ಶ್ರೀಮಂತ ನಟನ ಮದುವೆಯಾಗಿ ನಟನೆಗೆ ಗುಡ್‌ಬೈ ಹೇಳಿದ ಸ್ಟಾರ್‌ ಕಿಡ್‌, ಅತ್ಯುತ್ತಮ ಲೇಖಕಿಯಾದ ನಟಿ!

ಈ ಕಪ್ಪು ಬಿಳುಪು ಫೋಟೋದಲ್ಲಿರುವ ಈ ಪುಟ್ಟ ಮಗು 70 ರ ದಶಕದ ಸೂಪರ್‌ಸ್ಟಾರ್‌ನ ಮಗಳು. ಅವರು 1995 ರಲ್ಲಿ ಹಿರಿಯ ನಟ ಧರ್ಮೇಂದ್ರ ಅವರ ಮಗ ಬಾಬಿ ಡಿಯೋಲ್ ಅವರೊಂದಿಗೆ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿ ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ನೀಡಿದರೂ, ಈಕೆಯ ಬಣ್ಣದ ಬದುಕಿನ ಜೀವನವು ಅಲ್ಪಕಾಲಿಕವಾಗಿತ್ತು. 

ಮುಂಬೈನಲ್ಲಿ ಜನಿಸಿದ ಟ್ವಿಂಕಲ್ ಖನ್ನಾ ರಾಜೇಶ್ ಖನ್ನಾ ಮತ್ತು ಡಿಂಪಲ್ ಕಪಾಡಿಯಾ ದಂಪತಿಯ ಪುತ್ರಿ. ನಟಿ ಬಾರ್ಸಾತ್‌ನಲ್ಲಿ ಬಾಬಿ ಡಿಯೋಲ್ ಅವರೊಂದಿಗೆ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದರು. ನಂತರದ ವರ್ಷ, ಅವರು ರಾಜ್ ಕನ್ವರ್ ಅವರ ಸಾಹಸ ಚಿತ್ರ ಜಾನ್‌ನಲ್ಲಿ ಅಜಯ್ ದೇವಗನ್ ಅವರೊಂದಿಗೆ ನಟಿಸಿದರು, ಅದು ಗಲ್ಲಾಪೆಟ್ಟಿಗೆಯಲ್ಲಿ ಹಿಟ್ ಆಗಿತ್ತು. 

ರಾಣಾ ದಗ್ಗುಬಾಟಿ ನಟಿಸಿದ ತೆಲುಗು ಚಿತ್ರದಲ್ಲಿ ಕೂಡ ಈ ಸ್ಟಾರ್ ಕಿಡ್  ಕೆಲಸ ಮಾಡಿದರು. ಇವರು ಭಾರತದ ಅತಿ ಹೆಚ್ಚು ತೆರಿಗೆ ಕಟ್ಟುವ ನಟನನ್ನು ವರಿಸಿದ್ದಾರೆ. ಮದುವೆಯಾದ ನಂತರ ಮತ್ತು ಬರಹಗಾರರಾದ  ಅವರು ನಟನೆಯನ್ನು ತೊರೆದರು. ಅವರು ಬೇರೆ ಯಾರೂ ಅಲ್ಲ ಟ್ವಿಂಕಲ್ ಖನ್ನಾ. 

1997 ರಲ್ಲಿ, ನಟಿಯ ಎರಡು ಚಲನಚಿತ್ರಗಳು  ಉಫ್! ಯೇ ಮೊಹಬ್ಬತ್ ಮತ್ತು ಇತಿಹಾಸಾಸ್ ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ನೀಡಲು ವಿಫಲವಾಯಿತು ಮತ್ತು 1998 ರಲ್ಲಿ ಬಿಡುಗಡೆಯಾದ ಜಬ್ ಪ್ಯಾರ್ ಕಿಸೀಸೆ ಹೋತಾ ಹೈ, ಸಲ್ಮಾನ್ ಖಾನ್ ಅವರ ಪ್ರೇಮಕತೆಯಾಗಿ ಕಾಣಿಸಿಕೊಂಡಿತು, ಇದು ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ಸನ್ನು ಕಂಡಿತು.

