ಕರೀನಾಳಿಂದ ಆಮೀರ್ ಖಾನ್‌ವರೆಗೆ.. ಪ್ರೇಮಿಗಾಗಿ ಕ್ರೇಜಿ ಕೆಲಸ ಮಾಡಿದ 6 ಬಾಲಿವುಡ್ ತಾರೆಯರು..

ಈ 6 ಬಾಲಿವುಡ್ ಸೆಲೆಬ್ರಿಟಿಗಳು ತಮ್ಮ ಪ್ರೇಮಿಗಾಗಿ ವಿಚಿತ್ರವಾದ ಕೆಲಸಗಳನ್ನು ಮಾಡಿದ್ದಾರೆ.. ನಂತರ ಅವರ ಜೊತೆಗೇ ಇದ್ದಾರೆಯೇ?

ಪ್ರೀತಿ ಕುರುಡು ಎಂಬುದು ಆಗಾಗ ಸಾಬೀತಾಗುತ್ತಲೇ ಇರುತ್ತದೆ. ಬಡವನಿಂದ ಶ್ರೀಮಂತರವರೆಗೆ ಪ್ರೀತಿ ಬೇಧಭಾವವಿಲ್ಲದೆ ಎಲ್ಲರ ಬದುಕಿಗೆ ನುಸುಳುತ್ತದೆ. ತಮ್ಮ ಪ್ರೇಮಿಗಾಗಿ ಹಿಂದೆಂದೂ ಮಾಡದಂತ ಕೆಲಸಗಳನ್ನು ಮಾಡಿಸುತ್ತದೆ. 

ಕೆಲವೊಮ್ಮೆ, ಯಾರನ್ನಾದರೂ ಪ್ರೀತಿಸುವುದು ನಿಮ್ಮನ್ನು ಮೂರ್ಖರನ್ನಾಗಿಸಬಹುದು. ಏಕೆಂದರೆ ಅದು ನಿಮ್ಮಲ್ಲಿ 'ನಾನು ನಿನಗಾಗಿ ಏನು ಬೇಕಾದರೂ ಮಾಡುತ್ತೇನೆ' ಎಂಬ ಭಾವನೆಯನ್ನು ಹುಟ್ಟು ಹಾಕುತ್ತದೆ ಮತ್ತು ನೀವು ಅದಕ್ಕಾಗಿ ಎಲ್ಲಾ ಗಡಿಗಳನ್ನು ದಾಟುತ್ತೀರಿ.

ಈ 6 ಬಾಲಿವುಡ್ ಸೆಲೆಬ್ರಿಟಿಗಳು ತಮ್ಮ ಪಾಲುದಾರರಿಗಾಗಿ ವಿಚಿತ್ರವಾದ ಕೆಲಸಗಳನ್ನು ಮಾಡಿದ್ದಾರೆ. ಪ್ರೇಮಿಯನ್ನು ಮೆಚ್ಚಿಸಲು ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ. ಕಡೆಗೆ ಅವರೊಂದಿಗೆ ಇದ್ದಾರೆಯೇ?

ಪ್ರೇಮಿಗಾಗಿ ಮಾಂಸಾಹಾರ ತ್ಯಜಿಸಿದ ಕರೀನಾ ಕಪೂರ್
ಕರೀನಾ ಕಪೂರ್ ಮತ್ತು ಶಾಹಿದ್ ಕಪೂರ್ ಬಿ-ಟೌನ್‌ನಲ್ಲಿ ಹೆಚ್ಚು ಮಾತನಾಡುವ ಜೋಡಿಯಾಗಿದ್ದರು. ಮೀಟ್ ಆದ ಒಂದು ವಾರದಲ್ಲೇ ಡೇಟಿಂಗ್ ಪ್ರಾರಂಭಿಸಿದರು. ಇದ್ದಕ್ಕಿದ್ದಂತೆ, ಬೆಬೋ ಸಸ್ಯಾಹಾರಿಯಾಗಿ ಬದಲಾದಳು.

