ಕೇವಲ 2 ಚಿತ್ರಗಳಿಂದ ಸಾವಿರ ಕೋಟಿ ಗಳಿಕೆ ಮಾಡಿದ ಕ್ರೇಜಿ ಡೈರೆಕ್ಟರ್ ಬಾಲ್ಯದ ಫೋಟೋಗಳು ವೈರಲ್!

ವಿಜಯ್, ರಜನಿ, ಕಮಲ್ ಅವರಂತಹ ಸ್ಟಾರ್ ನಟರ ಸಿನಿಮಾಗಳಿಗೆ ನಿರ್ದೇಶನ ಮಾಡಿದ ನಿರ್ದೇಶಕರ ಬಾಲ್ಯದ ಫೋಟೋ ವೈರಲ್ ಆಗಿದೆ.

ಕನಸುಗಳ ಜಗತ್ತಾದ ಸಿನಿಮಾದಲ್ಲಿ ಮೊದಲ ಸಿನಿಮಾದಿಂದಲೇ ಛಾಪು ಮೂಡಿಸಿದ ಅನೇಕರು, ನಂತರ ನೆಲೆಯೂರಲು ಸಾಧ್ಯವಾಗಲಿಲ್ಲ. ಆದರೆ ಕೆಲವರು ಸತತವಾಗಿ ಗೆಲುವು ಸಾಧಿಸಿ ತಮ್ಮದೇ ಆದ ವಿಶೇಷ ಗುರುತನ್ನು ಪಡೆದುಕೊಂಡಿದ್ದಾರೆ. ಅವರಲ್ಲಿ ಈ ಬ್ಲಡಿ ಸ್ವೀಟ್ ಬಾಯ್ ಒಬ್ಬ. ಇಲ್ಲಿಯವರೆಗೆ ಸೋಲರಿಯದ ಈ ನಿರ್ದೇಶಕ, ಕೊನೆಯದಾಗಿ ನಿರ್ದೇಶಿಸಿದ 2 ಸಿನಿಮಾಗಳಿಂದ 1000 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದ್ದಾರೆ. ಅವರ ಬಾಲ್ಯದ ಫೋಟೋ ಇದು.

ಆ ಬ್ಲಡಿ ಸ್ವೀಟ್ ಬಾಯ್ ಬೇರೆ ಯಾರೂ ಅಲ್ಲ... ನಿರ್ದೇಶಕ ಲೋಕೇಶ್ ಕನಕರಾಜ್. ಅವರು 'ಮಾನಗರಂ' ಸಿನಿಮಾ ಮೂಲಕ ತಮಿಳು ಚಿತ್ರರಂಗದಲ್ಲಿ ನಿರ್ದೇಶಕರಾಗಿ ಪರಿಚಯವಾದರು. ಸಿನಿಮಾ ಮೇಲಿನ ಮೋಹದಿಂದ ಬ್ಯಾಂಕ್ ಕೆಲಸವನ್ನು ತೊರೆದು ಬಂದ ಲೋಕೇಶ್‌ಗೆ 'ಮಾನಗರಂ' ಚಿತ್ರ ರೆಡ್ ಕಾರ್ಪೆಟ್ ಹಾಕಿ ಸ್ವಾಗತಿಸಿತು.

'ಖೈದಿ' ಸಿನಿಮಾ ತಮಿಳು ಸಿನಿರಂಗದಲ್ಲಿ ಒಂದು ಟ್ರೆಂಡ್ ಸೆಟ್ಟರ್ ಆಗಿ ನಿಂತಿದೆ. ಪ್ರಸ್ತುತ ಹಾಟ್ ಟಾಪಿಕ್ ಆಗಿರುವ ಎಲ್‌ಸಿಯು (ಲೋಕೇಶ್ ಸಿನಿಮಾಟಿಕ್ ಯುನಿವರ್ಸ್)ಗೆ ಅಡಿಪಾಯ ಹಾಕಿದ್ದು 'ಖೈದಿ' ಸಿನಿಮಾನೇ. ಆ ನಂತರ ದಳಪತಿ ವಿಜಯ್ ಜೊತೆ ಲೋಕೇಶ್ 'ಮಾಸ್ಟರ್' ಸಿನಿಮಾ ಮಾಡಿದರು.

5 ವರ್ಷ ಯಾವ ಸಿನಿಮಾದಲ್ಲೂ ನಟಿಸದ ಕಮಲ್‌ಗೆ 'ವಿಕ್ರಮ್' ಸಿನಿಮಾ ಒಂದು ಭರ್ಜರಿ ಕಮ್‌ಬ್ಯಾಕ್. ಆ ಸಿನಿಮಾವನ್ನು ಲೋಕೇಶ್ ಒಬ್ಬ ಅಭಿಮಾನಿಯಂತೆ ಮಾಡಿದ್ದಾರೆ. ಆ ಚಿತ್ರ ಬಾಕ್ಸಾಫೀಸ್‌ನಲ್ಲಿ 450 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ಆ ನಂತರ ನಟ ವಿಜಯ್ ಜೊತೆ ಮತ್ತೆ ಲೋಕೇಶ್ ಕನಕರಾಜ್ 'ಲಿಯೋ' ಎಂಬ ದೊಡ್ಡ ಚಿತ್ರವನ್ನು ನಿರ್ಮಿಸಿದರು.

ತುಂಬಾ ನಿರೀಕ್ಷೆಗಳ ನಡುವೆ ಬಿಡುಗಡೆಯಾದ 'ಲಿಯೋ' ಚಿತ್ರ ಮೊದಲ ದಿನವೇ 140 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ತಮಿಳು ಸಿನಿಮಾ ಇತಿಹಾಸದಲ್ಲಿ ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಚಿತ್ರ 'ಲಿಯೋ'. ಈ ಚಿತ್ರ ಒಟ್ಟಾರೆ ಬಾಕ್ಸಾಫೀಸ್‌ನಲ್ಲಿ 600 ಕೋಟಿ ರೂ.ಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. 

2 ಸಿನಿಮಾಗಳಿಂದ 1000 ಕೋಟಿ ಕಲೆಕ್ಷನ್ ಮಾಡಿದ ಲೋಕೇಶ್, ಈಗ ಒಂದೇ ಸಿನಿಮಾದಿಂದ 1000 ಕೋಟಿ ಕಲೆಕ್ಷನ್ ಮಾಡಲು ಸಿದ್ಧರಾಗಿದ್ದಾರೆ. ಸದ್ಯಕ್ಕೆ ರಜನಿಕಾಂತ್ ಜೊತೆ ಲೋಕೇಶ್ ಕನಕರಾಜ್ 'ಕೂಲಿ' ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರ ಈ ವರ್ಷ ಸಾವಿರ ಕೋಟಿ ಕಲೆಕ್ಷನ್ ಮಾಡುತ್ತದೆ ಎಂದು ಅಂದಾಜಿಸಲಾಗಿದೆ.