ಲೆದರ್ ಸ್ಕರ್ಟ್‌ನಲ್ಲಿ ಬಾಲಿವುಡ್ ನಟಿಯರ ವಿಂಟರ್ ಲುಕ್!
ಸೀಸನ್‌ಗೆ ತಕ್ಕ ಹಾಗೆ ಔಟ್‌ಫಿಟ್‌ಗಳು ಬದಲಾಗುತ್ತಿರುತ್ತವೆ. ಹಾಗೆ ಫ್ಯಾಷನ್ ಕೂಡ. ಚಳಿಗಾಲದ ಫ್ಯಾಷನ್ ಬಗ್ಗೆ ಯೋಚಿಸುತ್ತಿದರೆ ನಿಮ್ಮ ನೆಚ್ಚಿನ ಬಾಲಿವುಡ್ ದಿವಾಸ್ ವಿಂಟರ್‌ಲುಕ್‌ ನಿಮಗೆ ಖಂಡಿತ ಸ್ಪೂರ್ತಿ ನೀಡುತ್ತದೆ.
ಲೆದರ್ ಸ್ಕರ್ಟ್‌ಗಳು ವಿಂಟರ್ ಫ್ಯಾಷನ್ ಸ್ಟೇಟ್‌ಮೆಂಟ್‌ಗಳಲ್ಲೊಂದು. ಬಾಲಿವುಡ್ ನಟಿಯರು ಲೆದರ್ ಸ್ಕರ್ಟ್ ಲುಕ್ ಹೇಗೆ ಕ್ಯಾರಿ ಮಾಡಿದ್ದಾರೆ ನೋಡಿ.
ದೀಪಿಕಾ ಪಡುಕೋಣೆ:
ಬಾಲಿವುಡ್‌ನ ದಿವಾ ದೀಪಿಕಾ ಅನೇಕ ಬಾರಿ ಲೆದರ್ ಸ್ಕರ್ಟ್ ಧರಿಸಿರುವುದನ್ನು ಕಾಣಬಹುದು. ಒಮ್ಮೆ ಕಪ್ಪು ಬಾಡಿಕಾನ್ ಲೆದರ್ ಸ್ಕರ್ಟ್‌ಗೆ ವೈಟ್ ಟ್ಯಾಂಕ್ ಟಾಪ್ ಧರಿಸಿದ್ದರೆ, ಇನ್ನೊಮ್ಮೆ ಕಪ್ಪು ಹೈ ಕಾಲರ್ ಟಾಪ್ ಜೊತೆ ಕಾಣಿಸಿಕೊಂಡಿದ್ದರು. ಈ ಫೋಟೋದಲ್ಲಿ ಆಕಾಶ ನೀಲಿ ಬಣ್ಣದ ಸ್ಕರ್ಟ್ ಜೊತೆ ಕಪ್ಪು ಮತ್ತು ಬಿಳಿ ಗೆರೆಯ ಟಾಪ್ ಅನ್ನು ಪೇರ್‌ ಮಾಡಿ ಪೋನಿಟೇಲ್ ಹಾಗೂ ಮಿನಿಮಮ್‌ ಮೇಕಪ್‌ನಿಂದ ತನ್ನ ಲುಕ್ ಪೂರ್ಣಗೊಳಿಸಿದ್ದಾರೆ ದೀಪಿಕಾ.
ಪ್ರಿಯಾಂಕಾ ಚೋಪ್ರಾ:
ಪಿಗ್ಗಿಯಂತೆ ಕಾಣಬೇಕಾ ನೀವು ? ಇವರ ರೆಡ್‌ ಶರ್ಟ್‌ ಜೊತೆಯ ರೆಡ್‌ ಪೆನ್ಸಿಲ್ ಲೆದರ್ ಸ್ಕರ್ಟ್ ಚಳಿಗಾಲಕ್ಕೆ ಪರ್ಫೆಕ್ಟ್‌ ಫ್ಯಾಷನ್.
ಶ್ರದ್ಧಾ ಕಪೂರ್ :
ಶ್ರದ್ಧಾ ತನ್ನ ಲುಕ್ ಅನ್ನು ಯೂನಿಕ್‌ ಆಗಿ ಸಂಯೋಜನೆ ಮಾಡಿದ್ದಾರೆ. ಬರ್ಗಂಡಿ ಕಲರ್‌ ಬಾಡಿಕಾನ್ ಚರ್ಮದ ಸ್ಕರ್ಟ್ ಜೊತೆ ಒಪನ್‌ ಹೇರ್‌ ಹಾಗೂ ಬ್ಲ್ಯಾಕ್‌ ಬೂಟುಗಳು ಮತ್ತು ಸ್ಮೋಕಿ ಮೇಕಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ ಆಶಿಕಿ 2 ನಟಿ.
ಸೋನಂ ಕಪೂರ್:
ಬಾಲಿವುಡ್‌ನ ಫ್ಯಾಶನ್ ಫಿಯೆಸ್ಟಾ ಸೋನಮ್ ಕಪೂರ್ ಫ್ರಂಟ್ ಸ್ಲಿಟ್ ಮರೂನ್ ಲೆದರ್ ಸ್ಕರ್ಟ್ ಧರಿಸಿ, ಅದನ್ನು ಮರೂನ್ ಶರ್ಟ್‌ನೊಂದಿಗೆ ಮ್ಯಾಚ್‌ ಮಾಡಿದ್ದಾರೆ.
ಕತ್ರೀನಾ ಕೈಫ್:
ಭಾರತ್ ಸ್ಟಾರ್‌ ಕತ್ರಿನಾ ಕೈಫ್ ರೆಟ್ರೊ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಹಳದಿ ಓಚರ್ ಮಿನಿ ಲೆದರ್ ಸ್ಕರ್ಟ್ ಜೊತೆ ಕಪ್ಪು ಮತ್ತು ಬಿಳಿ ಪೋಲ್ಕಾ -ಡಾಟ್‌ ಬೆಲ್-ಸ್ಲೀವ್ಡ್ ಟಾಪ್ ಅನ್ನು ಧರಿಸಿದ್ದರು.