ವರದಿಗಳ ಪ್ರಕಾರ, ಕರೀನಾ ತನ್ನ ಗೆಳೆಯ ಶಾಹಿದ್ ಕಪೂರ್‌ಗಾಗಿ ಆಧ್ಯಾತ್ಮಿಕ ವ್ಯಕ್ತಿಯಾಗಿ ಬದಲಾಗಿದ್ದಳು ಮತ್ತು ಮಾಂಸಾಹಾರವನ್ನು ತೊರೆದಳು. ಆದಾಗ್ಯೂ, ಐದು ವರ್ಷಗಳ ಸಂಬಂಧದ ನಂತರ, ಜೋಡಿಗಳು ಬೇರೆಯಾದರು.

ಸೈಫ್ ಅಲಿ ಖಾನ್ 
ಸೈಫ್ ಅಲಿ ಖಾನ್ ರಾಯಲ್ ಕುಟುಂಬದಿಂದ ಬಂದವರು. ಅವರು ಪಟೌಡಿ ವಂಶದ ರಾಜಕುಮಾರ ಮತ್ತು ಐಷಾರಾಮಿ ಜೀವನಶೈಲಿಯನ್ನು ಆನಂದಿಸುತ್ತಾರೆ. ಸೈಫ್ ಮೊದಲು ಮದುವೆಯಾಗಿದ್ದು ನಟಿ ಅಮೃತಾ ಸಿಂಗ್ ಅವರನ್ನು. ಇವರಿಬ್ಬರಿಗೆ ಸಾರಾ ಅಲಿ ಖಾನ್ ಮತ್ತು ಇಬ್ರಾಹಿಂ ಅಲಿ ಖಾನ್ ಎಂಬ ಇಬ್ಬರು ಮಕ್ಕಳಿದ್ದಾರೆ.

 ಅವರು 2004ರಲ್ಲಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದರು. ಶೀಘ್ರದಲ್ಲೇ, ತಶನ್ ಸೆಟ್ನಲ್ಲಿ, ಅವರು ಕರೀನಾಗೆ ಬಿದ್ದರು.
ಅವರು ಇನ್ನೂ ಡೇಟಿಂಗ್ ಮಾಡುತ್ತಿರುವಾಗ, ಸೈಫ್ ಬೆಬೋ ಹೆಸರನ್ನು ತಮ್ಮ ಮುಂಗೈ ಮೇಲೆ ಹಚ್ಚೆ ಹಾಕಿಸಿಕೊಂಡರು. 

ಯಾನಾ ಗುಪ್ತಾ ತನ್ನ ಇಡೀ ದೇಹಕ್ಕೆ ಗೆಳೆಯನ ಹೆಸರು ಹಾಕಿಸಿಕೊಂಡಾಗ..
ಯಾನಾ ಗುಪ್ತಾ ಜೆಕ್ ಮಾಡೆಲ್ ಮತ್ತು ನಟಿ, ಮರ್ಡರ್ 2, ಚಲೋ ದಿಲ್ಲಿ, ಧಮ್ ಮತ್ತು ಇನ್ನೂ ಅನೇಕ ಚಲನಚಿತ್ರಗಳಲ್ಲಿ ತನ್ನ ಪಾತ್ರಕ್ಕೆ ಹೆಸರುವಾಸಿಯಾಗಿದ್ದಾರೆ. ಒಮ್ಮೆ ಅವಳು ತನ್ನ ಪ್ರೀತಿಯನ್ನು ಹೇಳಿಕೊಳ್ಳಲು ತನ್ನ ದೇಹದ ಎಲ್ಲಾ ಭಾಗಗಳಲ್ಲಿ ಕೊಂಚವೂ ಜಾಗ ಬಿಡದೆ ತನ್ನ ಗೆಳೆಯನ ಹೆಸರನ್ನು ಬರೆಸಿದ್ದಳು. 