ಟ್ವಿಂಕಲ್ 1999 ರಲ್ಲಿ ಅಕ್ಷಯ್ ಕುಮಾರ್ ಅವರೊಂದಿಗೆ ಇಂಟರ್ನ್ಯಾಷನಲ್ ಕಿಲಾಡಿ ಮತ್ತು ಜುಲ್ಮಿ ಎಂಬ ಎರಡು ಚಿತ್ರಗಳಲ್ಲಿ ನಟಿಸಿದರು ಈ ಎರಡೂ ಚಿತ್ರಗಳು  ಗಲ್ಲಾಪೆಟ್ಟಿಗೆಯಲ್ಲಿ ಪ್ರದರ್ಶನ ನೀಡಲು ವಿಫಲವಾದವು. ಬಾದ್‌ಶಾದಲ್ಲಿ ಶಾರುಖ್ ಖಾನ್, ಮೇಳದಲ್ಲಿ ಅಮೀರ್ ಖಾನ್, ಯೇ ಹೈ ಮುಂಬೈ ಮೇರಿ ಜಾನ್‌ನಲ್ಲಿ ಸೈಫ್ ಅಲಿ ಖಾನ್ ಮತ್ತು ಜೋರು ಕಾ ಗುಲಾಮ್‌ನಲ್ಲಿ ಗೋವಿಂದ ಜೊತೆಗೆ ಕೆಲಸ ಮಾಡಿದರು. ನಂತರ ಟ್ವಿಂಕಲ್  2001 ರಲ್ಲಿ ಅಕ್ಷಯ್ ಕುಮಾರ್ ಅವರನ್ನು ಮದುವೆಯಾಗಿ ನಂತರ ನಟನೆಯನ್ನು ತೊರೆದರು. 

ಟ್ವಿಂಕಲ್ ಖನ್ನಾ ಮತ್ತು ಅಕ್ಷಯ್ ಕುಮಾರ್ ಮೊದಲ ಬಾರಿಗೆ ಫಿಲ್ಮ್‌ಫೇರ್ ಫೋಟೋ ಸೆಷನ್‌ನಲ್ಲಿ ಭೇಟಿಯಾಗಿದ್ದರು.  1998-1999 ರಲ್ಲಿ ಇಂಟರ್ನ್ಯಾಷನಲ್ ಕಿಲಾಡಿ ಮತ್ತು ಜುಲ್ಮಿ ತಯಾರಿಕೆಯ ಸಮಯದಲ್ಲಿ ಪ್ರೀತಿಯಲ್ಲಿ ಬಿದ್ದರು.  ಜನವರಿ 17, 2001 ರಂದು ಮದುವೆಯಾದರು.  ಅವರಿಗೆ ಆರವ್ ಎಂಬ ಮಗ ಮತ್ತು ನಿತಾರಾ ಮಗಳಿದ್ದಾಳೆ. ಅಕ್ಷಯ್  29 ಕೋಟಿ ತೆರಿಗೆಯೊಂದಿಗೆ ಭಾರತದ ಅತಿ ಹೆಚ್ಚು ತೆರಿಗೆ ಪಾವತಿದಾರರಾಗಿದ್ದಾರೆ. 

ನಟನೆಯನ್ನು ತ್ಯಜಿಸಿದ ನಂತರ, ಟ್ವಿಂಕಲ್ ಖನ್ನಾ 2002 ರಲ್ಲಿ ತನ್ನ ದೀರ್ಘಕಾಲದ ಸ್ನೇಹಿತ ಗುರ್ಲೀನ್ ಮಂಚಂದ ಸಹಭಾಗಿತ್ವದಲ್ಲಿ ಮುಂಬೈನ ಕ್ರಾಫರ್ಡ್ ಮಾರ್ಕೆಟ್‌ನಲ್ಲಿ ದಿ ವೈಟ್ ವಿಂಡೋ ಎಂಬ ತನ್ನ ಸ್ವಂತ ಒಳಾಂಗಣ ವಿನ್ಯಾಸ ಮಳಿಗೆಯನ್ನು ತೆರೆದರು. ವೃತ್ತಿಪರ ಪದವಿಯನ್ನು ಹೊಂದಿಲ್ಲದಿದ್ದರೂ ವಾಸ್ತು ಶಿಲ್ಪಿಯೊಂದಿಗೆ ಕೆಲಸ ಮಾಡಿದರು. ಇದರ ಕಾರ್ಯವಿಧಾನವನ್ನು ತಿಳಿದುಕೊಳ್ಳಲು ಎರಡು ವರ್ಷಗಳು ಬೇಕಾದವಂತೆ.

ರಾಣಿ ಮುಖರ್ಜಿ, ರೀಮ್ಮಾ ಸೇನ್ ಅವರ ತಬು ಅವರ ಮನೆ ಮತ್ತು ಕರೀನಾ ಕಪೂರ್ ಅವರ ಬಾಂದ್ರಾ ಫ್ಲಾಟ್‌ಗೆ ಒಳಾಂಗಣವನ್ನು ವಿನ್ಯಾಸ ಟ್ವಿಂಕಲ್ ಖನ್ನಾ ಅವರದ್ದಾಗಿದೆ. . ಖನ್ನಾ ಅವರು ನೋಯ್ಡಾದಲ್ಲಿ ಸೂಪರ್‌ಟೆಕ್‌ನ ORB ಯೋಜನೆ ಮತ್ತು ಪುಣೆಯಲ್ಲಿ ಮತ್ತೊಂದು ವಸತಿ ಯೋಜನೆಯನ್ನು ಅನುಮೋದಿಸಿದ್ದಾರೆ ಮತ್ತು ವಿನ್ಯಾಸಗೊಳಿಸಿದ್ದಾರೆ.

