿ ಇನ್ನೊಂದು ಆಕರ್ಷಣೆ. ಹಾಡು ವಿಷುವಲ್ ವಂಡರ್ ತರಹ ಇದೆ ಎಂದು ಹೇಳಬಹುದು. ಈಗಾಗಲೇ ಮೊದಲ ಹಾಡು `ಮಾತು ಕೇಳಬೇಕು` ವಿಶೇಷ ಆದರಣೆ ಪಡೆದಿದೆ, ಈಗ ಬಿಡುಗಡೆಯಾದ ಎರಡನೇ ಹಾಡು ಸಹ ಕೇಳುಗರನ್ನು ರಂಜಿಸುತ್ತದೆ. ಅಭಿಮಾನಿಗಳಿಂದ ಡಾನ್ಸ್ ಮಾಡಿಸುತ್ತದೆ ಎಂದು ಹೇಳಬಹುದು. 

`ಹರಿ ಹರ ವೀರಮಲ್ಲು` ಚಿತ್ರ 17ನೇ ಶತಮಾನದ ಮೊಘಲ್ ಸಾಮ್ರಾಜ್ಯದ ಹಿನ್ನೆಲೆಯಲ್ಲಿ ದೊಡ್ಡ ಬಜೆಟ್ ನಲ್ಲಿ ಪೀರಿಯಡ್ ಆಕ್ಷನ್ ಡ್ರಾಮಾವಾಗಿ ತಯಾರಾಗುತ್ತಿದೆ. ಪವನ್ ಕಲ್ಯಾಣ್ ಚಾರಿತ್ರಿಕ ಯೋಧನಾಗಿ ನಟಿಸುತ್ತಿರುವ ಈ ಚಿತ್ರದಲ್ಲಿ ಬಾಬಿ ಡಿಯೋಲ್, ನಿಧಿ ಅಗರ್ವಾಲ್, ನರ್ಗೀಸ್ ಫಕ್ರೀ, ನೋರಾ ಫತೇಹಿ ಮುಂತಾದ ಪ್ರಮುಖ ನಟನಟಿಯರು ಮುಖ್ಯ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೆ ಜ್ಯೋತಿ ಕೃಷ್ಣ, ಕ್ರಿಶ್ ಜಾಗರ್ಲಮೂಡಿ ನಿರ್ದೇಶನ ಮಾಡುತ್ತಿದ್ದಾರೆ. 2025, ಮಾರ್ಚ್ 28 ರಂದು ಪ್ರಪಂಚದಾದ್ಯಂತ ದೊಡ್ಡ ಮಟ್ಟದಲ್ಲಿ ಬಿಡುಗಡೆಯಾಗಲಿದೆ. ಆದರೆ ರಿಲೀಸ್ ಮೇಲೆ ಸ್ವಲ್ಪ ಸಸ್ಪೆನ್ಸ್ ಇದೆ. ಟೀಮ್ ಮಾತ್ರ ಆ ಡೇಟ್ ಗೆ ತರಲು ಪ್ರಯತ್ನಿಸುತ್ತಿದ್ದಾರೆ. ಅದರಲ್ಲಿ ಭಾಗವಾಗಿ ಪ್ರಮೋಷನಲ್ ಕಂಟೆಂಟ್ ಬಿಡುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಏನು ನಡೆಯುತ್ತದೋ ನೋಡಬೇಕು.