ಧರ್ಮೇಂದ್ರ ಮತ್ತು ಹೇಮಾ ಮಾಲಿನಿ ಇಸ್ಲಾಂಗೆ ಮತಾಂತರಗೊಂಡರು!
ಬಾಲಿವುಡ್‌ನ ಹೀ-ಮ್ಯಾನ್ ಕನಸಿನ ಹುಡುಗಿ ಹೇಮಾ ಮಾಲಿನಿಯನ್ನು ಹುಚ್ಚನಂತೆ ಪ್ರೀತಿಸುತ್ತಿದ್ದರು. ಅವರು ಈಗಾಗಲೇ ತಮ್ಮ ಮೊದಲ ಪತ್ನಿ ಪ್ರಕಾಶ್ ಕೌರ್ ಜೊತೆಗಿದ್ದರು. ಹಿಂದೂ ವಿವಾಹ ಕಾಯ್ದೆ ಪ್ರಕಾರ ಅವರು ಮತ್ತೆ ಮದುವೆಯಾಗಲು ಸಾಧ್ಯವಿರಲಿಲ್ಲ. ಆದ್ದರಿಂದ, ಧರ್ಮೇಂದ್ರ ಮತ್ತು ಹೇಮಾಮಾಲಿನಿ ಪ್ರೀತಿಯಲ್ಲಿ ತೀವ್ರ ಹೆಜ್ಜೆ ಇಡಲು ನಿರ್ಧರಿಸಿದರು ಮತ್ತು ತಮ್ಮ ಮದುವೆಯನ್ನು ಕಾನೂನುಬದ್ಧಗೊಳಿಸಲು 1979ರಲ್ಲಿ ಇಸ್ಲಾಂಗೆ ಮತಾಂತರಗೊಂಡರು.

ಧರ್ಮೇಂದ್ರ ತನ್ನ ಹೆಸರನ್ನು ದಿಲಾವರ್ ಖಾನ್ ಕೇವಲ್ ಕೃಷ್ಣ ಎಂದು ಬದಲಾಯಿಸಿಕೊಂಡರೆ, ಹೇಮಾ ತನ್ನ ಹೆಸರನ್ನು ಆಯಿಷಾ ಬಿ ಆರ್ ಚಕ್ರವರ್ತಿ ಎಂದು ಬದಲಾಯಿಸಿಕೊಂಡರು ಮತ್ತು ಇಬ್ಬರು 1980 ರಲ್ಲಿ ವಿವಾಹವಾದರು.

ರೀನಾಗಾಗಿ ರಕ್ತದಲ್ಲಿ ಪತ್ರ ಬರೆದಿದ್ದ ಆಮೀರ್
ಹಿಂದಿ ಚಿತ್ರರಂಗದ ಮಿಸ್ಟರ್ ಪರ್ಫೆಕ್ಷನಿಸ್ಟ್, ಅಮೀರ್ ಖಾನ್ ತಮ್ಮ ಹದಿಹರೆಯದ ದಿನಗಳಲ್ಲಿ ಅವರ ಮೊದಲ ಪ್ರೀತಿ ಮತ್ತು ಮಾಜಿ ಪತ್ನಿ ರೀನಾ ದತ್ತಾರಿಂದ ಅನೇಕ ನಿರಾಕರಣೆಗಳನ್ನು ಎದುರಿಸಿದ್ದರು.

ಅವರು ನೆರೆಹೊರೆಯವರಾಗಿದ್ದರು ಮತ್ತು ಕಿಟಕಿಗಳ ಮೂಲಕ ಒಬ್ಬರನ್ನೊಬ್ಬರು ನೋಡುತ್ತಿದ್ದರು. ಆದರೆ, ರೀನಾಗೆ ಮೊದಲು ಬಿದ್ದಿದ್ದು ಅಮೀರ್. ಆಕೆಯನ್ನು ತನ್ನೆಡೆಗೆ ಸೆಳೆಯಲು ಹಲವು ಬಾರಿ ಪ್ರಯತ್ನಿಸಿ ವಿಫಲನಾದ ಆಮೀರ್, ಕೊನೆಗೆ ರೀನಾಳ ಮೇಲಿನ ಪ್ರೀತಿಯನ್ನು ತನ್ನ ರಕ್ತದಿಂದ ಪ್ರೇಮ ಪತ್ರ ಬರೆದು ವ್ಯಕ್ತಪಡಿಸಲು ನಿರ್ಧರಿಸಿದ.