ಇದು ಮಾತ್ರವಲ್ಲದೆ, ಅವರು ಗ್ರೇಸಿಂಗ್ ಗೋಟ್ ಪಿಕ್ಚರ್ಸ್‌ನ ಸಹ-ಸಂಸ್ಥಾಪಕಿಯಾಗಿದ್ದಾರೆ ಮತ್ತು ತೀಸ್ ಮಾರ್ ಖಾನ್ ಮತ್ತು ಪಟಿಯಾಲಾ ಹೌಸ್ ಚಿತ್ರಗಳನ್ನು ಸಹ-ನಿರ್ಮಾಪಿಸಿದ್ದಾರೆ. ನಂತರ 2016 ರಲ್ಲಿ, ಟ್ವಿಂಕಲ್ ತನ್ನ ಸ್ವಂತ ನಿರ್ಮಾಣ ಸಂಸ್ಥೆಯಾದ ಮಿಸೆಸ್ ಫನ್ನಿಬೋನ್ಸ್ ಮೂವೀಸ್ ಅನ್ನು ಪ್ರಾರಂಭಿಸಿದರು. ಅದು ಅಕ್ಷಯ್ ಕುಮಾರ್ ಮತ್ತು ರಾಧಿಕಾ ಆಪ್ಟೆ ಅಭಿನಯದ ಪ್ಯಾಡ್ ಮ್ಯಾನ್ ಅನ್ನು ನಿರ್ಮಿಸಿತು ಮತ್ತು ಚಿತ್ರವು 2018 ರ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. 

 2015 ರಲ್ಲಿ, ಅವರು ತಮ್ಮ ಮೊದಲ ಪುಸ್ತಕ 'ಮಿಸೆಸ್ ಫನ್ನಿಬೋನ್ಸ್' ಅನ್ನು ಬಿಡುಗಡೆ ಮಾಡಿದರು, ಇದು ಟ್ವಿಂಕಲ್ ಖನ್ನಾ ಅವರು 2015 ರಲ್ಲಿ ಭಾರತದ ಅತಿ ಹೆಚ್ಚು ಮಾರಾಟವಾದ ಮಹಿಳೆ ಬರೆದ ಪುಸ್ತಕ ಎನಿಸಿಕೊಂಡಿದೆ. ಅವರ ಇನ್ನೊಂದು ಕಾದಂಬರಿ ಪೈಜಾಮಾಸ್ ಆರ್ ಫಾರ್ಗಿವಿಂಗ್ (ಜಗರ್ನಾಟ್ ಬುಕ್ಸ್, 2018) ಕೂಡ  ಅತಿ ಹೆಚ್ಚು ಮಾರಾಟ ಗಳಿಸಿತು. -ನೀಲ್ಸನ್ ಬುಕ್‌ಸ್ಕ್ಯಾನ್ ಇಂಡಿಯಾ ಪ್ರಕಾರ 2018 ರಲ್ಲಿ ಭಾರತದಲ್ಲಿ ಅತೀ ಹೆಚ್ಚು ಮಾರಾಟವಾದ ಪುಸ್ತಕದ ಮಹಿಳಾ ಲೇಖಕಿ ಎನಿಸಿಕೊಂಡಿದ್ದಾರೆ.

ಟ್ವಿಂಕಲ್ ಖನ್ನಾ ಅವರ ತಂದೆ, ರಾಜೇಶ್ ಖನ್ನಾ ಅವರು ಸೂಪರ್ ಸ್ಟಾರ್ ಆಗಿದ್ದರು ಮತ್ತು ಅವರ ತಾಯಿ ಡಿಂಪಲ್ ಕಪಾಡಿಯಾ ಇತ್ತೀಚೆಗೆ ಸಾಸ್, ಬಹು ಔರ್ ಫ್ಲೆಮಿಂಗೊ ​​ಸರಣಿಯಲ್ಲಿ ತಮ್ಮ ಅಭಿನಯದ ಮೂಲಕ ಎಲ್ಲರನ್ನೂ ಮೆಚ್ಚಿಸಿದ್ದರು. ಚಲನಚಿತ್ರಗಳನ್ನು ತ್ಯಜಿಸುವಾಗ, ಅವರು ನಟನಾ ವೃತ್ತಿಯನ್ನು ಆನಂದಿಸಲಿಲ್ಲ ಮತ್ತು ಈಗ ಚಲನಚಿತ್ರ ನಿರ್ಮಾಪಕ ಮತ್ತು ಬರಹಗಾರರಾಗಿ ಸಾಕಷ್ಟು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.