ಅಜಯ್ ದೇವಗನ್ ಮತ್ತು ಟಬು ಒಟ್ಟಿಗೆ ನಟಿಸಿದ ಸಿನಿಮಾ ಸೂಪರ್ ಹಿಟ್‌

ಅಜಯ್ ದೇವಗನ್ (Ajay Devgn) ಮತ್ತು ಟಬು (Tabu) ಅಭಿನಯದ 'ದೃಶ್ಯಂ 2' (Drishyam 2 ) ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಈ ಚಿತ್ರ 5 ದಿನದಲ್ಲಿ 86 ಕೋಟಿ ಗಳಿಸಿ ಈಗಾಗಲೇ ಹಿಟ್ ಸಿನಿಮಾದ ಲಿಸ್ಟ್‌ಗೆ  ಸೇರಿದೆ. ಇದು ಇವರಿಬ್ಬರ 8ನೇ ಚಿತ್ರ. ಅಜಯ್ ಮತ್ತು ಟಬು ಬಹಳ ವರ್ಷಗಳ ಕಾಲದಿಂದ ಸ್ನೇಹಿತರಾಗಿದ್ದು, ದೃಶ್ಯಂ 2 ಕ್ಕಿಂತ ಮೊದಲು 7 ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಅಜಯ್ ಮತ್ತು ಟಬು ಅವರ 9 ನೇ ಚಿತ್ರ 'ಭೋಲಾ' 2023 ರಲ್ಲಿ ಬಿಡುಗಡೆಯಾಗಲಿದೆ. ಅಜಯ್ ದೇವಗನ್ ಮತ್ತು ಟಬು ಒಟ್ಟಿಗೆ ಕೆಲಸ ಮಾಡಿದ ಸಿನಿಮಾಗಳ ಬಾಕ್ಸ್‌ಆಫೀಸ್‌ ರಿಪೋರ್ಟ್‌ ಇಲ್ಲಿದೆ.

ಅಜಯ್ ದೇವಗನ್ ಮತ್ತು ಟಬು ಒಟ್ಟಿಗೆ ಮಾಡಿದ ಮೊದಲ ಚಿತ್ರ 'ವಿಜಯಪಥ್'. ಇದು  1994 ರಲ್ಲಿ ಬಿಡುಗಡೆಯಾಯಿತು. ಫಾರೂಕ್ ಸಿದ್ದಿಕಿ ನಿರ್ದೇಶನದ ಈ ಚಿತ್ರ ಸುಮಾರು 6.45 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿ ಬಾಕ್ಸ್ ಆಫೀಸ್ ಹಿಟ್ ಆಗಿತ್ತು.

1995 ರಲ್ಲಿ, ಅಜಯ್ ದೇವಗನ್ ಮತ್ತು ಟಬು ಅವರ ಎರಡನೇ ಚಿತ್ರ 'ಹಕೀಕತ್' ಬಿಡುಗಡೆಯಾಯಿತು, ಇದು ಫ್ಲಾಪ್‌ ಆಗಿಲ್ಲ, ಆದರೆ ಅದರ ಪ್ರದರ್ಶನವು ಸರಾಸರಿಗಿಂತ  ಕಡಿಮೆ ಇತ್ತು. ಸಂದೇಶ್ ಕೊಹ್ಲಿ ನಿರ್ದೇಶನದ ಈ ಚಿತ್ರ ಸುಮಾರು 6.25 ಕೋಟಿ ರೂ ಕಲೆಕ್ಷನ್‌ ಮಾಡಿತ್ತು.

ಅಜಯ್ ದೇವಗನ್ ಮತ್ತು ಟಬು ಅವರ ಮೂರನೇ ಚಿತ್ರ 1999 ರಲ್ಲಿ 'ತಕ್ಷಕ್', ಇದನ್ನು ಗೋವಿಂದ್ ನಿಹಲಾನಿ ನಿರ್ದೇಶಿಸಿದರು. ಚಿತ್ರವು ಸುಮಾರು 10 ಕೋಟಿ ರೂಪಾಯಿಗಳನ್ನು ಸಂಗ್ರಹಿಸಿ ಸರಾಸರಿ ಪ್ರದರ್ಶನ ನೀಡಿತು.

2015 ರಲ್ಲಿ, ಟಬು ಮತ್ತು ಅಜಯ್ ದೇವಗನ್ 'ದೃಶ್ಯಂ' ಚಿತ್ರದಲ್ಲಿ ಕೆಲಸ ಮಾಡಿದರು. ನಿಶಿಕಾಂತ್ ಕಾಮತ್ ನಿರ್ದೇಶಿಸಿದ ಈ ಚಿತ್ರವು ಸರಾಸರಿ ಮತ್ತು ಗಲ್ಲಾಪೆಟ್ಟಿಗೆಯಲ್ಲಿ ಸುಮಾರು 68.66 ಕೋಟಿ ರೂ ಗಳಿಸಿತು.

ಅಜಯ್ ದೇವಗನ್ ಮತ್ತು ಟಬು ಅವರ ಐದನೇ ಚಿತ್ರ 'ಗೋಲ್ಮಾಲ್ ಎಗೇನ್', ಇದು 2017 ರಲ್ಲಿ ಬಿಡುಗಡೆಯಾಯಿತು. ರೋಹಿತ್ ಶೆಟ್ಟಿ ನಿರ್ದೇಶನದ ಈ ಚಿತ್ರವು ಬ್ಲಾಕ್ ಬಸ್ಟರ್ ಎಂದು ಸಾಬೀತಾಯಿತು. ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಸುಮಾರು 205 ಕೋಟಿ ರೂ ಗಳಿಸಿದೆ.

ಅಜಯ್ ದೇವಗನ್ ಮತ್ತು ಟಬು ಅವರ ಆರನೇ ಚಿತ್ರ 'ದೇ ದೇ ಪ್ಯಾರ್ ದೇ', ಇದನ್ನು ಅಕಿವ್ ಅಲಿ ನಿರ್ದೇಶಿಸಿದ್ದಾರೆ. ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಸುಮಾರು 94.50 ಕೋಟಿ ಗಳಿಸಿತು ಮತ್ತು ಹಿಟ್ ಎಂದು ಸಾಬೀತಾಯಿತು.

ಅಂದಹಾಗೆ, ಟಬು ಮತ್ತು ಅಜಯ್ ದೇವಗನ್ ಕೂಡ 'ಫಿತೂರ್' (2016) ಚಿತ್ರದಲ್ಲಿ ಕೆಲಸ ಮಾಡಿದ್ದಾರೆ. ಚಿತ್ರದಲ್ಲಿ ಟಬು ಪ್ರಮುಖ ಪಾತ್ರದಲ್ಲಿದ್ದರೆ, ಅಜಯ್ ದೇವಗನ್ ಅದರಲ್ಲಿ ಅತಿಥಿ ಪಾತ್ರವನ್ನು ಹೊಂದಿದ್ದರು. ಅಭಿಷೇಕ್ ಕಪೂರ್ ನಿರ್ದೇಶಿಸಿದ ಈ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ದುರಂತವಾಗಿ ಪರಿಣಮಿಸಿತು.