ಆದಾಗ್ಯೂ, ಇದು ಪರಿಸ್ಥಿತಿಯನ್ನು ಇನ್ನಷ್ಟು ಹದಗೆಡಿಸಿತು ಮತ್ತು ರೀನಾ ಮತ್ತೆ ಅಂತಹ ವಿಷಯಗಳಲ್ಲಿ ತೊಡಗಿಸಿಕೊಳ್ಳಬೇಡಿ ಎಂದು ಕೇಳಿಕೊಂಡರು. ಆದರೂ ಕಡೆಗೆ ಅವರು 1986ರಲ್ಲಿ ವಿವಾಹವಾದರು. 15 ವರ್ಷಗಳ ಮದುವೆಯ ನಂತರ, ಅವರು 2002 ರಲ್ಲಿ ಪರಸ್ಪರ ಬೇರ್ಪಟ್ಟರು. 

ದೀಪಿಕಾ ಪಡುಕೋಣೆ ರಣಬೀರ್ ಕಪೂರ್‌ಗಾಗಿ ಹಚ್ಚೆ ಹಾಕಿಸಿಕೊಂಡರು!
ರಣಬೀರ್ ಕಪೂರ್ ಮತ್ತು ದೀಪಿಕಾ ಪಡುಕೋಣೆ ಜೋಡಿಯಾಗಿದ್ದ ಕಾಲವಿತ್ತು ಎಂಬುದು ರಹಸ್ಯವಲ್ಲ. ಆದಾಗ್ಯೂ, ಅಭಿಮಾನಿಗಳು ಅವರ ಮದುವೆಯ ದಿನಾಂಕಕ್ಕಾಗಿ ಕಾಯುತ್ತಿರುವಾಗ, ಅವರ ಪ್ರತ್ಯೇಕತೆಯ ಸುದ್ದಿಯಿಂದ ಲಕ್ಷಾಂತರ ಹೃದಯಗಳು ಮುರಿದುಹೋದವು.
ವರದಿಯ ಪ್ರಕಾರ, ರಣಬೀರ್ ದೀಪಿಕಾಗೆ ಮೋಸ ಮಾಡಿದರು, ಅದು ನಟಿಯನ್ನು ಖಿನ್ನತೆಗೆ ಕೊಂಡೊಯ್ಯಿತು.

ಆದಾಗ್ಯೂ, ದೀಪಿಕಾ ಮತ್ತು ರಣಬೀರ್ ಅವರು ಸಂತೋಷದ ಜೋಡಿಯಾಗಿದ್ದಾಗ ತಮ್ಮ ಪ್ರಣಯ ಸಂಬಂಧವನ್ನು ಮುಚ್ಚಿಡಲು ಬಯಸಲಿಲ್ಲ. ಇದಲ್ಲದೆ, ದೀಪಿಕಾ ತನ್ನ ಕುತ್ತಿಗೆಯ ಮೇಲ್ಭಾಗದಲ್ಲಿ ಆರ್‌ಕೆ ಹಚ್ಚೆ ಹಾಕಿಸಿಕೊಂಡಳು. ರಣವೀರ್ ಸಿಂಗ್ ಅವರನ್ನು ಮದುವೆಯಾದ ನಂತರವೂ ನಟಿ RK ಟ್ಯಾಟೂವನ್ನು ತೆಗೆದುಹಾಕಲಿಲ್ಲ, ಆದರೆ ಅದರ ಮೇಲೆ ಹೆಚ್ಚಿನ ವಿನ್ಯಾಸಗಳೊಂದಿಗೆ ಅದನ್ನು ಮುಚ್ಚಿದ್ದಾರೆ ಎಂದು ವರದಿಯಾಗಿದೆ.